Катна гаража кај НУБ Св.Климент Охридски

Originally posted by fichot Просто е неверојатно какви атрактивни локации се арчат за гаражи.

Не е тоа толку страшно, тоа едноставно дел од еволуцијата на еден град, кога економијата во однина за минимум некои 10-15 години рипне и се покаже голема потреба од деловен простор, многу едноставно или може да се пренамени или сруши и изгради деловен простор на истата локација, нормално се тоа приватни инвеститори би го правеле на кои им се исплати таков потфат. Во основа тогаш ако економијата стане и до толку доволно силна најверојатно ќе почнат да се создаваат многу повеќе исклучиво подземни гаражи,

Edited by mirakuliks - 28-May-2011 at 11:06

Ајде сега, до пред 2-3 години се пекаше нон-стоп по катни гаражи, а кога се градат не чинеле. Градов има огромна потреба од паркинг места, а таа потреба само ќе расте со изградбата на сите објекти во центарот. Колку и да се подобрува јавниот превоз во иднина, бројот на возила постојано ќе се зголемува, а исто битен е моментот и што паркирањето на тротоари полека оди во историја.

Originally posted by гитардемон Поентата на центарот не е да стане што е можно позакрчен во иднина, туку да се намали сообраќајот што е можно повеќе. Тоа не се постигнува со стимулирање на паркинг во строгиот центар, туку со паркинг одоколу, и постепено претворање на центарот во пешачка зона, со евентуални подземни (транзит) тунели. Тоа е барем оптимално решение.

Гитар како што спомнав погоре ова е само дел од еволуцијата на еден град која најмногу е во зависност со економијата. По неколку години ако економијата се подобри ќе се дојде до заклучокот дека треба да се дивергира сообраќајот од центарот. Многу интересен пример се некои кинески градови во кои колеги биле, и ги имаат посетувано на една-две години во последниве неколку години. Таму поради брзиот раѕвој на економијата не ни стигнуваат да имаат време да раѕмислуваат премногу за во иднина и прават по потреба како кај нас. И моментално се во ситуација да имаат толку многу возила што и покрај трипати проширени булевари пак доведуваат до закрчување на сообраќајот, и поради овој факт полека почнува да се размислува дека реално решение за да се постигне саканата брѕина на транспорт на жителите е да се истиснат приватните возила и да се преминае на многу густ но добро функционален јавен транспорт. Бидејќи со таквата сообраќајна неподвижност неможе ни да се има понатамошен економски развој.

Edited by mirakuliks - 28-May-2011 at 15:42

Заради фасада и намена на одредена зграда читаме мислења дека не треба да се изгради. Абе тоа се ситници во споредба со целите објекти. Како воопшто тој начин на размислување сеуште е широко присутен мене не ми е разјаснето. Ајде на страна тоа, ќе се сложам со Фресно за тоа што го кажа околу катните гаражи воопшто. Зградата е далеку посоодветна од тоа ѓубрето тамо, макар имала и најлоша фасада и најлоша намена, така да е ок. А особено што е приватен проект, заслужува поддршка, сигурно имале некоја рачуница пред да влезат во финансирање.

Што е проблем, ти си ги наоѓаш проблемите очигледно. Кое е тоа образложение, за намалувањето на сообраќајот, ти разбираш ли дека тука се двата основни судови, МТВ, Универзитетот, Народната библиотека, Секторот за лични документи на МВР, МКЦ и ред други да не ги редам, а немаше паркинг. Луѓе се паркираа кај ќе стигнат, сто посто тој што дошол од друг град да заврши работа нема у Карпош да се паркира. Епа дечко дај да ги срушиме сите работи па може така ќе се постигне намалувањето на сообраќајот и центарот ќе остане незакрчен. На лоша основа ти е поставен ставот и гледиштето. Паркинг места се и повеќе од потребни, независно дали ќе се решат сообраќајните проблеми.

Епа ете ти прават нели кај Судот, односно кај МТВ, а здравје ако го прават и Скендербег нели, ќе има подземна. И овој сега тоа се вкупно три и тоа со не така мал капацитет.

Луѓе пак ве тера памет да мислите на менталитет и слични кривци за неодговорна администрација. Скопје нема никогаш доживеано некаква политика на наасочување на возила од автомобили во автобуси. Тоа неможе да биде само нови автобуси и една неуспешна трета лента. Да нови треба и се основен услов да почне да се привлекува населението кон автобусите, но има други милијарда работи со редовите и линиите за кои сега не е тука место. Катната гаража е е лесоно пренаменлива, макар што незнам зашто за тоа почнавте да кажувате дали требало или не требало. Пред некој ден зборевме за проектирани паркинг места во рамки на дуповите, како одеднаш била вишок, од кај па знаете дека нема потреба, особено во ситуација што инвеститор е приватна компанија, која со присуството покажува дека е рентабилно да се има катна гаража тука. Дајте бре малку, понекогаш ставрно имам проблем да сватам што сакаат некои луѓе, овде не зграда, не гаража, не таква, не овака, не биле во мода катни подземни гаражи биле. Епа сега........ Ако прашам што, ќе добијам некаков одговор филозофски или некоја слика од некој футуризам допрва излезен од студијата на стартрек, зашто така се правело незнам каде. До кога ваќа ќе ги деградираме сите дискусии.

Фактот што Скопје добива уште една зграда урбанистички која ги следи линиите која утре може да биде приватна, државна, катна гаража, трговски, болница, канцеларии што сака може да биде, неможе да биде реаливизиран со нејзиниот првичен статус, односно што сега прво ќе биде катна гаража. Тоа е градежен капитал што останува, утре можеме да му смениме фасада или намена.


Edited by lslcrew - 29-May-2011 at 12:50

Самио да прашам, нели од владата градат катна гаража меѓу МТВ и Кривичен суд. Не би била оваа катна со таа во конкуренција, пред се за тие што идат на Универзитетот?

Паркингот на универзитетот е доволен, ама гужвата од МТВ, Библиотека, судовите(сега и нов се гради), па би рекол и од Мавровка, Чаршија, театарот, тоа е реон со голем проблем за паркирање

Поминав денес близу катнава гаража. Луѓе мои, немате поим каква жар црвена боја имаат лупнато преку целиот објект. Не ми се веруваше.