Објекти од културата (општо)

ПОД РЕСТАВРИРАНАТА ЈЕНИ ЏАМИЈА СЕ ПОЈАВИ И „СВЕТИ ЃОРЃИ“ ВО БИТОЛА

Во иднина целта е објектот да биде на лик на Света Софија од Истанбул, односно да ги обединува христијанското и исламското културно наследство.



За рeставрацијаа беше користен оловен лим од Турција и варов малтер од Италија. По три години реставрација вратен е стариот лик на Јени џамијата како пред пет века (Фото: СДК.МК)

По три години, заврши реставрацијата и конзервацијата на фасадата од Јени џамија, еден од најрепрезентативните историски споменици од отоманската архитектура во Битола, останат од 16 век. Координаторот на проектот Зоран Алтипармаков, инженер архитект и виш конзерватор во Завод и музеј Битола, вели дека со ова е вратен стариот лик на џамијата како пред пет века. При зафатот бил користен оловен лим за куполите од Турција и варов малтер од Италија.



Истражувањата во изминатите години покажаа дека Јени џамија крие темели на три цркви кои датираат од 7, 11 и 13 век, а се смета дека едната од нив е некогаш најголемата црква во центарот на Битола, „Св. Ѓорѓи“ (Фото: СДК.МК)

„Првпат во Македонија се работеше со варов малтер на толку голем објект. Таа техника е заборавена и не се применува на надворешна фасада зашто постои страв дека ќе се уништи. Малтерот беше набавен од италијанска фирма која се занимава со реставрација. Тежината е во тоа што преку каменот мачкаш малтер, а тој е со нерамна форма“, вели Алтипармаков.

По конзервацијата и реставрацијата на фасадата кај Јени џамија, планирано е да се стави и монтажна настрешница над ископаните темели од црква веднаш до ѕидот на џамијата. Истражувањата во изминатите години покажаа дека Јени џамија крие темели на три цркви кои датираат од 7, 11 и 13 век, а се смета дека едната од нив е некогаш најголемата црква во центарот на Битола, „Св. Ѓорѓи“. При ископувањата беа пронајдени два печата, еден сребрен со ликот на Свети Ѓорѓи и друг со ликот на Богородица во молитва. За највреден пронајдок се смета пекторалниот медалјон врз кого се изгравирани позлатени фигури на светци.

Се претпоставува дека црквата „Св. Ѓорѓи“ била епископија во времето на 11 век, во периодот кога тука живеел Гаврило Радомир , синот на Цар Самоил. Старите битолчани џамијата ја нарекуваат и Нал-џамиси или Потковица џамија, а според преданијата токму црквата „Свети Ѓорѓи“ во центарот на Битола била украсена со исцртана потковицата.



Внатре во Јени џамија веќе е ставен стаклен под, под кого се гледаат темелите (Фото: СДК.МК)

Ископувања врз темелите вршени се и во внатрешниот дел од џамијата, за чија реставрација потребни се дополнителни средства. Но, внатре веќе е ставен стаклен под, под кого се гледаат темелите. Во иднина целта е објектот да биде на лик на Света Софија од Истанбул, односно да ги обединува христијанското и исламското културно наследство.

Откако започнаа ископувањата и реставрациите, џамијата која половина век беше уметничка галерија е затворена. Исламската верска заедница бараше да им биде вратена во владение преку процесот на денационализација, но го загуби судскиот спор.

Реставрацијата на фасадата чинеше над 15 милиони денари, средства обезбедени од државниот буџет. Ова е трета реставрирана џамија во Битола во последните две години. Останатите две џамии Исак и Хајдар Кади беа реставрирани со пари од Турција и експерти од таму. Во реставрацијата беа користени различни техники, па затоа и фасадите на џамиите кои датираат од ист период, изгледаат различно, секоја убава на свој начин. Кај Исак џамија се гледаат и камените коцки на ѕидот, а кај Јени џамија тие се покриени со варов малтер.

https://sdk.mk/index.php/dopisna-mrezha/pod-restavriranata-jeni-dhamija-se-pojavi-sveti-gorgi-vo-bitola/

Edited by Џоле - 21-Jan-2018 at 16:45

Дом на култура, нас. Автокоманда

Го посетив студиото за филмска музика ФАМЕС каде во истиот објект ќе биде сместен и новиот дом на култура во Автокоманда. Градежните работи одат одлично. Се работи на партерното уредување околу објектот како и изведба на пристапните улици. Се надевам дека во брзо време ќе започнеме со внатрешно уредување како и опремување на домот на културата во Автокоманда, кој во себе ќе содржи библиотека и повеќенаменска сала.

Борис Георгиевски, градоначалник на општина Автокоманда

Општина Автокоманда? Супер е објектов.

16 мај 2018 г.

Krushevo by boondocks refugee, on Flickr

Отворање на спомен-соба на првиот претседател Киро Глигоров во Штип

(се извинувам, но нема фотографии без политичари)

Отворање на спомен-соба на првиот претседател Киро Глигоров во Штип by Влада на Република Македонија, on Flickr

Отворање на спомен-соба на првиот претседател Киро Глигоров во Штип by Влада на Република Македонија, on Flickr

Отворање на спомен-соба на првиот претседател Киро Глигоров во Штип by Влада на Република Македонија, on Flickr

Отворање на спомен-соба на првиот претседател Киро Глигоров во Штип by Влада на Република Македонија, on Flickr

Обновата на Македониумот во Крушево е завршена, барем надворешниот дел, внатре има уште работа.

Победничко решение на конкурсот за нова Театарска зграда во Прилеп



По неодамнашната објава за распишан архитектонски конкурс за изработка на идејно архитектонско решение за театар на дел од домот на култура „Марко Цепенков“ во Прилеп, за потребите на народен театар „Војдан Чернодрински“ во Прилеп, ви го презентираме победничкото решение на СПИМ Студио (Синиша Павловски и Илија Мирчески)

Во наредните денови ќе следи целосна објава на проектот на нивната официјална веб страна www.spimstudio.com како и на нивниот Инстаграм профил.

Зададената локација е во склоп на Домот за култура „Марко Цепенков“ која што ги зафаќа деловите каде постојат група на објекти кои се меѓусебно поврзани. Во тие објекти се сместени помошните простории на големата сала (ресторан) кој се наоѓаат на првиот кат, повеќенаменската галерија, просторот во кој што сега е сместено „Арт кафе – Апореа“, Киното „Мис Стоун„и просториите од кујната на некогашниот ресторан сместени на приземје, и во подрумските простории некогашното градско диско.

http://marh.mk/konkurs-teatar-prilep-spimstudio/?fbclid=IwAR042Z1imip9-rzaNZaNay8B9POEbKC9wsEUXKNzQx5XS35GBuP0RJDOEpE

Почна изградбата на првиот Музеј на ретки минерали



Во Пробиштип почна изградбата на првиот Музеј на ретки минерали, кој се очекува да стане нова атрактивна научно-туристичка содржина во Источниот плански регион, што ќе го привлече вниманието на посетители од земјава и од странство. Почетокот на работите на научниот музеј го означија министерот за локална самоуправа Горан Милевски и градоначалникот на општина Пробиштип, Драган Анастасов.

– Изградбата на Музеј на ретки минерали е најдобар начин природното богатство и традицијата да се стават во функција на развојот на регионот. Приоритет на Владата е развојот. Овој проект ќе започне да се гради по цели 6 години. Градиме со план, за да го интензивираме развојот и на општина Пробиштип и на Источниот плански регион, во кој годинава само со средства од буџетот на Министерството за локална самоуправа се финансираат 14 проекти за развој на регионот, на селата и на специфичните подрачја, во вкупна вредност од 49 милиони денари – рече министерот Милевски.

Министерот истакна дека овој проект е одличен пример како една добра идеја може да биде реализирана преку соработка меѓу централната и локалната власт, со заедничко финансирање и со административната поддршка од Центарот за развој на Источниот плански регион.

Вкупната вредност на проектот е 9,2 милиони денари. Над 60 отсто или 5,6 милиони денари се обезбедени од Министерството за локална самоуправа преку Програмата за рамномерен регионален развој, а другите средства во износ од 3,6 милиони денари ги обезбеди Општина Пробиштип.

https://www.vecer.press/%d0%bf%d0%be%d1%87%d0%bd%d0%b0-%d0%b8%d0%b7%d0%b3%d1%80%d0%b0%d0%b4%d0%b1%d0%b0%d1%82%d0%b0-%d0%bd%d0%b0-%d0%bf%d1%80%d0%b2%d0%b8%d0%be%d1%82-%d0%bc%d1%83%d0%b7%d0%b5%d1%98-%d0%bd%d0%b0-%d1%80%d0%b5/

Како и многу други симболи на Скопје, и саат кулава се изгуби меѓу дивоградбите што никнаа околу неа.

Заврши изградбата на етнокуќа и регионален етнопарк во Зрновци

Локалната самоуправа на Зрновци ја заврши втората фаза од проектот за изградба на етнокуќа и регионален етнопарк, за што се инвестирани околу 3,5 милиони денари. Најголем дел од средствата ги обезбедија Министерството за локална самоуправа и Бирото за регионален развој, во соработка со Центарот за развој на Источниот плански регион, а финансиски учествуваше и Општина Зрновци со околу 10 отсто. Енокуќата има автентичен селски изглед и во неа ќе бидат изложени домашни алати, облека и стари предмети што се карактеристични за регионот. Во дворот веќе се поставени етноекспонати, односно воловска кола и чеза, изградени се амбар, селска фурна и ѕидан казан за ракија, а ќе бидат изложени и дрвени буриња за вино и ракија и слични предмети. - Заради комплетирање на експонатите ги повикуваме сите граѓани кои имаат стари предмети што ги користеле нивните предци при секојдневното живеење, а што веќе не им се потребни, да ги донираат. Тоа можат да бидат разни предмети од текстил, дрво, метал, глина, стари фотографии и слично, при што ќе биде назначено од која фамилија потекнуваат. Старите фотографии ќе бидат преработени, ќе се изработи копија, а оригиналите ќе им бидат вратени на сопствениците, истакна градоначалникот на Зрновци, Блаже Станков. Главна цел на проектот е да се заштити културното и етнолошкото богатство по течението на Зрновска Река, при што во првата фаза пред три години се изградија пешачки патеки и летна сцена, се обезбеди довод на електрична енергија и вода, беше опремено детско игралиште и се комплетираше хортикултурното уредување. Според најавите од локалната самоуправа, ќе се реализира и трета фаза од проектот со која ќе се изгради пристапна улица и паркинг.

https://kajgana.com/zavrshi-izgradbata-na-etnokukja-i-regionalen-etnopark-vo-zrnovci

фотките се преземени од фб профилот на градоначалникот на Општина Зрновци, Блаже Станков: