Објекти од културата (општо)

Ova novo e ili nekoj star mlin renoviran?

Тетовското кале запуштено и обраснато, претворено во змијарник



https://alsat-m.tv/mk/тетовското-кале-запуштено-и-обраснат/

Музеј за ретки минерали-Пробиштип







https://www.facebook.com/Queenlider

Edited by stef4o - 19-Oct-2020 at 12:35

панеливе треба вака да изгледаат или треба да ги зачистат малце?

ОФИЦЕРСКИОТ ДОМ ВО БИТОЛА ПОЛЕКА ГО ВРАЌА СТАРИОТ СЈАЈ ОТКАКО ДОБИ НОВА ФАСАДА, ДОГРАМА И ВИТРАЖ



Битолскиот Версај го враќа сјајот и станува повторно архитектонски украс на Широк Сокак. Реставрацијата на Офицерскиот дом во Битола е при крај. Обновена е фасадата која со години се уништуваше, беше оставена на забот на времето, исчкртана со недолични пораки и оштетена од влага. На објектот му се врати оригиналната боја што ја имаше откако беше изграден, иако во долгиот период на опстојување, од почетокот на 20. век, фасадата во повеќе наврати го менувала својот колорит. Од Завод и музеј велат дека најстариот или оригинален слој на фасадата на Офицерски дом беше одреден врз основа на конзерваторски истражувања и соодветни хемиски анализи од страна на стручни лица.

Архитектонскиот бисер на Битола го враќа сјајот и во внатрешноста. Од Општината соопштија дека се работи на сите катови. Комплетно е заменета старата дограма, во завршна фаза се поставувањето на инсталациските системи и репарација на ѕидовите. На катот се монтирани внатрешните прозорци, витраж стаклата како составен дел на фасадната столарија. Електриката и осветлувањето на приземјето и катот се речиси завршени, а во тек се активности за поставување на централниот лустер на соодветен механизам. Тоа ќе биде нов лустер, специјално нарачан од Турција и ќе ја краси и осветлува свечената концертна сала. Стариот лустер беше уништен пред четири години, кога, оставен без никаква грижа во руинираниот дом, се сруши на подот. Остатоците се наоѓаат во Завод и музеј, каде ќе се репарира и ќе се постави во музејска поставка. Дури и половниот паркет од Офицерскиот дом е поставен во новиот изложбен салон во Завод и музеј Битола, чие опремување привршува. Во Офицерски се работи и на поставување нов интарзивен паркет, мермер на приземје и епоксиден под. Санитариите се комплетно опремени.

Реставрацијата на Офицерскиот дом се изведува во рамките на проектот „Зголемена туристичка понуда на Пелагонискиот регион преку реставрирање и адаптирање со партерно уредување“, за кој Општина Битола доби средства од европските ИПА фондови. Вкупната вредност е 58.792.610 денари, од кои Општината обезбеди над 5,8 милиони. Дополнително, од локалната самоуправа се вложени два милиона денари во атмосферска и фекална канализација, која ќе биде приклучена кон главната улична одводна каналска мрежа.

Домот е изграден во времето на управникот на битолскиот вилает Абдул Керим паша, подоцна беше во сопственост на армијата, па на различни министерства. Владата на ВМРО-ДПМНЕ пред четири години објави оглас за негова продажба по почетна цена од 900.000 евра, но битолчани излегоа на протест, па објектот беше пренесен во надлежност на Општина Битола.

По ова, градоначалникот Владимир Талески вети дека од Офицерскиот дом ќе направи куќа на културата, но не беше ништо преземено. Неговата наследничка Наташа Петровска пред три години вети дека ќе го реставрира Офицерскиот дом и наскоро се очекува датумот кога комплетно ќе завршат реставраторските активности.

https://sdk.mk/index.php/dopisna-mrezha/ofitserskiot-dom-vo-bitola-poleka-go-vraka-stariot-sjaj-otkako-dobi-nova-fasada-dograma-i-vitrazh/

Стреа од ребраст поцинкуван лим, бела обична ПВЦ дограма што поефтина да не ја ставиш ни на работилница, најгрда можна стреа од лексан опшиен во метален профил. Вентилација, климатизација и издув видливи од кај главен влез. Олукот ќе тече на земја позади саксијата исто така пред главен влез. Околу поплочено со бекатон, како најефтин можен начин, никако ни да се помисли на малку подобра некоја плочка. Мислам дека несвесно воведуваме нов правец во архитектурата "новокомпонован соц-реализам".

Да резимирам, објектот задоволува проста функционалност, да обезбеди сув и топол простор во кој ќе може да се одвива настан од секаков тип. Е сега Кисела Вода да беше некоја рурална општина немаше воопшто простор со тоа, ама на два км од центар на град, па може малку и да се позанимаат со естетеика, со избор на материјали, да направат нешто малку порепрезентативно. Објектот едно време сакаа и општина да го прават, и некако цело време им се провлекува низ сите амбиции и сите планови на сите администрации и градоначалници последниве години, и на крај "тресла се гора, родио се миш" излезе објект што личи на донирано школо во зафрлено село.

Белата ПВЦ дограма мириса на евтин турски производ. Најжалосно од сè, ни во Турција не се употребува. До толку да се немало визија...

Originally posted by гитардемон Белата ПВЦ дограма мириса на евтин турски производ. Најжалосно од сè, ни во Турција не се употребува. До толку да се немало визија...

Дури ни на влезните врати (вклучително и таа на главниот влез) не употребиле цело стакло од горе до доле, него долниот дел е од пластифицирана иверица наместо стакло. Таа истата што употребната вредност и е да се користи како прегради за тоалети на бензинска.

Edited by user8642 - 06-Nov-2020 at 17:01

Домот на култура во Кисела Вода четири години по реконструкцијата, уште не е пуштен во употреба

Старото Кино во Кисела Вода, изградено во 1959 година, пред четири години беше комплетно реконструирано, но „светлината на денот“ се уште не ја доживеа.

За реконструкцијата на објектот досега од државниот буџет се потрошени повеќе од 20 милиони денари на градежната фирма Карпош која е изведувач на градежните работи.

Зошто овој објект кој се уште не е ставен во функција на граѓаните прашавме во Општина Кислеа Вода, од каде што добиме краток одговор дека во прашање е судска постапка со изведувачот поради која што објектот формално е во сопственост на фирмата Карпош.

-Реновираниот Дом на културата, лоциран во урбаната заедница „Кисела Вода“, во 2016 година официјално беше пуштен во употреба, но оттогаш поради судска постапка со изведувачот, истиот не проработи. Судската пресуда е во корист на Општина Кисела Вода. Следната година објектот ќе биде ставен во употреба, ни одговорија од Општината.

Домот на културата е на површина од околу 900 м2, на приземјето се сместени мултимедијална сала со 169 седишта, музичко-уметнички клуб, библиотека, канцеларија на урбаната заедница, гардероби, билетарница, пацио. Просторот има и дополнителни содржини како кафетерија, додека во подрумскиот дел е сместен делот за релаксација. Во дел од контролната кула е сместена контролна техничка просторија. Сцената е во должина од 10 метри, на ширина 8 метри и длабочина од 8 метри.

https://www.slobodenpecat.mk/domot-na-kultura-vo-kisela-voda-chetiri-godini-po-rekonstrukczijata-ushte-ne-e-pushten-vo-upotreba/

Не се гледаат фотографиите, па ќе ги објавам тука:

ПРЕД



ПОТОА



Па, добро бе, мајку му стара, има ли некој во државава со грам осет за естетика, за убавина, за нешто добро? На што личи реновираното кочанско МКЦ? Дури ни град како Кочани не заслужува некаква најевтина импровизација за мачкање очи.

Истово се случува во провинциските градови на Русија, каде на стари згради со некаква архитектонска вредност им лепат т.н. вент-фасада и рефлектирачко стакло и ги претвораат во турбо-фолк архитектура.

Еве неколку примери со ПРЕД и ПОТОА:

















итн.итн.

Edited by Џоле - 11-Dec-2020 at 18:04