Вести

по урбанистички план, таму требаше да има некаков трговски центар

Originally posted by my Macedonia Знае некој нешто?

Само да ве известам дека најверојатно зградава нема да добие „неокласична“ фасада, гледам дека се обновува само постојната.

Ова се гради моментално? Ќе се гради оваа година или ова се само некои идеи за во иднина? Ова ми изгледа премногу за еден град како Братислава.

Се надевам дека и кај нас ќе има нешто слично (во помал обем) набрзо. Што ли
ќе беше 700 милиони евра да потрошевме на вакви работи наместо Скопје 2014.

Originally posted by Kid_A Овие проекти многу повеќе ми личат за градови со + 5 милиони жители. На кого ли ќе ги продаваат сите овие новоизградени објекти? Инаку, преубаво изгледа. Кај нас слични проекти не би се вклопиле во околината со оглед на тоа што за време на Југославија се градеше воглавном грда архитектура адаптирана според вкусот на мнозинството граѓани. Плус, Братислава не пати од феноменот дивоградби и гета.

Баш напротив, архитектонски има доста сличности помеѓу Братислава и Скопје.

ГРАД СКОПЈЕ ЌЕ ПРАВИ ЗИПЛАЈН ОД КАЛЕ ДО ПАРК

Град Скопје ќе гради зиплајн, жичница која ќе се спушта од Музејот на современа уметност на Кале преку реката Вардар до Градскиот парк кај стадионот. Адреналинската жичница, според проектот ќе биде во должина од 400 метри, ќе биде опремена со соодветна безбедносна опрема и систем за кочење со кој ќе се регулира брзината на движењето. Тендерот за изградба на жичницата ќе биде распишан пролетва а со неа ќе стопанисува ЈСП „Скопје“ или приватен концесионер. „За изградбата на оваа нова туристичка и рекреативна содржина предвидено е да се потрошат меѓу 2 и 3 милиони денари. При тоа процесот на градење не предвидува градење на објекти кои непотребно би зафаќале дополнителен простор на почетната и крајната точка од жицата“, велат од Град Скопје. Од Град Скопје велат дека ја разгледуваат можност за изградба на уште една жичница која е предвидено да биде сместена кај кањонот Матка, но заради административните пречки кои предвидуваат вклучување на повеќе институции, за реализацијата на овој проект ќе биде потребен подолг временски период. „Зиплајнот во Скопје ќе ја зголеми туристичката и рекреативна понуда на градот и несомнено ќе го стави Скопје во редот на модерните европски градови кои посветено работат на унапредувањето на туризмот преку изградба на атрактивни објекти со потенцијал да привлечат нови туристи од земјата и регионот“, додаваат од Градот. А. АНТЕВСКА

https://sdk.mk/index.php/dopisna-mrezha/grad-skopje-ke-pravi-ziplajn-od-kale-park/

Каде е ова?

Се демонтираат каруселите, еден ќе се носи во Ново Лисиче, другиот во Чаир



Екипи од јавните претпријатија на Град Скопје ги демонтираат денеска вртелешките од Плоштад Македонија, кои ги постави поранешниот градоначалник Коце Трајановски. Каруселот и трите реквизите од плоштад треба да бидат дислоцирани со одлука на новиот градоначалник Петре Шилегов.



Оваа одлука беше донесена првенствено по барање на велосипедистите со цел да им се остави поголем простор за движење. Според Град Скопје овие рекреативни елементи го блокираат движењето на пешаците и велосипедистите по кејот.

Освен тоа ќе биде демонтиран и каруселот кој се наоѓа на кејот од другата страна на Вардар. Како и првиот, така и овој ќе биде дислоциран заедно со двата реквизити.

Едниот карусел ќе се носи во Општина Аеродром, во паркот кај авионот во Ново Лисиче, додека другиот ќе биде преселен во Општина Чаир.

https://fokus.mk/se-demontiraat-karuselite-eden-ke-se-nosi-vo-novo-lisiche-drugiot-vo-chair/

Кај ќе ги сместат, навистина не знам...
_________________________

Три 60-катници ќе „никнат“ во центарот на Скопје

Планираме да го зголемиме фондот на изградба на станови на Акционерското друштво за стопанисување со станбен и деловен простор (АДССДП), селектираме локации за комерцијални објекти на кои ќе се работи со вклучување на приватниот сектор како партнер, вели во интервју за МИА Кристијан Трајковски, директор на АДССДП.

Со јавно приватно партнерство и во соработка со општините, истакнува, планираме да направиме хипер продукција. Еден од планираните проекти е за делот кој е урбанизиран на потегот кон касарната Илинден, кој, појаснува, со одлука на Влада би го презеле во рамки на нашата годишна програма за изградба. Таму би имало деловен комплекс со станбени единици. Исто така и кај паркингот кај Холидеј ин со ДУП-от се предвидени три 60-катници за кои сметам дека се идеална локација за современ бизнис центар, што му е потребен на Скопје, наведува Трајковски.

Покрај отстранување на проблемите за изградба на зградата на ул. Букурешка во општина Карпош, за која има одобрение за изградба, АД се подготвува и за изградба на уште три локации, две во општина Аеродром, и една на Јужен булевар во Општина Центар, на потегот кон Кисела Вода.

- Од двете локации во Аеродором, за едната веќе имаме одобрение, а за другата сме во постапка на добивање на одобрнието за градење. За третата планирана локација на Јужен булевар во Општина Центар на потегот кон Кисела Вода сме во фаза на препроектирање и кoга ќе биде готов проектот ќе се пристапи кон добивање одобрение за градење. Во Аеродром се две помали згради, а таа на Јужен булевар е значително поголема од над 10.000 метри квадратни. Работимe на повеќе локации во Општина Центар особено во делот на урбанистичкото планирање, но поради мораториумот што е во сила во општина Центар се уште немаме некоја јасна претстава како ќе се одвива целиот процес, вели Трајковски.

Тој во интервјуто зборува и за наследените долгови и кредити во износ од 20 милиони евра, кои биле со високи каматни стапки, а кои успеале да ги намалат.

Директорот на АДСДП најавува дека следниот месец ќе биде завршена и пуштена во употреба новата административна зграда на АДСДП, како и социјалните згради во Струмица и Гостивар.

https://nezavisen.mk/mk/vesti/2018/08/76279/

Edited by Џоле - 03-Aug-2018 at 10:12

Демант од градоначалникот на Општина Центар
-----------------------------------

Нема да има облакодери кај „Холидеј ин“, ама колкави згради ќе има?

Нема шанси да се градат три 60-катници на паркингот кај „Холидеј ин“, како што вели директорот на АД за стопанисување и изградба на станбен и деловен простор (АДСДП) Кристијан Трајковски, вели за Сакамдакажам.мк, градоначалникот на Општина Центар Саша Богдановиќ.

Директорот Трајковски денеска во интервју за МИА рече дека со јавно-приватно партнерство планираат изградба на повеќе станбени и деловни објекти, меѓу кои и висококатниците.

Според Богдановиќ, посочениот Детален урбанистички план во моментов како и останатите планови во Центар е под мораториум, и дека се вршат измени со кои ќе биде намалена катноста на објектите.

Богдановиќ уверува дека нема да се даде дозвола на Акционерското друштво за објекти со толкава висина.

https://plusinfo.mk/%D0%BD%D0%B5%D0%BC%D0%B0-%D0%B4%D0%B0-%D0%B8%D0%BC%D0%B0-%D0%BE%D0%B1%D0%BB%D0%B0%D0%BA%D0%BE%D0%B4%D0%B5%D1%80%D0%B8-%D0%BA%D0%B0%D1%98-%D1%85%D0%BE%D0%BB%D0%B8%D0%B4%D0%B5%D1%98-%D0%B8/