Цени на станови

како тргнала работа Аирлија само нек се гради битно се работи, што како нели внуци нек му ја мислат!, хм, може Мигранти ќе бидат субвенционирани од еУ за напливо на празни скопски комиблокои!?, та ето наместо да зјаат празни ќе се пополнат со лесно!

https://sitel.com.mk/cenite-na-nedvizhninite-urivaat-rekordi-kolku-se-realni    



не дека конспи думање ќе ја опраи реалноста, но вистина колку сме безидејно повлечени во виорот на стихијно градење комиблокои чиниш ко и без да сакаме повлекуваме нога кон идна глобалистичка метропола!, бар тоа би било ефекто од manufactured controlled chaos во форма на некст грејт глобал економик депрешн стркалана како на мала врата би се доспеало до федерализација на еУ во сЕд а ден потоа мерџер меѓу сЕд сАд и Канада во еден западен суперстејт т.е. возобновување на империјалнио вајб на римското царство!, бар таква им ет и симболиката на евроатланските детерминисти [1][1] а која инерција како глобален економски дебакл посекако ќе повлече мигрантски бранои (ако гледаме нанив ко милионски дроплети) што и претходно во однос еУ беше стркалано како моментум [2] што и во сАд бидна хајп кој сега со Џо&ко доби масовен буст [3][3] а што ќе бидне речиси ко случаен историски циклус [4] но кој овој пат недвојбено делува како инициран от едикои евроатлантски глобалистички елити како на фора се тера преку опен бордерс трендои!, реално трендои кои прават екстра притисок како на микроекономски план во однос паѓањето на стандардот на локалното население (а бидејќи мигрантската ефтина работна рака ги руши по дифолт локалните платежни трендои) з'ш дефакто не станува збор за притисок од Балкан Без Граници туку еУ велкоминг економик мигрантс фром Азија енд Африка кои пак сакале ние или не и тука пополека ќе останваат, а особено доколку колабира светската економија заради икс причини!, се прашувам што ќе им прават наште скотски инвеститори во недвижности а насело фарма немаат!?, сигурно ќе си рендаат малтеро од станоите!?, та бар малу од малу да мислеше некој на рурал бекап а наместо 3 да инвестираше во 2 стана и една викендичка на Село [5] но последно што разбрав, бар за битолско, на ангро се пљачкаат селата та по дифолт имање Куќа на Село не е фикс за добра диверзификации на недвижности во овие времиња, просто ќе мора или таму да живеете илити некого на чување да клајте!, хм идеално би било да постоеше некој тренд на Општински Рурален Туризам т.е. општините да менаџираат со рентање селски кревет на намерни гости, а таквите објкети да се стандардизирани со рфид картичка и активен надзорен систем итн. итн. со што полесно би се излегло на крај со бандитос што хараат по селско железо и бела техника!




Edited by +Protagorist - 18-Feb-2024 at 00:05

за вакви цени освен субвенции за Дом треба и за Уредувач!

Растат цените на становите и во внатрешноста - метар квадратен во Штип и за 1200 евра

Од 850 до 1200 евра за метар квадратен, во зависност од локацијата и големината, се движат цените на становите во Штип. Интересот е поголем за помалите станови, па затоа се и поскапи. За две години се продадени над 650 станови. Ги купуваат претежно иселеници, луѓе од другите градови, но и странци. И додека од една страна побарувачката расте, повозрасните штипјани велат дека цените не се реални, па тешко младите кои работат овде можат да одвојат од своите примања за да вложат во недвижмости.

- Тешко и претешко, посебно за оние работници со 20 -22 000 денари примања. А, купуваат оние богаташите.

- Колкумина млади се направиле нешто, никој. Од нас што оставиме или препишеме. Две деца имам, се сум и јас дал- анкета штипјани

Од купопродажбата на становите по основ на даноци општината бележи зголемување на приходите за 30%, а се зголемува и ставката во буџетот за данок на имот. Лани се купени над 250 станови, а рекорден број продадени станови има во 2022-ра, вкупно 400, чија вредност се проценува од 20 до 30 милиони евра.

- Во 2022-ра има повеќе купено нови станови, отколку стари. Една четвртина се стари, а остатоток се претежно нови станови-изјави Драган Каров, сектор за администрирање на приходи-ЛС-Штип

Од Агенциите за недвижности велат дека интресот за купување на станови постојано расте, а има и листи на чекање. Ова се должи на трендот на вложување во недвижности, како и секаде низ регионот, а и поради фактот што Штип изминатите години прерасна во универзитетски и економски центар на истокот.

https://sitel.com.mk/rastat-cenite-na-stanovite-i-vo-vnatreshnosta-metar-kvadraten-vo-shtip-i-za-1200-evra

Цената на становите и натаму расте, за една година квадратот пораснал за 11,5 проценти

Станови од сто квадрати во центарот на Скопје по цена од над 200.000 евра, 40 квадрати стан во Аеродром над 80.000 евра, 43 метри квадратни стан во Карпош 399.000 евра – огласите за недвижности на кои метар квадратен за стан во метрополата чини над 2000 евра станаа веќе пракса, а воедно и невозможна мисија за повеќето граѓани да ги купат.

Според анализата што Народната банка ја направила врз основа на огласите, цените на становите во главниот град во периодот од април до јуни се повисоки за 11,5 проценти во однос на истиот перидо лани, а поскапување од 8,2 проценти се бележи и во однос на првите три месеци од гдоинава.

Но, од Градежната комора се сомневаат дека ваквата методологија ја одразува реалната слика на пазарот..

„Што се однесува на понуда тука во голем процент се однесува на понуда и на половни станови кај што тука од еден на друг се пренесуваат цени и вредности се вкалкулираат и со тоа создаваат притисок на зголемување на цените. Во однос на нови градби кои се инвестирани и наменски за продажба тука мислам дека се стабилизирани дека немаме ние тука поместувања во однос на цените во тој дел. Сепак вредноста на цените зависи и од локациски каде се.. “-Ивица Јакимовски – Градежна комора на Македонија.

Иако, градежниот бизнис е во експанзија веќе две децении, сепак интересот кај малдите за оваа област се намалува од годинава во година.. Деканот на градежниот факултет Горан Марковски алармира дека сосојбите се веќе загрижувачки.

„ Ние сме загрижени со оглед на намалениот иснтерес за студирање на ова струка загрижени сме за иднината на градежништвото, а уште повеќе за идинаната на државта, бидејќи држава без домашно градежништво тешко е дури иневозможно да функционира. Наш заклучок е дека само со трипартнитна соработка меѓу државата, односно владата, образованието, факултетот и стопанството преку стопанските комори може да се изнајдат решенија да се подигне оваа гранка на ниво кое го заслужува да биде најдоходовна, да учествува со најголем процент во БДП.“- Горан Марковски – Декан на Градежниот факултет во Скопје.

Цените на становите во Скопје постојано растат, а побарачувачката не се намалува, иако последниот попис покажа дека секој трет стан во метрополата зјае празен. Тогаш во Скопје имало 59.300 такви станови, а најмногу празни ги има таму каде што и најмногу се градат, во скопски Центар, над 10.000.

https://kanal5.com.mk/cenata-na-stanovite-i-natamu-raste-za-edna-godina-kvadratot-porasnal-za-11-5-procenti/a649002

Edited by stef4o - 10-Jul-2024 at 18:56

„ОД КАДЕ ПАРИ ЗА СТАН ВО СКОПЈЕ?“ – цените на недвижнините упорно растат, граѓаните прашуваат кој и како ги купува имотите

Македонците очигледно се подготвени да ја платат секоја цена само да дојдат до свој дом. Иако, спротивно на сите очекувања, цените на недвижностите во нашата земја продолжуваат да растат, интересот за купување или поседување сопствен дом, односно сопствен стан не стивнува.

И најновите податоци на Народната банка на Македонија покажуваат нов раст на цените на недвижностите во земјава, и тоа за високи 10 проценти. Оваа година за разлика од претходните поскапувањето на становите и деловните објекти е со намалено темпо, но сепак, со оглед на зголемената основа, новото поскапување на недвижностите укажува дека цените „немаат плафон“.

За потсетување, согласно податоците на НБРМ во третиот квартал цените на недвижнините се зголемија за 8 проценти, што беше за нијанса пониско од вториот квартал кога поскапувањето достигна 11,5 проценти. Првиот квартал цените се зголемија за само 4,6 проценти, но од вториот квартал повторно има голем раст на цените на недвижнините.

Овој тренд на значително поскапување на имотите започна со четвртиот квартал во 2021 година, и продолжи низ цела 2022 година, кога становите поскапеа и најмногу, но трендот продолжи и во текот на минатата и оваа година. Како што покажуваат бројките крајот на минатата година и почетокот на оваа година се појавија знаци на стагнација на цените, но вториот квартал и третиот повторно има поскапување.

Сепак, и покрај растот на цените на становите, интересот за купување не стивнува. Пописот на населението од пред две години покажа дека од вкупно 839.174 станови, 531.987 или 63,4 отсто се населени, а 307.187 или 36,6 отсто се ненаселени.



Но, и покрај високите бројки на празни станови, низ Македонија, а особено Скопје се гради со несмален интензитет. Упатените велат дека не очекуваат пад на цените поради фактот што не спласнува ниту интересот за купување станови.

Сопственик на една агенција за недвижнини во главниот град вели дека побарувачката е задоволителна, и не забележуваат знаци за намалување.

- Побарувачката е голема. Малите станови се продаваат веднаш, додека поголемите може да почекаат некој месец. Но, сепак, нема стан кој стои подолг период непродаден, затоа не очекувам намалување на цените. Можеби цените се превисоки, особено ако се земе предвид дека има станови кои се продаваат по цени над 2.200 евра, но, и тие се продаваат, поради што не очекувам трендот да се промени. Може ќе почнат да стагнираат, но намалување на цените не очекувам – вели нашиот соговорник кој сакаше да остане анонимен.

Македонските граѓани збунети и зачудени, велат цените се превисоки и прашуваат кој и како може да си дозволи да купува станови по актуелните цени.

- Добивме средства од денационализација, не станува збор за голема сума, но сакавме да ги инвестираме во стан. Сега сме искрено во недоумица што е попаметно. Прашувавме колку се становите низ центарот на Скопје, и останавме запрепастени. Имаше неколку градители, кои според мене и не се нешто познати кои ни побараа над три илјади евра, а еден и четири илјади евра за метар квадратен, под изговор дека гради ексклузивен луксузен објект. Не можам ни да замислам кој купува толку скапи станови, колку заработуваат за да платат толку високи цени. Со овие цени, немаме ниту за учество од сумата со која располагаме, а искрено не сакаме следните 30 години да плаќаме кредит, така што сега бараме нов начин за нивно инвестирање – вели еден четириесет годишен скопјанец, познат на редакцијата.

Економистите укажуваат дека „вложувањето“ на вишокот пари во недвижнини, или недостигот на идеи за инвестирање и „чување“ на парите во станови кои можеби ќе ги издадат, но кои важат за сигурна инвестиција, која не губи од вредноста е една од причините кои придонесуваат да растат цените на недвижностите. Поради ниските камати на депозитите, многу граѓани, наместо да ги оставаат парите во банки, купуваат станови, кои потоа ги изнајмуваат или ги чуваат за членови од семејството. Според експертите, оние граѓани кои немаат доволно за плаќање на становите комбинираат со кредити, но се заедно придонесува за нов раст на цените на недвижнините.

Градежниците пак признаваат дека во формирањето на цените на недвижностите не играат улога само трошоците за материјали и работна рака, туку дека голем уддел имаат и цените на парцелите, но и желбите на дел од градежните компании за големи профити.

- Ако цените зависеа само од трошоците тогаш ќе имавме исти цени за недвижности низ цела земја. Значи и цените на становите во Штип, Струмица, Кавадарци, Петровец и Илинден ќе бидат исто над две илјади евра, но не се. Во Скопје цените ги зголемуваат сопствениците на парцелите, кои многу ги зголемија цените, но и фирми кои сакаат со една градба да заработат многу. За многу приватници профитот е на прво место и тоа многу влијае врз цените – вели градежникот Никола Велковски.

https://www.faktor.mk/od-kade-pari-za-stan-vo-skopje--cenite-na-nedvizninite-uporno-rastat-gragjanite-prashuvaat-koj-i-kako-gi-kupuva-imotite

Градежен олигопол со поддршка на банките диктира астрономски цени на становите

Просечната цена на истргуван станбен квадрат во најатрактивните скопски населби како Центар и Карпош во периодот јули-септември 2020 година била од 57.000 до 59.000 денари односно под границата од 1.000 евра, покажуваат официјалните податоците од Регистарот на цени и закупнини на Агенцијата за катастар за недвжности (Катастар). Денес, во овие скопски населби се нудат станови на продажба по цени кои надминуваат 2.500 евра, што е зголемување за повеќе од 150 проценти. Иако во изминатиов период бевме сведоци на инфлација, пораст на цените на сите производи и услуги во секојдневието, вклучително и на платите и трошоците во градежништвото, разумни се прашањата: Колку е реален растот на цените на становите и дали во Македонија постои градежен олигопол односно неколку крупни инвеститори кои со голема поддршка од банкарскиот сектор упорно прикажуваат ограничена понуда на станови и голема побарувачка како оправдување за зголемувањето на цените?

Здружени инвеститори

Иван Пешевски, претседател на Синдикатот за градежништво, индустрија и проектирање (СГИП) при ССМ вели дека инвеститорите се здружени, односно организирани и дека дури ако некој сака да продаде стан по реална цена, нема да му биде дозволено, имајќи предвид дека цените ги диктираат најголемите инвеститори во градежништвото.

„Да не ги именуваме тие компании, меѓутоа државата сигурно убаво си ги знае тие имиња на тие компании и инвеститори и државата конечно треба да стави крај на едно вакво дивеење со цените и нереално покачување каде што луѓето се во банкарско заложништво до крајот на животот. За да купите 50 квадрати стан веќе е речиси 150.000 евра и тоа треба да го исплаќате на 35 години со нефер камати од страна на банките и да се задолжите за навек, за едвај да обезбедите едно домче за вашето семејство. Од другата страна гледаме кои се профитите и со какви имоти и средства располагаат тие инвеститори и како се директно поврзани со челниците во државата“, вели Пешевски.

Зошто исчезна Регистерот на цени и закупнини?

За разлика од порано, кога јавноста преку редовните извештаи од Регистерот на цените и закупнините имаше детален увид колкава е просечната цена на станбениот квадрат во скопските општини и другите градови во државата која што Катастарот ја одредуваше врз база на склучените трансакции за продажба на станови, денес вакви извештаи нема. Всушност, последен тримесечен извештај е за периодот јули-септември 2020 година. Прашавме во Катастарот, колкави се просечните цени на истргуваните станови во изминативе неколку години и зошто е прекината практиката редовно да се објавуваат просечните цени на истргувани станови во скопските општини и другите градови?

„Согласно вашето барање, ве известуваме дека Агенцијата за катастар на недвижности во моментов не е во можност да достави податоци по однос на вашите прашања, од причина што деталните квартални извештаи од Регистарот на цени и закупнини заклучно со 30.09.2020 година престанаа да се изготвуваат и објавуваат, а поради тоа што целиот тој процес беше прекинат од страна на претходното раководство. Во моментов се работи на повторно воспоставување на процесот и изготвување на деталните квартални извештаи од Регистарот на цени и закупнини“, соопштија од Катастарот.

Всушност, кога Катастарот прекина да ги објавува овие извештаи замре и транспаретноста, односно можноста граѓаните да знаат колкава е реалната продажна цена на становите. Имено, во Македонија сега единствена институција којашто дава некаквo мерило за движењето на цената на становите во Скопје е Народната банка, која на квартално ниво објавува индекс на цени на недвижности.





Колку се преценети становите во Македонија?

Во последниот извештај за финансиска стабилност, Народната банка посочува дека според статичкиот капацитет за позајмување, пазарната вредност на становите во просек за 2023 година била преценета за 10,1 проценти додека според динамичниот капацитет на позајмување за 15 проценти во 2023 година. Прашавме: Што е разликата меѓу двете пресметки?

Од НБМ објаснуваат дека оценката на односот на пазарната со фундаменталната вредност со примена на статичкиот и динамичниот капацитет за позајмување е дел од аналитичка/истражувачка работа, којашто базира на одредени претпоставки и треба да се земе со одредена резерва.

„Статичкиот капацитет за позајмување предвид ги зема пазарните услови (просечен доход, висина на каматни стапки, вредност на показателите ДСТИ и ЛТВ итн.) во времето на одобрување на станбениот кредит, односно колкав износ на станбен кредит кредитобарателот е во можност да добие и дали тој износ е доволен да купи стан во висина на просечната пазарна вредност. Динамичниот капацитет за позајмување дополнително предвид ги зема и очекуваните пазарни услови (очекуван раст на просечниот доход, очекувани движења на каматните стапки итн.) за време на целиот период на отплата на станбениот кредит, односно колкав износ на станбен кредит кредитобарателот е во можност да добие и ќе биде во можност да го отплаќа во иднина“, велат од Народната банка.

На прашањето колку се оправдани цени кои надминуваат 2.500 евра за квадрат во централното градско подрачје во Скопје, од Народната банка велат дека растот на цените на недвижностите во последните неколку години е речиси глобално присутен феномен и случувањата на домашниот пазар, иако со низа специфичности, генерално ги следат овие меѓународни појави.

„Според податоците, годишната динамика на раст на цените на становите кај нас постепено забавува, така што од максимумот во третиот квартал од 2022 година кога достигна околу 21 проценти, забави на околу 10 проценти во последниот квартал од 2024 година, при значително поумерена квартална динамика на раст на цените“, велат од НБМ.

Оттаму додаваат дека Народната банка постојано оценува и следи дали цените на недвижностите се во линија со динамиката на клучните економски параметри.

„Растот на цените на пазарот на недвижности генерално ги рефлектира промените во понудата и побарувачката. На страната на понудата, градежната индустрија се соочи со висок раст на трошоците на влезните инпути, пред сè на трошоците за трудот, но и трошоците за градежните материјали кои сепак бележат забавување во 2023 година, кога пак се забележани проширени профитни маржи во градежниот сектор. Од друга страна промени бележи и побарувачката, поддржана со зголемувањето на расположливиот доход на населението, како и на станбените кредити. Уделот на станбеното кредитирање во финансирањето на истргуваните станови и куќи е релативно стабилно од околу 50 проценти во последните четири години, но бележи намалување во однос на предпандемискиот период (за речиси 15 процентни поени споредено со 2019 година)“, велат од Народната банка.

На прашањето, што би се случило доколку дојде до значителен пад на цените на становите од аспект на материјализирање на кредитниот ризик кај банките кои се изложени кон градежниот сектор, од НБМ велат дека позначителниот пад на цените на становите би можело да доведе до стеснување на профитните маргини кај овој сектор, што би можело пак да создаде одредени тешкотии при отплатата на кредитите од страна на градежните компании.

„Сепак, треба да се има предвид дека градежниот сектор работи профитабилно, а воедно врз профитната позиција на компаниите делуваат и низа други фактори коишто треба да се земат предвид. Инаку, изложеноста на банките кон градежниот сектор се одликува со релативно ниска стапка на нефункционална изложеност (2,5 проценти на 30.09.2024 година), која е пониска споредено со истата стапка за вкупната изложеност кон сите нефинансиски друштва која изнесува 2,9%. При тоа банките обезбедуваат добра покриеност на нефункционалната изложеност кон овој сектор со резервации за очекувани кредитни загуби од 70 проценти, што е на речиси исто ниво како и покриеноста на нефункционалната изложеност кон сите претпријатија“, посочуваат од Народната банка.

Оттаму додаваат дека од аспект на стабилноста на домашниот банкарски систем е особено важно дека вкупните кредити на градежниот сектор се речиси во целост обезбедени со одреден тип на обезбедување, а близу 60 проценти од нив се обезбедени со недвижен имот при поволен сооднос помеѓу долгот и вредноста на обезбедувањето кој изнесува 63 проценти (73 проценти за вкупниот корпоративен сектор).

„Дополнително на ова, нашите банки се добро капитализирани, што им овозможува доволен простор за апсорбирање на евентуалните загуби од поголеми ценовни корекции доколку се случат“, велат од Народната банка.

Што велат градежниците?

За оваа проблематика поставивме прашања до три поголеми градежни компании во земјава: „ЗСФ-Ком“, „Адора“ и „Голден Арт“. Со одговор по електронска пошта се јавија само од 2ЗСФ-Ком“.

Колкава е просечната цена на становите штo ги продавате во централното градско подрачје во Скопје?
Одговор: 2.200 евра.

Дали сметате дека се реални цените од 2.500 евра за квадрат за станбен квадрат во Скопје, ако се земе предвид дека во Солун може да се купат станови по многу пониски цени?
Одговор: Реална е цената од 2.500 евра за квадрат за станбен квадрат во Скопје бидејќи има многу купувачи, а малце станови во атрактивни Општини (Општина Центар, Општина Карпош и Општина Аеродром). Не е точно дека цените се ниски во Солун, претежно становите се во згради со стара градба и се продават во бруто површина.

Колку време ви е потребно за продажба на новоизградените станови односно колку од нив ги продавате за време на изградбата?
Одговор: Сите станови ги продаваме во изградба.

Колку завршени станови во Скопје во моментов нудите на продажба?
Одговор: Ниту еден.

Колку завршени станови од 2022 година наваму се непродадени и се водат како ваша сопственост?
Одговор: Ниту еден.

Колкав профит остварувате по квадрат од новоизграден стан во Скопје?
Одговор: 20%.

Зошто градежните компании ретко градат во помалите градови во Македонија?
Одговор: Градежните компании ретко градат во помалите градови во Македонија, бидејќи продажбата е помала.

Заклучок од компанијата: Цената на станови во Скопје ќе расте и во 2025 година затоа што понудата на становите е помала, а побарувачката поголема и се намалени издавањето на градежни дозволи, а и се многу отежнати и политизирани донесувањата на ДУП-овите.

https://samoprasaj.mk/naacik/gradezen-oligopol-so-poddrska-na-bankite-diktira-astronomski-ceni-na-stanovite/

Цената на луксузните станови во Белград надмина 9.000 евра за квадрат, а паркинг-простор се продава за 52.000 евра

Белград е, очигледно, „гладен“ за луксузни станови, за што сведочат цените по кои се продаваат оние во градба, но и оние што сè уште се во проект.

Во српската престолнина, како што пишува „Форбс Србија“, се градат или наскоро ќе почнат да се градат четири комплекси, кои ќе ја збогатат понудата на квалитетни, луксузни апартмани во наредните години. Тоа се Делта Дистрикт, Дунав Риверсајд (на местото на неодамна срушениот хотел „Југославија“), Марина Дорќол и Трамп Тауер.

Според Миодраг Газибара, директор на консултантската фирма „Кордон“, Дунав Риверсајд ќе понуди 525 стана, а цената на квадратот почнува од 9.000 евра со вклучен ДДВ. Се очекува цената на гаражниот простор да биде 50.000 евра. Меѓу погодностите што ќе им бидат достапни на идните сопственици се вежбалница, спа-центар, приватно кино, простор за домашни миленици, па дури и симулатор за голф. Сепак, сè уште нема индикации кога би можеле да се вселат првите станари, пишува „Форбс Србија“.

Се очекува првите станари во комплексот Делта Дистрикт, кој се гради меѓу хотелот „Хајат“ и „Сава центар“, да се вселат во 2027 година. Цената за квадратен метар е од 7.000 евра нагоре, додека паркинг-место се продава од 42.000 до 52.000 евра. И таму станарите ќе имаат вежбалница, спа-центар, приватно кино, соба за игри итн. Сè уште не е познат бројот на станови и станува збор за т.н. деловни станови.

Газибара вели дека изградбата и понудата на недвижности во Марина Дорќол и во Трамп Тауер ќе почнат наскоро. За Марина Дорќол, одобрението за градба е добиено овој месец. Во првата фаза ќе се понудат 263 стана по цена од 5.700 до 9.000 евра за квадрат. За Трамп Тауер се знае само дека ќе има 1.500 стана, но сè уште не е објавена ни цената ни годината на вселување.

– Овие четири проекти ќе нудат меѓу 250 и 300 стана годишно. Тоа е околу 1,5-2 % од вкупниот пазар. Дополнително, тоа што има побарувачка за толку скапи станови е повеќе одраз на фактот што нудат одредени квалитети. Тоа се: локацијата, погледот, квалитетот на градбата и дополнителните удобности. Мал сегмент потенцијални купувачи ги препознава овие станови и има можност и желба да плати за нив – вели Газибара за „Форбс Србија“.

Според податоците на „Кордон“, во Белград се чувствува недостиг на проекти во категоријата станови со цена за квадрат од 5.000 до 6.000 евра.

https://www.vecer.press/czenata-na-luksuznite-stanovi-vo-belgrad-nadmina-9-000-evra-za-kvadrat-a-parking-prostor-se-prodava-za-52-000-evra/

Станови од 3.000 евра квадрат одат како алва уште неизградени

И покрај тоа што цената за квадратен метар достигна и до 3.000 евра на најатрактивните локации во центарот на Скопје, становите што се градат во моментов таму се продаваат многу брзо. Барем така велат инвеститорите. Деновиве од терен направивме едно мало истражување за продажбата на нови станови во централното градско подрачје. Па, така, почнавме од двете локации кај некогашната сендвичарница „Кинг бургер“, оддалечени дваесетина метри една од друга. Пред зградата што излегува на булеварот „Св. Климент Охридски“, како што е редот, стои табла со информации за инвеститорите, изведувачите итн. и со број за контакт од агенцијата за недвижности што ја води продажбата. Се јавивме да прашаме за цените, љубезно момче ни објасни дека сѐ уште немаат добиено цени од инвеститорот, дека само што почнале со расчистување на локацијата, но очекува наскоро да има информации. На нашето инсистирање барем приближно да ни каже која цена се очекува за квадрат, сепак остана на тоа дека не сака да шпекулира.

Затоа, пак, на другата локација малку подолу во уличката што води кон кафе-барот „Мистер Џек“, налетавме на самиот сопственик на фирмата што ја гради зградата. Ја надгледуваше работата на забревтаната механизација што ги поставува темелите на објектот. Го прашуваме има ли слободни станови за продажба, вели дека има уште шест, со квадратура од 60 докај 80 квадрати и цената е 2.800 евра за квадрат. Другите веќе се продадени, а продажбата оди доста брзо, вели тој. Тоа е за 800 евра повеќе од моменталната просечна цена на становите во Центар, според онлајн платформата cenakvadrat.com што ги следи промените во цените на становите во реално време. На платформата може да видиме дека просекот од 2.000 евра за квадрат во централното подрачје е пробиен пред дваесетина дена.

Но на некои од најексклузивните локации, како на пример кај кружниот тек во близината на Градскиот парк, за квадратен метар ќе треба да издвоите и 3.000 евра. Всушност, веќе не можете, затоа што и во двете згради што се градат на таа локација во моментов, сите станови се веќе продадени, некаде околу педесет вкупно. Од компанијата што е инвеститор на едната ни понудија и нешто поевтина опција, од 2.800 евра за квадрат, во друга зграда што ја прават во близината на поранешното кино „Карпош“. Сопственикот на другата зграда, пак, не сакаше да ни открие по која цена ги продал становите.

Просечната цена во Центар проби 2.000 евра за квадрат, Карпош му дише во врат

Цените на становите во Скопје вртоглаво растат во последниве две-три години, иако не е дека не се градат нови станови, па нема доволно понуда. Напротив, настрана од досега споменативе примери каде што се работи за релативно мали згради што никнуваат на местото на некогашни куќи и сл., во градот допрва ќе се „пуштаат во погон“ или се почнати со изградба огромни висококатници или, пак, вистински „ресорти“ со по неколку стотини станбени единици. Да ги спомнеме само четирите висококатници на „Лимак“, кои се веќе практично при крај. новите облакодери спроти „Холидеј ин“ на „МГ Фешн“, големиот комплекс кај поранешна „Македонија табак“ со над 500 стана, 17-катницата што ЗСФ на Фатмир Етеми ја прави кај болницата „8 Септември“...Само во овие неколку набројани локации има најмалку 2.500 станбени единици, чија просечна цена не е под 2.000-2.300 евра за квадрат.

Податоците од „Ценаквадрат“ покажуваат дека во скопската општина Центар само во последниве два месеца просечната цена на квадратот отишла нагоре за околу осум проценти, од 1.850 на над 2.000 евра. Уште подрастично е во Карпош, каде што просечната цена е качена од околу 1.600 евра во периодот септември-октомври 2024 година на 1.950 евра во моментов, односно за цели 18 проценти. Во Аеродром, третата најскапа општина во Скопје според цената на станбениот квадрат, во моментов просекот изнесува околу 1.650 евра.

Податоците од „Ценаквадрат“ покажуваат дека во скопската општина Центар само во последниве два месеца просечната цена на квадратот отишла нагоре за околу осум проценти, од 1.850 на над 2.000 евра. Уште подрастично е во Карпош, каде што просечната цена е качена од околу 1.600 евра во периодот септември-октомври 2024 година на 1.950 евра во моментов, односно за цели 18 проценти. Во Аеродром, третата најскапа општина во Скопје според цената на станбениот квадрат, во моментов просекот изнесува околу 1.650 евра.



Ова се сепак просеци каде што влегуваат цените и на новите и на старите станови, но, сепак, во новоградбите во централното градско подрачје тешко дека ќе најдете квадрат поевтин од 2.500 евра, а Карпош, како што тргнала работава, опасно се приближува. Налетавме и на такви станови при нашето истражување на терен, како на пример во нова зграда спроти трговскиот центар „Зебра“ во Капиштец, каде што ни кажаа дека има останато само еден стан на високо приземје од педесетина квадрати, за 2.300 евра квадрат. Или, пак, нов објект од т.н. урбани вили, на „Водњанска“, кој, за волја на вистината, изгледаше мошне привлечно барем на илустрацијата на информативната табла пред градилиштето, каде што човекот задолжен за продажба ни рече дека сите станови се продадени (се разбира), и тоа за 2.450 евра за квадрат.

Ако ги прашате градежните инвеститори, ќе ви кажат дека становите поскапуваат затоа што поскапуваат сите влезни компоненти: земјиштето, материјалите, струјата, работната сила, комуналиите, и дека квадратот не само што нема да поевтини, туку допрва и уште ќе оди нагоре, иако со побавно темпо. Тие додаваат и дека самата побарувачка не стивнува, па, така, не може да се очекува нешто да поевтини или да стагнира со цената доколку побарувачката е голема.

„Луѓето во Македонија не се навикнати, а немаат и некој голем избор за инвестирање слободни средства, па затоа вложуваат во станови. Иако, да купите стан од 50 квадрати, на пример, што ќе го платите 120-130 илјади евра, а гледаме дека може и поскапо, бизнис со него не може да правите, затоа што киријата за тој стан нема да биде повеќе од 400 евра месечно. Со сите трошоци во иднина, вие тој стан како инвестиција ќе го повратите за 25-30 години, што нема никаква логика“, велат од агенцијата за недвижности „Импулс“.

Оттаму додаваат и дека цените веќе имаат достигнато своевиден плафон и дека куповната моќ во државава не може повеќе да издржи понатамошно зголемување.

„За волја на вистината, и инвеститорите неретко знаат да преувеличуваат со цените по кои наводно ги продале становите, со цел да ја тераат водата накај својата воденица, односно да не се создава мислење дека цените ќе паѓаат. Па, така, може да чуете дека сите станови ‘пламнале’ веднаш за 3.000 евра квадрат, што ве уверувам дека не е точно. Од нашето секојдневно искуство, просекот по кој становите реално се продаваат периодов е максимум 2.400 евра за квадрат во централното подрачје“, вели сопственикот на „Импулс“.

А, во меѓувреме, интересот за градење расте. Деновиве државната статистика покажа дека во јануари годинава се издадени 317 одобренија за градба, за речиси една четвртина повеќе од истиот период лани. Вредноста на објектите за кои се издадени градежни дозволи е за 28 проценти поголема од лани.

https://mk.bloombergadria.com/ekonomija/makedonija/75554/stanovi-od-3000-evra-kvadrat-odat-kako-alva-uste-neizgradeni