Скопје 2020 / Skopje 2020

Со задоволство ќе одговорам на сите ваши прашања. Всушност главната побуда за изработка на овој проект ми беше да поттикнам сеопширна расправа и подигната јавна свест и граѓанска позиција околу јавниот превоз на град Скопје (кој како во секој голем град едноставно мора да биде носечкиот столб на мобилноста на населението), за сите заедно да дојдеме до оптималното решение, а не да се држам слепо за моите идеи. Морам да признаам дека овој план е околу 3 години стар, време во кое мите идеи и замисли еволуираа и се надоградија. Сметам дека би било исклучително полезно да пројавиме граѓанска свест, изградиме заедно еден добар план и константно вршиме притисок врз одговорните за нивно остварување. Факт е дека засега немоќно гледаме како ни се наметнуваат безумни и длабоко контра-продуктивни проекти од страна на надлежните. Тоа мислам дека е нужно да се смени, ако сакаме одржлив и надежен градски превоз во Скопје, како предуслов за генерален развој и висок стандард и квалитет на живот во градот и Македонија.

Пак би нагласил дека моите идеи меѓувремено се изменети да се прилагодат на нашите можности, потреби и нужди. Мислам дека на Скопје му требаат минимум 2 ЛРТ линии со скоро целосно автономни траси, кои градот би го сечеле во насоките исток-запа и север-југ. Таа мрежа би била рбетот на Скопје, а сите други врсти транспорт (дали ќе биде само автобус или ќе воведеме тролејбус и трамвај (класичен)) би требало да му се подчинат и да ја превземат функцијата на транспорт кој би ги довозувал масите кон ЛРТ мрежата. ЛРТ мрежата би била со голем капацитет и долги линии, додека воглавно (не сите) линии на останати форми на јавен транспорт би биле пократки и би правеле бројни конекции со станиците на ЛРТ. Така, сите населби кои не се квалифицираат за ЛРТ мрежа со голем капацитет (дали заради ниската градба, малата гуситна на населението, оддалеченоста или други проблеми), би добиле чест, брз и краток транспорт до најблиската ЛРТ станица, од каде би стигнувале брзо до центарот или некоја оддалечена населба. Се разбира ЛРТ мрежата би морала да биде надополнета се приградска железница по 3те коридора кои и денеска постојат.

Што се однесува до северните населби (Бутел, гробиштата, Радишани), мислам дека ЛРТ мрежата треба да стигнува најмалку до станицата Скопје Север, каде што би се изградил голем терминал. Таму треба да има врска со приградската железница, П+Р паркинг за приградксите населби и возилата кои влегуваат во градот од Обиколницата на север. Одговорот односно решението на прашањето што со Бутел или Радишани јас го гледам во транспорт (автобус или тролејбус) кој би имал форма на U со два крака кои се сретнуваат на Скопје Север и имаат функција на довозување патници за трансфер на ЛРТ.

Што се однесува пак до Автокоманда, јас  решението долж бул. Аледсандар Македонски не го гледам во изградба на трамвај. Знам дека јас сам ова сум го предложил, но сега ги гледам своите грешки и проблеми.  Изградба на класичен трамвај долж булевар кој има функција на урбан автопат (кој доколку е правилно исграден) би требало да биде со ограничение 80+км/час е доста опасно, затоа што возилата возат брзо, а трамвајот особено ако е поставен во крајната десна лента нема да биде одвоен од останатите учесници во сообраќајот. Исто така дрвата би создавале сериозни проблеми на самата контактна мрежа, проблем кој исчезнува доколку трамвајот е псотавен во средината.
НО, после се ова речено, мислам дека е непотребно волкава инвестиција за трамвај долж булевар кој веќе е брз и без семафори. Идеалното решение за мене на оваа локација е тролејбус кој ионака би бил брз заради можностите кои ги нуди самиот булевар, би возел од Хиподром (каде повторно би можело да има голем П+Р паркинг, станица на приградската железница и локалните приградски автобуси, кои не би возеле повеќе до Транспортниот центар и го оптоваруваат самиот центар, туку до ваквите терминали на покрајнините на градот, а имено Сарај, Скопје Север, Хиподром и Драчево), долж бул. Александар Македонси и би завршувал на станицата Бит Пазар на ЛРТ линијата север-југ.

@ Andrej

Вака редефиниран планот веќе звучи подобро. Од тоа што јас го гледам, проблемот со густината и како последица исплатливоста сериозно го загрозува правецот север-југ, така што Скопје Север веројатно би бил траен терминал на ЛРТ, дури и кога би останал трамвај, а и кога би преминал во метро. Од друга страна, на терминалите треба и да се гледа како можност, а не ограничување. Но Автокоманда е навистина проблематична за поврзување заради своето опкружување, па можеби автобусите би останале трајно решение - и исплатливо со оглед на депото. Сепак, постојат и други решенија, кои би сакал да ги презентирам, но не би сакал само преку текст - во оваа нишка би било несериозно

Но, еве една идеја: мислам дека ЛРТ би можел да продолжи од депото Ново Лисиче на север, преку Вардар и да стигне до ЖС Маџари како крајна станица каде би се формирал терминал за реонските (Ченто, Инџиково, Хиподром) и приградските автобуси од тие насоки, плус станица на приградската железница. Понатаму, трасата би овозможила зголемување на атрактивноста на празните простори околу Вардар кои сега стануваат интересни за градба и би го проработила реонскиот центар во Маџари, а можеби и П+Р би се сместил некаде. Ваков крак од 2-3 станици е во принцип лесен да се одржува. Единствено отпаѓа ротацијата околу Ново Лисиче. Повеќе кога ќе имам време да го исцртам цел план, но мислам дека концептот е јасен..

@ Dexter26

Ајде што само по себе е неисплатливо да се движи низ тој дел на градот, но ниту метро, а уште помалку трамвај би се градел на толку долга релација. Би можел да провериш некаде на Интернет или во било која стручна литература за тоа кој вид на транспорт се користи за какви случаи - или пак да ги разгледаш постоечките системи низ светот..

Edited by mladen_s - 11-Nov-2011 at 01:51

поздрав до сите.
Иако доста касно се вклучувам во дискусијата.... веќе е 2012, но морам да признаам и да бидам искрен БРАВО за Андреј.... Секоја чест за одвоеното време и пред се за Идеата и трудот.
Но мислам дека со овие наши градски татковци и политичари ова ќе е само утопија, и најмногу поради тоа ми е жал, ќе остане една многу добра идеа нестварена ни малку.  
Значи генерално мислам дека многу добро ти е испланирано и доста добро би функционирало и пред се би било исплатливо!
поздрав!

Edited by N23 - 09-Apr-2012 at 21:31

затоа периодов, место да се занимаваа со проширување на булевари кои траат по година дена и се фалат со нив уште по година дена, требаше да се позанимаваат со изградба на нови булеварски поврзувања онаму каде што е возможно и поевтино
толку многу години по изградбата на булеварите кои ги имаме денес и без кои Скопје не би функционирало, имаме една шака булевари и други улици кои завршуваат слепи, немаме воведено нови решенија за разни проблематични вкрстувања и чворови
...секоја чест за потезите кои досега се направени, не може да се жалам дека не е направено ништо, ама па можеше да се направи многу повеќе во овие два мандати како градов го води истата гарнитура

исто така можеше да се реши и ЈСП со било каква реформација на линии и разноврстност на возниот парк, ама не добивме ништо од тоа... можеше и сеуште може и да се воведе железничка линија за приградските населби

предлозиве на Андреј се одлични, затоа што решаваат повеќе проблеми одеднаш, и стално ги давам како пример во темата за ЛРТ, штета што ќе заглават тука на форумов, еве пет години како висат

Тоа што ги проширија булеварите е одлично! Навистина уживав изминативе години гледајќи како го вршат тоа и би било претенциозно ако кажам дека не вреди.
Сепак факт е дека во 9 години не е изграден ниту км булевар од 0 и на целосно нова траса. Ниту пак е направен напор да се изградат нови сообраќајни мостови кои ќе ја преполоват гужвата која се јавува на одредени места и ќе го скратат патувањето. Скопје без нови сообраќајни мостови и брзи сообраќајници не може да напредува.
Многу ми е криво што јужен е мртов проект. Мостот кај кале и МЗТ-Саем се неопходни. А да не зборам за некакво си железничко поврзување со аеродром или LRT.

Залудно ги прошируваат булеварите кога на крајот се дозволува будали да се паркираат во последната лента од булеварите.
Погледнете на што личи булеварот од Митрополит Теодосиј Гологанов на потегот од Рузвелтова накај Веро 2 - редовно има паркиран автомобил (најмалку еден) на 50-тина метра по раскрсницата со Рузвелтова.
Чуму тогаш го прошируваа булеварот.

Слична е ситуацијата и со сите други булевари.
Се додека не стекнеме собраќајна култура најдобро решение за воведување на ред е долж сите поголеми улици/булевари да се постават високи огради (од типот на онаа кај кружниот тек кај Католичка) со прекини само на местата каде има пешачки премини.

Решението е едноставно, но очигледно и тука недостасува волја за решавање на работите