Метробус Скопје (Bus rapid transit / BRT)

Originally posted by Staro Skopje Да видиме и како ќе се реши пристапот до куќи и помали улици онаму каде БРТ е на крајна десна лента

Зарем некаде било спомнато дека ќе има секции кадешто БРТ ќе се движи по крајни десни ленти?

Originally posted by Staro Skopje Кога почна БРТ-во прочитав или слушнав дека дел од линија 2 ќе биде на крајна десна лента; сега не можам да најдам каде.

Се надевам се работи за напуштена идеја, или можеби неточна информација. Не гледам никаков резон да се меша концептот и да има сегменти со движење по крајна десна лента, особено не сега кога гледаме во кој правец се искристализира проектот.

Originally posted by Staro Skopje А каде ќе бидат станиците онаму каде нема средишно зеленило, а автобусите се на лева лента?

Ако ја погледнеш мапата со предлог локациите на станиците, се забележува дека на булеварите без средишно зеленило одбрани се локации (според мене прилично вешто) кадешто има страничен слободен простор. Така ќе може да се вметне средишна станица, со локално проширување на профилот на булеварот.

Еве на пример станицата на „Рекорд“ ќе биде на проширувањето кај споменикот на Христо Узунов:
41°59'41.61"N 21°25'45.70"E

За станицата близу „Рампа“ ќе може да се изведе проширување на булеварот ако не обострано, барем на страната кон паркингот кај Тутунски комбинат:
41°59'15.04"N 21°26'12.55"E

На периферните делови од Првомајска има уште поголема флексибилност за локални проширувања и вметнување на станици...

Да бе, и Интегра ќе пушта сателити во вселената. Дајте малку посериозно, ако Белград, Љубљана и Загреб немаат капацитет да направат метро, ако солунското се гради 15 години, сигурно скопското нема да заврши за помалку од 25-30 години, доколку воопшто се најдат доволно средства.

БРТ е единственото решение кое е евтино и брзо изводливо. Ако некогаш има потреба од шински превоз, на трасите може да се стават шини, но со оглед на тоа дека во иднина ќе имаме електрични автобуси шинските возила нема да нудат некоја голема предност во однос на моменталното решение.

Исто така, многу е поважно да профункционира приградската железница, бидејќи тоа е правилен начин да се дестимулира возењето на автомобили од Сарај, Кондово, Тетово, Велес и многу други места. БРТ-то е само мал дел од сложувалката.

Шилегов исто спомена дека се планирала топла врска помеѓу меѓуградската железничка станица и постојката на БРТ (БАС како што го викаат сега).

Originally posted by Шарла А тоа проширување колку време и пари ќе кошта ?

Па нели ти бараш метро, јас добив впечаток дека пари и време не се проблем

Ама збориме за неколку локални проширувања, и доволно би било да бидат по 4-5 метри во ширина и по 50-тина метри во должина (од кои само 30-тина метри би биле со максималната ширина). Така да, многу скромен ќе биде трошокот за тоа. А придобивката огромна.





Edited by Cloverstack - 22-Apr-2021 at 09:55

Originally posted by Cloverstack Originally posted by Шарла А тоа проширување колку време и пари ќе кошта ? Па нели ти бараш метро, јас добив впечаток дека пари и време не се проблем

Не се проблем ако парите и времето се трошат рационално и се цели во центарот а не се кружи од околу

Скопје не е голем колку Загреб или Белград така што со 70 милиони евра прва фаза метро од железничка до X мислам дека е фер да се очекува од нашите власти.

Edited by Шарла - 22-Apr-2021 at 10:14

Originally posted by user8642 Да се пресече еднаш и да се загриза јако со прва линија метро. Едноствано од тоа нема да се избегне на долг рок, така да што порано почнеме, толку посвесна одлука ќе донесеме. И Париз и ЊуЈорк биле на истата дилема пред 100-150 години, па имале храбри одлуки. Затоа денес се Париз и Њујорк, за разлика од нас што идеме на помал отпор и немаме политичка воља една Првомајсака или една Пластичарска да пробиеме Е2Е (од-крај-до-крај), или па градиме велосипедски патеки што заобиколуваат одколу контињери.

Париз и Њу Јорк наспроти Скопје? Нема основа за таква споредба.


Опцијата метро супер звучи, ама има неколку многу сериозни проблеми што во дискусијава се прескокнуваат со голема леснотија:

- Треба многу подолго време за реализација. Се плашам воопшто да помислам која година би била додека да добиеме една парцијална линија, а камо ли две линии со должина како овие планираните за БРТ. Тоа изгубено време е време во кое ние би биле заглавени со несоодветен автобуски градски превоз. А тоа е колосален опортунитетен трошок во бројни сфери.

- Метро е огромен финансиски трошок, неспоредливо поголем од БРТ. И не е само прашање на обезбедување на тие средства, туку и споредба на cost-benefit. Ако за БРТ ни треба 5% од инвестицијата потребна за метро со сличен опфат, и 20% за тековно одржување, а од друга страна БРТ ни врши 80% од работата што би ја вршело метрото, тогаш нашите околности се такви што метро би било неодговорен мегаломански избор.

- Метрото е можеби концепт на којшто му истекува рокот во наредните 2-3 децении. Се наѕираат многу нови технологии кои сигурно ќе го револуционизираат транспортот, особено урбаниот. Не викам дека сигурно метрото ќе биде застарен концепт, тоа е многу комплексна равенка со многу непознати, но сериозен прашалник постои. Во најмала рака веројатно ќе бидат намалени дел од придобивките што ги нуди метрото денес. Додека ние потрошиме огромни пари и многу време за да почнеме да експлоатираме метро систем со пристојна должина и број на патници (оптимистички 2035), метро можеби ќе изгледа како не толку паметна идеја.

- Голема е листата на градови што се залетале, почнале, но работата запнала некаде, па останале без метро туку само со sunk costs од чија висина боли глава. Значи и во децениите што се зад нас, кога имаше јасна технолошка и функционална супериорност на метрото, ширум светот беа оставени да пропаѓаат многу недовршени метро системи, многу полузавршени тунели и станици... Причините може да бидат многу: немање на финансиски капацитет, недостаток на технички и институционален капацитет, несериозност и поместувања на политичката волја, коруптивно поткопување, непредвидливи политички или економски кризи, неочекувани технички пречки што драстично влијаат на трошоците и роковите итн. Ние сме прилично ранливи во практично секоја од овие категории.




Edited by Cloverstack - 22-Apr-2021 at 11:19

Originally posted by Cloverstack Originally posted by Шарла Скопје не е голем колку Загреб или Белград така што со 70 милиони евра прва фаза метро од железничка до X мислам дека е фер да се очекува од нашите власти. Од железничка до каде? До плоштад? Можеби до Соборна? Метро со 3 станици? Најрано во 2032 година? Тоа треба да го ставиме на кантар наспроти БРТ системот чии контури ги имаме?

Не знам,не сакам да нагаѓам,меѓутоа мислам дека е неизбежно и единствено решение за проблемите во јавниот превоз,ако не се почне сега ќе се почне за 4,14 години а тогаш ќе има револт што се чекало до тогаш,што би било легитимно ако се навистина се потрошат 70милиони за автобусиве кои нема да донесат никакво решение.

Edited by Staro Skopje - 22-Apr-2021 at 14:30

Originally posted by Staro Skopje БАС линија 1 - 47.6 милиони евра (3.6 по km) БАС линија 2 - 22.4 милиони евра (2.2 по km, зошто е оваа толку поевтина?)

Втората е поевтина затоа што инвестицијата во првата линија ги опфаќа депоата, а и сигурно редица други помали работи што втората линија ќе ги користи „на готово“.