Метробус Скопје (Bus rapid transit / BRT)

На која станица застана брзиот трамвај на тркала во Скопје



Наредната недела се очекува предлог-законот за заем од ЕБОР да помине во Комисијата за финансирање и буџет, а откако ќе се усвои и на пленарна седница следен чекор би бил потпишување на договор за заем за изведба на двете линии кои би го поврзале источниот со западниот односно јужниот со северниот дел на Скопје
Идејниот проект за трамвајот на тркала од Ѓорче Петров до Ново Лисиче во моментов е во фаза на изработка и наскоро Град Скопје очекува да го добие. Во тендерската документација беше наведено дека трамвајот на тркала би се движел по крајната лева сообраќајна лента, а оваа рута би се поминувала за 35 минути
Најавуваниот трамвај на тркала во Скопје неколку месеци е паркиран на „станица“ во Собранието, од каде се чека зелено светло за заемот со кој треба да се финансира овој проект. Во сите обвинувања за кочење закони изминатиот период и маки на власта да обезбеди кворум за да ги изгласа, ова законското решение беше споменувано во групата важни закони кои треба да се донесат.

Еден ден откако парламентарното мнозинство од 62 пратеници се собра на број во собраниските клупи и ѝ изгласа доверба на владата, премиерот Зоран Заев во четвртокот (4 март) порача дека изгласаната доверба носи и одговорност да се одблокира работата на Собранието, а законот кој се однесува на трамвајот на тркала го наброја како еден од клучните.

Наредната недела предлог-законот треба да го помине филтерот во собраниската комисија
Предлог-законот предвидува задолжување со заем од 70 000 000 евра кај Европската банка за обнова и развој (ЕБОР) за финансирање на проектот „Воведување на брз автобуски превоз во Град Скопје“. Тој помина на владина седница на 17 ноември лани, по што беше испратен во Собранието за усвојување по скратена постапка. Во моментов се наоѓа на расправа во собраниската Комисија за финансирање и буџет. Како последна – осма точка, од дневниот ред на седницата број 13 е единствениот кој не го поминал филтерот во ова собраниско тело.

Рокот за отплата на првата транша од заемот е 15 години со вклучен грејс период од четири години. Првата транша од заемот ќе се отплаќа во 22 полугодишни рати на 20 април и на 20 октомври секоја година, започнувајќи од првиот датум од навршување на четвртата година од склучување на Договорот за заем. Рокот за отплата на втората транша од заемот е 15 години со вклучен грејс период од четири години. Втората транша од заемот ќе се отплаќа во 22 полугодишни рати на 20 април и на 20 октомври секоја година, започнувајќи од првиот датум од навршување на четвртата година од денот на достапноста за користење на втората транша“,

Проектот за брз автобуски превоз опфаќа две линии, а првата транша би се користела за финансирање на линија 1 со која трамвајот на тркала треба да биде во патен правец исток-центар-запад Ново Лисиче – Ѓорче Петров), додека втората транша за линија 2 односно југ-центар-север (Кисела Вода – Бутел).

Што понатаму?
Откако ќе се донесе предлог-законот, од Град Скопје велат следен чекор е потпишување на договор за заем на кредитот за ЕБОР за изведба на двете линии.

Градските власти засега не прецизираат рокови и нагласуваат дека динамиката на постапката понатаму ќе зависи од Европската банка.

Целата понатамошна постапка, поточно распишувањето на огласот за избор на проектант за изработката на основниот проект и целокупната пропратна документација за првата линија од БРТ Скопје, ќе го спроведува ЕБОР. Земајќи го предвид претходното, распишувањето на огласот, тендерската документација евалуација и понатамошната постапка, пред сè зависи од динамиката која ќе ја предложи и спроведе ЕБОР“,

Од Ѓорче Петров до Ново Лисиче за 35 минути
Во меѓувреме, Градот во јули лани објави тендер за изработка на идеен проект за линијата 1 – трасата од Ѓорче Петров до Ново Лисиче за брзиот автобуски превоз (БРТ). Есента 2020, пак, го потпиша Договорот за изработка на идејниот проект, и во моментов, велат оттаму, Градот наскоро треба да ја добие документацијата.

Проектот сè уште се изработува, но според тендерската документација, просечната должина на трасата треба да биде 12,81 километри, а проценките се дека приближниот број на патници кои ќе ја користат на дневно ниво е 65 000.



Проектантот треба да предвиди дека сообраќајната лента за движење на возилата на БРТ во однос на останатиот моторизиран сообраќај треба да биде одвоена со посебни разграничувачи, со исклучок на крстосниците каде што треба да остане можност за мешање со останатиот моторен сообраќај. Да се направи анализа што ќе се случи зимно време при чистење на снег и во зависност од резултатите да се даде мислење дали поставувањето на разграничувачи е неопходно или ќе биде доволно да се постави хоризонтална сигнализација. Ако се постават разграничувачи, истите по потреба да можат да се дислоцираат“,

Исто така, трамвајот на тркала би требало да се движи во третата односно крајната лева сообраќајна лента, а доколку тоа не е можно, од проектантот кој во моментов го изработува проектот, се бара да одреди како тоа е најизводливо.

Во случај да е изводливо крајната лева лента од булеварите да биде наменета за БРТ, на средниот дел кој ги раздвојува двата правци би се поставиле и станиците за чекање.

„Предлогот на Градот Скопје е автобуските настрешници да се постават на средишното зеленило и истите да се користат за двете насоки на движење. Во зависност од водењето на трасата на БРТ, проектантот да има предвид отворен и/или затворен систем на организација на автобуските настрешници“,

поред анализите на Секторот за сообраќај на Град Скопје, кои беа наведени во документите, оддалеченоста помеѓу автобуските би била помеѓу 500 и 900 метри, би имало 21 станица и 2 терминали, а вкупното време кое би било потребно да се помине трасата Ѓорче Петров-Ново Лисиче е 35 минути.



https://360stepeni.mk/na-koja-stanitsa-zastana-brziot-tramvaj-na-trkala-vo-skopje/

Originally posted by user8642 Можеби делумно со бетонски бариери да биде одвоена лентата за автобуси за да неможе коли и комбиња да возат по резервираната лента, ама знам дека веспи и скутери има да растураат по БРТ лентата.

На скутерџии и веспаџии им е поедноставно да се бутаат меѓу сообраќајни ленти, по тротоари и по велосипедски патеки/ленти (сето тоа се исто така прекршоци) отколку да се бутаат на физички одвоена БРТ лента.

Сигурно ќе се најде по некој морон да се напика и на БРТ лента, ама решението за таквите е казнена политика. И ЛРТ да направиме, нема да биде имуно на такви идиоти.

Власта и опозицијата не се согласуваат околу изградбата на „трамвајот на тркала“ во Скопје

По речиси четири месеци лутање низ собраниските лавиринти, низ филтерот на Комисијата за финансирање и буџет денеска помина владиниот предлог-закон за задолжување на земјава кај Европската банка за обнова и развој (ЕБОР) за изградба на две линии од „трамвајот на тркала“ во Скопје. Владата го утврди текстот на предлог-законот за брзиот автобуски превоз-БРТ уште кон средината на ноември минатата година, но тој допрва ќе треба да се изгласа од пратениците на една од наредните собраниски седници.

На денешната расправа во собраниската Комисија за финансирање и буџет пратениците од опозицијата се изјаснија против задолжување на државата за финансирање на „трамвајот на тркала“ во Скопје. Од ВМРО-ДПМНЕ сметаат дека Македонија има други приоритети кои треба да се покријат со задолжување на целата земја во сред економска криза.

„Брз автобуски превоз е само за повеќемилионски градови, не е за Скопје. Дали скопските булевари се доволни за ваков превоз? Како што реков, пет до шест од булеварите и улиците коишто ќе бидат зафатени со овој проект веќе се реновираа од страна на Шилегов и за тоа се потрошија милионски суми. Значи, сето ова било за џабе. Повторно Скопје ќе има раскопани улици и зголемено загадување“, изјави пратеничката од ВМРО-ДПМНЕ, Дафина Стојаноска.

За разлика од опозиционерите, пратеничката од СДСМ Даниела Маркоска го поддржа задолжувањето на државата за изградба на двете БРТ-линии во главниот град. За разлика од задолжувањето за споменици во минатото, пратеничката Маркоска рече дека од овој проект бенефит ќе имаат граѓаните. За неа, нејасно е зошто опозиционерите блокираат и се против изградбата на „трамвајот на тркала“ во Скопје.

Бидејќи предложениот закон се наоѓа во второ читање, неговото финално донесување од Собранието на РСМ треба допрва да се случи. Засега е непознато на која собраниска седница ќе се постави овој закон пред пратениците, но и кога истиот ќе се усвои поради тенкото парламентарно мнозинство на власта и противењето на опозицијата за „трамвајот на тркала“.

За да почне било што да се прави во однос на изградбата на првата БРТ-линија од Ново Лисиче до Ѓорче Петров, најпрво предложениот закон за задолжување треба да помине во Собранието на РСМ, потоа да се потпише договорот за заемот со ЕБОР. „Мета.мк“ веќе пишуваше дека со заемот треба да се покрие и изработката на основниот проект со пропратната документација за „трамвајот на тркала“, којшто треба да го распише ЕБОР. Дури откога ќе се изработи целокупната проектна документација, ќе може да се пристапи кон распишување на тендерот за избор на изведувач што ќе ја гради првата БРТ-линија и на додатниот тендер за избор на компанија од каде ќе се набави возниот парк.

https://meta.mk/vlasta-i-opoziczijata-ne-se-soglasuvaat-okolu-izgradbata-na-tramvajot-na-trkala-vo-skopje/

0:31

ДАФИНА СТОЈАНОСКА: „Брз автобуски превоз е само за повеќемилионски градови, не е за Скопје“.


Колку треба да си ретардиран за да кажеш нешто вакво од собраниска говорница, и колку треба да си лајно од човек за да блокираш ваков проект затскривајќи се зад ваква „аргументација“.

Прашањето што има најмногу тежина тука е дали скопските булевари се доволни за ваков превоз? Со изградба на метробусот, булеварите по неговата траса ќе станат булевари од понизок ранг, а алтернативи нема. Затоа се плашам дека на крај може да има и негативен ефект кон целокупниот градски сообраќај. Во најдобар случај треба паралелно да се започнат неколку проекти за докомплетирање на сообраќајната мрежа, а следејќи го темпото со кое се работи на тековните проекти, за такво нешто можеме само да сонуваме.

Е ова е интересен параметар кој треба мислам и јавно да се комуницира, барем по некои брошури за да се оправда затворањето на 30% од булеварот за БРТ. Мислам на капацитетот број на превезени патници по лента, што го спомена во првата реченица. Пошто секако треба да биде нели и целиот концепт оправдан. За споредба може и од други градови со постоечки овакви системи да се земат за пример.

Незнаев дека бројките се од редот на 10-кратна разлика, сум очекувал 2 3 4 пати, ама не толку. нема зашто да не се верува на бројките.

Имам уште едно прашање за оние кои се поупатени во темата, а и гледам оддамна ја следите. Дали БРТ, кое ќе биде во Скопје на гас вероватно, дали може постепено да се се електризираат трасите? И постепено да преминат во ЛРТ систем? Некој процес пандан на железницата каде постепено се ектрифицираат трасите и се заменуваат дизел со електрични локомотиви? Ако се покаже како успешно, тоа и требало да биде следен логичен чекор.

Пратениците ја завршија расправата за заемот за проектот за брз автобуски превоз во Скопје

Во Собранието заврши расправата по Предлогот на закон за задолжување на Република Северна Македонија со заем кај Европската банка за обнова и развој по Договорот за заем за финансирање на проектот „Воведување на брз автобуски превоз во Град Скопје“, по скратена постапка, а пратениците ќе гласаат по него кога ќе се создадат услови. Пленумот продолжи со работа по точки од дневениот ред од 30. седница.

Пратениците за време на расправата дебатираа за тоа дали на Скопје му е потребен ваков превоз, за што ќе биде земен заем од 70 милиони евра, а ќе го плаќаат граѓаните на целата држава, зошто проектот до Собранието се доставува на крајот на мандатот на градоначалникот, а не на почетокот… Опозициските пратеници од ВМРО-ДПМНЕ сметаат дека проектот не е добар за главниот град, додека за претставниците на владејачките партии вакво нешто му е потребно на Скопје.

Пратеничката Гордана Силјановска Давкова зборувајќи за проектот рече дека вакви проекти не се предлагаат на крај на мандатот и тие не треба да бидат на товар на сите граѓани во државата. Како пример ја посочи Софија, која метрото го изградила со заем, што го исплаќале само жителите на градот. Таа исто така смета дека треба да се преиспита организацијата на Скопје, кој има десет општини и излегува дека е „еден од најдолгите градови“.

Давкова Силјановска забележа исто така дека иако тие кои се денеска на седница дебатираат за законот, него ќе го носат други пратеници кои не се присутни и нема да зборуваат за него.

На ова претседателот на Собранието Талат Џафери одговори дека пратениците на ВМРО-ДПМНЕ не сакаат „да прават кворум“ и затоа законот не може да се донесе и оти причина за тоа не се отсутните пратеници.

Диме Велковски од СДСМ и реплицираше на неговата колешка од пратеничката група на ВМРО-ДПМНЕ дека проектот не се поднесува на крајот на мандатот, бидејќи на него се работи неколку години и е влезен во Буџетот.

– Дали граѓаните заслужуваат брз автобуски превоз? Треба да бидете коректни и да кажете дека се прават добри работи, а вие зборувате само за задолжувања-истакна Велковски.

Давкова Силјановска одговори дека во Собранието проектот е пристигнат во ноември 2020 година и оти кога закоот би се носел во редовна постапка, а не во скратена, би можеле во Собранието да се поканат и експерти кои ќе зборуваат за неговата оправданост и од стручен аспект.

Пратениците од опозицијата од другите градови зборуваа за состојбата со автобускиот превоз во нивните општини, а тема беше и пандемијата со Ковид-19, задолжувањето, како и работата на сегашните и поранешните градоначалници во контекст на локалните избори на есен

https://www.vecer.press/пратениците-ја-завршија-расправата-з/

Шилегов го најави „трамвајот на тркала“, но не кажа кога ќе се реализира

Град Скопје планира да имплементира две линии за брз автобуски транспорт. Првата од Ѓорче Петров преку Центар до Ново Лисиче со вкупно 12,8 километри и 21 автобуска станица и втората од железничката станица на булулеварот БИХ до булеварот Борис Трајковски во должина од 10.4 километри со 20 автобуски станици.

Оваа информација на сподели градоначалникот на Скопје Петре Шилегов, во колумната „Зошто на Скопје како метропола му треба брз автобуски транспорт?“ во која ги објаснува придобивките од проектот за брз автобуски транспорт (Bus Rapid Transport – БРТ) во Скопје или популарно нареченото „автобуско метро“ или „трамвај на тркала“:

„Брзиот автобуски транспорт двојно го намалува времето на патување, а фреквентноста на автобусите од 3-4 минути за време на шпицот оневозможува градски гужви. Станиците на исто ниво со автобусите со рамен под овозможуваат брзо и лесно качување и слегување и целосна пристапност за патници со колички и со попреченост. Сообраќајната предност на автобусите им овозможува лесно и брзо движење низ градските сообраќајници и крстосници. Честотата, пристапноста, безбедноста, удобноста и брзината се показатели за квалитетни транспортни услуги кои ги охрабруваат граѓаните да го користат системот за јавен превоз наместо приватните возила“, пишува Шилегов.

Тој укажува дека зголемениот број луѓе кои користат јавен превоз значи намалување на загадувањето на воздухот и подобрување на здравјето на граѓаните зашто брзиот автобуски превоз со ефикасни горива доведува до намалување на емисиите на стакленички гасови, емисиите на честички и нивото на бучава.

Брзиот автобуски превоз (БРТ) овозможува посебна траса за брзи автобуси која ќе биде физички издвоена од останатиот сообраќај и е воведен во стотици градови ширум светот.

Според Шилегов, „БРТ значи ем побрз, поефикасен и побезбеден автобуски превоз, ем почиста средина и поквалитетен живот во Скопје“.

https://plusinfo.mk/shilegov-go-na-avi-tramva-ot-na-trkala-no-ne-kazha-koga-e-se-realizira/

https://www.facebook.com/groups/787942044967923