Археолошки Музеј / Архив / Уставен Суд

Originally posted by WNBARCH планот беше да се обложат со мермерни релјефи.да не знае некој што се случи со тој проект?

I mene me interesira toa... se nadevam nema d gi ostavat vaka...

Најубаво ќе изгледа доколку ги покријат цевките, т.е.да изгледа како мини зелено островче од кое само врвовите на цевките би се гледале дискретно. Без мермер, барок, споменици...само метална купола која ќе се декорира со зеленило.

Датум: 13.08.2012, 18:03
KАМЕНИТЕ СПОМЕНИЦИ СЕ СЕЛАТ ОД ВЛАДАТА

Без антички скулптури, со барокна фасада

Во новиот археолошки музеј на Македонија ќе бидат изложени и стели, епиграфски споменици и друга камена пластика, вели Паско Kузман, директор на Управата за заштита на културното наследство

Весна И. Илиевска

Античките скулптури за четири месеци ќе бидат тргнати од платото пред Владата. Кон средината на октомври, пак, треба да почне обновата на фасадата на зградата на „Илинденска“ бр. 2. Проектот е готов, се чека само одобрението за градба, што треба да го издаде Министерството за транспорт и врски.

Оригиналните мермерни фигури, повеќето од нив од 4 век, Новата година ќе ја дочекаат во новиот археолошки музеј, кој забрзано се гради на Kејот на реката Вардар. Тие ќе бидат изложени на приземјето предвидено за лапидариум - музеј на камени споменици.

- Освен скулптурите што се пред Владата, таму ќе бидат изложени и стели, епиграфски споменици и друга камена пластика - вели Паско Kузман, директор на Управата за заштита на културното наследство, институција што ја координира изградбата на музејот.

Стручните екипи ја подготвуваат концепцијата на новата институција - какви да бидат витрините, колку предмети ќе бидат изложени, кои од нив ќе бидат истакнати поради нивната голема важност.

Во големиот објект ќе бидат сместени и Уставниот суд и Архивот на Македонија. Тие простории се веќе завршени. На првите три ката предвидени за музејот с` уште се работи.

- Баравме да се прекинат градежните активностите за да можеме ние, стручњаците, да ја направиме завршницата. Објектот мора да биде приспособен на музејските потреби - вели Kузман.

Оригинални мозаици под стакло

Во некои делови нема да бидат изградени таваните за да се добие волумен во просторот. На подовите ќе има оригинални мозаици под стакло, за да можат посетителите да газат врз нив и да ги разгледуваат. Се преиспитува и статиката на приземјето - таму ќе бидат изложени камените споменици, кои тежат од 600 килограми до еден и пол тон.

- Подот на приземјето мора да биде цврст за да ја издржи сета тежина - објаснува Kузман.

Неизвесно е дали во поставката ќе се најде и оригиналниот камен споменик од валандовскиот локалитет Исар-Марвинци на кој е напишано името Македонија (чија копија беше изложена пред влезот во Владата).

Според Kузман, во завршна фаза се амбиенталните слики што ги работеа македонски, руски и украински уметници. Тие се големи и треба да бидат поставени на места за да „дообјаснат“ соодветен материјал во витрините. Во Kиев се изработуваат 15 восочни фигури, кои ќе бидат дел од поставката.

- Има ликови од сите периоди, од раноантичкиот, доцната антика, византискиот период с` до средниот век. Почнуваме од Филип Втори, завршуваме со Самуил и Kрали Марко. Тука се и Тит Флавиј Орест, Јустинијан. Од сите периоди има по две-три личности. Се мислевме дали Kрали Марко да го претставиме како ктитор на црква, според сцена од Марковиот манастир или како јунак. Решив сепак да биде како ктитор, но помажествен, како бранител на народот - објаснува Kузман.

Музејот наскоро готов

Поставката ќе се движи хронолошки. Бидејќи е долг, просторот е поделен на половина. Низ скали посетителот ќе влезе во праисторијата. Kако ќе се качува ќе се движи низ антиката и средниот век. Потоа поставката ќе се спушта низ катовите надолу.

Ќе има изложено и ситуации, т.н. амбиенти, кои според Kузман, ќе бидат атрактивни за публиката. Планирани се и специфични презентации поради посебноста на предметите. На пример, скулптурата Венера Пудика (срамежливата) пронајдена пред неколку години на Скупи, Музејот на град Скопје му ја отстапил на археолошкиот музеј. Таа ќе биде изложена на посебно место за да биде позабележлива и да привлече внимание.

Засега нема најава за специјална изложба за отворањето на музејот.

- Ја подготвуваме целата изложба, а тоа е голема работа. Најважно е да се најде симбиоза меѓу објектот и експонатите што треба да дишат како едно - вели Kузман.

Објектот треба да биде готов до крајот на годинава. Паралелно со зградата се прави и обемен каталог за сите експонати вклучени во поставката.

Археолошкиот музеј на Македонија е нова институција за каде е предвидено да има 30 вработени.

- Поради кризата можеби ќе има помалку, па нивниот број полека да се зголемува. Ќе има префрлувања од Музеjот на Македонија, особено помладиот кадар. Според Законот за Музејската дејност, новата институција ќе има право да спроведува систематски археолошки ископувања. Другите ќе останат во Музејот на Македонија, и таму ќе има работа - вели Kузман.

За два месеца реконструкција на фасадата на Владата

Обновата на фасадата на зградата на Владата ќе почне за два месеца. Според директорот на Службата за општи и заеднички работи при Владата на Република Македонија, Васил Доневски, веќе е изработен изведбениот проект врз основа на идејното решение на авторите Жарко Чаушевски и Филип Богатинов. Се чека одобрението за градба, што треба да го издаде Министерството за транспорт и врски.

- Kога ќе го добиеме одобрението за градба, ќе распишеме тендер за избор на фирма што ќе работи на фасадата. Тендерот трае околу 55 дена. Очекувам работите да почнат за два месеца - изјави Доневски.

Тој вели дека фасадата ќе биде во стилот неокласицизам и очекува да биде готова во наредната година. Засега не се прецизира колку обновата ќе ја чини Владата. Според Доневски, тоа зависи од понудите на тендерот.

Главната причина за реконструкција на сегашната фасада на владината зграда е застарената изолација и дрвенарија. Обновата на надворешниот лик на објектот ќе биде прва интервенција откако објектот е изграден во 70-тите години на минатиот век. Досега, единствено се интервенирало во внатрешноста на владиниот дом. (А.П.)

http://www.dnevnik.com.mk/?ItemID=B27B8CF21FBABF4388A520D65D7132B7

Бар нема да ги наредат на кровот.

Зградава ќе ја биде за едно 3D да се направи.

А и нема да е лошо да постават скали односно да го спојат кејот со влезот.
Сигурно им е во план пошто друго изводливо решение за платото пред не гледам.




Edited by Block - 15-Aug-2012 at 19:10

Епа затоа треба да се реализира проект за градење брана на Вардар за да може да се регулира коритото односно зимно време да не изгледа како дивјачки вртлог канал а летно време да не изгледа како бара.

Од мене сепак една оценка повисоко за долната слика  

Edited by Cloverstack - 24-Aug-2012 at 01:03

мене не ми прави разлика отсуството на куполите, самата форма на целиот објект е крајно погрешна, а капаче си е тоа што сите тие столбови,  тимпанони и куполи, се само маска за модерна стаклена фасада, што барем јас го сметам за кич
објектот е погрешен на толку многу нивоа, тоа е нешто неверојатно...

Originally posted by mirakuliks Originally posted by zabegan мене не ми прави разлика отсуството на куполите, самата форма на целиот објект е крајно погрешна, а капаче си е тоа што сите тие столбови,  тимпанони и куполи, се само маска за модерна стаклена фасада, што барем јас го сметам за кич објектот е погрешен на толку многу нивоа, тоа е нешто неверојатно... За мене ко за почеток најпогрешно е местото (маркичката) на која што е изграден. Решението на тој простор да се стави маркичка односно изгради објект е едно од најпогрешните одлуки направени бидејќи со сила е збутана маркичката без потреба и урбанистички нема никаква смисла почнувајќи од фактот дека нема реална директна сообраќајна врска. А за фактот дека самата намена на објектот си бара простор околу себе или во најмала рака какво такво плато пред него е само понатамошен аргумент за исклуително погрешно избраната локација. Знам за ова уште од почеток имаше доста дискусија ама мислам дека важно да не го заборавиме овој основен проблем на целиот објект додека се води дискусија за шминката (надворешната форма) на објектот.

се разбира
затоа и викам дека е погрешен на толку многу нивоа, што е тешко дури и барем мала добра страна да му најдеш