Скопски сообраќај (општо)

СЕ ГОТВИ ПРОЕKТ ЗА НОВО СООБРАЌАЈНО РЕШЕНИЕ НА „РЕKОРД“

ГРАДОТ ГИ БРКА АВТОМОБИЛИТЕ ОД СТРОГИОТ ЦЕНТАР



Локалните власти од Град Скопје и од Општина Центар ќе соработуваат за изработка на проект за ново сообраќајно решение за улицата Димитрија Чуповски, познатa како „Рекорд“. Идејата е сообраќајни експерти да понудат предлози за утврдување пешачка зона во строгиот центар на градот, а потоа локалните власти да ги разгледаат можностите тоа да го изведат во практиката. Во која форма ќе се одвива сообраќајот на улицата и дали воопшто ќе го има, за скоро време ќе каже проектот, велат од Секторот за сообраќај при Град Скопје.

С` уште се преговара

за зградата што стрчи

Одлуката за изработка на заеднички проект со Општина Центар е усвоена на Советот на Скопје, а трошоците, во висина од 150.000 денари, ќе ги покрие градската власт.

- Советот го прифаќа предлогот на Општина Центар за воспоставување соработка помеѓу Град Скопје и Општина Центар и го уредува начинот, условите, финансирањето и други прашања за изработка на основен сообраќаен проект за режим на сообраќај на дел од „Димитрија Чуповски“, на потег од раскрсницата со „11 Октомври“ до раскрсницата со „Даме Груев“ и „Васил Главинов“ со обезбедена ревизија - објаснуваат градските власти.

Од одделението за односи со јавноста велат дека е возможно да се воведе пешачка зона на „Рекорд“ и да оформување на големо шеталиште во строгиот центар, заедно со постојната пешачката улицата и плоштад „Македонија“, но само откако улицата Даме Груев ќе биде проширена во булевар. Притоа „Димитрие Чуповски“ е предвидено да стане пешачка зона, шеталиште, но сепак нема целосно да биде затворена за сообраќај. По неа најверојатно ќе се дозволи движење само на возилата од јавниот превоз и евентуално на таксистите.

„Даме Груев“, која поминува кај ТЦ „Палома бјанка“ и до Собранието сега е двонасочна улица со по еден коловоз во обете насоки. Градот планира да ја прошири со уште две ленти, на сметка на сегашните паркиралишта, каде што е воведен зонски систем на наплата. Проблематичен е делот каде што „Даме Груев“ ја сече улицата Македонија, каде што има зграда чиј пасаж пречи на проширувањето. Градските власти сакаат да интервенираат на првите два ката на зградата, која е во приватна сопственост, и да ја обезбедат со потпорни столбови, а под неа да поминуваат возилата. Но, поради несогласувања за обесштетувањето со сопственикот, работата неколку месеци е статус кво.

- Разговорите со сопственикот на зградата, воедно сопственик на „Макоил“ с` уште траат. Институтот за земјотресно инженерство веќе достави неколку понуди за решавање на проблемот, останува да се договориме за најдоброто решение. Градот Скопје не се откажува од проектот за булеварско решение на „Даме Груев“ - изјавија одговорните лица од Градот.

Помало загадување

за 30 отсто

По напуштањето на идејата за изградба на подземна сообраќајница на кејот на Вардар, поради прескапите понуди од изведувачите, неодамна градоначалникот Kоце Трајановски најави дека во замена ќе се фокусира на други сообраќајни решенија, кои ќе влијаат за растоварување на метежот во Скопје, а со тоа и на помало аерозагадување, кое е меѓу најголемите проблеми на скопјани. Градските власти покажуваат тенденција да го следат трендот на поголемите светски урбани центри и да го потиснат сообраќајот од централното подрачје на Скопје, односно да го однесат надвор од „Малиот ринг“. Планот да се изгради булевар Даме Груев, е едно од решенијата во таа насока која Градот е цврсто решен да го изведе, а второто е проширувањето на улицата Јордан Мијалков, поранешна „Железничка“. И двете се однесуваат на центарот на градот, каде што сообраќајниот калабалак е најголем. Во претходните години, пак, актуелната градска власт прошири повеќе улици и булевари од „Големиот ринг“, кои би го прифатиле зголемениот интензитет на возилата, како што се „Теодосиј Гологанов“ и „Свети Kлимент Охридски“.

- Булеварското решение за „Даме Груев“ не е новина, напротив, тоа е стар проект од пред четири децении. Го има во стариот Генерален план на Скопје, го има и во новиот. Со остварување на замислата, конечно ќе се комплетира строгиот центар познат како „Мал ринг“ - потенцираат од Градот Скопје.

Според некои процени, ако сообраќајот се тргне од строгиот центар, се очекува аерозагадувањето во овој дел од градот да се намали за 30 отсто.

Јорданка Ивановска


#

http://dnevnik.mk/?ItemID=F933814A5D665743AE1DA5B8B048313B

Дали конечно ќе се осмелат да го реализират овој проект останува да видиме. Парите не би требале да бидат проблем со оглед на откажувањето од подземната улица покрај Вардар. Идеално би било ако успеат и просторот пред Собрание да го ослободат од автомобили. Само незнам дали може на друг начин да се реши влез и излез во поземната гаража на ГТЦ.

Edited by kultuzin - 19-Jul-2014 at 10:43

Ова ќе биде епска глупост, а се прави од една причина, тие фамозни туристи и народ да гледа дека се "гради". Затоа и го земаа Рекорд на пик, една од најфреквентни точки у градот. Или Коце има пусти мерак Илица у Скопје да ја направи. А поголема глупост е што прво акнаа на Даме Груев катна гаража до сама улица, а сеа ќе праеле булевар, што значи дека цел дрворед и зеленило ќе уништат што е у слоп со линијата на Градски ѕид, а убеден сум дека никакво намалување на загадувањето нема да има. Тие што сеа идат преку Рекорд, ќе идат од другава страна. А за Макоил не е проблем, толку тендери кркна од државата, ако треба и сам ќе ја сруши зградата
И загадување не се намалува со пренасочување сообраќај од една на друга улица, се прави со квалитетен јавен превоз, пожелно шински, со нови автомобили, и најбитно со строгоча кон таквите како Минчо. Се додека овие три точки не се решат, ако сакаат и на небо нека ја дигнат улицата, загадувањето ќе биде исто. Боље Коце нека засука рукави и да најде подобар начин за подземната, наместо за вакви погубни проекти да се прави муабет. После ова да ти е мерак у Градски ѕид да живееш, пиеш кафе на тераса над фрекфентен булевар. За мерак.

дрворедот одамна му е пишано да биде исечен.проблемот е дали и со проширувањето ќе се реши нешто

Тоа не е премостување ,тоа се вика убивање на виталната точка во градскиот сообраќај во Скопје и само закочување во улица која и ден денес е доста користена. Таа денес е со 2 ленти и овие 4 на рекорд се 6 ,а кога ќе се затвори рекорд и оваа се прошири тогаш ќе има само 4 ,односно по 2 во насока ,а од тоа нема да добиеме поедноставен сообраќај. Проблемот кај Скопје не се решава со проширувањето на улицава туку со изградба на оние клучни булевари (или нивно довршување) како што се АСНОМ , бул Македонија (ако не се лажам овој треба да биде јужната обиколница), Словенија, Кирил и Методиј итн. Кога сите овие ќе се изработат како што треба може Рекорд да го затворат и да ја градат онаа мизерна подземна сообраќајница во Скопје. Воедно со Скопскиот сообраќај мора да се реши  јавниот транспорт со некаков иновативен превоз (како оној некаде позади во нишкава што го спомнавме а е изум на наш сограѓанин ,со жичарите). Мора да се направат градски велосипедски патеки кој ќе бидат целосно оделени од другиот сообраќај и да се потикне народот повеќе да користи јавен превоз и велосипед како нивно превозно средство. Но нашиве немаат идеја што да направат.

јас се извинувам ,незнам дали има бул Кирил и Методиј ,мислев на Климент Охридски 

Originally posted by phenomenon Originally posted by N23 И загадување не се намалува со пренасочување сообраќај од една на друга улица, се прави со квалитетен јавен превоз, пожелно шински, со нови автомобили, и најбитно со строгоча кон таквите како Минчо. Се додека овие три точки не се решат, ако сакаат и на небо нека ја дигнат улицата, загадувањето ќе биде исто. Боље Коце нека засука рукави и да најде подобар начин за подземната, наместо за вакви погубни проекти да се прави муабет. После ова да ти е мерак у Градски ѕид да живееш, пиеш кафе на тераса над фрекфентен булевар. За мерак. Toa ќе го направат кога врбите засадени во Вардар ќе родат грозје. На кои нивни особини и капацитети се повикуваш па да имаш реална основа да се надеваш дека ќе спроведат барем една точка од тие што си ги навел?

Не се ни повикувам, само давам идеи кои на никој у локалната администрација не би му текнале. Да имаат вакви идеа, не би биле сеа на власт и позиција, зашто би биле далеку пред "реалното" време во Македонија

Спомнува голем проект продолжување на Климент Охридски преку Вардар и да излегува на пластичарска улица.

ЗАВРШИ РЕКОНСТРУКЦИЈАТА НА КОЛОВОЗОТ ПРЕД АВТОБУСКОТО СТОЈАЛИШТЕ СПРОТИ „РЕКОРД“

Градот Скопје пред предвидениот рок ја заврши реконструкцијата на крајната сообраќајна лента на улицата Димитрие Чуповски, пред автобуското стојалиште наспроти „Рекорд“, со што сообраќајот на овој потег од денеска /21.07.2014 година/ се одвива без ограничувања.

Крајната сообраќајна лента на улицата Димитрие Чуповски, пред автобуското стојалиште наспроти „Рекорд“, се реконструираше во должина од 200 метри, пред и по автобуската станица.

Оштетениот и вдлабнат асфалт беше изгребан, на делови каде што коловозот беше многу оштетен се санираше и потповршинскиот слој и се нанесе нов асфалт.

Во текот на реконструкцијата на сообраќајната лента кај „Рекорд“ беа нивелирани и постојните шахти и сливници. Градот Скопје за овој градежен зафат одвои околу 4 милиони денари.







http://www.skopje.gov.mk/ShowAnnouncements.aspx?ItemID=6673&mid=482&tabId=1

За една сообраќајна лента од 280 метри беше закрчен пола град. Па барем да искористеија да ја преасфалтираа цела во должина од двата семафора и да го бетонираа солидно и другиот контра дел за пред автобуската.

За непочитување на жолтата лента на Рекорд и Партизанска, казна 2000 евра, тоа го сакам. А не куртони паркирани по крајната десна лента, а автобуси по средната лента.