Јавен автобуски превоз (општо)

Ги пофаливте ЛАЗ па ја да кажам дека ретко се возам со нив ама скоро ми се погоди да се качам во неколку и не можев да поверувам колку сите се тресат, крцкаат, тропаат.... Кинескине се класа за нив.

Moже ли некој да каже зошто линиите 18, 18А и 118 се приградски? Ниту возат далеку од центарот на градот, ниту се премногу долги. Дури мислам дека ова се најкратките линии на ЈСП. Кој критериум е земен овие линии да бидат приградски, а линиите 21 и 21А да бидат градски?

Или линиите 31 и 33. Едната е градска, а другата приградска, а и двете идат до Долно Лисиче?

Edited by phenomenon - 06-Feb-2014 at 18:56

Јас затоа и го поставив прашањето овде а не до ЈСП бидејќи тоа ги надминува нивните мозочни капацитети. Инаку на сајтот на ЈСП линијата 12 е ставена како градска. 12 сообраќа често но претежно се приватни превозници.

Ај нека е аирлија. Пензионерите ќе добијат уште еден ден за гратис возење во ЈСП - недела.

едно време мислев дека е супер пензионерите да имаат што е можно повеќе денови во неделата, за да се намали нивниот број во поединечните денови... ама, знаејќи ги нашиве легендарни пензионери, ќе се возат секој ден без прекин, чисто за разонода
сега мислам дека е најдобро да имаат еден, најмногу два дена во неделата, и тоа да бидат сабота и недела, барем да го ослободат јавниот превоз на оние луѓе кои всушност одат на работа и училиште и немаат друг избор

Добро бе зар уште не се откажуваат од ова? Па не 5-ти тендер, уште 100 тендери да распишат се им е џабе кога се неспособни тотално!!! Абе уште цела деценија ќе се чудат како да им успее ова!!!





ПЕТТИ ОБИД НА ЈСП ДА ВОВЕДЕ УМНИ БИЛЕТИ



Јавното сообраќајно претпријатие „Скопје“петти пат распиша меѓународен оглас за набавка и монтирање систем за автоматска локација на автобусите и на електронски систем за наплата на билетите во возилата. Избраната фирма ќе биде должна да ги воведе двата система во рок од 46 месеци, односно за нецели четири години, но директорот на ЈСП, Мишо Николов, вели дека фирмата ќе треба да ја заврши работата за 30 месеци по потпишувањето договор.

Овие два система со кои ќе се модернизира јавниот превоз се најавуваат речиси цела деценија. Со автоматската локација, патниците на автобуските стојалишта на електронски табли ќе добиваат информации за колку време ќе стаса автобусот што го чекаат. Возилата ќе бидат следени преку сателит и информациите ќе се проследуваат во реално време. Со системот за електронска наплата, односно со воведувањето таканаречени умни билети, ќе се избегнат билетите од хартија и ќе се скрати времето на влегување на патниците во возилата. Граѓаните што се возат со јавниот превоз ќе си купат електронски припејд-картички, кои ќе ги дополнуваат со толку пари колку што сакаат, а при влегувањето во автобус ќе ја приближат картичката до читач, кој од неа ќе им одземе сума колку што чини возењето. Така патниците ќе влегуваат брзо во возилата, нема да се задржуваат кај поништувачите на хартиените билети, кои често се расипуваат и нема да мора да купуваат билет од возачот и така да го задржуваат возилото на стојалиштето.

Електронска наплата во 500 автобуси

Досега пропаднаа четири тендери со кои ЈСП планираше да ги воведе современите системи. Причината што досега не се реализираа овие проекти, според Николов, е што системот за електронска наплата е сложен и треба многу внимание за технички да се дизајнира тендерот.

- Во прашање е и нашето неискуство за вакви системи. Очекувам овој пат тендерот да биде успешен. Нема посебни измени на условите во него, тие остануваат речиси исти. Електронската наплата ќе се воспостави во 500 наши автобуси. Ќе бидат поставени исто толку валидатори, односно поништувачи. Исто така, фирмата што ќе биде избрана ќе биде должна да воспостави три машини - автомати за продажба на електронските картички и тоа на пофреквентните автобуски постојки, како што се, на пример, „Рекорд“ или Бит-пазар -информира Николов.

Освен на трите автомати, електронските билети ќе се продаваат и на 58 продажбени места и билетарници. Ќе бидат набавени 200.000 електронски картички (билети), како и 50 уреди за контрола.

- Со текот на времето ќе бидат воспоставени дневни и неделни карти. Но, за тоа потоа - изјави Николов.

Проектите проценети

на 2 милиона евра

За системот за автоматска локација, избраната фирма ќе има задача да постави 40 информативни дисплеи на автобуските постојки, преку кои патниците ќе добиваат информации за пристигнувањето на автобусите. Во сите автобуси ќе треба да постави ГПС-уреди за сателитско следење на возилата и да опреми диспечерски центар за нивно следење, кој ќе биде сместен во рамките на Студентскиот дом „Kузман Јосифовски-Питу“. Главна придобивка од овој систем, освен информирањето на патниците, ќе биде тоа што ќе се надмине доцнењето на возилата.

Проектот за поставување информативни дигитални табли го почна ЈСП во 2010 година. Беа монтирани 10 дисплеи на постојките на кои сообраќаат линиите „2“ и „5“ и со тоа проектот застана.

Заинтересираните компании своите понуди треба да ги достават најдоцна до 16 јуни во 11 часот, во дирекцијата на ЈСП, кога ќе се спроведе јавното отворање на понудите. Проценетата првична вредност на овој проект, според тендерската документација, е 120 милиони денари, односно околу 2 милиона евра.

На претходниот тендер компанијата „Микроелектроника“ од Чешка беше најблиску до добивање на договорот за електронска наплата. Лани во јули ЈСП најпрво ја избра турската компанија „Kенткард“ за поставување на системот, но имаше жалби од другите учесници, односно од „Т-мобиле“ и „Ассеко Сее дооел“ од Скопје. Учествуваше и норвешкиот конзорциум „Бро-ог тунел-селскапет“, но не поднесе жалба. По разгледувањето на жалбите, од евалуација беа исклучени три фирми, а во игра остана само понудата на „Микроелектроника“. Од ЈСП тогаш не обелоденија кој колку пари побарал за да ги воведе системите. Тендерот пропадна, а претпријатието сега повторно се обидува да го осовремени јавниот превоз во метрополата.



http://dnevnik.mk/?ItemID=F2AF494E1B93E74C81653337EA47A075

И што сега да каже човек на вакви ретардирани изјави?
Би замолил ако некој психијатар го чита ова, нам, на лаиците, да ни го објасни ваквиот ментален склоп.

Ме чуди зошто линиите не одат до Велгошти и до Радојца Новичич.

Дај слики од автобусите на градските линии. Ако на нив возат комбиња Iveco Daily на Галеб, бидете сигурни дека повторно ќе ви пропадне јавниот превоз.

Го срамите градот. Туристичко место со градски минибуси со една врата. Имате ли мозок?! Што и да кажам повеќе, би било одвишно.