Скопски сообраќај (општо)

е-точаци и е-тротинети чим развиваат брзина на 30 км/ч мислам треба и да се регистрирани т.е. имаат таблички, ем да подлежат на технички преглед, а корисниците да треба да се контролираат и со алко-дрога тест, како нема засебни патеки за вакви брзи направии и како утре на младите од мали нозе ќе им легнуваат на срце просто поарно со време да се збрчи ваква стандардизација него да се чека на немили случки за да се осигура безбедност по тротоари и улици ... друг битен момент е да се едуцираат деца уште низ образование дека и Веспа е супер опасна работа за под нозе во костец невнимание на автомобилисти а не пак е-бајкои и тротинети, можеби скоцкани со мит’бастерс’тајп серијали со краш’тест’дамис урнеци за да попластично им се доловува колку супер-склет е кога пола тон авто тенеќе со брзина и од 30 км/ч влета и само во макази на е-тротинет, конечно чаре е засебни ВЕЛО АВТОПАТИ да пуштат градоите по средини на булеварите, што во случај да се стегне градскиот авто сообраќај ќе биде и повеќе од неопходно ...

Дупки место пат од Маркова Сушица кон Сопиште



Сопствениците на викендички и жителите на Маркова Сушица, место Перковец, Општина Студеничани, веќе подолго време имаат проблем со патот од продавницата поставена на крстосницата за Марков манастир, Козјак кон Добри Дол во нагорнина од наредните 500 метри. Наведениот дел од патот е во катастрофално лоша состојба, со огромни дупки, скоро и невозможно за одвивање на сообраќајот.

Скопјанецот Никола Р., кој најчесто вози по овој пат за време на викендите или за празници за да стигне до Марков манастир вели дека на тој дел од патот речиси и да нема асфалт, состојбата трае веќе подолг период, а никој не презема ништо.

– Колите ги искршивме, цел пат е со дупки. Тоа не се дупки, туку кратери. Еве може да видите и сами. Треба да се стави нов асфалт. Дупките да се пополнат или нека ја асфалтираат улицата, ни изјави Никола.

И луѓето кои деновиве помагаат за подготовка на манастирската слава по повод празникот Свети Димитриј (Митровден) се жалат дека практично е невозможно со натоварено возило да се достават потребните работи до манастирот и мора да се бараат алтернативни заобиколни патишта.

Жителите нè информираа дека пред извесно време оствариле средба со претставници на Општина Студеничани, по што добиле препорака нивниот проблем да го стават во писмена форма и да го достават до градоначалникот Азем Садики.

Жителите од градоначалникот Садики и од општината бараат да се излезе на терен со цел подобро да се запознае и утврди лошата фактичка состојба на патот. Бараат итно пополнување на дупките за да може да се одвива сообраќајот, дури не се пристапи со квалитетно решавање на проблемот.

– Бараме сеопфатно решавање, квалитетно реконструрирање со проширување на улицата и асфалтирање за нормално разминување на две возила според сите стандарди. Условите на теренот лесно овозможуваат да се изврши проширување со мали активности и финансии. Ова наше барање сакаме да влезе во проектите за 2020 година, за да може навреме да се обезбеди буџет и негова реализација, велат жителите на Маркова Сушица.

Граѓаните истакнуваат дека се подготвени да се вклучат на кој било начин да помогнат за решавање на проблемот.

Од Општина Студеничани за МИА информираат дека имале средба со месното население, ги слушнале нивните проблеми и од нив добиле писмено барање кое ќе се разгледува на седница на Советот. Информираат дека нивните служби излегле на терен и оти за 2020 година ќе се потрудат да се изнајдат доволно средства за реконструкција на овој локален пат.

Од Општина Студеничани додаваат дека тие се приградска, рурална општина надвор од Град Скопје и се обидуваат да го решат проблемот во најкраток можен рок.

Од Општина Сопиште за МИА изјавија дека иако овој локален пат е на територија на Општина Студеничани, тие се подготвени за соработка и би се вклучиле во изработка на заеднички проект.

Жителите, пак, изразуваат надеж дека нивниот проблем ќе се реши наскоро, а дотогаш останува да возат по дупки.

https://denesen.mk/dupki-mesto-pat-od-markova-sushica-kon-sopishte/

Незнам кои улици ги избраа за приоритетни летово кога реконструираа но изгледа не ги опфатија тие кои се поважни според мене бидејќи често се движам на релација кон Мавровка слободно може да се каже дека и при најмал дожд веднаш се полнат со вода добар дел околу пешачките острови кај МАНУ и кај семафорите кај Судска Палата а исто и кај Нова Железничка автобусите имаат направено огромни вдлабнатини кои се полнат со вода. За тротоарот поред МАНУ и судовите не вреди да се коментира откако е направен не е фрлен грам асфалт за санација.

Во дел од Бутел како во Среден век





Ова е улица во срцето на урбаниот дел на општина Бутел. Улица Бутелска 35, ископана од Водовод и оставена така веќе подолг период. Живееме како во Среден век.“ - напишаа бутелчани на социјалните мрежи објавувајќи фотографии од состојбата во која живеат овие жители.

Граѓаните се жалат велејки дека улицата е едноставно непроодна дури и опасна за движење.

https://skopjeinfo.mk/vo-del-od-butel-kako-vo-sreden-vek

Пластичарска ќе се проширува, ама тајна е кога

Улицата Никола Карев или позната како пластичарска улица ќе се проширува и тоа во неколку фази. Како што најавуваат од градот, првата фаза на реконструкцијата ќе започне наредниов период, но оттаму не дефинираат ниту датум, ниту месец од кога ќе почнат работите. Иако поставивме конкретни прашања што предвидува проектот за проширување на оваа сообраќајница, во колкава должина и ширина ќе се прошири, од кога ќе започнат активностите и до кога ќе траат, од градот – молк. Не ни кажаа ниту колку ќе чини проширувањето.

Проектот за проширување на улицата Никола Карев ќе се одвива фазно, а во моментот кога ќе започнат активностите тие ќе бидат презентирани во јавноста. Во наредниов период ќе започне првата фаза на проектот, која ќе се одвива до клучката Детелина во близината на Бит-пазар, до касарната „Илинден“ – само кратко ни одговорија од градот.

Во емисијата „Само вистина“ на телевизијата Канал 5, градоначалникот на Скопје, Петре Шилегов, јавно кажа дека утредента по неговото гостување, односно во четвртокот, треба да почне електронската лицитација за изведувач на проширувањето на пластичарската улица. Тоа значи дека се веќе познати деталите за тоа какви промени ќе претрпи оваа сообраќајница. Но ако реконструкцијата на оваа улица беше проект на поранешниот градоначалник Коце Трајановски и истиот тој има претрпено измени, од градот не ни одговорија ниту за тоа во што се состојат измените на проектот и дали тој сега чини помалку или повеќе од претходно.

https://www.novamakedonija.com.mk/makedonija/skopje/пластичарска-ќе-се-проширува-ама-тајн/

Edited by stef4o - 25-Nov-2019 at 15:45

На мелење празна слама ми личи ова...

Почна реконструкцијата и проширувањето на Пластичарската улица



Град Скопје започна со првата фаза од реконструкцијата и проширување на булеварот „Никола Карев“ или попозната како Пластичарска улица. Ова може да се види од фотографиите што на фејсбук ги објави градоначалникот на Град Скопје, Петре Шилегов.

Како што информираат од Градот, предвидена е целосна реконструкција и проширување на коловозот на потег од клучката „Детелинка“ до улицата кај влезот на касарната „Илинден“, во вкупна должина од 1.440 метри. На овој потег ќе се добијат четири сообраќајни летни, пешачки и велосипедски патеки, а на делови и разделно зеленило.

Булеварот ќе добие ново осветлување со канделабри во висина од 9 метри, како и дислокација на електрични и телекомуникациски инсталации. Со овој проект е предвидена и поставување на нова атмосферска канализација со променлив профил, во вкупна должина од 2.162 метри, како и водоводна мрежа на двата крака, во вкупна должина од 2.552 метри.

(А.П.)

https://www.vecer.press/почна-реконструкцијата-и-проширувањ/

Mn biten proekt se i tunelite na kale. Tie bi oformile kruzen tok nad semaforite koi sega postojat, pa taka ako ne se lazam od kasarnata do avtokomanda ke imame bulevar na nivo na urban avtopat, bez semafori i pesacki. Se razbira se ova paga vo voda ako divjaci parkiraat po vtorata lenta. Toj haos neznam kako kje go resat samo inace super e ova i treba da se razmisluva za prosiruvanje se do obikolnicata i avtopatot prema Kosovo.

Originally posted by kiriOK Originally posted by MKDSTRUGA Mn biten proekt se i tunelite na kale. Tie bi oformile kruzen tok nad semaforite koi sega postojat, pa taka ako ne se lazam od kasarnata do avtokomanda ke imame bulevar na nivo na urban avtopat, bez semafori i pesacki. Se razbira se ova paga vo voda ako divjaci parkiraat po vtorata lenta. Toj haos neznam kako kje go resat samo inace super e ova i treba da se razmisluva za prosiruvanje se do obikolnicata i avtopatot prema Kosovo. За жал таквите ко тебе од провинција и го уништија Скопје... Како за почеток разгледај го проектот за тунели под Кале и што тоа ќе значи за зелените површини во делот кај Градски Парк.