Скопски сообраќај (општо)

Јасно дека ова е решение гужвљата да се растерети - ако сега кај мавровка чекаат сите што одат и кон аеродром-и кон битпазар- и кон автокоманда и кон центар, со клучка без семафори ќе се чека на следните раскрници но само 1/4 од возилата што чекаат пред мавровка (груба математика).

Брзо, ефикасно и лесно решение. Да не спомнувам ефтино зашто некои чувствувам веќе ми дишат во врат.

По 1/4 од гужвата ќе се префрли на следните раскрсници, што значи сериозно растеретување на сообраќајот - бидејќи сега се чека од сите 4 страни, а тогаш секој ќе појде на својата страна и таму ќе чека. Не мислев на чекање пред Мавровка.

(Пример колите што доаѓаат преку мостот Г. Делчев сите чекаат на Мавровка - некои од кон автокоманда, некои кон Бит пазар, некои кон аеродром или пак кон гтц, со клучка на мавровка сите би се распределиле кон своите дестинации и ќе нема толку гужва.)

Па проблемов со едносмерниве улици не сум го осетил нешто посебно на моја кожа иако сум жител во непосредна близина. Ретко ги користам овие улици во шпицевите. Оние проблеми кои се наведени горе со ризичните раскрници ги знам добро. Руски рулет е да свртиш на една од тие раскрници, ама уствари тоа ионака ќе си остане и со враќање на двонасочниот сообраќај. А главен проблем со овие улици е што се можеби најруинираните во Скопје. Тоа е невиден релјеф. Сепак додека Сава Ковачевиќ не се прошири во потполен профил како што е по гуп, нема да видиме квалитетно решение. 

Улицата е сега уствари на косо поставена од идната траса. Следи ги градежните линии ќе видиш лесно. Од Првомајска до народни херои може слободно да се прошири, со оглед на тоа што се работи само за запуштени дворови на некои колективни куќи кои најверојатно и се на државно земјиште. Воопшто не е никаков проблем. А инаку свртување од Сава на Првомајска треба да е со многу поголем радису од сегашпниов и треба баш да го пресекува тоа паркчето пред кулата.

Дали ќе биде клучката дијамант јас не знам. Затоа и прашував дали има некои скици и како ќе се одвива просторот. Значи пред да видам некои проекти, не би сакал да нагаѓам дека ќе има семафори.

Не знам дали си ги видел новите клучки во Нови Београд, кои се на две нивоа, со кружен тек, односно комплетно без семафорско решение на релативно мал простор.

Нешто помало исто така може да се изведе кај Мавровка.

Еве ти линк од клучките во Белград овде.

Не се работи за комплетно решение со кружен тек. Едниот правец де факто добива приоритет (кој ќе биде зависи од пресметките на проточност), а исто така директен приоритет добиваат и сите свртувања на десно (што не е случај со сите семафорско решените двонивелациски клучки.

Единствено на кружниот тек се качуваат сите свртувања на лево и едниот прав правец (пример Бит Пазар - НБМ). Можеби си во право - ова да е преголем интензитет за кружниот тек, но има и кружни текови во светот со многу поголем проток од раскрсницата кај Мавровка кои функционираат беспрекорно. Чисто го давам како една идеја, бидејќи и со тунел и без, ваквата сосојба кај Мавровка не е одржлива на долг рок.

@ krale
Како да не си прочитал што сум напишал  
Цело време зборувам за клучка на две нивоа, со кружен тек, токму како примерот што го посочи.

Originally posted by krale директен приоритет добиваат и сите свртувања на десно (што не е случај со сите семафорско решените двонивелациски клучки.

Непречено вртење десно ниту е загарантирано со кружен тек, ниту е исклучено со обична крстосница или клучка од типот дијамант или слична.

Originally posted by krale но има и кружни текови во светот со многу поголем проток од раскрсницата кај Мавровка кои функционираат беспрекорно

Добро би дошло да наведеш пример, за да ги разгледаме точните околности.

Originally posted by krale Чисто го давам како една идеја, бидејќи и со тунел и без, ваквата сосојба кај Мавровка не е одржлива на долг рок

Претпоставувам зборуваш за тунелот под плоштад. Но не е само тој проект кој драстично би го намалил притисокот кај Мавровка. Тука се и сите три урбани автопати (најмногу Крушевска Република), потоа бул. Хрватска, исто така продолжението на бул. Климент Охридски преку Вардар, а можеби и некои други помали. А единствен проект кој би го зголемил притисокот би било спојувањето на бул. Гоце Делчев со бул. АВНОЈ, но и тоа прашање е колку, бидејќи најголем дел од тие возила ионака поминуваат кај Мавровка, само што претходно кружат преку други сообраќајници и крстосници, оптоварувајќи ги и нив. Значи доколку почнеме да ги реализираме зацртаните сеопфатни решенија, потенцијалот за намалување на притисокот кај Мавровка е огромен. Тоа е многу подобро отколку да одиме на изолирани решенија. На крајот на краиштата, нема никакво фајде и ако се постигне поголема проточност кај Мавровка, доколку после заглавиш некаде во непосредна близина (на пример на крстосницата кај стоковната куќа Илинден, која е на само ~130 метри одалеченост).  Решение за проблемите може да биде само избалансирана сообраќајна мрежа. Сегашните проблеми произлегуваат токму од тоа што ја немаме оформено (како што си е планирана според ГУП).

А што е тоа што не сме прочитале? Јас имам впечаток дека е обратно.

Не се работи за 100 тунели, туку за правилно димензионирана мрежа која сеопфатно би го покривала градот (а патем тунелите се бројат на прстите од една рака и не се никаков ликсуз туку неопходност... ниту пак мора да се изградат наеднаш сите, туку секој посебно би имал огромен ефект). И главнината на тие проекти не чини катаљон евра туку отприлика колку глупостите од Скопје 2014. А што е уште поважно, треба да се земе во предвид исплатливоста на тие проекти, а не нивното чинење. Зарем не би вложил и катаљон, доколку инвестицијата се врати за 5 години?

Што се однесува до клучка кај Мавровка, тое е пред се изолирано „решение“. Цел град е закрчен... не знам како мислиш да се одглави со едно или две изолирани решенија. Така не само што ќе заглавиш 100 метри понатака, туку таа гужва може да ти ја парализира и самата клучка. Исто така Скопје е град кој зафаќа површина од речиси 20 илјади хектари, кои се мизерно покриени со примарна сообраќајна мрежа. Сваќаш ли колку е безначајна крстосницата кај Мавровка сама за себе? Доколку беа изградени барем некои зацртани решенија во ГУП-от, нека тргне секој од себе колку драстично поретко ќе требаше да поминува кај Мавровка. А токму тоа е поентата на една добро планирана мрежа - да нема непотребно кружење, да се  елиминира преголем интензитет на одредени точки, да се добро покриени сите делови од градот... а сигурно не е поентата да се форсира една точка за од таму да мора да помине пола сообраќај во градот. Плус тоа, како што беше веќе спомнато неколку пати, не знаеме дали клучка кај Мавровка воопшто би ни била потребна кога ќе се реализираат други (вистински приоритетни) проекти. Сега за сега, освен исправање на крстосницата (што покрај поголема безбедност ќе донесе и малку подобра проточност), секаков друг проект е тотално сувишен. Уште еднаш нагласувам дека не сум против едноставно вцртување како долгорочен план, ама ако сакаат да се истрчуваат со градење (а на сметка на многу поприоритетни, покорисни и посеопфатни проекти) нека презентираат издржани сообраќајни модели како потврда за потребата (што сигурно нема да бидат во состојба да го направат).

Originally posted by krale Пример на проточен кружен тек имаш овде: Прага Само не знам колку ова ќе ти фати око, пошто е од крале.

Крале, кога реков да наведеш пример, за да ги разгледаме точните околности, не реков да најдеш кружен тек на google maps па после тотално да нагаѓаме за се во врска со него. Што знаеме за овој кружен тек што го посочуваш? Ајде да земеме дека е проточен, ама кои се конкретните фактори и дали може да се пресликаат кај Мавровка? Дали располагаш барем со податок за вкупниот сообраќај на тој кружен тек? Всушност твоето изворно тврдење не беше дека постојат проточни кружни текови (се разбира дека постојат), туку ти изричито кажа дека имало „кружни текови во светот со многу поголем проток од раскрсницата кај Мавровка кои функционираат беспрекорно“. Зарем како доказ на тоа приложуваш сателитска снимка од некој кружен тек во Прага, за кој не знаеме ништо? Ако треба да нагаѓаме од око, со оглед на празните околни улици, прилично е јасно дека врз него нема никаков сообраќаен притисок, барем во моментот кога е направена сликата, а тоа е и моментот од кој што треба да заклучиме дека кружниот тек функционира без поголеми проблеми.

Но пред се, очигледно е дека се работи за кружен тек кој по својата функција нема ништо заедничко со претпоставениот кружен тек кај Мавровка. Токму тоа е проблемот со генерализации и кога некој ќе види негде нешто па мисли дека е универзално применливо. Ама не се јаде се што лета 

Се фативте конкретно за мавровка раскрсницата. Таа раскрница е само симптом напроблемот недоизградена патна мрежа. А е една оид раскрницте што драстично ќе го сменат пгдс-от со фоградба на други прекинати делови во сообраќајната мрежа. Голем дел од сообраќајот овде во иднина треба да се пренасочи према нов мост кај влада, исто така голем дел од сообраќајот сега што доаќа од кај ману треба во динина да доаѓа од кај мтв. И се да градиме клучка што потоа не само што нема да биде потребна туку и ќе биде трн во здрава нога, ќе биде проблем за нормално функционирање, а парите се фрлени во ветер. Ова дури не се рамња со клучка континентал.

Е сега крале вака малку промовираш решение кружен тек како универзално решение за проблемите. Точно е дека низ свет повеќе се практикува од кај нас, но проблем е за оваа раскрница дури и вакво решение, со оглед на тоа што се работи за драстично асиметрични пгдс на правците, додека кружен тек е најфункционален кај раскрници каде ентропијата е максимална, односно каде приливот е унифромен по правците. Е сега кај нас може и треба да не биде до толку одфрлен како репшение, меѓутоа тука за оваа раскрница тоа не е решение.

Додека со 15-те милиони евра наменети за сообраќајна мрежа почнувам проект тунел под плоштад. До кај стигне, стигне.


Edited by lslcrew - 01-Mar-2010 at 11:28