Другар сум живеел во Скопје и сум возел велосипед и тоа во времињата кога да возиш велосипед се сметаше за адреналински спорт, а луѓето кои го упразнуваат особено во есен и зима се сметаа за налудничави и неарни. За среќа имам можност годишно најмалку по еднаш да дојдам во Скопје и да прошетам. Велосипед не сум возел но ги гледам патеките кои најблаго речено се мизерни и нефункционални, згоре на тоа блокирани од паркирани автомобили. 

Најголемиот проблем е што се нема стратегија а приоритетите се извртени. 

Па еве и овде на форумот предност секогаш му се дава на автомобилскиот сообраќајот, а за велопедистите ако остане некое парче асфалт тогаш им се оцртува линија и демек еве тука возете за после 500 метра таа линија да ја снемува, а ти со велосипедот крши глава и мисли му ја како ќе преживееш. 

Поентата ми е како и погоре што кажав треба да се разбере важноста на велосипедите и да се седне да се изработи сеопфатна стратегија со која на велосипедистот ќе му се додели престолот во сообраќајот.

Ќе се обидем оваа лето да направам видео од патеките за велосипеди овде каде што живеам , а би било добро некој да закачи камера и да се повози по Скопје за да се споредат условите. И да се види како треба а како не.  

Еве за ова зборувам постојано. Убеден сум дека еден град особено во централното градско подрачје може да функционира со минимален автомобилски сообраќај. За сметка на тоа велосипедски и јавен градски сообраќај.

Градот кој се откажа од автомобили – на местото на патиштата паркови (Фото)

Хамбург е првиот град кој во следните 20 години ќе работи остварувајќи ги своите амбициозни планови за ослободување од автомобилите.

Градскиот совет на германскиот град Хамбург планира да стане град без автомобили во рок од 20 години. Работејќи на овие планови, градскиот совет одлучи да изгради повеќе пешачки и велосипедски патеки, поврзувајќи ги во голема мрежа.

Според плановите, се предвидува елиминирање на потребата од автомобили во рамките на наредните две децении. Се со цел намалувањето на потребата за користење на автомобилите и зголемувањето на еколошкото ниво, локалните власти се одлучија да ги зголемат зелените површини, градските паркови, градските градини како и помалите шумски подрачја во периферијата на градот.

http://mkd-news.com/gradot-koj-se-otkazha-od-avtomobili-na-mestoto-na-patishtata-parkovi-foto/

По завршувањето на овој проект, Хамубрг со гордост ќе има над 17.000 хектари зелени површини, што би покривало цели 40% од градот. Според официјално лице, амбициозниот план ќе ја намали потребата да се земе автомобилот за викенд излети надвор од градот.