Метробус Скопје (Bus rapid transit / BRT)

Идејниот проект во март, се чека на Собранието за потпишување на договорот за „трамвајот на тркала“

Градот Скопје во текот на март очекува да го добие идејниот проект и пропратната документација за првата линија на брзиот автобуски систем (БАС) во Скопје на потегот од Ѓорче Петров до Ново Лисиче. Градските власти за „Мета.мк“ велат дека немаат никакви најави за доцнење во изработката на идејниот проект, за кој беше склучен договор за проектирање минатата есен.

По изработката на идејниот проект, градските власти ќе треба да ја стават на увид на јавноста документацијата за тоа како ќе изгледа функционирањето на првата линија од „трамвајот на тркала“, која ќе биде долга 12,81 километри, ќе има 21 автобуска постојка и 2 автобуски терминала.

Откако ќе се изработи идејниот проект, следен за подготовка е основниот проект, коj ќе бидe стожер на изведбата на брзиот автобуски систем.

„Распишувањето на огласот за избор на проектант за Изработката на основниот проект и целокупната пропратна документација за првата линија од БРТ Скопје, ќе го спроведува Европска банка за обнова и развој (ЕБОР)“, велат за „Мета.мк“ од Град Скопје.

Динамиката со која ќе се изготвува основниот проект зависи од реализацијата на кредитното задолжување кај ЕБОР, која пак во моментов се наоѓа на разгледување во Собранието на РСМ. Кредитот од 70 милиони евра за двете БРТ линии во Скопје се наоѓа пред собраниската Комисија за финансирање и буџет, а откога ќе го помине овој филтер, предложениот закон за должување кај ЕБОР во второ читање треба да се најде пред пратениците на некоја од следните собраниски седници. Документот што земјава планира да го склучи со ЕБОР може да се разгледа овде.

Првата транша од кредитот на ЕБОР во висина од 47,6 милиони евра треба да се искористи за изработка на основниот проект, изградба на првата БРТ линија, но и за идните депоа во Ѓорче Петров и Ново Лисиче, реконструкција на булеварите и улиците по кои ќе минува трасата, набавка на нископодни автобуси на компримиран природен гас, систем за управување со сообраќајот, систем за управување со возниот парк, систем за информирање на патниците и систем за наплата на билети.

Втората транша од 22,4 милиони евра ќе се реализира како подоцнежна фаза, и тоа за реализација на втората БРТ линија од Кисела Вода до Бутел. Покрај заемот од ЕБОР, банката ќе додели и неповратни средства за техничка поддршка за имплементација на двете линии од „трамвајот на тркала“.

Од Град Скопје велат дека договорот за кредитот со ЕБОР ќе се потпише откога законот ќе биде изгласан од пратениците во Собранието.

Инаку, со првата БАС линија од Ново Лисиче до Ѓорче Петров и обратно би се патувало за 35 минути, со комерцијална брзина на автобусите од околу 19,2 километри на час. Ова ново средство за масовен превоз во Скопје ќе биде физички одвоено од постојниот коловоз, а би се движело по средината на булеварите и улиците низ кои ќе поминува трасата.

https://meta.mk/idejniot-proekt-vo-mart-se-cheka-na-sobranieto-za-potpishuvanje-na-dogovorot-za-tramvajot-na-trkala/

Има многу нијанси на БРТ и ЛРТ. Ние ќе добиеме основна варијанта на БРТ, нецелосно одделена од останат сообраќај, со вркстување на секоја можна раскрсница и што нема да понира под Мал ринг. Овие 35 минути тешко дека ќе ги достигнеме, но останува да видиме. Овој коридор е оската на градот и ако збориме за долгорочни решенија треба да е LRT done right. Но не го гледаме тој филм како и да е, така да останува со автобуси да се задоволиме.

Во право сте, ќе биде веројатно корисно и за LRT.

Originally posted by <Fresno> Не може да ме убеди некој дека ЛРТ барем како што почна да го поректира Трифун од Ѓорче до Ново Лисиче е нешто непотребно или преамбициозно за град како Скопје. Ниту сумите за изведба не се нешто превисоки, ниту па тековното одржување за кое вреди да добива субвенција од градот ако треба. Тоа што Коце не беше заинтересиран, а Шилегов неспособен да се избори за кофинансирање со Влада е огромен проблем. Ова е едно решение од типот на проширувањето на Гологанов. Не треба да се изведе затоа што на долг рок е нешто што ќе прави проблеми за понатамошниот развој за градов. Само што тука влогот не е една улица, туку цел јавен превоз. Се знае како и што треба и според ГУПови, а и дискутирано е на форумов со години.

Трифун релано не почна ништо, освен 50 различни празни муабети. И добро е што останаа празни муабети, затоа што таму имаше се и сешто, само не ЛРТ.

Тоа беше едно постојано лутање на сите полиња, а сепак и покрај толку лутање не успеаа со идеите да отидат подалеку од она што го виделе во Загреб и Сараево. Имаше само една константа што остана во текот на целиот процес, а тоа е дека секогаш контурите на системот беа класичен уличен трамвај концептуално заглавен во доцен 19 век. На крај наводно испроектираа некаква линија од Ново Лисиче до Џамбо (не објавија никаква проектна документација во јавност), ама за среќа не обезбедија ни 2% од финансиската конструкција дури ни за тоа, па бевме поштедени од церемонијално раскопување на улици.

Мислам дека Трифун Костовски сфаќаше дека јавниот превоз во Скопје мора темелно да се реформира и модернизира. Впечаток ми е и дека човекот лично имаше желба и добра волја во тој правец. Но Трифун и луѓето во неговиот тим имаа нула визија како тоа треба да се направи.


Edited by Cloverstack - 06-Feb-2021 at 04:07

Originally posted by Cloverstack Е сега ние со CNG-хибрид правиме чекор во правец на поголема стартна инвестиција, а помали долгорочни трошоци, што е за поздравување. А исто така со CNG-хибрид имаме и големи еколошки бенефити. Не е исто како електричен трамвај, ама секако неспоредливо подобро од класични дизел мотори. Значи нашиов иден БРТ има карактеристики кои донекаде може да компензираат некои битни предности што ги има ЛРТ.

Во понапредните држави (како Сингапур на пример) имаат сфатено дека самото тоа што едно возило е електрично не значи и дека е поеколошко. Во услови кога нашата струја во најголем дел се произведува од јаглен, електричен автобус во никој случај не е поеколошки отколку автобус на компресиран гас. Поеколошки е за Скопје, ама затоа битолчани ќе фаќаат рак. Плус, да не зборуваме за тие тешки батерии кои никако не може да се рециклираат (има цела дискусија тука колку малку од скапоцените метали може да се извадат и реупотребат, ама тоа кошта многу пари, и е само многу мал дел од батеријата).

Во кратки црти, супер што не се електрични бидејќи нашата струја доаѓа примарно од јаглен, а ако веќе се решат на електрични - може да се тролејбуси, барем ако фатат пожар не се толку опасни, и не мора да му ја мислиме на батериите.

Инаку, супер е што се хибриди и што имаат регенеративно кочење.

Originally posted by гитардемон Плус, да не зборуваме за тие тешки батерии кои никако не може да се рециклираат (има цела дискусија тука колку малку од скапоцените метали може да се извадат и реупотребат, ама тоа кошта многу пари, и е само многу мал дел од батеријата).

Ама ЛРТ нема батерии, а возила на хибриден погон имаат.

Па нели ми реплицираше мене, а јас никаде не спомнав електрични автобуси

Споредба правев на CNG-хибрид автобус со електрично шинско возило за LRT. Во секој случај држи вода твојот аргумент дека користење на електрично напојување во земја каде најголем дел од производството на електрична енергија е од лигнит, не е баш толку еколошки како што изгледа на прв поглед. Е сега дали по тоа конкретно прашање вреди да навлегуваме во нијанси од типот колку и во кои ситуации е поеколошки CNG-хибрид BRT, а колку и во кои ситуации е поеколошки LRT со напојување од контактна мрежа. Мислам дека не. И едното и другото се неспоредливо поеколошки од дизел автобуси со мал капацитет, заглавени во градска гужва.



Edited by Cloverstack - 06-Feb-2021 at 14:25

     

Не-техничко резиме од проектот:
https://skopje.gov.mk/media/6246/brt-project-ebrd-nts_mkd.pdf