„Комунална“ ќе се обиде да чисти и во селата

Пилот-проектот ќе се реализира во Трубарево, вели градоначалникот на Гази Баба, Тони Трајковски

Градот и општините ја разгледуваат можноста да спроведат пилот-проект, со кој екипи на Јавното претпријатие „Комунална хигиена“ би го собирале комуналниот смет во руралните средини во Скопско. Градоначалникот на Гази Баба, Тони Трајковски, вели дека за реализација на пилот-проектот ќе биде земено селото Трубарево.

- Тоа ќе биде првото рурално место надвор од опфатот на Генералниот урбанистички план на Скопје, каде што „Комунална хигиена“ ќе го собира сметот. Оваа можност беше разгледувана на седниците на Координативното тело на градоначалници - вели Трајковски.

Проблемот со собирањето на комуналниот смет во селата е особено изразен, оти таму никој организирано не го носи ѓубрето до домаќинствата. Жителите се оставени сами на себе и се снаоѓаат како умеат. Дел од нив своето ѓубре го фрла во најблиските контејнери во урбаните средини, поради што садовите за отпад во населбите што се граничат со селата се постојано преполнети. Поголем е проблемот што го создаваат несовесните граѓани, кои ги има во огромен број и кои сметот го фрлаат на ливадите и покрај реките. Поради нивните навики сите речни корита во Скопје се претворени во депонии.

- Оваа иницијатива е покрената поради тоа што со донесувањето на новиот Генерален урбанистички план некои од руралните средини ќе влезат во опфатот на планот, но поради тоа што во селата проблемот со нехигиената е најизразен - вели Трајковски.Од Градот велат дека ова било предложено и на средбите меѓу скопскиот градоначалник Коце Трајановски и претставниците на урбаните и месните заедници во општините.

- Прво треба да се видат техничките можности за да почне реализацијата на ваков пилот-проект. Исто така треба да се видат и начините на кои ќе се спроведе. Градот се согласи да ја разгледа иницијативата, иако тоа не е во негова надлежност. Градското јавно комунално претпријатие е надлежно само за собирање смет во подрачјата што се во генералниот план - вели Неделчо Крстевски, портпарол во Градот.Тој додаде дека прво треба да се изработи сеопфатна студија за издржливоста и економската оправданост на проектот, па потоа ќе се утврди и можноста за неговата реализација.И во „Комунална хигиена“ велат дека се запознаени со иницијативата да собираат ѓубре и во селата.

- Треба да се разгледаат сите опции пред да почнеме нешто такво. Исто така „Комунална хигиена“ треба да се доопреми со новите шест возила за собирање на смет и да се состави нов ценовник - вели Катерина Лаова, портпарол во „Комунална хигиена“.

ветија...

пишува Маја Илиевска Пачемска

Каз­ни за фрлање медицински отпад во контејнер

Град Скопје ја доби и последната пратка од вкупно 1.314 контејнери донација од Владата. Поголемиот дел од нив се веќе распоредени низ скопските општини. Во општина Центар контејнерите се поставени, а во текот на неделава тоа ќе се направи и во Ѓорче Петров, каде што ќе бидат лоцирани уште 20 контејнери и уште 30 на територијата на општина Карпош. На преостанатите нови контејнери им се монтираат тркала, по што и тие ќе бидат распоредени по општините според предвидениот план. Како што велат од Градот, на нив ќе има и известување за тоа во кој временски период граѓаните треба да го фрлаат ѓубрето од домаќинствата, како и апел да не ги паркираат своите возила близу до контејнерите.

Тетово - град депонија?

Зоран Јованоски	Коментари (4)

Еколошка катастрофа му се заканува на градот. Ако деновиве не се донесе итно решение каде да се носи сметот од Тетово, ќе останува на улиците.

Ваков ултиматум до државните институции упатија од Јавното комунално претпријатие.

Наместо брзо да се реши како што беше најавено, ескалира проблемот со дивата депонија. Веќе се собрани над 13 илјади тони отпадот. Половина година секојдневно се носи, а не се изнесува.

„Значи во следната фаза, ние нема да го земаме ѓубрето од нашиве граѓани бидејќи нема кај да го носиме. Јас апелирам до Владата на Република Македонија, до Министерството за животна средина, да се изнајде начин ние да добиеме инструкции или одобрение каде да го носиме ѓубрето во Тетово“, изјави директорот на ЈКП - Тетово Хасан Лума.

Со главоболки и кашлица секојдневно живеат граѓаните на Тетово. Велат чадовите и смрдеата се неподносливи, а уште повеќе стравуваат од ваквите слики на централните булевари и најавата за преполни контејнери низ градот.

„Па нека си води сметка градоначалникот, нека си води тој ред, ние плаќаме редовно. Тоа е брука, срамота е, овде има школо, детска градинка, не можеме да отвориме прозорци. Да, тие на улица ќе го стават ѓубрето, штом ќе дојде некој на власт одма прави проблеми со депонијата, тоа е крив тој што дозволил тука да се постави депонијата“, велат тетовци.

Пред една недела осум полошки градоначалници, без гостиварскиот Руфи Османи, имаа состанок со министерот за екологија Јакупи, но останаа без решение.

Регионалната депонија „Русино“ не се рестартира, за во скопска „Дрисла“ нема согласност, а алтернативна локација за тетовскиот отпад се уште не е најдена.