Споменици и скулптури (општо)

Ново Село ќе гради спомен-парк за јасновитката Баба Ванѓа

На стогодишнината од раѓањето на јасновитката Вангелија Пандева Гуштерова, попозната во светот како Баба Ванѓа, која предвидела многу светски случувања, чешмата која се наоѓа во Ново Село општината ќе ја уреди во спомен-парк. Според кажувањата, на оваа чешма Баба Ванѓа си го измила лицето за повторно да прогледа, откако на 12-годишна возраст останала слепа.

- Баба Ванѓа го слушнала божјиот глас дека ако на оваа чешма ги измие очите, ќе прогледа. Таа го направила тоа, но почнала да гледа со слепи очи. За таа чешма се заинтересира бугарската национална телевизија, која снима филм за големата јасновитка. Ја снимија чешмата, а сега ние ја наоѓаме сопствената приказна за тоа место кое планираме да го понудиме на туристите преку изградба на спомен-парк - вели Петре Спасов, градоначалник на Ново Село.

Баба Ванѓа предвидела многу настани, како што се бомбардирањето на Белград во април 1941 година, смртта на бугарскиот цар Борис, скопскиот земјотрес, па дури и сопствената смрт во 1996 година. Помош од неа побарале голем број обични луѓе, но и светски познати личности. Токму поради белегот што Баба Ванѓа го оставила во Ново Село, локалната самоуправа иницира изградба на спомен-парк кај чешмата, од која некогаш се миела Баба Ванѓа.

- Имаме најави од бугарски и од наши компании дека ќе учествуваат во изградба на спомен-паркот и со тоа да привлечеме туристи од Бугарија и Македонија. Планираме тоа да биде туристички локалитет, кој ќе направи зближување меѓу двата народа. Со овој и со другите туристички локалитети со кои располага општината, како што се познатите Смоларски и Колешински Водопади, уште повеќе ќе ја зголемиме понудата - рече градоначалникот Спасов.

На стогодишнината од раѓањето на Баба Ванѓа, Бугарската православна црква иницира таа да биде прогласена за светица. Таа е родена на 31 јануари 1911 година во Струмица. Најголем дел од нејзиниот живот, од мажењето, па с` до нејзината смрт, го поминала во Петрич, Бугарија. Легендата вели дека на 12-годишна возраст во ведар ден силен ветар ја подигнал и ја носел неколку метри, по што таа паднала и ослепела.

http://www.dnevnik.com.mk/?ItemID=6C907C3FBC5031458D355A5B350CA36C

Добро, овие "оформуваат" плоштад или тематски парк дизниленд?

Не можеш ти да кажуваш кој споменик каде треба. Се знае, тоа е работа на политичарите! Ниту на архитектите, ниту на урбанистите. Кога ќе станеш политичар, ќе кажуваш!

Во некои земји во светот политичарите имаат моќ да влијаат врз одлуките на урбанистите, ама не сами да ги донесуваат како кај нас.

А тоа со бизнисмените, тоа ти се лоби групи, ама не ми е познато да се заинтересирале за споменици, повеќе се интересираат за закони кои ги засегаат нивните интереси.

Originally posted by zabegan добро бе приметува некој дека општо сите споменици во мал ринг си сметаат еден на друг??? едноставно не можеш да ставиш 100 споменици на мал простор кои немаат никаква врска еден со друг

Гледаш дека и тоа може.Скопско и се е можно.

Сам да си одговорам: навистина се „едитирани“ релјефите. Се работи за лавот до Кале, каде што на двата големи странични се бришени сонцата од Кутлеш, а третиот што гледа накај Вардар е тотално заменет. Сега наместо сонцето од Кутлеш има генерички штит.

ЕДИТ: Слики ќе пуштам утре/задутре.


Edited by alexgizh - 26-Feb-2011 at 23:32

Стои.

а да ги тргнат целосно релјефите бива?  сега имаме недефинирано писмо, недефинирана историја, избришано сонце и уште што се не! на скулптура која треба да ја претставува гордоста на Македонија

Еве слики, на кои јасно се гледа "бришењето". За жал, "пред/после" слика имам само за сонцето од Кутлеш.

Споменици ќе ја преплават Битола

Во наредните пет години треба да се подигнат дваесетина спомен-обележја, главно на илинденци

Битола во следните пет години ќе изгради 20 споменици и бисти за илинденци и револуционери од егејскиот дел на Македонија, но и за други личности од историјата на градот. Споменици ќе добијат Даме Груев, Главниот штаб на Илинденското востание со Груев, Атанас Лозанчев и Борис Сарафов, синот на цар Самуил, Гаврило Радомир, планинарот Димитар Илиевски-Мурато, а бисти - Ѓорги Поп Христов, Пере Тошев, Лазо Трповски, Васил Чакаларов, Пандо Клешев, Павел Шатев, Атанас Лозанчев и други.

- Планирано е да се подигнат бисти на личности од илинденскиот период, бидејќи сегашните се главно за борци од НОБ, а ќе бидат поставени во централното подрачје и во Градскиот парк - објаснува Моника Јовановска од Комисија за одбележување на личности и настани.

Опозицијата предупреди да се размислува со колкав буџет располага Општината и колку се реални и очекувани овие петгодишни планови.

- Ни по три години не е поставен споменикот на Филип Втори, десет години се чека тој за бранителите, не се реставрирани ни гробиштата на илинденците во „Света Недела“, а ние ќе поставуваме бисти и на нив ќе чествуваме - изјави Наташа Струмениковска од СДСМ.

По написите во „Дневник“ за лошата состојба во која се наоѓа гробот на гемиџијата Павел Шатев, во програмата е предвидена реставрација на почивалиштето и поставување негова спомен-биста.

- Требаше да има медиумска реакција за да се сетиме нешто да направиме. Требаше од Кратово да н` искритикуваат дека гробот на Шатев не е уреден откако е направен, па да го вметнете во програмата. И каде ќе бидат спомениците на Груев, Лозанчев и Сарафов, зашто местото што беше планирано е отстапено за Филип Втори - вели Горан Милевски, советник од ЛДП.

Историчарите сметаат дека Општината нема концепт за ваков вид урбанистички проекти.

- Постои хаос со спомениците во градот. Нема долгорочно решение каде што да се гради. Порано имавме генерална концепција пред Саатот да се спомен-обележјата на преродбениците, на шеталиштето - борците од НОБ, а за илинденците беше планирана локацијата кај Заводот. Сега таков распоред нема - вели историчарот Александар Литовски. (Ж.З.)

http://www.dnevnik.com.mk/?ItemID=DB90563E043F51469B58510B2DAF62E8