Урбани автопати - Скопје

главната причина што не функционира клучкава и пластичарската улица е што тој дел е целиот ко да сме некое племе, тотален неред, било да е со градби, паркирање или други начини на узурпирање на јавен простор, доколку таа улица функционираше како урбан автопат со истата големина како сега, и да поминуваа камиони од таму немаше да има некој поголем проблем, дури и во најлош случај да не се реализира северен булевар

Originally posted by Cloverstack Хаосот што го спомнуваш секако е голем проблем, но како може таа улица со постојниот профил (2х1) да функционира како урбан автопат и каква врска има клучката со тоа???

сакав да кажам дека проблемот е што воопшто таму има голем промет само поради тоа што таму се пластичарите, да не беа тие, ретко кој ќе застануваше таму и ретко кој ќе кочеше за пешаци и слични глупости
и да се прошири таа улица, проблемот сепак ќе остане ист, а доколку се дислоцирани сите тие тезги и продавници кои ги држат само цигли, дури и три ленти можат да вршат работа ако има непрекинат сообраќај, барем на некое време

pbanks
Ако не ти е тешко, дали ќе можеш уште еднаш да го аплоадираш ГУПот за Скопје од првиот пост на оваа нишка, пошо отворам страната ама праи проблеми у стилот Page not found!!! или па директ да го пратиш на мејл gorast_micev@hotmail.com

„Јасмин“ блокиран од реки возила

Граѓаните се револтирани од „крпење“ на сообраќајните проблеми со привремени решенија и бараат капитални сообраќајни проекти од градските власти

Улицата Мито Хаџи Василев-Јасмин пред пет години беше претворена во еднонасочна за да се намали сообраќајниот метеж, но ова решение на тогашниот градоначалник Ристо Пенов сега се покажува како контрапродуктивно и нефункционално. Улицата веќе две години е меѓу најпрометните и најхаотичните во Скопје, бидејќи со „11 Октомври“ е една од двете улици што ги поврзуваат населбите Кисела Вода, Црниче со центарот на градот. Оваа улица ја користат и жители на Аеродром, Лисиче, Драчево, Припор и на други населби кога патуваат кон западниот дел од градот.

Граѓаните се жалат дека на „Јасмин“ нема шпиц - улицата е затната преку целиот ден. Особено метежот е неподнослив во раните утрински часови, кога граѓаните одат на работа.

- Од почетокот на улицата кај зелен пазар, па се' до крајот кај „Нова Македонија“ патувам 20 минути секој ден кога одам на работа. Апсурдно е, бидејќи улицата е долга околу еден километар. Проблемите од ова привремено решение на градските власти станаа трајни. Имаме силна бучава, загадување од возилата што работат во место, нервозни свирежи од возачите, губење драгоцено време. Време е за вистински сообраќајни подвизи со кои би се решил сообраќајниот метеж, а не Градот со години да се занимава со „крпење“ на проблемите - вели скопјанката Вера М.

Метежот и хаосот на „Јасмин“ секојдневно дополнително ги „зачинува“ и паркингот на трговскиот центар „Рамстор“, од каде што се приклучуваат возила и влијаат на големиот застој на третата лева лента.

Скопјани што се возат со такси се уште пореволтирани од состојбата на оваа улица. Велат дека услугата со такси ги чини „ѓавол и пол“, дури и за само два километра возење. Негодуваат дека ако навреме не се најде решение, улицата ќе биде уште повеќе блокирана по изградбата на затворениот зелен пазар на местото на поранешниот Цветен пазар.

Од Градот тврдат дека ги согледале проблемите со сообраќајниот метежи на „Јасмин“. Сметаат дека со воведувањето зелен бран на семафорите ќе се растовари оваа сообраќајница.

- Градоначалникот Коце Трајановски на прво место меѓу стратегиските проекти ги поставува новите сообраќајни решенија. Градот Скопје работи на модернизацијата на раскрсниците во Малиот ринг и нивно вклопување во зелен бран. Со поврзувањето на семафорите на раскрсниците кај Црвен крст, Градска болница, на булевар Климент Охридски и кај ГТЦ ќе се намалат сообраќајните застои на „Јасмин“, но и во централното градско јадро - изјавија од Одделението за односи со јавноста.

Од Градот истакнуваат дека проблемот на „Јасмин“ е предвидено да се решава и постапно, со проширување на приклучните улици. Како дополнителни решенија ги посочуваат проектот за проширување на улиците Митрополит Теодосиј Гологанов и Првомајска. В година улицата „Гологанов“ ќе се прошири за уште две ленти и ќе се изгради кружен тек кај Католичката црква. Со проширувањето на „Првомајска“, според градските власти ќе се зголеми приемот на возила од страната на Кисела Вода, а со тоа ќе се добие побрз проток. За тоа, велат, ќе придонесе и проширената раскрсница кај Тутунски комбинат.

Јорданка Ивановска

http://www.dnevnik.com.mk/default.asp?ItemID=D2C39747CF6EB446952DA2D97BD4F396

Edited by Cloverstack - 07-Oct-2009 at 16:36

Упорно верглаат со некакво проширување на Гологанов! Што има везе првомајска со овој дел од Јасмин, или онака генерички колку да се каже нешто! Не џабе е тој ЈУЖЕН нацртан у планот, дајте аман да го изградиме веќе еднаш!

primarnite soobrakjajnici MORA da gi izgradat sakale nekjele nekoi. nema kaj da se bega od niv gradot e oformen po nivni terk , znaci MORA da gi ima.  samo nema pari 

Сакам да прашам дали има готови целосни проекти и (сите потребни) студии за градскиве магистрали. Потоа со готови проекти, може да се кандидатства за ЕУ пред-пристапните фондови за развој, пред банките итн. Друга формула е Владата да ја подели надлежноста (ако тоа веќе се нема направено) врз магистралните патишта во Скопје и да финансира дел од оваа изградба. Вака Софија го гради метрото и најважните градски автопати! Инаку концесија и наплата на патарини во градска средина при илјадници возила на час е чисто безумие и криминал-тоа секој го знае! Висењето по семафори ќе се префрли на наплатните станици...

Тука некаде сум со размислувањата и јас 


@ Andrej_LJ
Се разбира дека нема проекти и со самото тоа е јасно колку може да веруваме кога некој од надлежните ќе почне да ни мачка очи.
Всушност ова што го спомна е многу суштинско прашање. Да имаше барем проекти, тоа ќе значеше дека сме чекор поблиску до реализација. Да имаше проекти, тоа ќе значеше и понатамошно анимирање на општеството во правец на реализација. Да имаше проекти не ќе можеше да се узурпираат или манипулираат трасите. И конечно, како што спомна, да имаше проекти ќе можевме со нив да бараме средства од разноразни фондови, но не само тоа, туку ќе можеше во најмала рака да се бараат кредити, затоа што исплатливоста не е под прашање и нас ни одговара да ги градиме урбаните автопати во крајна линија и со позајмени пари... клучно е да се реализираат што побргу!

Инаку после мртвилото од 90-тите, овие проекти повторно се актуелизираа некаде на преодот кон новиот милениум. И за цело ова време имаме само празни најави и ветувања, а ништо конкретно. Десет години празен муабет, а се работи за исклучително важни и економски оправдани сообраќајници. Десет години не успеаа ни проекти да спремат...

Само да ве потсетам дека последен Трифун ветуваше дека барем ќе се направела проектна документација за некои од трасите (ако не се лажам конкретно говореше за Јужен Булевар). Сигурен сум дека тоа го имаме забележано и некаде во нишкава поназад. Она што е скоро сигурно е дека проекти нема, од време на време некој ете како Трифун се решава да ни замачка очи дека барем прави проектна документација во недостаток на реализација на проекти на терен. Но јас сум лично скептик дека било што се направило.

Дури и да се направило тоа не е никаква гаранција дека истото ќе се реализира. Да земеме еден прост пример, за фонтаната на плоштад не само што има проект и изработени сегменти туку има и вградена инсталација од околу 400.000ЕУР. Тоа не го спречи првин Трифун да го избрише тој проект а потоа и владата со нивната позната кампања за споменици.

Originally posted by Cloverstack Originally posted by Supervisor Јужен Булевар нема да се изгради никогаш не за друго сега на трасата посебно кај делот со Капиштец има газди кои на привремени објекти без маркици изградија ресторани и нема да дадат да се гради, па цел град ќе трпи поради некоја будала. Колку лесно може да стават тие работи во ред, само да се сака... Ако некогаш дочекаме градоначалник и гарнитура кои навистина ќе се зафатат со проектот, вечните „привремени објекти“ многу бргу ќе отидат во историја.

Не поради тие будали, туку поради фактот што нашата "политичка елита" дреме по истите

Како и да е лошо е што истиот јужен булевар ќе мора лошо да се спои онаму кај Алумина, кај што има станбена зграда и објектот во кој е сместен ресторанот Македонска Куќа и Слобода Превоз. Ќе мора нешто да се руши и таму