Сончев Град

ЕЛИТНИТЕ СКОПСКИ НАСЕЛБИ САМО НА ХАРТИЈА

Зајчев рид и Сончев град нема абер да се градат

Додека во село Сопиште се чека само инвеститорот да почне да гради куќи и згради, на Зајчев рид допрва ќе се решаваат имотно- правни работи, па земјиштето за елитна населба ќе се продава

Главниот град засега ќе остане без нови елитни населби. Од градењето на најавените мини гратчиња Зајчев рид и Сончев град во Сопиште, ни трага ни глас. Иако, Министерството за транспорт и врски спектакуларно најавуваше инвестиции од странски компании кои се заинтересирани на овие две локации да изградат нови елитни населби, од тоа нема абер. Колку беше забревтана работата говори и податокот дека итно од општините Сопиште и од Карпош, Министерството за транспорт побара по брза постапка да ги донесат деталните урбанистички планови, со што ќе можат побрзо да го продадат земјиштето и инвеститорот ќе може да почне да гради. Сите законски услови се исполнети, но нема ни Сончев град, ниту пак населба на Зајчев рид.
Земјиштето во село Сопиште, каде треба да никне Сончев град, уште пред три години е продадено на израелската фирма "Индустриал билдингс корпорејшн". Израелците треба да обезбедат домови за вкупно 777 семејства кои ќе бидат сместени во 604 куќи и во 11 згради. Куќите и становите ќе имаат површина од 100 до 200 квадратни метри, фирмата е обврзана за нивната изградба да користи исклучиво еколошки материјали по стандардите на Европската унија. Освен куќи и станови, во населбата ќе има два големи спортски комплекси, училиште, градинка, амбуланта и ред други содржини неопходни за семеен живот.
"Договорот за отуѓување на градежното земјиште на кое е предвидена изградбата на Сончев град е евидентиран во јавната книга во Агенцијата за катастар на недвижности и течат роковите за изградба на предвидените објекти. Доколку истите не бидат изградени во соодветниот временски период, договорот кој е склучен со најповолниот понудувач на јавното наддавање, ќе биде раскинат, а уплатените средства нема да бидат вратени", објаснуваат од Министерството за транспорт и врски.
Парцелата од 147 хектари на Зајчев рид веднаш зад Хидрометереолошкиот завод сè уште не е ниту продадено. Од ресорното министерство досега не спровеле ниту едно јавно наддавање за продажба на оваа атрактивна локација.Но тие кажуваат дека не се откажуваат од овие проекти.
"Во однос на локацијата на Зајчев рид, мал процент од вкупното земјиште е сопственост на Република Македонија, па затоа во тек е постапката за разрешување на имотно-правните работи, по чие завршување ќе може да се распишат објави за учество во јавно наддавање за отуѓување на земјиштето со цел изградба на предвидените објекти", додаваат од Министерството. (А.А.)                                                                                                                                                http://www.vest.com.mk/?ItemID=4C48F3FFE6427E439CAFE7CF0489D407

Уставен го укина урбанистичкиот план на Сопиште за Сончев град

Уставниот суд ја укина одлуката на урбанистичкиот план за село Сопиште, локалитет Сончев град,  донесена од советот на општината во февруари 2007 година.

Уставните судии утврдиле дека во постапката на донесувањето и на овој општински пропис не биле преземени потребните законски дејствија.

„Нацртот на планот бил изработен пред да се издадат услови за планирање на просторот“ велат од судот.

Иницијативата за поништување на урбанистичкиот план пред уставните судии ја поведе израелската компанија, која ја купи локацијата.

Проблемот настана оти сметаат дека добиле погрешни параметри за земјиштето и поради тоа не можат да почнат со градење на елитната населба, за што веќе се спорат со државата и пред Управен суд.

„Сан сити“, фирмата што требаше до 2011 година да го реализира проектот Сончев град, е фирма на израелските инвеститори, кои во 2007 година на јавно наддавање купија 640.000 квадратни метри во близината на Сопиште за околу 3,6 милиони евра /крај/фф

Па добро... тие што прават водовос сигурно знаат како да прават водовод... и владава или општината сигурно не е ненормална да им скрати довод на вода.... е сега ако они мислат да си полеваат ниви како во Сарај па да им нема.... тоа воопшто не ни доаѓа во предвид да се толерира, или пак да се прават отстапки....

Колку што знам јас... секој мора да има пристап до вода.... ако излезе некој проблем по изградбата... можат да постават појака пумпа а ако нема вода.... е тоа ќе мисли владата тогаш да најде извор во близина..... во што се сомневам дека такво нешто ќе се случи, односно дека ќе им снема вода....