Од регионот - Софија

Originally posted by Supervisor Андреј еве ме интересира што имаш да кажеш по оваја моја анализа. Бугарите ги следам на ссц ама не им се вклучувам во дискусија па неможам да дознаам што можат да ми кажат. Значи окулу метрото се работи за едно мое видување за централното градско подрачје. Слика 1 Значи тука се гледат сите три линии како и каде ќе се пресекуваат. Точноста е некаде 90% но геометријата е таа. Е сега ме интересира следно. Пошто одамна ја следам Софија отприлика знам по реони што како и мислам дека не грешам во коментарот за тезата оставам простор на други да се дискутира. Прво ќе почнам со М1. М1 како линија според мене непотребно се развојува од Климент Охридски према стадион пред да продолжи кон Стадион па Борисова Градина и Младост. Ме интересира зошто тука на околу 450 метри се земени две станици Климент Охридски и Стадион кога пресекот може да се прави во една точка/станица. Втората линија М2 знам дека по стариот план од комунизмот оваа линија требало од НДК да има станица на Витоша па Сердика значи во тој триаголник уште една линија. Дали тоа што оваа станица е изгрдена во 1980 и излезот е на почеток на Витоша не дозволува платформата да била појужно со тоа да се раздвојат околу 700 метри НДК-Витоша-Сердика. Тука се работи повеќе за логичност на трасата можеби и не за некоја поголема функционалност. И околу М3 најбитното е што логично е да се сече оваа линија со Климент Охридски ама дали е исплатлива и функционална уште една станица во среде од НДК до Климент Охридски и повторно на само 350-400 метри од Стадион станицата на М1. Мојата теза е дека доколу Климент Охридски и Стадион биле една споена платформа односно станица макар да може по стил да има една станица со излези и кај стадион и кај универзитет па тука со една станица ќе се избегне потребата да се гради таа Патријарх Евтимиј. И што е битно на овој начин логично мапата е различна и станиците имат поголема раздалина што ги прави пофункционални а линиите помалку оптеретени. Еве за што зборувам во втората скица. Чекам одговори.

Ако ги споредиме првата и сегашната т.е. актуелната генерална схема за развој на метрото во Софија ќе видиме доста промени. Тие пред се се диктирани поради паѓањето на комунизмот и менувањето на транспортните потреби на Софија. Прво би сакал да ја искоментирам ген.схемата од 1970:



Најострата разлика е што внатре во тој Советски триаглоник има планирано уште по една станица на секоја линија, како што е во Прага да речеме. Но (и ова е едно големо но) оваа схема не е техничка, туку развојна. Со други зборови не се базира на технички пресметки туку на проучувања за најголемите транспортни потоци. Ако ги коментираме секоја од линиите во однос на денешната реалност:

М1 - по станицата Сердика не оди под бул. Цар Освобдител туку по сегашниот Кнјаз Ал. Дондуков каде има станица, за потоа да заврти кон СУ Св. Кл. Охридски. Тука настанува втората разлика: метрото било планирано под денешниот бул. Цариградско шосе (тогашен бул Ленин), за разлика од денеска кога тоа оди под паралелниот на него бул. Драган Цанков. Ова е заради три причини:
а) бул Цариградско шосе е бесконфликтна градска магистрала за 80 км/час и него можат брзо и ефикасно да го опслужат тролејбуси.
б) долж бул. Цариградско шосе нем густо населени региони, туку пред се административни и бизнис згради
в) најважната причина е дека уште во комунизмот под бул. Драган Цанков е изграден околу 2 км долг тунел за трамваи кој беше конзервиран. Затоа метрото можеше да го користи овој тунел и брзо да стигне до кв. Изгрев или на пола пат до Младост без многу додатна работа или финансиски сретства.

М2 - Најважната промена во однос на денешната линија е нејзиниот северен дел. Како што се гледа на сликата, тогаш се давало приоритет на отклонението кон Илијанци, за разлика од сега изграденото отклонениена М2 кон Надежда и Обелја. Тоа е бидејќи кон Илијанци и Софија Север се наоѓала најголемата градска индустриска зона и целта на метрото била да ги извози илјадниците работници од спалните комплекси на работа и обратно. Затоа по падот на комунизмот се има дадено приоритет на отклонението кон Надежда, а Илијанци останува веројатно по 2020.

М3 - Од денешен аспект трасата е целосно променета, доста е дискутирано и нема нужда да ја коментирам.

Е сега да ти одговорам на прашањата:

1) Навистина незнам конкретно причина зошто нема една а има две станици (СУ и Нац. Стадион). Прво станицата СУ е по накај Собранието отколку што си ја претставил. Моја претпоставка е дека се работи за две исклучително натоварени места на Софија и затоа се одлучиле за правење на две посебни станици.
2) Како што кажав план за развој и технички проект не е исто. Затоа нема техничка можност да има станица на ул. Солунска (пресечка на Витоша). Имено станицата НДК била изградена доста плитко, додека Сердика 2 се наоѓа на околу 30 метри под земја. Растојанието помеѓу овие две станици не дозволува доволно благ наклон за искачување за да биде можна изградба на станица кај Солунска. Така би се загубиле помеѓу 160 и 200 метра од просторот за овладување на наклонот, бидејќи техничкиот дел на станиците е многу поголем од патничките платформи. Слична е причината зошто нема меѓу станица на М1 помеѓу Сердика и СУ. Станица Раковска на пресечката на ул. Раковска и бул. Цар Освободител е земена во предвид, но не е реализирана ниту планирана.
3) Јас (и не само де) сметам дека станица Патриарх Евтимиј/Граф Игнатиев е многу потребна. Има многу причини - голем транспортен јазол за трамваи и тролејбуси, важен плоштад во многу густо населен регион на централна Софија полн со значајни административни објекти. Така што апсолутно се радувам што станицата ќе ја има, а ова беше една од 5те главни точки во агендата на Спаси метрото а имено градење на станица на ова место.

Можеби Софија направила грешка што не ги изградила станиците Солунска и Раковска, но сепак центарот не е голем и покрај трамвајските и тролејбуските коридори мислам дека ќе биде одлично покриен. Во иднина (демек по изградбата на М3) мислам дека ќе се работи повеќе на периферното поврзување на регионите меѓусебно без поминување во центарот, а најголем чекор кон тоа е изградба на полукружниот ЛРТ прстен по булеварите Тодор Каблешков, ГМ Димитров и Асен Јорданов. Веќе на ССЦ на големо се зборува дека следната цел на Спаси метрото ќе биде овој рингов трамвај да се гради по параметрите на лесно метро, со што ќе биде М4 во Софија. Првиот чекор ќе биде да се внесе во ваква генерална схема за развој, колку да се има во предвид, а неговата реализација тешко дека ќе започне пред 2020.

Објавен тендерот за продолжување на линијата М2 кон Хладилника!

Јужното продолжување на линијата М2 од станицата Джејмс Баучер до станицата Хладилника во должина од 1,3 километри беше објавен денеска од страна на Метрополитен. Тунелот ќе се гради по НАТМ (Нов Австриски Тунелен Метод), а самата станица во откриен и укрепен коп. Станицата ќе има странични перони и 8 излеза групирани во јужен и северен вестибјул. Еден од овие излези ќе оди директно во новиот Парадајс Мол со што ќе биде првиот мол во Софија со топла врска со метро системот. На крајот на станицата ќе има мини депо за ноќување и сервис на возовите како и за чување на топла резерва бидејќи на долг рок не се планира проширување на линијата јужно од оваа станица (каде во иднина линијата М2 ќе се разгранува на две).

Изградбата треба да започне есенва, а рокот за изведба е 24 месеци. Оваа станица ќе биде 8 која во моментов се гради во Софија, со што до вкл. 2015 година метрото треба да има 36 станици (37 ако успеат да најдат сретства и за станицата-призрак Модерното предградие).

План на станица II-12 Хладилника








Еве го самиот тендер:

http://www.aop.bg/case2.php?mode=show_doc&doc_id=542069&newver=2

Edited by Andrej_LJ - 21-May-2013 at 12:13

Со парите од Скопје 2014 можевме и ние да имаме нешто налик на ова,барем делче од ова...една линија метро од Влае до Аеродром,ама...добро е кога човек си ги знае приоритетите.

Edited by kiriOK - 18-May-2013 at 02:04

Originally posted by Supervisor И непотребни се споредби со други градови сепак Софија е огромна и е главен град на една стабилна држава која нема национални и етнички проблеми. Такашто не гледам простор да нема страшен напредок.

Колку што разбрав, Бугарија бидејќи е стабилна држава која нема национални и етнички проблеми гради инфраструктура и развојно орјентирани проекти, а доколку беше нестабилна држава која има национални и етнички проблеми ќе градеа непродуктивни комични објекти на трагични градежни маркички, ќе градеа триумфални капии и „неокласицистички“ катни гаражи, ќе пикаа мостови каде што не им е местото а на други ќе им ставаа огради од 2 милиони евра или панорамски тркала, ќе редеа споменици и склуптури како опседнати, ќе преслекуваа современи фасади во „барок“, ќе ставаа гусарски галеони и врби во саксии во реките итн итн итн... И сето тоа ќе го платеа многу повеќе од реалната финансиска вредност.

Софија уште од времето на комунизмот имаше планови за метро системов. Сега со ова што го изгради прерасна во велеград. И непотребни се споредби со други градови сепак Софија е огромна и е главен град на една стабилна држава која нема национални и етнички проблеми. Такашто не гледам простор да нема страшен напредок.

Новините поврзани со изградбата на Софијското метро.

Urbanrail веќе го одбележа почетокот на работата на изградбата на линијата М1 кон Малдост 4. Исто така линијата М3 е корегирана, да соодветствува со новиот план:



Рендер на вестибјулот за станицата МС I-16, односно крајната станица на линијата М1-југ онаа кај Бизнес парк Софија и Младост 4.




Изградбата на крајната станица на М1-север, до Терминал 2 на Аеродромот во Софија:

Трасата се приближува кон станицата, при што истата е во отворен ров, кој веќе е конструктивно завршен:



Потоа трасата полека се издигнува на ескада, за да ја достигне висината на станицата МС I-23 кај Т2, при што ќе биде на исто ниво со самиот терминал. Веќе се започнати фундаментите на ескадата, кои се прилично масивни:









Исто така скоро завршени се самите основи на станицата, веројатно многу скоро ќе се започне со надземната конструкција:





И малку слики од опкружувањето на станицата:



Дирекцијата за цивилно воздухопловство:



Терминал 2:

Изградбата на северниот крак на линијата М1 кон Аеродромот напредува одлично (сликите се околу месец-дена стари):







Метро и АЕРОФЛОТ авион во позадина (ќе биде одлично место за спотинг кога ќе се заврши изградбата):







Еве мапа и табела на проектите во Софија во наредниов период.

Целите се следните:
2012 - 27 станици
2015 - 36 станици
2017/8 - 55 станици






Трансферната станица Сердика 2 е доказ колку јавниот превоз/метрото помага за подигање на квалитетот на живот во даден град:






Edited by Andrej_LJ - 06-May-2013 at 14:23

Originally posted by BOJAN Овие трамваи изгледаат супер. Колку чини едно парче од полјациве?

Бојане, веќе можам да ти одговорам од официјален извор и со сигурни информации. Значи полската ПЕСА навистина го спечели договорот за доставка на 20 (+2) трамвајски возила за Софија. Еве некои параметри на порачката:

Должина: 31 820 mm
Секции: 5
Распоред на врати: 1-2-2-2-2-1
Колосек: 1009 mm
Цена: 34 милиони евра без ДДВ или 41 милион со ДДВ
Цена на трамвај: 1,65 милиони евра

Еве ја веројатната колор шема за Софија:




Што се однесува до другите тендери во сферата на јавниот транспорт за оваа година, еве ја ситуацијата:

* набавка на 20+2 нови трамваи - ЗАВРШЕНО (победник ПЕСА)
* набавка на 10 нови метро возови - ЗАВРШЕНО (победник МВМ МетроВагонМаш)
* набавка на 50 нови двојни тролејбус - ВО ТЕНДЕРСКА ПРОЦЕДУРА (фаворит Соларис)
* набавка на 126 нископодни двојни автобуси на метан - ПРЕД ОБЈАВА НА ТЕНДЕР

= ВКУПНА ВРЕДНОСТ НА ПРОЕКТИТЕ - 295 милиони лева или околу 150 милиони евра

И за крај да напоменам дека Софија ги очекува и 30те трамваи од Базел кои се подарок за градот, откако ќе почне замената на тамошниот состав со нови Бомбардие-ровци.

Edited by Andrej_LJ - 06-Apr-2013 at 20:21

Изградбата на М1 кон Аеродромот почнува да зема залет:

Во Дружба:











Кон Аеродромот:

Sofia Airport Metro Station