Булевар Македонија

Градот нема средства за реконструкција на улиците и нивно претворање во булевати (знаеме на кои мислам), а камоли да го гради "јужен булевар". Ќе имаме затворена клучна улица 6 години и на тоа и ќе остане, на 800 метри кои нема да вредат за застојот кој ќе го направат!
Факт, не градат трговски заради подземната улица, градат подземна заради објектите над неа! Ова е битна разлика.
А дури и да има градот пари за изградба на градските булевари прашање е, дали ќе дочекаме изградба на 3 битни премостувања на Вардар? Тие ќе ја решат гужвата. Зборам за кај на Илинденска, кај Влада и МЗТ. Овие 3 точки го хендикепираат градот.

Е тек после може да збориме за Јужен.
Моје мислење - доколку се реализира се ќе остане на 800 метри кои вака ги возам за 50, а така за 48 секунди.

Во некаква ужасна заблуда си! 800 метри тунел и тоа само на 6 метри под земја кој ќе се работи со површински коп неможеш да ме убедиш дека чини 60 милиони евра, а веројатно најмалку 10 пати помалку! Наместо да изградат подземна гаража ќе изградат тунел, толку едноставно е. Ионака се копаат темелите на зградата, па наместо подземните нива ќе има тунел. Се разбира многу позитивно е што оставија простор и за ЛРТ траса, но треба да се остави простор и за станица, не после да се чудиме што не снашло. Плус ќе беше супер ако овој трговски комплекс имаше директна топла врска со идната ЛРТ мрежа на Скопје.

Ова воопшто не е никаков амбициозен проект, туку најобично површинско копкање на краток и плиток тунел! Да не се залажуваме, амбициозен проект ќе бидат тунелите под Плоштадот или Калето, кои че се долги неколкукратно повеќе и ќе треба да се копаат подземно, на многу поголема длабочина.

Јас пак апсолутно гледам проблем што се гради вака на парче, само 800 метри. Ти дадов аналоген пример: кој град почнува да ја гради својата метро мрежа која има само 2 станици оддалечени 800 метра? Што решава ова?

И јасно ми е дека кружните текови се само за локаниот сообраќај не за транзитниот, но ми се чини (иако не сум сигурен) дека во ГУПот баш на вкрстувањата со Водњанска си има класична бесконфликтна клучка.

Јас би го повикал Кловер да даде мислење околу оваа работа бидејќи е најзапознаен со ситуацијата. Мене ми изгледа дека треба да се молиме ова да не се изгради и да пропадне замислата. Според мене (не сум читал доста околу ова и не сум запознаен), само лудак (какви што несомнено се градските власти, тоа го имаат на n-големи и долгорочни проекти докажано) може да го гради Јужен бул. вака на кратки парчиња и не како поголема целина. Ова ќе даде еднакви резултати како да речеме да почне да се гради метро мрежа во даден град со две станици, меѓусебно оддалечени 800 метри. Што ќе решат овие 800 метри, кога главниот проблем е запушената раскрсница кај Нова Македонија и тоа само во правец од МХ Јасмин кон Теодосиј Гологанов?! Повторно целиот сообраќај се забива во кружен тек на истата раскрсница.
Втора нејасна работа ми се овие кружни текови, дали се според ГУПот или сега се лепнати со цел оефтинување и се разбира аматеризација на целиот проект.

ПОТПИШАН ДОГОВОРОТ ЗА ПОДЗЕМНА СООБРАЌАЈНИЦА КАЈ СТАРАТА ЖЕЛЕЗНИЧКА СТАНИЦА
Градот Скопје денеска /12.03.2012 година/ склучи договор со компанијата „Лимак“ од Република Турција со којшто се уредуваат односите за изградба на подземната сообраќајница во согласност со Деталниот урбанистички план „Стара железничка станица“. Во име на Градот Скопје договорот го потпиша градоначалникот Коце Трајановски, а во име на фирмата „Лимак“ договорот го потпиша Халдун Фират Коктурк, одговорен за Балканот во оваа компанија. -  Компанијата „Лимак“ ќе ја изгради новата сообраќајница под земја, на длабочина од 6 метри. Булеварот ќе биде долг 800 метри и ќе има по три коловозни ленти во секоја насока. Се очекува градежните работи на подземната сообраќајница да почнат за една година. Прво ќе се гради булеварот, а потоа и објектите што ќе никнат над него – објекти за колективно домување, трговски и деловни центри и хотели. Со овој договор практично почнува реализацијата на проектот за Јужен булевар во Скопје. Градот Скопје во наредниов периодот ќе почне да прави проекти за продолженијата на подземната сообраќајница и нејзиното поврзување со булеварот Митрополит Теодосиј Гологанов – рече градоначалникот Трајановски на потпишувањето на договорот. Претставникот на „Лимак“, Халдун Коктурк, објасни дека ова е прв проект на компанијата во Република Македонија. - Компанијата „Лимак“ е еден од најголемите инвеститори во Република Турција, којашто од 1976 година работи со инвестиции во градежништвото, туризмот и енергетиката. Скопје е еден од најкултуролошките градови на Балканот и ние сме сигурни дека со нашата заложба градот уште повеќе ќе се изгради – нагласи Коктурк. Компанијата „Лимак“, според договорот, откако ќе ја изгради подземната сообраќајница има обврска да ја предаде во владение на Градот Скопје.

http://www.skopje.gov.mk/ShowAnnouncements.aspx?ItemID=4877&mid=482&tabId=1&tabindex=0

Edited by N23 - 12-Mar-2012 at 22:51

Огромен скептик сум за целава работа!

http://press24.mk/story/makedonija/skopje/foto-dzirnete-vo-skicite-za-podzemniot-bulevar-vo-skopje

Dobro za podzemniot del , no so ke se pravi so ostatokot od bulevarot , koga ke pocni da se gradi ?? Paralelno ili segment po segment od koga ke zavrsi podzemniot ?!

17.02.2012, 17:47
Само една компанија сака да го купи плацот над Јужен булевар

Земјиштето се продава за три милиони евра, а купецот ќе мора претходно на свој трошок да ја изгради подземната улица

Деспина Трајковска

Очекувано или не, само една компанија е заинтересирана да го купи земјиштето над Јужен булевар на кое ќе може да гради деловен и хотелски комплекс висок дури до 20 ката, но откако претходно на свој трошок ќе ја изгради предвидената подземна улица. За да стане сопственик на земјиштето од приближно 32.000 квадрати, кое се протега во должина од околу 1 километар, инвеститорот ќе треба на државата да и' искешира само три милиони за атрактивниот плац. Заинтересираната компанија, практично, ќе се наддава сама со себе на лицитацијата, што е дозволено со објавата за продажба на земјиштето.

„Електронското јавно наддавање може да почне со најмалку еден учесник. Наддавањето се врши ‘чекорно‘ со зголемување на вредноста со секој ‘чекор‘ не помал од триста денари“, се вели во огласот што го распиша Министерството за транспорт и врски минатиот месец.

Од таму не откриваат која компанија се пријавила за учество на лицитацијата. Велат дека е противзаконски сега да откриваат дали станува збор за домашна или за странска компанија. Единствено информираат дека само една компанија е заинтересирана да го купи плацот во непосредна близина на Стара железничка станица.

„Заклучно со крајниот рок, 15 февруари, до Министерството за транспорт пристигна една пријава за учество на електронското јавно наддавање за локацијата која се наоѓа во општина Центар, а е наменета за изградба на култура – В3, со компатибилни класи на намени – времено сместување, мали комерцијални и деловни единици, големи трговски единици, деловни простории, државни институции и спорт и рекреација“, велат од Министерството.

Станува збор за парцела од речиси 10.000 квадратни метри со вкупна почетна цена од околу 450.000 евра. При презентацијата на урбанистичкиот план, планерите објаснија дека, всушност, таму е предвидена изградба на комерцијален објект на местото на сегашниот паркинг меѓу Музејот и ТЦ „Рамстор“. ДУП-от налага инвеститорот да го изгради објектот со „пресликана“ фасада и висина како и железничката станица. Истовремено, планот дава можност и за обнова и развој на разрушениот дел на Старата железничка станица, кој практично е испланиран да биде влез во новиот деловно-административен комплекс.

Инаку, се' уште не е утврдено за колку време купецот ќе има обврска да ја изгради подземната улица. Тоа, според објаснувањето на Министерството, допрва ќе го дефинираат идниот сопственик на плацот и Град Скопје.

„Пред потпишувањето на договорот за оттуѓување на земјата, инвеститорот ќе има обврска да склучи договор со Град Скопје за уредување на односите за изградба на подземната сообраќајница“, велат од Транспорт.

Според ДУП, улицата треба да биде широка 31,5 метри, да има две ленти за сообраќај од по 3,75 метри во двата правца и две ленти широки по 3 метри наменети за застанување на возилата. Во урбанистичкиот план е зацртан и средишен коридор на улицата со трамвајска пруга.

Последни парцели во Центар што ги продава државата

Овие две парцели се последните атрактивни плацеви чија продажба ќе се реализира преку Министерството за транспорт и врски. Иако некои општини почнаа сами да ги отуѓуваат државните парцели, Општина Центар се' уште го нема преземено управувањето со државното земјиште. Тоа, според најавите, ќе се реализира до лето. Со колку парцели за продажба ќе располага Општината и со каква намена се тие, надлежните се' уште утврдуваа
http://www.utrinski.com.mk/?ItemID=86EA96C14CCD554081B6191F92AF4B2E

Бидејќи коментираме изјава на политичар, таков ќе биде и мојот пост.

Според мене, потребно е внимателно да се следат изјавите од разни нивоа, а на оваа тема, кои ќе се појават во следниов период - можеби глупоста ќе биде изолирана појава. Така ќе видиме дали навистина планираат да го избришат Јужниот булевар заради: нови површини за градба, паралелно „остварување“ на легализацијата на секоја дивоградба помножено со гласови на локални избори, бидејќи до таму им стига планирањето - што нели е поголемо достигање од изградба на градска инфраструктура. И морам да се посомневам дека сакаат да му направат услуга и на идниот купувач на мега-парцелата позади Старата Железничка - да не троши драгоцен простор на сообраќајница. Мислам дека новиот ГУП ќе даде многу изненадувања и реакции, но за да се покријат, некоја кутра модернистичка фасада ќе добие „стајлинг“..

И да не заборавам, ниеден политичар од актуелнава власт веќе нема право да тврди дека 50 милиони евра е голема сума за инфраструктурна инвестиција во Скопје..

Ако се гради Јужниот булевар во Кисела Вода, ќе мора да се урнат околу 420 ку­ќи и две згради, што е многу ризично и речиси невозможно да се из­ве­де, рече градоначалникот на Кисела Вода Марјан Ѓорчев.

Го поканувам господинот Марјан Ѓорчев, заедно да направиме обиколка долж предвидената траса на Јужен Булевар во општина Кисела Вода и да ги преброиме буквално сите објекти, вклучувајќи:

- привремени објекти
- дивоградби
- трошни куќарки под сите стандарди
- објекти во распаѓање
- лимени гаражи
- импровизирани складишта
- шупи
- гулубарници
- полски клозети
- кокошарници
- свињарници

... буквално се живо да пребороиме и да видиме дали и со вакви критериуми ќе се дојде до 20% од бројкава која тој очигледно ја извадил од газот!

Тој тврди дека предвидениот булевар ја кочи Општината во реализација на деталните урбанистички планови и во легализација на диви објекти во на­сел­би­те Градинар и 11 Октомври - бараки.

Јужниот Булевар баш треба и мора да ја закочи легализацијата на дивоградби на неговата траса. Што сака овој Ѓорчев, дивоградбите да ја запечатат судбината на овој стратешки проект од непроценлива вредност? Какво безобразие!

Originally posted by OCB Во право ли сум ако претпоставам дека изјавата на Ѓорчев е импровизација на човек кој кога се работи за инфраструктурни решенија е еднаков на вирус?

Типот очигледно појма си нема (ниту можеме да очекуваме од него желба да научии да разбере) кога станува збор за инфраструктура или било што поврзано со неа, но сепак неговиве заложби сигурно не произлегуваат само од неговото незнаење. Ќе си земам за право да претпоставам дека по обичај, овие „лобисти“ за бришење на клучните инфраструктурни коридори во Скопје, ова го прават во дослух со интересите на поединци и групи кои сакаат да зацртаат и зграбат градежни маркички на секој чекор. Едноставно премногу пари се вртат во тој „бизнис“ на усвојување ужасни урбанистички планови од кои профитира шака луѓе, а патат стотици илјади граѓани. Мора конечно да ги запре и дисциплинира некој од повисоко, пошто јасно е дека сами нема да запрат.



Edited by Cloverstack - 17-Feb-2012 at 18:42