Од регионот

„Косова А“ пак се враќа во погон

По 18 години неработење, ќе се активираат блоковите А1 и А2 на термоцентралата. По ремонтите и инвестицијата од 50 милиони евра, двата блока ќе произведуваат над 240 мегавати електрична енергија на час

Косовската влада и косовската електрокорпорација КЕК по 18 години неработење ја разгледуваат можноста да се врати во погон блокот А1 од термоцентралата „Косова А“. Откако ќе се се обезбеди трансформатор, во функција ќе бил ставен и блокот А2. По ремонтите и инвестицијата од 50 милиони евра, двата блока ќе произведуваат над 240 мегавати електрична енергија на час. Со овие инвестиции се очекува да се намали количината на увезена енергија. КЕК и' должи електрична енергија на Албанија.

Во исто време косовската влада одлучи овие два блока, заедно со другите три, да не ги користи по 2015 година. Но, управата на КЕК пресмета дека овие капацитети може да се користат се' додека не се отстранат.

КЕК е во процес да го врати во погон и блокот А4 кому му недостига еден трансформатор, за кој се очекува да пристигне набрзо. Со враќањето во погон на А4, кое се очекува во декември, ќе се добијат уште 120 мегавати на час.

Портпаролот на КЕК, Виктор Бужала, за весникот „Експрес“ вели дека овие активности се планирани и набрзо се очекува да се реализираат.

- Блоковите А3 и А5 се во функција и произведуваат околу 240 мегавати заедно, а се разгледува можноста по цели 18 години да се реактивираат А1 и А2 - вели Бужала.

ТЦ „Косова А“ има пет производствени единици. Турбината на А1 не е ремонтирана 18 години и како таква се смета дека не е безбедна за работа. Блокот А2 поради оштетување на блок-трансформаторот е вон функција.

- За блоковите А1 и А2 се разгледува можноста за нивно реактивирање. Блокот А3 е во состојба на работа и произведува енергија во сите изминати години со капацитет од 120 мегавати. Врз блокот А3 деновиве се изведува планирана годишна ревизија која ќе трае 30 дена - вели Бужала.

КЕК во функција ги има блоковите А5, А3, Б1 и Б2 кои даваат над 600 мегавати заедно. Б1 и Б2 прозведуваат до 530 мегавати на час. „Косова Б“ е во многу добра состојба. Од друга страна, Владата одлучи пред два месеца еднаш-засекогаш да ја избрише од земјата ТЦ „Косова А“. ТЦ „Косова Б“ ќе се приватизира, а во 2015 година ќе заврши изградбата на ТЦ „Косова Ц“.

Вера Тодорова

Се откажува ли Бугарија од Белене?

Наташа Стојановска	Коментари (0)

Белене

Бугарија најверојатно ќе се откаже од учеството во изградбата нуклеарната централа Белене.

Не можат да ги обезбедат 4-те милијарди евра за финансирање. Според изјавите на вицепремиерот Симеон Ганков за да се покрие огромниот трговски дефицит во земјата, сега намерата била да се продадат акциите, за да се спречи големиот трговски дефицит со кој се соочува земјата, пренесува американската новинска агенција Блумберг.

Владата бара начин како да се покрие буџетската дупка од 1,2 милијарди евра, прва во 8 години. Ваквиот нов план на бугарската владата може да ја стопира изградбата на планираниот реактор на Белене на реката Дунав во која партнер е германската компанија RWE.

Бугарија немала ниту резервни фондови за изградба, а тешко било да се соберат пари од приватните фондови поради глобалната криза. Владините студии пак покажувале дека до 2015. година кога се очекуваше Белене да биде целосно оперативна т.е. да проработи, Балканскиот регион ќе биде многу помал пазар за електрична енергија бидејќи соседните земји, вклучувајќи ги Грција, Романија и Македонија, исто така моментално градат свои капацитети за електрична енергија,објаснува вицепремиерот Ѓанков, во образложението зошто се откажуваат од финансирањето на Белене.

Инаку централата требаше да гради државното бугарско електростопанство НЕК, кој поседува 51 процент од акциите а стратешки инвеститор е германската РВЕ со 49 проценти од сопственоста. Сега НЕК ќе ги нуди своите акции на други енергетски компании.

Падна договор за гасоводот „Набуко“

ЕВН и „Штаткрафт“ ќе градат три хидроцентрали во Албанија

Камен-темелник за изградба на три хидроцентрали во вкупна вредност од 950 милиони евра е поставен вчера на реката Девол, во Албанија. Станува збор за заедничка инвестиција на австриската компанија ЕВН, која е присутна во Македонија, и на норвешката „Штаткрафт“. Предвидено е идните хидроцентрали да бидат со вкупен капацитет од 340 мегавати и просечно годишно производство од 1.000 гигават-часови струја.Вклучувањето во секторот за хидроелектрична енергија е дел од утврдениот стратегиски план на ЕВН за развој во западен Балкан.