Скопски сообраќај (општо)

3 години празни ветувања! 500 метри улица во Козле се уште не неасфалтирана



Пред три години за ТВ21 ветија реконструкција на овој пат поранешниот градоначалник на Карпош, Стефан Богоев, потоа поранешниот градоначалник на Скопје Петре Шилегов и поранешниот директор на компанијата „Улици и патишта“ Сенад Смајловиќ, но како што се гледа патот и понатаму е во лоша состојба, а никој не си го одржа зборот.


Ова е првото ветување на поранешниот градоначалник на Карпош за ТВ21. Во неколку наврати се зборуваше дека откако ќе се подобри времето, патот ќе биде саниран, но тоа не се случи.

Во Институтот за белодробни заболувања Козле на ден доаѓаат околу 100 деца на преглед од цела Македонија. Родителите кои ги носат овде своите деца на преглед постојано се жалат.

„Катастрофа е, што да кажам друго.
Дали мислите дека треба да се реконструира?
Секако, и улицата со коцка не чини.
Да, треба да се реконструира улицата“, велат граѓаните.

Загриженост за оваа улица изразува и директорот на болницата Бесник Зеќири, бидејќи оваа болница во пандемијата функционира и како центар за ковид каде се хоспитализирани заразените деца. Тој вели дека актуелниот градоначалник на Скопје му рекол дека работите ќе почнат во јуни.

-Точно е дека и претходно не прашувавте, претходно сте правеле стории за овој пат и целата оваа приказна само се одложува и нема крај. Ние со претходната власт на Град Скопје и општина Карпош имавме договор со кој требаше да го направат патот пред Нова година, но потоа искомунициравме и ни кажаа, од општина Карпош велат дека ако не го направи тоа до јуни Град Скопје, ќе почнат тие да ја прават улицата, но колку ќе биде ова точно и дали ќе заврши во јуни, останува да видиме, вели Зеќири.
Од Град Скопје за ТВ21 велат:


Природни капки кои луѓето ги користат за лекување на дијабетес?

Болницата Козле е изградена во 2015 година, додека патот што води таму е околу 500 метри, но во лоша состојба и за автомобили и за пешаци.

https://mk.tv21.tv/3-godini-prazni-vetuvana-500-metri-ulitsa-vo-kozle-se-ushte-ne-neasfaltirana/

бул.Киро Глигоров сеуште се реновира.Делот кон Бриколаж горе-долу го средија но овој дел кон Аеродром премногу се развлече а се чини дека нема ни активности на терен







https://www.facebook.com/groups/145337166272043

За улицата во Капиштец буквално се знаеше, изведбата беше полоша отколку пред реконструкцијата. Битно тендер се направи.

Ете колку издржа реновираната улица Васил Ѓоргов во Капиштец(од твитер)

Ќе се реконструира улицата „Перо Наков” во Гази Баба

Целосна реконструкција на коловозот, тампонирање и поставување три слоја асфалт и замена на оштетените рабници е предвидено со проектот за реконструкција на улицата „Перо Наков”, со која се опфаќа потегот од крстосницата со улицата „Маџари” до улицата „Индустриска” 2, најави денеска градоначалникот на Општината Гази Баба, Бобан Стефковски.

Тој заедно со градоначалничката на Град Скопје, Данела Арсовска направија увид на состојбата на улицата „Перо Наков”, каде треба да почнат градежните работи за реконструкција.

– Проектите треба да бидат одраз на потребите, но и на барањата на граѓаните. Ние работиме во нивен интерес. Со меѓуопштинската соработка со Град Скопје ќе започнеме со реализација на голем број проекти во Општината Гази Баба кои ги бараат граѓаните, додаде Стефковски.

Градоначалничката на Град Скопје, Арсовска рече дека предлог за реконструкцијата на улицата „Перо Наков” дале три месни заедници на овој потег, како и голем број правни субјекти. Таа посочи дека месните заедници опфаќаат околу 10.000 граѓани кои континуирано циркулираат на тој потег.

– Ова е еден децениски проблем кој сега се решава. Градот Скопје со потпишаниот договор за меѓуопштинска соработка го разрешува овој децениски проблем, децениски предизвик со тоа што ќе инвестира во реконструкција вредна над 55 милиони денари. Верувам дека со редовните средби, комуникацијата која ја имаме меѓу Градот Скопје, општината, месните, урбаните заедници навистина ќе постигне многу во следниот период. Го охрабрувам граѓаните кои работат тука и живеат тука да ги даваат континуирано своите предлози со цел разрешување на предизвиците со кои се соочуваат, додаде Арсовска.

https://www.slobodenpecat.mk/kje-se-rekonstruira-ulicata-pero-nakov-vo-gazi-baba/

Во Маџир маало кај Астера



https://www.facebook.com/104621114742728

Дали некој размислувал за тоа колку ќе влијае на намалување на гратскиот метеж продолжување на скопската обиколница до Пинтија/кружен тек Драчево?

Факт е дека потенцијалот на обиколницата е неискористен, а оние што живеат во Ѓорче/Волково/Бардовци и околните места повторно возат низ цел град за да стигнат до Драчево/Пинтија/Лисиче...

Иако е обиколница, сепак не ги поврзува околните населби и населени места соодветно.

Плус би се отворил уште еден влез на градот кој многу би го растеретил бул.Александар Македонски и бул.Србија знајеќи дека во Пинтија имаме индустриска зона во која секојдневно гравитираат возила од внатрешноста.

Логично е сите приградски населби да се поврзани со обиколница.

Многу пати изминатиов период имав потреба да возам до Стопански двор, а од таму за Пинтија и гледам дека најголем дел од жителите како најкраток пат го бидаат возењето низ Центар (20+ семафори)...
Пробав многу пати да возам преку обиколница и иако е подалеку целата обиколница се вози за само 10 минути, а потоа нелогични 8км од источен влез на Скопје до Пинтија уште +25мин...

Дури и да не биде класичен автопат, сепак убаво е некој компетентен да ги израчуна сите бенефити кои би ди имало градот, како и возачите, не само како време на патување и нервози по градски улици туку и издувни гасови...

Со 6км инфраструктура на празен терен Истокот и Западот на градот би биле одалечени само 15 мин.

Чаир, секој ден хаос на улицата „Кемал Сејфула“ – Ганиу се оградува од одговорност, Арсовска не дава одговор



Ова е улицата Кемал Сејфула во Чаир. Паркирани автомобили насекаде од двете страни. Велосипедската патека е блокирана, а белите линии не се гледаат никаде, поради што граѓаните се чувствуваат загрозени. Тие велат дека хаосот во овој дел се создава поради недостиг од паркинзи.

„Многу пати кога некој влегува да купи килограм домати, му го креваат автомобилот, има проблеми. Нема паркинг“.

За ваквата состојба на улицата го прашавме градоначалникот на Чаир, Висар Ганиу. Тој вели дека оваа улица е под надлежност на Град Скопје, но вети дека нема да седи со скрстени раце.

„Знаете дека улицата “Кемал Сејфула“ е под надлежност на Град Скопје, значи дека за повеќе одговори треба таму да барате. Ова не значи дека сум амнестиран и дека ќе седам со скрстени раце“, посочи Висар Ганиу.

Од градоначалничката на Скопје, Данела Арсовска не добивме одговор дали ќе преземат нешто за решавање на овој проблем на граѓаните од овој дел на Чаир. Таа пред локалните избори ветуваше дека ќе го решат хаосот во сообраќајот и паркинг местата.

https://mk.tv21.tv/chair-sekoj-den-haos-na-ulitsata-kemal-sejfula-ganiu-se-ograduva-od-odgovornost-arsovska-ne-dava-odgovor/

Дупките на улицата во Градски парк се уште непоправени



Дупки како кратери го попречуваат нормалното движење на улицата околу арената во градски парк. Возачите едвај се разминуваат бидејќи секој гледа да ги избегне дупките кои им ги оштетуваат автомобилите.

Граѓаните се жалат дека состојбата со улиците генерално е лоша во главниот град. Револтирани се бидејќи ваквите улици можат скапо да ги чинат.

Од општина Центар велат овие дупки биле санирани летото. До сега кај нив не пристигнала ниту една пријава за оштетен автомобил.

Докоолку возачите ги оштетат автомобилите можат да бараат надомест од локалните власти. За да имаат потврда дека штетата настанала од дупка на патот, треба да повикаат полиција која ќе ја констатира состојбата.

https://sitel.com.mk/dupkite-na-ulicata-vo-gradski-park-se-ushte-nepopraveni