Автопат Кичево - Охрид

Извадоци од видеото

https://www.facebook.com/IDSCS/videos/355733295588776

...

Фирма од Албанија работи знам. Земале пари за Ковид19 помош да исплатат плати и не дале плате. Каква Банана Држава колку ли пари се перат на патов. Замислете фирма која единствено постои во државава за да работи на Државни проекти зема помош од истиот тој државен буџет за плати? Перат пари лом праат си делат по 1 евро сите.

Срамота, срамота.
Денес поминав одејки накај Струга, и апсолутно ништо немаат чепнато. Едноставно срамота.
Од делот кај Охрид се вози по новиот лев асфалт, де вози повеќе од пропишанпто, правила не се почитуваат, се престигнува по полна линија.
Од бензинските ништо нема(т) срушено, и кај подмоње надвожњакот го имат срушено, и има некој импровизиран кружен тек. Другото појма немам оти не одевме преку Кичево за Охрид, туку преку Ресен.

За тоа со косините неможат да го средат сега па да ги поделат на 2 дела?
Косини со 150 метри??? Wtf кој будала прави таков автопат...

Ајде делот со наклоните и така и така, ако има мостови нема да треба да се искачува толку многу ама пак цената нагло ќе порасне, што во овој случај се деси.

За другото се што е кажано е во право.
За жал тоа е што се деси, претходната власт си намести компанија која што нема врска со правење автопат. Тоа што утнаа е утнато.

До сега Македонија требаше по 15 пати да беше целосно комплетирана планираната автопатска мрежа. Ќе чекаме уште 10 години за Кичево - Гостивар да го завршат, и уште дупло ќе се исперат пари.

Се надевам еден ден ќе се смени ова што ни се дешава во државата па ќе се казнат сите тие што се криви за овие грешки.

Епа од мене толу, веќе нема што да кажувам а и немам живци да се нервирам веќе да зборам за овакви ствари, и сево ова што ни се дешава во последните 10 - 15 години.

Уште нешто:

Охрид - Струга - Дебар иако за немој не му личи така, ама има далеку повеќе автомобили во просек. Моментално се враќам кон Охрид и можам да ви го потврдам тоа. Исто и за Охрид - Ресен - Битола. Има премногу камиони.
Во иднина и овие правци ќе треба да имаат нови и соодветни патишта.
Еее има многу патишта за кои што повеќето мислат дека нема многу коли ама има. Особено летна / зимска сезона.

И Радовиш - Струмица треба да биде автопат а не експресен пат, од повеќе причини. Да не зборам за Струмица - Ново Село.

И друга работа, на овој автопат сега само 1 градежна компанија работи???

Originally posted by гитардемон CONSTRAKT ABILITY For real? Сигурно бил во САД а не во Индија?

Баш се зачитав во текстот, но проектант во САД да бил, а Constructability да го пишува како Јамајканец, чудно троа.

Грешки на автопатот Кичево-Охрид

од Божидар Миљовски

Грешките на автопатот Кичево-Охрид може да се сумираат во три крупни насоки: грешки на политичарите и политиката, корупциски грешки на Владата и грешки на градежниците и на надлежните институции.

Грешките на политичарите и политиката се состојат во тоа што 20 години во Македонија немало градење автопати и 20 генерации што завршиле факултет немале шанса да проектираат и да градат автопатишта. По 20 години доаѓаат наеднаш четири автопати, поради што овие генерации учат на грешките. Понатаму, 16 години во Министерството за транспорт и врски, како и во Јавното претпријатие за патишта, седеле правници поради што не можело да се очекува некаква стратегија во градежништвото, никакво планирање од страна од политиката.

Владата направила корупциски грешки при продавањето на проектот, за лична и партиска провизија, со цени кои биле двапати поголеми од пазарните.

Со овие две грешки немам намера да се занимавам, бидејќи постојат посебни органи за тоа. Но, имам намера да ги анализирам грешките на градежниците и на надлежните институции.

Пред да почнам да ги анализирам овие грешки ќе направам една мала дигресија во врска со моите 32 години активност во градежништвото во САД. Таму работев како консултант во три фирми: „Perini MA“, „O&G Industi CT“ и „Tudor Selima CA“, кои заедно сега прават од 10-12 милијарди годишен обрт. Моето учество беше во „CONSTRAKT ABILITY“, односно „Како да се гради поевтино“, а тоа значи оцена, предлог за препроектирања на проектот за поевтино градење и заштеда на пари. Работејќи на вакви објекти јас го сметам констракт абилити како многу важна ревизија и преправка на проектите, заради што ќе се обидам и овој проект да го анализирам од овој аспект.

Во 2014 и во 2015 година го посетив градилиштето и добив претстава за случувањата, бев консултиран за тунелот, стабилноста на косините, додатните истраги за мостовите и друго. Да ги наброиме фирмите кои учествувале во изготвувањето на документацијата: Проектанти на патот се „Prima Enginering“ (сега ликвидирана) и ZIM, и двете фирми не се проектанти на патишта и користеа надворешни проектанти. Истражните работи ги работел ГИМ и неколку геолошки фирми, но најважно е што испитувањата ги нарачувале и воделе инженери на Јавното претпријатие за патишта и тука е направена најголемата грешка во претходните геолошки испитувања кои беа 0,5-0,6 % од чинење на проектот, а во светот се движат од 2-3 %. Со вакви постапки „грешките од секој долар помалку за испитување, после се плаќаат 100 долари“. Во време на изведувањето се воочени овие грешки од недоволните испитувања и се нарачаа дополнителни испитувања за мостовите, тунелот и за некои други објекти.

Главниот ревидент и консултант на сите проекти на Јавното претпријатие за патишта е Градежниот факултет. Градежната дозвола ја издаде Министерството за транспорт и врски. За изведувач на работите по партиска линија е избрана фирмата „Трансмет“, на која ова ѝ беше прв објект во автопатиштата. Надзорот го зеде фирмата ГИМ. Наброените фирми се учесници во целиот процес од испитување до градење на автопатот Кичево-Охрид и тие најдобро ги знаат сите проблеми.

Ги набројуваме проблемите од проектирањето, испитувањата и градењето од аспект на „констракт абилити“. Не можеме да градиме ваков проект со испитувања од 0,6 %. Проектантот и инженерите од Јавното претпријатие за патишта морале проектот да го поделат на два дела. Прв дел од Кичево до Пресека и втор дел од Пресека до Охрид. И во двата дела проектантот не ги решил приклучоците од споредните патишта. Проектантот заборавил дека постои „банализација“ на сообраќајот, односно никако долги правци со ист наклон, зашто возачите заспиваат од монотонија. Ако оваа делница беше направена со благи наклони горе-долу ќе се избегнеа многу мостови и многу високи потпорни sидови.

Втора голема грешка на проектот е водењето на двете ленти на исто ниво, наместо да се поделат на две нивоа. Кој е тој автопат со косини од 150 метри? Тоа не е можно да се одржува. Ако го поделеа на две нивоа ќе имаа косини по 20-30 метри. Една од големите грешки е и тунелот. Изгледа сите заборавија дека пред 30 години, кога се реконструираше делницата од Извор до Пресека беше работена варијантата од Извор до Пресека долу и со тунел под Пресека. Оваа варијанта со тунел под Пресека ја напуштивме, зашто беше заклучено дека ќе имаме тунел со големи притисоци и подземни води. Не знаеме како дојде до тоа тунелот да биде дефиниран за градба во тврди карпи, дури и без подграда, а во суштина излезе најтешка категорија на тунел и чини 2-3 пати поголема сума од договорената.

Изведувачот, кој немал никакво искуство со автопатиштата се впушти да работи по целата траса, а не концентрирано по 3-4 километри, па кога ќе ги заврши нив до тампон да оди на следни, итн. Овде има забелешка за Јавното претпријатие кое требаше да ургира брза изградба на лесната делница од тунелот до Охрид, која според мои оценки по две години можеше да биде пуштена во сообраќај.

Пред две години држев предавање во Друштвото на инженери, гласно им кажав на сите 120 присутни дека на западниот пат ќе изгубиме уште 150 милиони евра. Пред неколку месеци беше потпишан анекс на 182 милиони евра. Бидејќи во ова не се вклучени санациите на косините ќе се додадат нови 30 милиони евра, па така цифрата ќе стане 210 милиони.

Завршувам со ова објаснение зашто сакам јавното мислење да знае кој е виновен што Северна Македонија ќе плати најскап автопат во регионот, за што сигурно јас не сум повикан да судам. Предлагам да седнат на иста маса сите учесници во проектот: проектанти, изведувачи на програмата за испитување, ревидентот на испитувањата, консултантите, ревидентите на проектот, издавачот на градежната дозвола, надзорот и самите тие да кажат кој е и колку е виновен за штетата од 210 милиони евра.

https://www.slobodenpecat.mk/greshki-na-avtopatot-kichevo-ohrid/?fbclid=IwAR2-qdDyZ3Rcq4a3XeOddujbmKB7rQEuEWG5ljstxFB7zXhlTv04lTloMuQ

УТРЕ ОД 12-15 ЧАСОТ ПРЕКИН НА СООБРАЌАЈОТ КИЧЕВО-ОХРИД НА ДЕЛНИЦАТА ПРЕСЕКА-ПЕСОЧАН

Сообраќајот на патниот правец Кичево–Охрид, делница Пресека-Песочан, утре биде блокиран во двата правци во период од 12 до 15 часот, соопшти АМСМ.

Прекинот ќе биде поради минирање на патниот правец, што ќе го врши „Илинден“ АД.

https://sdk.mk/index.php/makedonija/utre-od-12-15-chasot-prekin-na-soobrakajot-kichevo-ohrid-na-delnitsata-preseka-pesochan/

Дее така, сега ме убеди ова дека 2021 ќе биде последен рок да се заврши оваа делница.
Ќе биде возбудливо да се вози низ овој автопат.

Населба Чекоштина - обезвреднета,Мауцкер и Св.Еразмо - обезвреднети, Подмоље и Оровник - обезвреднети. Земјиштето можеше да е иста цена како во Пештани или Рача (50-100 Евра). Ама сега ќе имаат автопат. Зошто не се среќни? Можеби ќе градат сопствениците индустриски капацитети. Ќе имаат и прекрасен поглед на туристите кои доаѓаат во Охрид со 120 км на час. Освен автопат сопствениците на имот ќе имаат и клучки, пристапни патишта, сервисни и регионални. Се ќе изгледа како најубавата индустриска зона во Европа. Кога ќе дојде железница и таа тука нека ја стават. Прекрасен план за развој на Охрид.

Originally posted by user8642 Како може да споредувате проекти од типот на изградба на нов пат кој е долгогодишен проект од милиони евра цена, да споредувате со тотално оперативни прашања дали се собирал отпадот, граѓаните фрлале не фрлале. Па уште џабе биле патиштата ако не биле чисти. Ја прв со две раце ќе потпишам Македонија да ги изгради сите автопати предвидени макар и ако цената за тоа биде да бидат цело време потрупани со ѓубре. Абре тоа се неспоредливи прашања, големината им е неспоредлива, капитална инвестиција не се става на кантар со оперативна култура и функционалност. Како можете да ги мешате овие работи?

Поентата беше дали да се гради или не поради еколошки причини, па следствено на тоа е очекувано да се искоментира дека нашата природа, вода, земја се загадува од несовесните индивидуи, а не од асфалтот. Јас сум за градење, потребни се 600 км автопат во Македонија за да кажеме имаме супер патна мрежа, но ако цената е да бидеме затрупани со депонии, тогаш подобро нека останат калдрмите. Им завидувам на Словенците, кое задоволство е да се вози таму, една кеса или шише нема да видиш фрлено, овде на 1 км квадратен може да бираш дал ти треба користена гума, пелена, шпорет, пикавец, текстил...

Како може да споредувате проекти од типот на изградба на нов пат кој е долгогодишен проект од милиони евра цена, да споредувате со тотално оперативни прашања дали се собирал отпадот, граѓаните фрлале не фрлале. Па уште џабе биле патиштата ако не биле чисти. Ја прв со две раце ќе потпишам Македонија да ги изгради сите автопати предвидени макар и ако цената за тоа биде да бидат цело време потрупани со ѓубре. Абре тоа се неспоредливи прашања, големината им е неспоредлива, капитална инвестиција не се става на кантар со оперативна култура и функционалност. Како можете да ги мешате овие работи?