Јавна чистота

Ако фасадата на владата не кошташе 18м евра колку ли би коштала стрипорна фасада на мтв? Мислам дека сепак не сме до толку богати.

Апокалиптично грозно.

инаку, знам дека некаде на форумов имаше текст на таа тема, ама кој поминал од таму сигурно приметил во каква очајна состоба е аквадуктот и дека одредени столбови и сводови има опасност потполно да се распаднат... а целосно зачуваните аквадукти од римската империја/византија се бројат на рака во Европа... значи поседуваме не само Македонско наследство, туку и наследство од Европска/Светска важност што треба да биде под заштита на глобални организации и да биде прво на листата на нега кај соодветните државни и приватни институции

Искрено, извинете на јазикот, ама да им се по*ерам на квази-патриотите кои мислат дека инстант штанцани споменици во 21-ви век се врв на култура и историја

Зашто нели населението од тој регион беше многу загрижено за екологија и решително се спротивстави на "бруталните" намери ѕа изградба на езеро на Луково поле. Секако, се' со зел да ја заштитат Радика...



http://utrinski.mk/?ItemID=AEC0CC09720BED41B0BA472BF9EA41E0



ДЕБАРСКО ЕЗЕРО СЕ УДАВИ ВО ОТПАД ОД ПЛАСТИКА



Купиштата ѓубре се последица на нерешените прашања со собирањето на отпадот во општините Маврово - Ростуше, Жупа и Дебар

Сања Наумовска



Дебарското Езеро е затрупано со отпад. Илјадници пластични шишиња кои ги донесе високиот водостој на реката Радика, деновиве ја покрија површината на езерото. Глетката е застрашувачка, еколошката катастрофа е неминовна, но она што најмногу ја загрижува јавноста е фактот што состојбата се повторува неколкупати годишно. И, тоа со години наназад.

Купиштата ѓубре се последица на нерешените прашања со собирање и селектирање на отпадот во општините Маврово-Ростуше, Жупа и Дебар. Еколошките невладини организации алармираат дека најмногу пластичен отпад е собран кај селото Долно Косоврасти, каде што Радика се влева во езерото, како и кај Мелнички Мост. Иако Радика тече низ Националниот парк „Маврово“, заштитено подрачје во кое за третманот на отпадот мора особено да се води сметка, очигледно е дека дивите депонии се проблем кој тешко се надминува.

Градоначалникот на Маврово-Ростуше, Мукрем Мехмеди, вели дека општинското јавно комунално претпријатие има поставено контејнери во секое село, како и покрај Радика на излетничките места.

„Комуналното претпријатие редовно собира смет од контејнерите, но ѓубре има и надвор од нив. Реално, имаме проблем со диви депонии, правиме акции за расчистување, но луѓето повторно фрлаат“, вели Мехмеди.

За градоначалникот на Дебар, пак, Ружди Лата, очигледно е дека во Дебар се случува еколошка катастрофа.

„Пластиката е видливиот проблем, но, она што не е видливо, а се случува секојдневно, е вливањето на фекалните води во Радика и во езерото“, вели Лата.

Од ХЕЦ „Црн Дрим“, подружница на Електрани на Македонија, која ги користи водите на езерото за производство на електрична енергија, посочуваат дека при засилени врнежи или топење на снег, кога се зголемува нивото на водата во коритото на Радика, езерото е полно со отпад од пластика. Вработените од хидроелектраната „Шпиље“ неколкупати годишно прават акции за собирање на отпадот, кој од тука заминува на рециклирање.

„Пластиката која опасно се доближува кон турбините и се заканува да го намали протокот на вода кон машинскиот дел, мора да се отстранува. Оваа ситуација се повторува неколкупати во годината и нашите вработени редовно се ангажираат за чистење“, велат од ХЕЦ „Црн Дрим“.

Езерото е богато со риба и позната риболовна дестинација за љубителите на овој вид рекреација. Сепак, актуелната состојба го отвора прашањето дали концесионерот на езерото, струшката фирма „Охридска риба“ има податоци како купиштата отпад влијаат на живиот свет во езерото. Се поставува и прашањето каква е состојбата со загаденоста на езерските води и дали, освен за производство на струја се користи и за други намени.

Еколошките активистите деновиве апелираа итно да се најде решение за отпадот во овие општини.

„Потребна е поголема ангажираност на локалните власти на трите општини Дебар, Центар Жупа и Маврово-Ростуше во соработка со Министерството за животна средина и просторно планирање, за да се најде конечно решение за овој проблем, зашто се повторува. Пред неколку години екологистите од трите општини поведоа иницијатива за поставување челични мрежи кај Мелнички Мост, каде што би се собирал отпадот и секојдневно со чамци би се вадел и фрлал во депонијата во Дебар. Но, се' остана само како идеја“, вели Газменд Цами, претседател на дебарското еколошко друштво „Дешат“.

Од Министерството за животна средина вчера не само што немаа никаков коментар за еколошката катастрофа што во континуитет му се случува на Дебарско Езеро, туку, напротив, се прогласија за ненадлежни.

<3

Грацки служби, кај сте?

П.С.

Огромно извинување до Навигатопр што се осмелувам да споделам фотографија објавена на твитер



https://twitter.com/saltwatered/status/769041265681891328/photo/1

Еве и во кичево

Ваквите акции се секогаш за поздрав!

Активистите од „Чист Охрид“ светнаа уште две улици во градот

Неформалната граѓанска иницијатива „Чист Охрид“ викендов реализираше уште една акција за чистење на локации низ градот Охрид. Овојпат се чистеше зелената површина на пресекот на улиците „Ѓорче Петров“ и „Даме Груев“.



На втората по ред акција на групата младите ентузијасти беа собрани 12 големи вреќи со најразличен отпад, во кој имаше многубројни пластични кеси, шишиња и пакувања за различни видови храна, парчиња синтелон, како и пегла за алишта. Можеше да се види дека отпадот намерно бил фрлан длабоко во грмушките на зелената површина.



Локалните жители пристапија кон активистите на позитивен начин, со одобрување и поттик, при што понудија освежување и услови за одржување на личната хигиена по акцијата, што секако е за поздрав. По чистењето на означената локација, волонтерите со собраниот отпад се упатија кон најблиските контејнери, при што беа исчистени и две други, помали локации со сличен отпад.



Ваквите акции ќе продолжат наредниот викенд на нова локација.

-Преку директна акција, можат да се постигнат резултати, затоа што е ослободена од бирократски процеси, од барање на дозвола и ослободена од очекувања дека друг ќе се бори наместо нас. - порачаа активистите од „Чист Охрид.



Волонтерите упатија благодарност до фирмата „Гумно“ која им донирала специјални ракавици за многукратна употреба со што значително ја олесни работата на активистите на „Чист Охрид“.

http://www.ohridnews.com/vesti/91473

Не е проблем што се фрла ѓубре, луѓето секогаш ќе фрлаат зашто се идиоти, но проблем е што не се собира и претставува грда, но реална слика за нас:

Св. Пантелејмон, етно село, туризам... како да не бе

извор: https://twitter.com/Jane_Sk/status/675999469566038016