Аеродроми

извадок од интервју со Миле Јанакиески

До каде е консултантската куќа НАКО со анализата за скопскиот и за охридскиот аеродром. Може ли да ни откриете, што тие Ви предлагаат како решение за воздушните пристаништа? Ќе градите ли карго аеродром во Штип? - Некаде кон крајот на годинава или почетокот на идната ќе се распише тендер за концесија на скопскиот аеродром. Консултантот се уште работи на анализата, но она што е извесно е дека ќе се гради нова терминална зграда, ќе се подобрува пистата за да може поголем број на авиони да слетуваат и да има поголема фреквенција на патници. Воедно, ќе се прави еден мал терминал за карго превоз и ќе се подобри инфраструктурата околу самиот аеродром. Треба да се направи и административна зграда, во која ќе бидат сместени и полицијата и Царината. За охридскиот аеродром, консултантите засега препорачуваат дека е потребно претходно да се направи подобра презентација на градот Охрид, па потоа да се размислува за доградба на аеродромот. Доколку се зголеми транспортот размислуваме и за отворање на карго аеродром во Штип за да заживее слободната економска зона. Сепак, Владата, ќе го има последниот збор за начинот и постапката за издавање на аеродромите под концесија. Тие што ќе ја добијат концесијата ќе го менаџираат и аеродромот, а Владата ќе имам свои претставници. Во 2008 година треба да се завршат сите постапки за избор на концесионерот, а некаде во 2009 да почне неговата доизградба.

Извор: Вечер

lugje batalete politika. ozbilen sum

Edited by pbanks - 27-Sep-2007 at 16:49

Originally posted by pbanks  Sto se odnesuva za aerodromot vo Stip... Ne sum siguren kolku sum za. Podobro e da se napravi avtopat Stip-Veles, Skopskiot aerodrom bi bil mnogu blisku. Porano se zboruvase za kargo aerodrom vo Strumica. Licno mene toa mi pravi povekje logika.

Точно тоа и мене ме буни околу потенцијалниот аеродром во Штип. Скопскиот аеродром е преблиску за една сиромашна држава како Македонија да се луксузира со нов аеродром толку блиску, па макар бил и само карго. На крајот на краиштата, за какво „карго“ има  реална потреба? Ако е пак за струмички земјоделски производи, тогаш нека се гради во Струмица... Ама многу ми е чудна потребата за авио-превоз на земјоделски производи од еден толку мал регион. Јас попрво би размислувал за промовирање на железница (мораме да ја шириме мрежата), која со осовременувањето на коридорот 10 кај нас и во Србија ќе има бројни предности (барем јас така мислам). Железницата во секој случај е многу посеопфатно решение за многу други потреби. Кога тогаш ќе треба да се изгради, а подобро што побрзо. Исто така мораме да размислуваме и како најмалку да узурпираме од плодната струмичка почва - аеродром таму е...
Ама искрено не знам, можда и стварно да има голема специфична потреба од „Струмички Аеродром“. Само како во приказнава се уфрли Штип тоа не ми е јасно. Затоа реков дека не сакам премногу да шпекулирам за работи кои ми се малку познати.

Се надевам дека во целава приказна некој го зема во предвид и безбедносниот фактор. Немаме никаква гаранција дека браќата Албанци нема утре или понатака да влезат во нови радикални сценарија, па за жал треба и со ова да се калкулира кога се размислува за изградба на аеродром во источниот дел од земјата (земајќи ги во предвид релативно неповолните местоположби за одредени дејствија од постоечките два)


Edited by Cloverstack - 26-Sep-2007 at 18:47

Originally posted by gotsomekicks Јас сум за. Нема зошто да не се гради карго-аеродром во Штип. Уствари сеа ќе каже консултантсата куќа дали има или нема причина. А за Скопје, значи стварно не дупат у здрав разум. Па нели требаше до крајов на годинава да биде даден под концесија, а испаѓа сеа дека треба да биде извештајот изработен до тогаш.

Јас сум за. Нема зошто да не се гради карго-аеродром во Штип. Уствари сеа ќе каже консултантсата куќа дали има или нема причина. А за Скопје, значи стварно не дупат у здрав разум. Па нели требаше до крајов на годинава да биде даден под концесија, а испаѓа сеа дека треба да биде извештајот изработен до тогаш. 

Добро барем не ги слушам веќе глупостите за преместување на скопскиот аеродром... Исто се надевам дека ќе се оди на изградба на нов терминал, а не крпење на стариот. Би било добро да се размислува долгорочно и да се гради нов терминал од другата страна на пистата (нормално и главниот пристап до аеродромот да биде од север, од М4 и конечно да се направи и таа мала железничка спојка...)

За аеродромот во Штип не знам што да мислам. Би сакал да чујам многу повеќе информации за него, пред да можам да оформам мислење.

ЗОРАН КРСТЕВСКИ, ДИРЕКТОР НА ЈАВНОТО АЕРОДРОМСКО ПРЕТПРИЈАТИЕ

Ја пропуштивме шансата Охридскиот аеродром да стане карго центар

Бугарската карго компанија "Вега", која беше заинтересирана за овој проект, својот интерес го насочи кон Србија бидејќи предолго тактизиравме, а сето тоа поради непознавање на европската регулатива

Директорот на Јавното претпријатие за аеродромски услуги "Македонија", Зоран Крстевски, е задоволен што годинава е зголемен бројот на превезени патници од аеродромот "Александар Велики", но сепак смета дека треба да се направи многу за да се подигне квалитетот на аеродромската инфраструктура со цел тој да стане атрактивен за транзитни патници.

Годинава ги намаливте цените на аеродромските услуги за 20 проценти. Има(ше) ли тоа ефект во привлекувањето на странски авиокомпании и во превезувањето на патници?
- Да. Аеродромите "Александар Велики" и "Свети Апостол Павле" годинава имаат одличен скор на летови. Скопскиот аеродром има за осум проценти зголемување на комерцијалните летови и околу 15,5 насто пораст на бројот на патници или тоа е 60.000 патници повеќе од истиот период лани. Зголемена е и пополнетоста на авионите што зборува за успешност на авиокомпаниите што летаат кон Македонија. Ова посебно се однесува на домашниот авиопревозник МАТ, кој учествува со околу 30 проценти од вкупниот авиосообраќај во земјава.

Отворени се нови авиодестинации како што се Париз, Амстердам и Келн, а се најавуваат и други со зимскиот ред на летање. Очекуваме да се отвори линијата за Франкфурт, а има најави и за дестинација кон Италија и за Сараево. Задоволен сум од обемот на авиосообраќај бидејќи европскиот просек е шест проценти, а за 11 насто расте сообраќајот на приштинскиот аеродром, кој е наш најголем конкурент во регионот.

Холандската компанија НАКО беше избрана за консултант за аеродромите. Кога ќе почне со изработка на студијата за давање на аеродромите под концесија?
- "Александар Велики" има лоша инфраструктура бидејќи е правен во некои други времиња, кога требал да биде само домашен аеродром за врска со Белград. Тоа треба да го промениме. Претставници на НАКО доаѓаат во земјава на 24 септември. Тие треба за шест месеци да изработат сообраќајна и техничка студија од која ќе се оцени дали на постоечката локација на аеродромот ќе се доградува терминалната зграда, или ќе се гради нова, што е многу подобро решение. Треба да ја подигнеме и категоријата на пистата од сегашната прва на втора, односно трета, со што "Александар Велики" би станал атрактивен за таканаречените технички слетувања и за транзит на патници. Ова е значајно бидејќи во регионот нема некој од посериозните аеродроми, како што се франкфуртскиот или виенскиот.

Што направивте во привлекувањето на нискобуџетни авиокомпании?
- Засега се само две - "Ер Берлин" која оперира на дестинацијата Скопје-Дизелдорф-Скопје, а втората е "Герман Вингс" која деновиве имаше неколку летови за Келн, а со зимскиот ред на летање ќе има редовна авиолинија. Со сите нискобуџетни авиокомпании што летаат во овој регион стапивме во контакт, но се уште нашиот пазар не е доволно атрактивен во економска и туристичка смисла. Очекуваме уште некоја да се одлучи да лета за Македонија, бидејќи трендот во светот е авиокомпаниите да летаат според патниците, што значи дека и помалите аеродроми имаат големи шанси и не е како порано патниците да летаат само од големите аеродроми.

До каде е со најавите за влез на бугарската карго компанија "Вега" на македонскиот пазар?
- Требаше да го искористиме тој момент со кој ќе можевме да го промовираме Охридскиот аеродром во карго центар. Тие сега својот интерес го насочија кон Србија. Ја пропуштивме шансата бидејќи предолго тактизиравме, а сето тоа поради непознавање на европската регулатива и постојаното барање некој друг да одлучува во наше име, што не е добро. Некогаш е добро и да се ризикува.

Инвестиравте ли во инфраструктурата на аеродромите?
- На Охридскиот аеродром го модернизиравме ВИП салонот за да ги исполнува сите услови за прием на претседатели и други комерцијални активности. Инвестиравме 30.000 евра во нов фри-шоп. И на двата аеродроми подобрена е информатичката технологија за повикување на патници, ставени се нови LCD монитори. На Охридскиот аеродром за еден месец очекуваме да биде поставен електронски систем за чекирање, а на Скопскиот се купуваат два елеватори и едно јуришно возило, како и посебно комбе за ВИП патници. Вршиме и техничко доопремување на гејтовите и во каргото.

Светлана БЛАЖЕВСКА