Skopje East Gate (поранешно ERA City)

https://www.instagram.com/baukop.dooel/

Мене уште не ми е јасно како сеуште опстојуваат КФЦ и Бургер Кинг...кои им се потрошувачите? странци? туристи? албанци од дијаспората што доаѓаат на одмор?

ЕКСКЛУЗИВНО: Детали околу франшизата го проблематизираат влезот на McDonald’s во Македонија

Финишираат подготовките и наскоро најголемиот трговски центар во земјава ќе ги отвори вратите. Ист Гејт Мол ќе стартува со работа, а граѓаните кои сакаат шопинг уште по најавите со нетрпение очекуваа да влезат и да пазарат во некои од дуќаните на познатите брендови кои прв пат се отвораат овде, но и дел од нив кои веќе се присутни како „Зара“ на пример, чија продавница тука ќе биде најголема во регионот. Додека се подготвуваат и рестораните и кафулињата, а отворањето е за еден месец, нема конечна потврда дека интернационалниот гигант McDonald’s сепак ќе биде присутен во земјава.

Сигурни извори за Фактор во април потврдија дека преговрите финишираат и американскиот гигант одлучил да отвори ресторан во земјава, сепак се уште не е ставен потпис на договорот. McDonald’s не се откажале, но нема конечен договор, а клучната работа била околу франшизата.

Се тврди дека се допрецизираат детали околу тоа кој треба да ја поседува франшизата сега, па отворањето затоа можело и малку да се пролонгира односно да не се случи годинава.

Како што е познато, во 2013 година „Мекдоналдс Европа“ го прекина договорот за франшиза со македонската фирма „СЈ компани“, која, од тогаш не смееше да работи под брендот „Мекдоналдс“.По прекинот на договорот, „СЈ компани“ веќе не ги поседуваше правата да работи со рестораните под тој бренд.

Инаку ексклузивниот лизинг агент “Cushman&Wakefield/FortonMKA и тимот на Ист Гејт Мол веќе објавија дека постојано ги следат трендовите на потрошувачите и врз основа на нив создале стратегија со која го позиционираат Ист Гејт Мол како трговски центар на новата генерација.Фокусот е ставен на креирање на дестинации кои покрај шопинг нудат и различен број на нови искуства за купувачите кои бараат многу поразновидна и пософистицирана понуда на концепти за храна и пијалоци.

„Ист Гејт како најсовремен проект во регионот кој ги следи сите шопинг трендови, покрај големиот микс од брендови и различни категории е и место каде што посетителите ќе може да искусат еден сосема различен уникатен концепт таканаречен Café Avenue (Кафе Авенија). Замислете си долга улица на која се наредени најмонденските кафеа и ресторани, и на која се протегаат 6 различни, внимателно одбрани концепти на приближно 3.000 м2, креирани по последните ентериерни и гастрономски трендови кои што ќе ги задоволат и најпребирливите посетители. На Кафе Авенијата меѓу другото ќе се понуди првата франшиза на оригинален стек ресторан, софистициран мексикански ресторан, како и уникатни стилски ресторани со интернационална и македонска кујна, велат од “Cushman&Wakefield/FortonMKA и тимот на Ист Гејт Мол.

А светски познатиот моден магнат, Групацијата Индитекс за прв пат во Ист гејт мол ќе го отворат „Zara Home“ и „Oysho“. Трговскиот центар има 220 продавници, а 40 отсто од нив се нови брендови кои за прв пат влегуваат во Македонија.

Уште едно освежување за посетителите претставува и полската модна групација LPP која во Ист Гејт Мол ќе отвори пет продавници и тоа „RESERVED“, „MOHITO“, „HOUSE“, „CROPP“, „SINSAY“.

https://faktor.mk/ekskluzivno-detali-okolu-franshizata-go-problematiziraat-vlezot-na-mcdonalds-vo-makedonija

Значи, зградите со деловен простор ќе се градат последни?

Драго ми е што не сум матуф туку навистина сум го прочитал некаде ете.

Originally posted by гитардемон Не се вреѓа никој, сите си знаеме каде сме биле и колку сме биле. Туку, најавата ако се сеќавам добро беше дека ќе има LIDL во трговскиов, и ми беше и мене доста чудно што избрале мол, а не хангар во предградие. Не знаев дека ќе биде TINEX. Скоро сум сигурен дека прочитав некаде дека ќе има LIDL во некој од моловите и се чудев.

Ја искрено очекував СПАР или друг од тој вид а го добиваш Тинекс(синоним за дисквалитет) и искрено мислам дека ќе биде ништо спектакуларно и овој “хангар“, а за последниот пост за ресторанитет - ќе кажам само дека франшизата за стек хаос ресторан е САРАЈЕВА од Косово...

Не се вреѓа никој, сите си знаеме каде сме биле и колку сме биле. Туку, најавата ако се сеќавам добро беше дека ќе има LIDL во трговскиов, и ми беше и мене доста чудно што избрале мол, а не хангар во предградие.

Не знаев дека ќе биде TINEX. Скоро сум сигурен дека прочитав некаде дека ќе има LIDL во некој од моловите и се чудев.

Отворањето некако се чини ќе биде исфорсирано и допрва ќе се досредуваат после некои детали и постепено ќе се вселуваат дуќаните.Со најавите за Лидл незнам што се случува колку што знам официјален маркет ќе биде Тинекс.

Ист гејт мол: Динамични подготовки пред отворање







Отворањето на најголемиот трговски центар во нашиот регион се ближи. Одбројувањето започнува, и за токму еден месец Скопје добива ново место кое ќе обедини шопинг, забава, фитнес и разонода, но и врвно гастрономско искуство. Сè на едно место – во Ист гејт мол. Посетителите ќе може да уживаат во широката понуда на продавници, кафетерии, ресторани, но и во големиот број на услуги како центар за убавина и козметика, фризер, бербер, центар за разубавување на миленичиња, како и забавни активности: кино, игротека, фитнес центар и друго.

Со цел да се постигне уникатна содржина, како ексклузивен лизинг агент беше ангажиран тимот на специјализираната консултантска компанија за недвижности „Cushman&Wakefield/FortonMKA“ кој заедно со тимот на Ист гејт мол интензивно работеше на миксот од 250 интернационални и локални брендови во последните три години

Исклучителното дизајнерско решение од реномираниот архитект Керем Јазган веќе ја добива својата финална форма и наговестува голема посетеност поради уникатниот екстериер и ентериер кој ја нагласува мултифункционалната природа на Ист гејт мол.

https://www.mkd.mk/makedonija/ekonomija/ist-gejt-mol-dinamichni-podgotovki-pred-otvoranje

Светските модни гиганти ЛПП и Индитекс во Ист Гејт Мол опфаќаат повеќе од 25 отсто со над 14,500 м2

Ексклузивниот лизинг агент “Cushman&Wakefield/FortonMKA“ заедно со тимот на Ист Гејт Мол во изминативе три години, работеа на креирање различен микс на брендови кој ќе ги задоволи потребите на потрошувачите. Резултатите денес на само неколку недели од големото отворање сведочат за делото – добро реализиран микс на содржини и одлична селекција на брендови со висока популарност од кои поголем дел за прв пат се претставуват на македонскиот пазар.

Светски познатиот моден магнат, Групацијата Индитекс претставува синоним за квалитетно шопинг искуство, а своето “деби“ на македонскиот пазар ќе го имаат „Zara Home“ и „Oysho“ како дел од разновидното портфолио на Ист Гејт Мол. Трговскиот центар има 220 продавници, а 40% од нив се нови брендови кои за прв пат влегуваат во Македонија со што го позиционираат Ист Гејт Мол како водечки центар во кој ќе има нешто ново и поразлично.

Групацијата Индитекс потпиша договор за закуп на малопродажна површина од 8.600 м2 за своите седум брендови како „ZARA“, „ZARA HOME“, „ОYSHO“, „Мassimo Dutti“, „Bershka“, „Pull and Bear“ и „Stradivarius“. Сите трговски марки ќе се претстават со своето целосно продуктно портфолио, а познатиот бренд „ZARA“, ќе се простира на речиси 4,600 м2 со што ја прави најголемата продавница на „ZARA“ во целиот балкански регион.

Уште едно освежување за посетителите претставува и полската модна групација LPP која во Ист Гејт Мол ќе отвори пет продавници на површина од 6,500 м2 и тоа „RESERVED“, „MOHITO“, „HOUSE“, „CROPP“, „SINSAY“. Секоја од овие продавници ќе понуди разноликост, но и уникатни модни парчиња за сечиј вкус. Групацијата LPPе една од најбрзо растечките модни синџири во источна и централна Европа, а со своите интересни и невообичаени концепти во Ист Гејт Мол ги носи светските трендови од модниот сегмент за жени, мажи и деца.

Модниот сегмент во Ист Гејт Мол ќе се простира на повеќе од 50%, со што го позиционира трговскиот центар како омилена дестинација за оние кои што сакаат поинакво шопинг искуство.

https://faktor.mk/svetskite-modni-giganti-LPP-i-inditeks-vo-ist-gejt-mol-opfakjaat-povekje-od-25-otsto-so-nad-14500-m2