Скопски сообраќај (општо)

Тргни - застани, не се нервирај, доцниш секако...



Денеска и вчера, а и денови претходно од пандемискиот септември, во Скопје владее сообраќаен метеж. И за тие што се на работа од 7 часот, и за тие среќници што работат од 8 или 9 часот, или имаат други обврски, секако и за учениците во градските автобуси со маски на лицата, кои ќе продолжат да ги носат и на часовите во училиште.

Нашето утринско искуство од 9 часот вели дека од Ново Лисиче до Карпош се потребни 40 минути со автомобил. После „Три бисери“ до Железничка станица беше тргни - застани во три ленти.

Тргни - застани и до Народната банка.Го избегнавме булеварот кој води до судскиот комплекс, бидејќи деновиве се возеше по една лента заради градежни работи. Но кон Црвен крст повторно метеж, но уште поголем кон Градска болница и Рекорд.

https://www.mkd.mk/makedonija/skopje/trgni-zastani-ne-nerviraj-se-docnish-sekako

СЕ РЕКОНСТРУИРА ПАТОТ ДО БОЈАНЕ ВО ОПШТИНА САРАЈ

Градоначалникот Петре Шилегов, премиерот Зоран Заев, градоначалникот на Општина Сарај, Блерим Беџети и лидерот на ДУИ, Али Ахмети, денеска извршија увид во градежните работи за реконструкција на патот до Бојане во општината Сарај, што е во тек.
- Селото Бојане е последното населено место во градот Скопје кон граничната општина Желино и долги децении било и заборавано и запоставувано од градските власти. Ова сега е доказ како во соработка меѓу Општина Сарај и Градот Скопје, помогнати и од Владата на Република Северна Македонија успеваме да го решиме овој децениски проблем на граѓаните на Бојане кои сега се поврзуваат со најдобрата инфраструктура – рече денеска градоначалникот Шилегов.
Реконструкцијата на овој пат се изведува во должина од 3 километри. Покрај реконструкцијата на коловозот се обновуваат и водоводната, атмосферската и канализациската мрежа во должина од 3 километри. Се обновуваат и рабниците од двете страни на патот, се обновува зеленилото, а се гради и нова пешачка патека од бекатон плочки со ширина од 1,5 метри во должина од 3 километри. Станува збор за инвестиција од 101,5 милиони денари со вклучен ДДВ од буџетот на Град Скопје.
За премиерот Зоран Заев, од ваквите зафати се гледа грижата на локалната и на централната власт за потребите на граѓаните, зашто квалитетот на живот треба да биде рамномерен и во селата и во градовите.
- Реконструкцијата на патот до село Бојане е само еден од десетиците инвестициски проекти на локалните власти во нашата земја кои ја имаат целосната поддршка на Владата низ повеќе различни програми. Со 70 милиони евра директна помош за општините во наредниот период планираме да продолжиме да реконструираме околу 450 километри локални улици и патишта во сите 80 општини во државата и Градот Скопје. Со првиот повик опфативме 17 општини и реконструкција на 27 улици со вкупна должина од 23,62 км, проект вреден преку 4 милиони евра. Реализиран е и вториот повик, започна реконструкцијата на 35 улици во 21 општина, со вкупна должина од 35,5 км, во вредност од околу 7 милиони евра. Во тек е подготовка на трет повик кој ќе опфати обнова на дополнителни 60 км локални улици. На секоја општина за оваа намена на располагање и стојат од 500.000 евра до 2 милиона евра, неповратни средства. Дополнително, тука е програмата на ТАВ со која се реализираат 94 инфраструктурни проекти, а се реализираат и програмите за туристички развој и програмата за водоводи и канализации – појасни премиерот Заев.







https://www.facebook.com/CityofSkopje

СЕ РЕКОНСТРУИРА БУЛЕВАРОТ КРСТЕ МИСИРКОВ КАЈ МАНУ

Денеска извршив увид во градежните активности за реконструкција на булеварот Крсте Мисирков во делот на општина Центар. Булеварот се реконструира на потегот на потегот од зградата на МАНУ до крстосницата кај Мавровка, во должина од 550 метри.







https://www.facebook.com/photo?fbid=404681217692943&set=pcb.404682917692773

никогаш не сум видел колона до три бисери до сега... дали ова се должи на реконструкцијата на делницата кон автокоманда?

На еден од најфрекфентните скопски булевари “Киро Глигоров” работиме само ноќе. Индустрискиот сообраќај преку ден ќе се одвива непречено !







https://www.facebook.com/p.shilegov

ВИДЕО: Предлог Студија за регулирање на сообраќај во населба Автокоманда

Целта на Студијата е унапредување на севкупното ниво на сообраќајна услуга и зголемување на безбедноста за сите учесници во сообраќајот преку дефинирање на најоптимално сообраќајно решение со воведување на еднонасочен режим на движење и стационарен сообраќај (паркирање) на постојна состојба на уличната мрежа во населба Автокоманда



https://www.facebook.com/GeorgievskiBoris/

ЦЕЛОСНО ОБНОВЕНА УЛИЦАТА „ПАРИСКА“ ВО ТАФТАЛИЏЕ







Денеска завршува реконструкцијата на улицата „Париска“ во населбата Тафталиџе 1. Асфалтирана е површина од 5.700 м2 или 407 метри должина, со што се подобрија условите за движење по оваа сообраќајница.
Градежните активности се одвиваа подолг временски период, од причина што се работеше и на изведба на поливателни бунари за одвод на атмосферски води. Со истите, ќе се овозможи непречено движење по улицата и во случај на поголеми врнежи од дожд.
Денеска, во теренски увид на активностите беа градоначалникот на општина Карпош, Стефан Богоев и министерот за транспорт и врски, Благој Бочварски.
- Улицата „Париска“ го поврзува булеварот „Партизански одреди“ со улицата „Прашка“, токму во оној дел, којшто во минатото „настрада“ од агресивна и непланска урбанизација. Сепак, во изминативе четири години навистина вложивме во подобрување на инфраструктурата во овој дел на општината. Работевме и на поставување на нова канализациона мрежа на улицата „Варшавска“, а пробивме и сервисна улица меѓу „Прашка“ и булеварот „Митрополит Теодосиј Гологанов“. Општина Карпош во меѓувреме продолжува со обнова и на улиците „Иван Аговски“ и „Гиго Михајловски“ во Карпош 1, како и на „Шекспирова“ во Карпош 2, рече Богоев.
Во периодот што следи долж „Париска“ ќе биде поставена и нова сообраќајна сигнализација, со цел да се овозможи полесна регулација на сообраќајот

https://www.facebook.com/OpstinaKarpos

ЗАПОЧНА РЕКОНСТРУКЦИЈАТА НА УЛ. „ШЕКСПИРОВА“ ВО КАРПОШ 2

Општина Карпош започна со реконструкција на улицата „Шекспирова“ во населбата Карпош 2. Во тек е ископ на постоечката оштетена подлога, а за непречено одвивање на изведбените работи, воспоставен е и нов сообраќаен режим.
Поставена е нова сообраќајна сигнализација (знаци), со цел полесно и побезбедно одвивање на сообраќајот додека траат инфраструктурните активности.
Претстои реконструкција на 260 метри од улицата, при што ќе се обноват и рабниците, како и пешачките зони – тротоарите.
Општина Карпош интензивно работи на подобрување на инфраструктурата во сите населби. Заврши реконструкцијата на улицата „Мирка Гинова“ во Карпош 1, а деновиве претстои асфалтирање и на ул. „Париска“ во Тафталиџе, како и на „Иван Аговски“ (Карпош 1).
Им благодариме на сите граѓани кои ги почитуваат новите сообраќајни режими по сервисните улици.







https://www.facebook.com/OpstinaKarpos/

И преку споредните улички се вози пребрзо



ПРОДОЛЖУВА БРЗОТО ВОЗЕЊЕ ВО СКОПСКАТА НАСЕЛБА ЖЕЛЕЗАРА

Откако пред околу еден месец на улицата Коце Металец во скопската населба Железара згасна животот на млада мајка, која беше прегазена на пешачки премин, а нејзините сожители излегоа на протести за да го искажат својот револт поради сообраќајното дивеење на оваа улица, но и за да побараат од градските и локалните власти и од сообраќајната полиција конкретни мерки за да се спречат ваквите катастрофи во оваа населба, барањата конечно им беа реализирани. На оваа сообраќајница се постави опрема за намалување на брзината во сообраќајот, а присуството на сообраќајната полиција може да се забележи секојдневно.

КАКО ДА СЕ РЕШАТ ПРОБЛЕМИТЕ СО СООБРАЌАЈНОТО ДИВЕЕЊЕ

И покрај тоа што се реализира и исполни голем дел од барањата на жителите на населбата Железара, сега сообраќајниот хаос се префрли на паралелната улица, позната како Гемиџиска. На оваа сообраќајница, која минува помеѓу голем број куќи, сѐ уште нема лежечки полицајци, па возачите, сакајќи да ги избегнат оние што се поставени на улицата Коце Металец, сега ја користат оваа улица за побрзо да го поминат овој потег од градот.
Жителите се гневни поради ваквата ситуација. Велат дека и тука итно мора да се постават лежечки полицајци, затоа што возачите буквално дивеењето го префрлиле на оваа улица.
– Бидејќи сега на горната и главна улица во Железара има многу лежечки полицајци, возачите сѐ почесто ја користат нашава улица за да „прелетаат“ и побрзо да стигнат до саканата дестинација. Општината мора итно и тука да постави лежечки полицајци, затоа што навистина возат брзо и бесно – вели Перо М., жител на оваа населба.
Тој вели дека оваа населба е преполна со дечиња што играат и трчаат и вели дека мора да се најде начин првенствено за да се заштитат токму тие, но и сите други жители на населбата.
– Не можеме секојдневно да ги посетуваме игралиштата, па нашите деца играат тука, пред куќите каде што живеат. Така растевме и ние, игравме топка на улица, а возилата што доаѓаа не возеа брзо, па дури и имаа трпение да нѐ почекаат додека да се тргнеме од улицата. Сега е хаос. Мора ние возрасните да изигруваме редари, да ги стопираме возилата, да трчаме по децата за да ги тргнеме од улица. Навистина е лудница – вели тој.

ЖИТЕЛИТЕ СТОЈАТ НА УЛИЦА И ПАТРОЛИРААТ

Во обид да провериме дали навистина е така, екипа на „Нова Македонија“ неколку дена беше на терен на двете улици во оваа населба, за да ја утврдиме фактичката состојба и да провериме дали навистина ситуацијата е толку загрижувачка како што тврдат жителите.
И навистина, како што минуваше времето, така стануваше јасно дека ситуацијата е уште полоша од претходно.
На главната улица Коце Металец возилата се обидуваат да ги заобиколат лежечките полицајци на самата автобуска постојка, каде што коловозот е поширок од вообичаено.
Паралелно со оваа улица, на улицата Гемиџиска, додека минувавме со автомобил, почна да алармира еден повозрасен вознемирен човек, кој за момент помисли дека сме некои други што возеле пребрзо на оваа улица.
Кога објаснивме кои сме, човекот вознемирено ни раскажа дека мора да стои среде улица затоа што има возачи што возат и до 100 километри на час.
– Ова не е нормално. Хаосот од горната улица сега ни се префрли тука пред врата. Имаме внучиња и мали деца, кои лесно може да настрадаат поради таквото несовесно однесување на поединци – ни раскажа жителот.
И навистина, сега оваа сообраќајница се користи за побрзо возење, бидејќи таа нема никаква опрема за да намалување на брзината во сообраќајот, а е доста атрактивна за „прелетување“, бидејќи коловозот е рамен и таа е доста пространа и широка. Само додека ние бевме на оваа локација забележавме повеќе од десет возила што, и покрај дозволените 30-40 километри на час, возеа двојно побрзо.

ЌЕ СЕ ПОСТАВУВА ДОПОЛНИТЕЛНА ОПРЕМА ЗА НАМАЛУВАЊЕ НА БРЗИНАТА ВО СООБРАЌАЈОТ

Градските, локалните и полициските власти веќе презедоа голем број мерки за регулирање на проблемот со сообраќајното дивеење во Железара. Зголемен е бројот на лежечки полицајци, пред кои возачите мораат да ја намалат брзината и, наместо гас, да притиснат кочница.
Од Општина Гази Баба велат дека и на оваа улица ќе се постават лежечки полицајци за да се спречат сообраќајни инциденти.
– Лежечки полицајци се предвидени и за улицата Гемиџиска, конкретно на делот кај ролетарот Војо, каде што доаѓа пешачката патека пред влезот за детската градинка „Калинка“ и сервисниот влез за ООУ „Григор Прличев“. Освен улицата Коце Металец, во населбата Железара е предвидена и поставена опрема за намалување на брзината во сообраќајот и на улицата Душан Тасковиќ, Филип Филиповиќ, Рударска и Гемиџиска – информираат локалните власти.

https://www.novamakedonija.com.mk/makedonija/skopje/и-преку-споредните-улички-се-вози-преб/

Дали стварно некој со здрав разум мисли дека ќе се урива салата?