Автопат Кичево - Охрид

Оваа клучка мораше да се сруши без разлика на тоа дали ќе се гради автопат накај Струга, бидејќи лежи на магистралниот пат кон Кичево. Клучката за можниот автопат кон Струга требаше да е кај село Требеништа.

Надвозникот кај Подмолје замина во историјата

Надвозникот на магистралниот пат Охрид – Кичево, кај селото Подмолје, заминува во историјата.

Проверив сега на Google Maps и иако постара GPS снимка, ми изгледаше дека е прилично готова таа делница, па така да како што кажа ironm ништо чудно да ја имаат пуштено таа делница.
Ако минува некој нека фотне, пратете па да видиме.

Инфо за состојбата од пред некое време е дека пуштена е делницата од клучката кај Чекоштина на излезот од Охрид до клучката кај с. Подмоље во должина од околу 4.5 километри. Таа е најлошиот дел од целиот пат до Кичево бидејќи е силно оптоварена со транзитот меѓу Охрид и Струга, па јас неколкупати предлагав тој дел да прерасни во туристичка атракција за здравствен туризам - вадење камења од бубрези како дел од пакет аранжман.

Не знам дали тоа е финален слој (се надевам не е), но делницата која е тазе градена веќе е крпена на околу 30 места минимум. Тоа веројатно зборува за потфрлање со квалитетот на материјалот, кој се оштетил од ... ветар?

Многу високо ова...страшно за возење

Тоа е единствениот виадукт кој што не е завршен, или има уште овакви на овој автопат?

На фејсбук профилот на новинарката Милка Смилевска има објавено неколку фотографии од вијадуктот кај Добреноец, од 19 декември 2019.

Постоечкиот хаотичен сообраќај е навистина проблем и мислам дека може далеку да се регулира ако се оствареше идејата за бродски сообраќај од Охрид до Свети Наум со попатни застанувања во сите места.

Исто така, јас не мислам дека ова што го викаш ти современ пат на Галичица различен од постоечкиот со издржан проект да не им биде прифатен, туку тие сакаат со обичен проект како што прават насекаде и тука да направат. А така не може реално. Дефинитивно треба нов пат Охрид-Свети Наум.

Тоа што Албанија гради пат кон Дебар кој како што кажа daci92 не е автопат, воопшто не е фактор за прекинот на овој проект. Минатата власт беа спремни да го реализираат и покрај тоа што многу еко организации и граѓани беа против овој проект и кога дојде новата власт го стопира проектот заедно со неколку други (пругата Кичево - Охрид, автопат Струга - Ќафасан, експресен пат Охрид - Пештани и ски центар на Галичица), бидејќи УНЕСКО во нивните реактивни мисии сите тие проекти ги наведе како проблем што треба да го решиме ако сакаме да го задржиме статусот.

Конкретно проблемот со Требеништа - Струга е како што кажав во претходниот пост тоа што делницата е во УНЕСКО зоната, односно поминува низ прекуграничен биосферен резерват кој ние сами (министерство за животна средина) сме побарале да се прогласи, а потоа истото министерство дава мислење дека нема да има влијание врз животната средина. Истиот случај е со Охрид - Пештани кој поминува низ националниот парк, а министерството (во минатата власт) сметало дека ни таму нема да има влијание врз животната средина.

Во моментов колку што знам државава добива стручна помош за тоа како да се реши делницата Струга - Ќафасан во однос на автопатско и железничко решение, со тоа што веројатно наместо Струга - Лин, би се одело на делница Струга - Прењас која всушност би чинела многу повеќе.