Интернет и телекомуникации

Originally posted by lslcrew Па спојувањево не очекувам нешто драстично да смени освен што ќе добиеме уште една  трпл-плеј понуда на пазарот покрај сегашните на т-мобиле и кабелтел. Во последно време на пазарот веќе сервисот не бира медиум, односно сите три сервиси (тв+нет+тел) веќе се присутни преку сите оператори (мобилни+фиксни+кабелски) што е доста здраво за пазрот на телекомуникации. Ваквите окрупнувања како неодамнештото со т-хоме и т-мобиле и сегашново на словенциве само ја олеснува дистрибуцијата на сервиси до граѓаните.

Вип оператор останува да работи само во мобилната телефонија и нема да шири својот дијапазон на услуги во фиксната телефонија или во броудбендот (интернетот). Главниот извршен директор на Вип оператор, Никола Љушев смета дека на мобилниот пазар во земјава има се уште простор за работа и остварување на приходи.
-Погрешно е тврдењето дека стапката на пенетрација на мобилната телефонија изнесува 115 проценти. Според истражувањето што го нарачавме од независна куќа покажа дека пенетрацијата е околу 80 проценти што говори дека другите два оператори покажуваат неточни податоци за бројот на нивните активни СИМ броеви. Значи дека нашата конкуренција дава искривена слика за пазарот бидејќи ги брои и оние мртвите, неактивни СИМ броеви што се изгубени или фаќаат прашина во некоја фиока - смета Љушев.

Од Вип нагласуваат дека од декември 2008 година и заклучно со јуни годинава нема корекција на стапката на пенетрација што говори дека кризата го забавува пазарот и операторите единствено водат борба за преземање на корисници од своите конкуренти. Во таа насока од Вип ја поздравуваат последната одлука на Агенцијата за електронски комуникации (АЕК) за намалување на цената за преносливост на броевите од еден во друг оператор на само 200 денари плус ДДВ.
-Со последната одлука на АЕК се дефинираат точно условите под кои не може некој корисник да премине кај друг оператор. Досега многу често се злоупотребуваа договорите за лојалност за да не му се дозволи на некој корисник да премине во друг оператор. Придобивка е и скратувањето на времето од 14 до 16 дена на само пет дена за пренесување на бројот од еден кај друг оператор - рече Љушев.

Од 1 септември, од кога е воведена можноста за преносливост на броевите, 1.623 корисници од другите оператори ги пренеле своите броеви во ВИП оператор, а во истиот период 70 корисници од ВИП заминале кај другите оператори.

Љушев истакна дека од 3.870 барања кои биле поднесени за преносливост на броевите, одобрени се 2.247 од страна на операторите каде што биле корисниците на поднесените барања. Од страна на ВИП оператор биле одбиени 51 барање за преносливост на броевите. ВИП оператор, како што информира Љушев, веќе ја применува најновата одлука за преносливост на броевите, која досега чинела 300 денари плус данокот на додадена вредност.

Телеком Словенија до крајот на годинава ќе ги спои Космофон и Он.нет кои ќе работат под заедничко комерцијално име што нема да ги содржи називите на двете компании

До крајот на годинава, Космофон и Он.нет ќе се спојат во една заедничка компанија и ќе работат под едно заедничко име кое засега одговорните во двете компании не сакаат да го обелоденат. Според првиот човек на Космофон, Оливие Понсин, новата заедничка компанија ќе има име кое нема да ги содржи сегашните комерцијални називи на двата оператори.
- Новиот назив на заедничката компанија ќе биде нешто ново и свежо, што нема да ги содржи имињата на Космофон и Он.нет, ниту пак некој назив на бренд од Телеком Словенија. Значајно е што ќе ги споиме сите технологии што ги поседуваат двете компании - нагласи Понсин.

Тој не прецизира колкаво намалување на бројот на вработени ќе предизвика спојувањето на мобилниот и фиксниот оператор со интернет провајдерот.
-Телеком Словенија, а ниту јас имаме некаков таен план за отпуштање на вработените. Откако ќе се направи спојувањето на двете компании ќе видиме дали има преклопување на работните места. Тогаш ќе има реорганизација и анализа на функциите. Некои од вработените ќе си заминат, но не се знае колку - појасни Понсин.

Тој најави дека за неколку дена во Космофон и Он.нет ќе бидат назначени нови менаџерски тимови. Промени во раководството и реорганизацијата во Космофон уследи откако негов нов сопственик кон крајот на март годинава стана Телеком Словенија, кој од грчки Космоте го купи мобилниот оператор и продажниот синџир Германос за 190 милиони евра.