Посетителите се заштитени, но не и животните од посетителите. Мислам дека бифето во кругот на Зоолошката треба да се дополни со ресторан или некоја продавница за бели печива, мислам дека треба да има поголем простор каде што посетителите ќе можат да се одморат, да останат подолго време во неа, игралиштето за деца да се направи на подолг терен но и да се обнови Природнонаучниот музеј за да се оформи комплетна целина која целодневно ќе го задржи посетителот во Зоолошката градина.

 Tоа е јагуар црн јагуар или леопард, истиот поим се користи како што пишува на википедиа.

http://en.wikipedia.org/wiki/Black_panther
 како и да е... просторот е мал.. како што успеав да видам и да читам во зоо постовите ,изгледа нема да ја менјаваат... велат дека е доволно просторот.


Edited by mitatos - 10-Nov-2010 at 17:40

Да така е, и јас во 2005 бев изненаден и видов дека животните едвај преживуваа беа до умирачка, во 2008 видов голем напредок, а сега пред неколку дена ја посетив и навистина се воодушевив, имам сликано нешто се надевам наскоро ке ги уплодирам и ке ги споделам со вас , навистина многу е направено за кратко време, и навистина сега личи на нешто, не дека е сјајно али анализирајки ја состојбата порано и сега ,навистина е голема разлика, животните живеат во поубави живеалишта , досега сите живеалишта ми се допаднаа освен живеалиштето на црниот јагуар ,кој некако беше осамен, а во неколку зоолошки градини низ интернет сум видел дека јагуарот и црниот јагуар се сместени во ист кафез а кај нас одделно ,се надевам и тоа ке го средат.

Дали знаевте дека Зоолошката градина во Скопје е стара 84 години? Кога последен пат сте ја посетиле скопската зоолошка? Можеби тоа место во последните години не им будеше убави чувстава на жителите на овој град и ретко го посетуваа. Но, во последно време работите се променети. Екипата на Бркај работа реши да се увери во тоа и ја посети зоолошката градина. Одиме со ред... 

Зоолошката градина Скопје е формирана во далечната 1926 година од страна на тричлена комисија со која раководел доктор Станко Караман. Тогаш е предложена и денешната локација која до крајот на 1965 година зафаќала 4 хектари површина. Во тоа време, градината располагала со скромен број животни. Но, со текот на годините градината се проширувала и ја зголемувала колекцијата.

Тоа би бил почетокот. Но, доколку растевте во 90-те или пред тоа, можете да потврдите дека разубавувањето на зоолошката градина беше застанало во 1965 година. Состојбата беше навистина катастрофална. Кафезите беа мали, тесни и неверојатно валкани. Неподнослива смрдеа се ширеше насекаде, а животните беа тажни и депримирани или пак нервозни и исплашени. Поради тоа тие не се размножуваа (освен козите или сличните на нив) и често умираа.

За среќа, денес работите се променети на подобро. Денес, градината е лоцирана на површина од 12 хектари и располага со колекција од 300 животни од 56 видови (цицачи, птици, влекачи). Располага со економски дел, работилница, ветеринарна амбуланта, забавен парк за деца итн. 

Откако си почекавме неколку минути за да купиме билет (чини само 50 денари!) влеговме во Зоолошката градина и бевме пријатно изненадени од тоа што го видовме. Погледот веднаш ќе Ви го привлече игротеката со лулашки и големиот гумен тигар во кој децата можат слободно да лудуваат. Не ги заборавиле ниту “поголемите деца“, за кои има кафуле. 

Но, немојте да нè сфатите погрешно. Оваа статија не е реклама за Зоолошката градина. Овде, покрај убавите работи, ќе ги наведеме и недостатоците. Првиот е очигледен уште пред да влезете во неа. Нема соодветен паркинг простор. А, скопјани се такви што доколку би можеле, ќе влезат во кафезите на животните со своите автомобили. Сите ги испопикале автомобилите каде што мислеле дека има место. Сепак, заборавиле дека стотина метри подолу, во паркот има огромен паркинг кој зјаеше полупразен.

Втората работа којашто ни придизвика мал проблем беше тоа што не постои мапа од зоолошката. Не знаевме во кој правец е најпогодно да се упатиме, па инстинктивно тргнавме в десно. А, ова може многу лесно да се реши. Сè што треба да се стори е да се нацртаат стрелки на патеките. 

Но, движејќи се по патеките набрзо заборавивме на недостатоците. Оваа зоолошка градина не е онаа којшто ја паметевме. Патеките се уредени. Зелените површини се уредни. Кафезите се големи. Гледајќи така наоколу вниманието ни го привлекоа лемурите кои групно се сончаа. Не беа посебно расположени за игра, но сепак беа слатки. 

Веднаш до нив се наоѓаат Јагуарите. Овој пар егзотични мачки нè привлече и останавме со нив неколку минути. Имаат релативно голем кафез од жица, на која има електрична ограда низ која тече слаба струја. Ќе ни простите што на дел од фотографиите ја имаа оградата, но тоа беше единствениот начин да Ви ги покажеме овие прекрасни животни. 

Продолживме понатаму и ги видовме лавовите кои исто така се излежуваа на есенското сонце. Тие навистина имаат огромен простор и тешко е да ги видите одблизу.

Но, затоа одблизу можете да им се восхитувате на елените и срните. Нив можете да ги храните со зеленчук и овошје кои можете да ги купите во самата зоолошка,  што е одлична идеја. Подобро отколку да им давате смоки, нели?

Рисот уживаше во своето прекрасно живеалиште, а којотите и волците си трчкаа лево-десно. Најверојатно, сè уште не можат да му се изнарадуваат на својот нов дом. 

Црниот леопард веројатно ќе почека за подобра куќа уште некое време. Но, изгледаше како тоа да не му пречи да си дремне. 

Продолживме понатаму и дојдовме до живеалиштето на кафеавите мечки кадешто две мечиња нè забавуваа обидувајќи се да добијат малку лапачка пред зимскиот сон. 

Иако има импресиво уредено живеалиште, не успеавме да го видиме бенгалскиот тигар. Можеби му беше малку ладно.

Импресивно е и живеалиштето на белоглавите мршојадци кои уживаа позирајќи пред нашиот апарат. Орлите, јастребите и бувот, не беа толку расположени. 

Вниманието на посетителите го привлекоа малите нурии кои трчкаа наоколу грицкајќи го она што им беше понудено.  

Ноевите се перчеа наоколу, а биковите, јаковите, ламите и сличните на нив го правеа она што најдобро го прават - одмараа и преживаа. 

Нилските коњи исто така не го пропуштија топлото есенско сонце и мрзливо се излежуваа. Штета што тие сè уште се сместени во старото живеалиште кое очигледно не им ги задоволува потребите. Но, новото е речиси готово и се наоѓа веднаш до нив. Се надеваме дека што поскоро и тие ќе го добијат својот нов дом бидејќи се навистина популарни кај дечињата. 

За крај ги оставивме мајмуните. Ги нема во голем број, ниту пак ги има вообичаените жители на зоолошките низ светот. Нема шимпанза (Коко се лекува во Холандија), нема орангутани, ниту пак горили. Но, павијаните одлично ги забавуваат посетителите. Особено популарно е новото малечко кое мајка му не го испушта од раце. 

Зоолошката е дом и на животни кои овде не ги споменавме, но во интерес на просторот само ќе ги наброиме. Има зебри, гнуа, антилопи, валаби (вид на кенгур), дивокози, пауни, фазани, папагали, питони, желки, зебу говеда и други. Бидејќи има многу неискористен простор, се надеваме дека во иднина ќе можеме да видиме уште многу животински видови во Скопје, со што нашата зоолошка градина ќе заличи на оние во светот и дека ќе биде место со кое сите се гордееме.

Не смееме да заборавиме да напоменеме дека во зоолошката постои и едукативен центар во кој се организираат предавања, работилници и изложби. Има и чист тоалет (што е реткост во Скопје) над кој има видиковец од кадешто можете да си земете кафе од кафематот и да уживате во погледот на живеалиштето на лавовите и јагуарите. Исто така, има доволно клупи и места за одмор, а на секој кафез има информативна табла. Интересно е тоа што доколку сакате, можете да организирате роденденска забава за Вашето дете во градината. Како роденденски подарок можете да му подарите јавање на пони. Само, да знаете дека јавањето е многу популарно, па можеби ќе треба малку да почекате. 

Ние бевме пријатно изненадени од зоолошката градина и си поминавме прекрасно. Ви препорачуваме да не се двоумите и првиот сончев ден да го искористите за посета. Ако не сега, тогаш штом ќе затопли во пролет не пропуштајте да појдете таму. Дотогаш се надеваме дека ќе имаат уште нови работи што ќе им бидат понудени на посетителите. 

Останатите фотографии од Зоолошката градина можете да ги погледнате во галеријата.

http://brkajrabota.mk/lifestyle/patuvanja/fotoreportaza-od-zooloskata-gradina-vo-skopje

Имаат изградено и нов дом за нилските коњи , навистина надворешниот дел е феноменален, само не ми се допадна внатрешниот дел, од надвор изгледа топ, од внатре се доближив до прозор не беше лошо али боите беа искомбинирано катастрофа и се гледаше низ ѕидот испрскано при нужда на нилските коњи и тешко тоа може да се исчисти ако нема специфични пластични ( мрсни бои ) за да не останат дамки.

http://brkajrabota.mk/lifestyle/patuvanja/fotoreportaza-od-zooloskata-gradina-vo-skopje

Eдна одлична репортажа само немам време да ја постирам цела тука. ако не го мрзи некој нека повели ,навистина има одлични моменти од репортажава.

Originally posted by alexgizh Лелеее... само ако стават алуминиумски профили како што ми личи на рендеров!!! За логото, се надевам дека ќе го стават постојното, она што е на сајтот, бидејќи ова не личи на ништо. Да не испадне цел пост полн со негативизам, ја поддржувам идејата! Само бев загрижен за изведбата!

Денеска на поминување видов дека, за жал, користат алуминиумски профили за влезот. Ова во никој случај не го релативизира феноменалниот напредок на зоолошката во последно време.

На голема врата во Зоолошка

Скопската зоолошка градина постојано се подновува. По изградбата на повеќе нови содржини и живеалишта за животните во самата градина, Управата вчера најави дека деновиве веќе почнале градежните работи на влезот, кој ќе добие комплетно нов изглед. Завчеравечер во Скопје пристигна пар сибирски тигри, две австралиски ему-птици, меркат, а денеска се очекува да пристигнат и пар кенгури, како и два ара-папагали.

- Се работи интензивно. Се надеваме дека до 1 ноември ќе ја завршиме првата фаза од реконструкцијата, што ќе значи комплетна санација на влезното плато и на фасадата, како и нов натпис на влезната партија. Во втората фаза, по 1 ноември, ќе се реновира билетарницата, а ќе се воведе и нов начин на влегување според новите европски стандарди. Се работи за специјализирани влезови. Дел од нив ќе бидат за хендикепирани лица, посебен влез ќе има за мајки со деца во колички и стандарден влез, кој ќе биде компјутеризиран. На граѓаните ќе можеме да им понудиме месечни и годишни семејни карти и ВИП-карти - најави вчера Дане Кузмановски, директор на Зоолошката.

Тој појасни дека на самиот влез во Зоолошката, со години стоел објект, кој се користел како соблекувална за зоо-негувателите. Во договор со Министерството за култура, кое е сопственик на недвижниот имот, било решено да се најде фирма што би го стопанисувала објектот, под услов на влезната партија да и' даде нов лик, со тоа што комплетно ќе ја реконструира.

- Се договоривме со Министерството да го издава тој објект, а ние да одредиме услови под кои би се издавала таа просторија. На јавниот оглас, правото да го стопанисува објектот го доби фирмата „Тобако“ - образложи Кузмановски, кој потенцира дека вкупната цена на санацијата ќе биде позната дури откако на Зоолошката ќе и' бидат предадени градежните книги.

Кузмановски додаде дека останува просторот од Природно-научниот музеј кон семафорите на раскрсницата кај бараките на градската администрација, Градот да го реши како јавен отворен паркинг-простор, а најави дека во фаза на проект е и изградба на паркинг само за автобуси, на потегот кон американската амбасада, со кои учениците од другите градови во Македонија би доаѓале на екскурзии и во посета на Зоолошката

http://dnevnik.com.mk/?ItemID=8F94CD54298F6147BC398ECBB8B40246

Сибирски тигар пристигнува во скопската Зоолошка Единаесетгодишниот сибирски тигар Борис од Зоолошката градина во чешкиот град Плзењ, ќе и биде подарен на Зоолошката градина во Скопје. - Борис во Плзењ беше донесен пред три години од Зоолошка градина во Холандија, се покажа дека е неплоден и решивме да го подариме на Зоолошката градина во Македонија. Засега не знаеме точно кога Борис ќе патува, ја пренесува серверот index.cz изјавата на портпаролот на Зоолошката градина, Мартин Вобруба.

http://www.kurir.mk/republika/skopje/5016-Sibirski-tigar-pristignuva-vo-skopskata-Zooloska

Here's the current appearance of the city's zoo. Will the facade on the right also be renovated?







Edited by macedonia - 19-Oct-2010 at 01:15