Автопат Кичево - Охрид

Кој дел од автопатот е пропаднат?

Доста се шесте илјади

За Германија би било 1500+ во најмала рака .

Originally posted by Bakica Mislam deka platite se okolu 20000 za rabotnicite sto rabotat na avtopatite.

Срамота е и за 20.000 да црнчат, и затоа и бегаат. За истата работа на запад верувам дека минимум 1000 евра би земале.

Автопат Кичево – Охрид: Од идеја до 600 милиони евра долг (хронологија)

Три и пол години доцнење во изведбата на проектот и негово поскапување за над 180 милиони евра е краткиот пресек од досегашната изградба на автопатот Кичево – Охрид. „Најголемата инфраструктурна инвестиција во земјава во последните пет децении“, помпезна најава искажана лично од поранешниот премиер Никола Груевски, претворена е во проект кој опасно придонесува за натамошен раст на надворешниот долг на нашата земја со неговата вредност од 598 милиони евра.

До заминувањето од власт на ВМРО – ДПМНЕ, многу мал број од граѓаните на земјава знаеја за големите проблеми со кои се соочува изградбата на делницата долга 57 километри. По промената на владејачките структури, во јавноста се дозна за бројните пропусти во проектната документација, вклучувајќи ги погрешната категоризација на квалитетот на земјиштето низ кое се пробиваше тунелот „Пресека“, недостатокот на клучки за поврзување со автопатот на околните населени места, грешки во проектирањето на косините и други недостатоци.

На 4 септември годинава, беше потпишан договор за препроектирање и допроектирање на откриените пропусти во проектната документација за автопатот Кичево – Охрид. Паралелно на ова, кинеската Ексим банка ги стави на располагање дополнителните средства што се неопходни за довршување на изведбата на овој инфраструктурен проект, за чие користење треба допрва да се потпише договорот за заем.

Во меѓувреме, на терен продолжува изградбата на неспорните делови од делницата долга 57 километри, со ветување дека првите километри автопат меѓу Врбјани и Охрид ќе бидат пуштени во употреба во 2020 година. До моментов, завршени се 75,42 отсто од севкупните градежни работи на автопатот Кичево – Охрид, а пробиени се околу 96 отсто од трасата. Крајниот рок на неговото ставање во функција за возачите е 30 јуни 2021 година.

https://meta.mk/avtopat-kichevo-ohrid-od-ideјa-do-600-milioni-evra-dolg-hronologiјa/

Гранит ја работат делницата Кичево-Подвис ова го најдов на нивниот веб сајт незнам од кога се фотките















https://www.granit.com.mk/mk/construction-motorway-kicevo-ohrid-section-podvis-mk-2/#prettyphoto[group-682]/24/

Гранит ја превзеде делницата на Трансмет, и моментално работат на три моста со не повеќе од 30 работници. Или во превод, автопатот не е завршен ниту 50%. За смешниот поставен рок Јуни 2021ва година, не сакам ниту да коментирам. Со вакво темпо и дефицит на работници 2031ва е оптимистичка прогноза.

И Гранит е вклучен и работи на делницата Кичево-Подвис. Ако не се лажам тој дел го имаше добиено Трансмет на времето.

Само тие што не поминале по патов ќе мислат дека се завршени 75%.

Завршени 75 отсто од градежните работи на автопатот Кичево – Охрид

Првите километри од автопатот Кичево – Охрид ќе бидат пуштени во употреба наредната година, додека целокупниот проект е предвидено да се заврши до 30 јуни 2021 година како краен рок за изведба на автопатот. Вкупниот прогрес на градежните работи на делницата во моментов е 75,42 отсто, а пробиени се околу 96 отсто од трасата.

По одобрувањето на дополнителните средства за изградба на автопатската делница, во тек е постапката за потпишување на заемот со кинеската Ексим банка. Овие средства ќе овозможат непречена и забрзана работа на изведувачите во наредниот период, а до септември 2020 година ќе се докомплетира проектната документација за автопатот Кичево – Охрид.

Тунелот „Пресека“ во изминатиов период беше целосно пробиен, завршена е примарната конструкција на објектот, при што во моментов се довршува секундарната конструкција. На автопатот е извршено асфалтирање на новата траса со прв и втор асфалтен слој и е рехабилитиран коловозот на постојниот магистрален пат, во вкупна должина од над 29 километри.

– Се работи на земјани работи, завршени се 142 пропусти, на 5 пропусти се работи, завршени се 21 потпорни ѕидови, а на 11 потпорни ѕидови се работи, се работи на 3 мостови и на 28 вијадукти, се работи на 12 натпатници и потпатници и се работи на клучките Арбиново, Издеглавје, Ботун, Мешеишта и Подмоље – велат за „Мета.мк“ од Јавното претпријатие за државни патишта.

Министерот за транспорт и врски Горан Сугарески веќе најави дека изведувачите ќе направат напори автопатот на потегот од селото Врбјани до Охрид да биде пуштен во употреба догодина.

Автопатот Кичево – Охрид е дел од паневропскиот Коридор 8, чија изградба чини 598 милиони евра. Изведбата на проектот започна на почетокот од 2014 година, а поради бројните пропусти и недостатоци во проектната документација финалниот рок за неговото пуштање во употреба беше продолжен до средината на 2021 година.

https://meta.mk/zavrsheni-75-otsto-od-gradezhnite-raboti-na-avtopatot-kichevo-ohrid/

Ај не мораТ, ќе си возиме по стариот.