Колекторот ќе ги спаси кратовските мостови

Изградбата на колекторскиот систем и на речните корита ќе ги спаси од поткопување повеќевековните мостови во Кратово, а граѓаните добиваат и градско шеталиште

Надојдените води на Табачка Река повеќе нема да ги поткопуваат темелите на повеќевековните мостови, кои со средновековните кули на Кратово му носат и најголем број туристи од земјава и од странство.

Неодамна завршија градежните работи од првата фаза на проектот за прифаќање на отпадните води од станбените објекти од двете страни на реката. Изградени се околу 200 метри од колекторскиот систем, а на истата должина е извршена регулација на речното корито со пешачка патека од средновековниот Јоркширски мост до хотелот „Кратис“.

Тротоарите се изградени со травертин, а по целата должина ќе бидат поставени и канделабри за осветлување на патеката во вечерните часови. Дното на речното корито е обложено со плочи од лискун, а на неколку места се изградени бетонски прагови со кои се заштитува поткопувањето на средновековните мостови и на поставените плочи.

За регулација, односно изградба на потпорниот ѕид во длабокото речно корито во кој е поставен и колекторскиот систем, Општина Кратово во 2009 година од Министерството за транспорт и врски доби 10 милиони денари. Лани од Агенцијата за води се добиени и инвестирани 12 милиони денари. Кратовци велат дека за целосно довршување на почнатите проекти се потребни средства што сами нема да можат да ги обезбедат.

- Комплетното завршување на целата траса ќе зависи од прифатливоста на подготвените проекти, кои очекуваме да бидат финансирани од фондовите за прекугранична и меѓународна соработка.

Станува збор за два проекта што се реализираат фазно, бидејќи пресметката покажа дека за нивно завршување ќе бидат потребни околу 200 милиони денари. Како ќе бидат обезбедувани парите така и изведувачот ќе може да продолжи со градежните работи - изјави Мите Андоновски, градоначалник на Кратово.

Поради навиките на граѓаните комуналниот отпад да го фрлаат во Табачка, односно во Кратовска Река, до лани речното корито оставаше грда слика кај туристите што доаѓаа во посета на градот. Со двата започнати проекта локалната самоуправа и невладините организации реализираа акција за чистење на речното корито.

Со подобрување на временските услови ќе се работи на втората фаза од проектот, од утоката на Манцева во Кратовска Река до старите градски гробишта. За целосно завршување на проектот треба да се завршат работите од третата фаза до објектот на Ветеринарската станица.

Според проектната документација, речното корито ќе се уреди во вкупна должина од околу еден километар и 200 метри. Од начинот со кој се реализираат проектите задоволни се и граѓаните. Кратовци велат дека, освен што ќе им се реши повеќедеценискиот проблем со фекалната канализациска мрежа, ќе добијат и убаво уредена пешачка патека во речното корито на Кратовска Река.

http://www.dnevnik.com.mk/?ItemID=86B05B62739B1441ADA9ABE2F664739F

Originally posted by ovaj_stariov Знае ли некој нешто за ова,последен пат кога бев Охрид автобуската беше во една барака

*Новата* АС уште е непокриена и цело време топката си ја префрлаа Галеб АД кој моментално ја користит и Општината(Охридски Комуналец)на чие име е местото.Ако првиот впечаток за некое место е Автобуската станица или аеродром/железничка,тешко на тие шо идат прв пат .
Пред некое време патував и дента истураше дожд,дури се намести автобусот на перон сите бевме жива вода
Можда е добро да ја пуштат на тендер на некој концесионер,ама со строго дефинирани услови,доволно имат место од страна и за поголема катна гаража и како шо продаваа приказни едно време за целосно покриена автобуска со трговски центар над неа

ВО НАРЕДНИТЕ ДВЕ ГОДИНИ ОПШТИНА СТРУМИЦА ЌЕ ИНВЕСТИРА 25 МИЛИОНИ ЕВРА ЗА РАЗВОЈ

– Со развојната програма на општина Струмица за периодот од 2011 до 2013 година што ја донесе општинскиот Совет, вкупните планирани инвестиции ќе изнесуваат 1,5 милијарди денари, или близу 25 милиони евра.

Со програмата во овој двегодишен период се предвидува изградба на неколку капитални инфраструктурни и комунални објекти како што се пречистителна станица за отпадни води, виртуелна гасификација на општината со гасоводна мрежа од 13 километри и комплетна опрема за компресирање, декомпресирање и транспорт на природниот гас, заокружување на периферниот одводен канал во Струмица, нова индустриска зона „Сачево“. Програмата опфаќа и реконструкција на кванташки пазар, изградба и рекострукција на локални патишта, канализации, водоводи, улици, тротоари, зелени површини во градот, населените места и во индустриските зони, и реализација на повеќе други проекти.

- Планот за развој на општина Струмица ги содржи сите капитални програми од кои некои се повеќегодишни и ја отсликуваат насоката во која ќе се движи развојот на општината. Во програмата доминира пречистителната станица чиј што камен-темелникот беше поставен уште пред 16 години, а требаше да се гради со гранд од Грција, но поради спорот со името таа досега не ги одобри парите, изјави градоначалникот Зоран Заев.

За овој капитален проект се обезбедени 9,6 милиони евра од Европската Унија преку ИПА компонентата за заштита на животната средина.

http://www.idividi.com.mk/Biznis/SvetBiznis/640891/index.html

Edited by leonid23 - 04-Dec-2010 at 20:21

Еве и во дневник се заинтересирале за скелињата во центар

Мистериозни скелиња на плоштад Македонија До затворањето на весников градските власти немаа поим дали воопшто му издале некому дозвола да го оградува просторот на плоштадот Металните скелиња поставени во кружна форма на плоштадот Македонија на просторот меѓу кафеаната „Пелистер“ и стоковната куќа вчера ги изненадија скопјани. Едни се понадеваа дека конечно ќе се гради црквата Св. Константин и Елена, другите стравуваа дека токму тоа и се случува. Според Општина Центар, воопшто не станува збор за парцелата на Македонската православна црква. Оттаму велат дека приватен инвеститор поставил скелиња близу парцелата, предвидена за изградба на православниот храм. Според инспекторите од Општина Центар, сопствениците на бутикот „Тера нова“ сакале да го обноват покривот на стоковната куќа, па скелињата во кружен облик биле поставени за машините и за кранот, кој треба да доставува материјал на покривот од зградата. До затворањето на весников градските власти немаа поим дали воопшто му издале некому дозвола да го оградува просторот на градскиот плоштад. Главниот градежен инспектор Милан Пижула изјави дека дозвола за поставување на скелињата издал Градот, но тој додаде дека ниту една фирма не поднела барање ниту добила дозвола за реконструкција на покривот на стоковната куќа. Додаде дека ако некој почне каква било градежна интервенција на стоковната куќа, Општина Центар ќе го спречи оти за тоа нема никаква документација. - Се надевам дека зад приказната околу реконструкцијата на покривот не стои некоја нова урбанистичка замка, вели Никола Наумовски, активист од граѓанското движење „Плоштад Слобода“. Од Македонската православна црква вчера не можеше да се добие информација дали тие се подготвуваат за изградба на храмот. Секретарот на скопската епархија, Коста Станоевски, изјави дека веќе две недели е на боледување и не знае дали некој друг надлежен побарал да се почне со градба.

http://www.dnevnik.com.mk/default.asp?ItemID=1950143933278446B57DA0FD433F8D6F

Ако е локацијата пред Лумикс тогаш или се почнува со црквата или па е она испитување земјиште за тунелот под плоштад што денес се случува на рандом локации по трасата, а обично заградуваат додека бушат.

Уште една локација каде што имаше ваков камион за испитување земјиште, 42° 0'0.08"N 21°25'36.20"E.

РЕКОНСТРУКЦИЈА НА УЛИЦАТА НИКОЛА ЃУРКОВИЌ  ВО ЦЕНТАРОТ НА ГРАДОТ

Започна реконструкцијата на улицата ,,Никола Ѓурковиќ,, во центарот на градот која што се протега од Градскиот плоштад Никола Мартиноски до зградата на Општина Крушево.Реконструкцијата опфаќа замена на старата камена коцка со гранитна коцка која што има неограничен век на траење од влијание на надворешните временски услови. Должината на улицата изнесува 400 метри со просечна ширина од 3 метри. Изведувач на работите е ЈП ,,Комуна,, Крушево. Средствата се обезбедени од Буџетот на општина Крушево.

http://www.krusevo.gov.mk/

СЕ ИСПИТУВА ПОДЗЕМНАТА ИНФРАСТРУКТУРА ВО ЦЕНТАР

Новите сообраќајници на тест

Геотехничките истражувања се прават за да се добие прецизна слика за трасата за идната подземна со об ра ќај ни ца од Соборен храм до Комплекс банки и за булеварот Климент Охридски

Трасите за из град ба на новите сообраќајници во центарот на Скопје деновиве ин тен зив но се испитуваат. Геотехничките истражувања се прават за да се до бие прецизна слика каде точно ќе се протегаат идната подземна сообраќајница од Соборен храм до Комплекс банки и булеварот Кли мент Охридски.
Ис ко па ни се дупки и бунари, кои ќе се искористат како основа за по на та мош на та подготовка на проектите за сообраќајниците, како и за пред ви де ни тунели и темели на мостови.
Ис ко пу ва ња та ги врши Министерството за транспорт и врски, и ќе траат до кра јот на месецов.
"Вр ши ме геотехнички испитувања во согласност со проектот за изработка на Студијата за сообраќајниот систем на Град Скопје, со идејни проекти за новите сообраќајници.Тие мора да се направат за да добиеме ин фор ма ции за теренот и да се определи точната геолошка слика за идното со об ра ќај но решение", велат од Министерството за транспорт и врски.
Проектите за решавање на сообраќајниот хаос во Скопје ќе ги изработува шпанска фирма. Покрај идејно решение за овие две сообраќајници, откако ќе ја разгледа состојбата во Скопје, фирмата треба да даде и предлог-проекти за растоварување на сообраќајот и на другите булевари и улици низ сите скопски општини, како и проекти за решавање на проблемот со паркирање, односно идеја како и каде да се изведат нови паркинзи.
(М.Ѓ.)

Некакви си активности на тротоарот ли е, паркингот ли е. 41°59'55.62"N 21°24'43.65"E

Урбан, затоа пишував погоре за концесија со динамично менување на параметрите, па да не се доведеме во ситуација тунелот да го избегнуваат. Не за друго, после ќе не убедуваат тука на форум дека македонскиот менталитет не е подобен да поднесе тунел, па затоа бил празен, а не заради нивните неискалибрирани цени. Шала на страна, 11 милиони евра тешко дека може да очекуваме профит од една сообраќајница годишно, без разлика на моделот на наплата. Затоа може и државата да го направи, па со вињета да го исплати скоро до горна граница профит. Да не го избегнуваат, а да не биде празен.