Скопски сообраќај (општо)

Погрешна анти-употреба на зборот кубурат!

Чаир и Бутел кубурат со здробени улици и дупки



https://alsat.mk/mk/chair-i-butel-kuburat-so-zdrobeni-ulitsi-i-dupki/

А бе, нели имаше нишка за овој булевар? Или и таа се изгуби?

Неможам да најдам дека има посебна тема за Булевар БиХ, па ќе постирам тука, ако има префрлете.

Две маани, едната не толку страшна со транформаторов што фаќа на тротоар. Вероватно порано бил планиран булеварот со некои потесни ленти и помало средишно зеленило во времето кога бил плански поставен трансформаторот. А сега е по некој понов поширок план и останало овака да штрчни на пешачка патека.



Втора работа, зашто не се искористи шансата со реконструкцијата на Булевар Бих и изградбата на Булевар ХТ Карпош за да се оформи целосно оваа раскрница. Нели Булевар Хрватскавеќе беше веќе во фаза на проектирање. За да нема трет пат раскопување на истата раскрсница добро беше да се оформи целосно раскрсницата со кратко ghost-правци и да се надоврзе булеварот.

Трета работа, многу опасна и потценета! Од кај го смислија овој оваков коцкест знак за кружен тек ??! Какво е ова своеволие за сигнализација што е законски уредена ?! Еве го правилникот во Член 75 јасно се скицирани кои се знаците кои може да се користат, јас такво нешто не гледам. Како воопшто се потценува и запоставува овакво нешто во Македонија. Па утре ќе се случи некоја сообраќајна незгода и општината ќе излезе крива, ако има некој доволно ербап да се тужи до крај дека не го разбрал знакот и дека го збунил и му го одвлекол вниманието.

https://dejure.mk/zakon/pravilnik-za-soobrakjajnite-znaci-oprema-i-signalizacija-na-patot-2

Аматеризам. Пробале со боја да корегираат и пак им фалат острови. Дури и знамето, што е безвезен избор за декорација, е утнато.

Кружен тек во Волково









https://www.facebook.com/AleksandarNaumoskizaGorce

Претстои жешко градежно лето за Скопје

КОИ КАПИТАЛНИ ПРОЕКТИ СЕ НА РЕД ВО ПРЕТСТОЈНИОТ ПЕРИОД?

Градските власти најавуваат реализација на голем број капитални проекти за претстојниот период.
Летово, како што информираат од Градот, ќе се искористи за доизградба и завршување на почнатите сообраќајници, на кои се работи веќе подолго време.
– Ќе се работи на изградба на мостот на реката Вардар, во рамките на проектот за изградба на бул. АСНОМ, втората фаза од проектот за проширување на улицата Никола Карев (Пластичарска), пробивањето на улицата Есенинова, втората фаза од изградбата на бул. Босна и Херцеговина, реконструкцијата на кејот 13 Ноември – велат локалните власти.
Оттаму додаваат дека летово ќе се реконструираат поголем број улици во сите скопски општини.
– Голем дел од нив е во постапка на јавни набавки и, доколку тие бидат успешни, летово може да почнат поголем број капитални проекти, како што се изградбата на кружните крстосници на Момин Поток, третата фаза од проектот за изградба на булеварот АСНОМ, реконструкција на дел од булеварот Киро Глигоров, реконструкција и проширување на дел од булеварот Митрополит Теодосиј Гологанов (од кружниот тек кај Католичка црква до крстосницата со булевар Свети Климент Охридски, пред Домот на пратениците), реконструкција на улицата Лука Ѓеров, реконструкција на Индира Ганди (трета фаза), реконструкција на дел од булеварот Крсте Петков Мисирков (кај МАНУ), продолжување на изградбата на булеварот Борис Трајковски до влезот во Драчево, проширување и пробивање на улицата Васко Каранѓелески до булеварот Трета македонска бригада во Аеродром и многу други – информираат од Градот.
Минатото лето, поради реконструкцијата на голем број сообраќајници во исто време, низ градските улици се случуваше поголем сообраќаен метеж, за што возачите најмногу реагираа, но градскиот татко Петре Шилегов тогаш ги замоли за трпение, затоа што таквите реконструкции се реализираат еднаш на подолг временски период.

СТАРТ НА МЕГАПРОЕКТОТ „МОМИН ПОТОК“?

Откако почна годината градот започна, реализира и заврши голем број проекти.
Шилегов најави изградба на два нови кружни тека, подвозници и надвозници како идеално решение за сообраќајниот метеж кај Момин Поток, проект што, како што истакна, ќе чини околу 18 милиони евра.
– Градежните работи ќе ги започнеме во текот на јуни, а изведбата треба да трае од две до две и пол години. Според својата комплексност, се работи за убедливо најсложениот сообраќаен проект што Град Скопје го има изработено од 1965 година наваму. За да се намали сообраќајниот метеж на овој потег, се предвидува изградба на два кружни тека, првиот треба да ја замени крстосницата кај булеварот 8 Септември и улицата Скупи, а вториот треба да ја замени крстосницата на булеварот Никола Карев и патот кон Визбегово, обиколницата и косовската граница. Од вториот кружен тек улицата продолжува до крстосницата со булеварот Словенија, каде што се поврзува со булеварот Словенија и со булеварот Босна и Херцеговина. Оваа сообраќајница е една од клучните градски сообраќајници, бидејќи дневно овде поминуваат 25.000 возила и метежот е голем – рече Шилегов.
Вкупната должина на сообраќајницата меѓу двата кружни тека и до пред раскрсницата со булеварот Словенија изнесува околу 1.600 метри. По должината на целата сообраќајница ќе биде поставено најсовремено булеварско ЛЕД-осветлување, како и пешачки и велосипедски патеки од двете страни на коловозот. Проектот предвидува и изградба на два моста на реката Серава, која тече под оваа сообраќајница.

ЗАВРШНА ФАЗА ЗА БОСНА И ХЕРЦЕГОВИНА

На почетокот на месецов градските власти влегоа во завршна фаза за реализацијата на изградбата на булеварот Босна и Херцеговина, кој од улица со две коловозни ленти, прерасна во булевар со шест коловозни ленти, по три во секоја насока.
– Скопје добива целосно нов булевар, со вкупна должина од околу 1.700 метри, ширина од 40 метри, со шест коловозни ленти, пешачки и велосипедски патеки од двете страни, а предвидено е и средишно и странично зеленило. со прекрасни дрвореди од двете страни. и ново улично осветлување, по целата должина од булеварот Словенија до булеварот Христијан Тодоровски-Карпош – изјавија од Градот.
Булеварот Босна и Херцеговина е дел од секундарниот северен прстен и како таков претставува важна и исклучително фреквентна сообраќајница во овој дел од градот. Булеварот се протега од крстосницата со улицата Македонско-косовска бригада до крстосницата со булеварот Христијан Тодоровски-Карпош.
Заедно со булевар Словенија ги поврзува граѓаните на општините Шуто Оризари, Карпош, Чаир, Бутел и Железара со преостанатиот дел од градот, додека со булеварот Христијан Тодоровски-Карпош претставува брз излез на скопската обиколница.

ВО ПОЧЕТОКОТ НА ЛЕТОТО НОВ ИЗГЛЕД НА КЕЈОТ 13 НОЕМВРИ

Со забрзана динамика работат на терен екипите на градот за побрзо да заврши изградбата и реконструкцијата на кејот 13 Ноември.
– Градежните активности на терен се интензивирани. Отстранети се централните и предните делови на терасите на угостителските објекти, со што се ослободени шеталиштето и прекрасниот средишен дрворед, што е едно од најатрактивните места во нашиот град. Изминатиов период се работеше на обновување на целокупната подземната инфраструктура, а во моментов се работи на поплочувањето на кејот и моите очекувања се дека во втората половина на јуни, на почетокот на летото, скопјани ќе добијат нов кеј за уживање – истакна Шилегов.
Овој проект е во вредност од 88,6 милиони денари, со вклучен ДДВ, средства обезбедени од буџетот на Град Скопје. Со реконструкцијата е опфатено целосно ново поплочување, патека за лицата со инвалидитет, високо зеленило – дрворед, поставување клупи, паметни клупи, канти за џебен отпад, нови жардиниери за дрворедот, канделабри, рефлектори за осветлување и нови бетонски и електрични столбови заради реализација на забраната за паркирање и движење по кејот 13 Ноември. На новиот кеј ќе биде ослободено повеќе место за велосипедистите и пешаците, преку целосно спречување на можноста за нелегално паркирање на овој простор и сериозно ограничување на протокот на возила.
Терасите што ќе ги користат угостителските објекти ќе бидат унифицирани и поставени на начин што ќе овозможи да дојде до израз прекрасниот двоен дрворед од повеќегодишни развиени дрвја.
Изграден беше и зелен сквер кај поликлиниката „Идадија“, во центарот на градот. На локацијата кај „Млин Балкан“ целосно се преуредени површините на предниот и на задниот парк. Делот на паркот што е лоциран пред амбулантата е уреден за максимално да се искористи како место за одмор, релаксација и контакти, а задниот парк е детско игралиште, кое може да го користат сите деца над три години.

https://www.novamakedonija.com.mk/makedonija/skopje/претстои-жешко-градежно-лето-за-скопј/

Ќе се реконструира улицата „Народен фронт“

Кон средината на јуни ќе започнат градежните зафати за реконструкција на улицата „Народен фронт“. Општина Центар веќе распиша тендер за реконструкција на оваа улица со нејзините краци.

Оттаму информираат дека санацијата на „Народен фронт“ ќе се одвива по целата должина на улицата, 924 метри.

– Притоа, се предвидува реконструкција на коловозот (горен и долен слој) и нанесување на 9.140 квадратни метри асфалт. Со градежните работи се планира да се започне на средината на јуни, а готова ќе биде на почетокот на септември -одговорија од Општина Центар.

Во однос на колку ќе чини санацијата на оваа улица, општинските власти велат дека во моментов не можат точно да кажат, затоа што јавната набавка се уште е во тек, а цената јавноста ќе биде дополнително известена.

https://www.vecer.press/ќе-се-реконструира-улицата-народен-ф/

СКОПЈЕ ДОБИ УШТЕ ЕДЕН МОДЕРЕН БУЛЕВАР – ИЗГРАДБАТА НА БУЛЕВАРОТ БОСНА И ХЕРЦЕГОВИНА ВЛЕГУВА ВО ЗАВРШНА ФАЗА







Екипите на Град Скопје влегоа во завршна фаза од изградбата на новопроектираниот булевар Босна и Херцеговина, кој изминативе месеци прерасна од улица со две ленти во современо булеварско решение со шест сообраќајни ленти и комплетна инфраструктура.
Во текот на следната седмица се очекува да биде целосно завршен и пуштен во употреба. Со тоа Скопје добива целосно нов булевар со вкупна должина од околу 1700 метри, ширина од 40 метри, со 6 коловозни ленти, пешачки и велосипедски патеки од двете страни, а предвидено е и средишно и странично зеленило со прекрасни дрвореди од двете страни и ново улично осветлување, по целата должина од бул. Словенија до бул. Христијан Тодоровски Карпош.
Булеварот Босна и Херцеговина е дел од секундарниот северен прстен и како таков претставува важна и исклучително фреквентна сообраќајница во овој дел од градот. Булеварот се протега од крстосницата со улицата Македонско-косовска бригада до крстосницата со бул Христијан Тодоровски Карпош. Заедно со булевар Словенија ги поврзува граѓаните на општините Шуто Оризари, Карпош, Чаир, Бутел и Железара со преостанатиот дел од градот, додека со булеварот Христијан Тодоровски Карпош претставува брз излез на скопската обиколница.

https://www.facebook.com/CityofSkopje/