Автопат Кичево - Охрид

Градежниот институт Македонија (ГИМ) ќе го врши препроектирањето и допроектирањето на утврдените пропусти и недостатоци во проектната документација за автопатот Кичево – Охрид. Како што се наведува во објавениот договор на Електронскиот систем за јавни набавки, Јавното претпријатие за државни патишта издвоило околу 2,3 милиони евра за докомплетирање на проектната документација, со што се отвора вратата за довршување на изградбата на автопатот долг 57 километри.

– Предвидениот временски рок за изготвување на проектната документација изнесува 12 месеци по склучување на договорот – велат за „Мета.мк“ од ЈП за државни патишта.

Изготвувањето на проектната документација е поделено во три фази заради практичност и континуирано градење на самиот автопат. Договорот со ГИМ е склучен на 4 септември годинава.

Идниот проектант ќе треба да ги изработи и докомплетира основните проекти и проектите за инфраструктура за сите пет подделници на автопатот. Обемната листа вклучува препроектирање за стабилизација на косините и санација на свлечиштата долж целата траса, изградба на контролен центар за тунелот „Пресека“ долг 2 километри, нови патни јазли кај Требеништа и Свети Еразмо, денивелација на патиштата поврзани со автопатот, како и проектна документација за идните пристапни правци од околните села до автопатот.

Паралелно на докомплетирањето на проектната документација, на автопатот Кичево – Охрид ќе продолжи изградбата на оние сегменти од трасата што не се спорни во проектот. Кинескиот изведувач „Синохидро“ има рок до 30 јуни 2021 година за да ја заврши изградбата на автопатот. Висината на инвестицијата во овој проект од Коридорот 8 изнесува 598 милиони евра.

https://meta.mk/so-23-milioni-evra-%d1%9ce-se-popravaat-greshkite-vo-proektot-za-avtopatot-kichevo-ohrid/

Охрид, 10. јули 2019 (ОХРИДПРЕС) – Она на што се чекаше за да продолжат градежните зафати на автопатот Кичево – Охрид е завршено, кинезите одобрија нова транша.

Надлежните велат пробивање на роковите нема да има, па се очекува интензивирање на градежните зафати за автопатската делница да биде готова до јули 2021 година.

– Амбасадорката најави дека кинеската страна го одобрува кредитот за продолжување на изградбата на автопатот Кичево – Охрид кој го чекавме како одлука од Народна Република Кина. Порачувам дека продолжуваме интензивно да работиме на комплетирање и завршување на негова изградба, изјави премиерот Зоран Заев.

– Автопатската делница наскоро ќе почне со полна имплементација мислам дека со кинеските партнери постигнавме разбирање и наскорот може да очекуваме оваа автопатска делница да почне да се гради со забрзана динамика, за бенефит на граѓаните од западниот дел на земјата но и за туристичките потреби, потенцира вицепремиерот за економски прашања, Кочо Анѓушев.

Владата претходно потпиша два анекс договори со кинески „Синохидро“, за продолжување на рокот за изведба и за дополнителната сума што ќе треба да се одвои за изведба на клучки, изградба на патишта, санација на косини и стабилизација на свлечишта.

Автопатот во должина од 57 километри, кој почна да се гради во февруари 2014 година, сега ќе чини 598 милиони евра. (Крај)

https://ohridpress.com.mk/?p=92310

Јавното претпријатие за државни патишта го објави тендерот за докомплетирање на проектната документација за делницата долга 57 километри, за која државата за нејзината изведба ќе треба да издвои вкупно 598 милиони евра.

Како што се наведува во тендерот објавен на Електронскиот систем за јавни набавки, идниот проектант ќе треба да ги изработи и докомплетира основните проекти и проектите за инфраструктура за сите 5 подделници на автопатот. Обемната листа вклучува препроектирање за стабилизација на косините и санација на свлечиштата долж целата траса, изградба на контролен центар за тунелот „Пресека“ долг 2 километри, ново патни јазли кај Требеништа и Свети Еразмо, денивелација на патиштата поврзани со автопатот, како и проектна документација за идните пристапни правци од околните села до автопатот.

Поучени од досегашното искуство со проблемите што произлегоа од првичниот проект, ЈП за државни патишта во актуелниот тендер воведува два критериума за избор на најповолен понудувач. Покрај најниската цена, со 40 бодови ќе се вреднува квалитетот на понудувачите преку испитување на веќе извршените услуги од нивна страна за проектирање и ревизија во последните 3 години. Идниот проектант ќе треба да ја докомплетира проектната документација за автопатот Кичево-Охрид до летото 2020 година.

Кинеската компанија „Синохидро“ пак има рок до 30 јуни 2021 година за да ја заврши во целост изградбата на овој автопат. Првичниот рок за негова изведба е продолжен за три и пол години, а заедно со него и вредноста на автопатот проценета на 411 милиони евра. Новата влада најпрво ги откри сите неправилности и грешки при изградбата на автопатот Кичево-Охрид, по што склучи и два нови анекса на договорот за неговото целосно завршување.

https://ohridpress.com.mk/109970