Skopje East Gate (поранешно ERA City)

Saemot za da e funkcionalen treba mnogu povekje od funkcionalna saemska infrastruktura. Jas kolku sto znam Skopje nikogas nemal vistinski saemski i seminarski turizam. Po mene Saem treba da ima no prvo da se vidat potencijalite za organiziranje na saemi vo skopje pa potoa da vidime sto toa e definicija za funkcionalen saem vo skopje. Stariot saem moze da go sakame ili ne od arhitektonski stil, istiot bese ne fuknkcionalen, ne zaradi gradbata koja po mene bese solidna tuku poradi menagiranjeto na istiot.

од твитер

@ antigona

Нешто многу лесно се расфрлаш со етикети. Скоро со иста леснотија како што изместуваш тези и на што на човек му пикаш зборови во уста.

Да не е случајно обратно тоа со интересот, со тој проект што не се реализирал, а бил феноменален, само што нема никаква трага од него... па раскажуваш бајки, а другите треба едноставно да ти веруват...


Јас не го бранам SEG проектот од конструктивна критика, а особено не го бранам уривањето на саемот за коешто и претходно се произнесов. Јас го бранам SEG единствено од твоите небулозни тврдења.




Edited by Cloverstack - 27-Jan-2021 at 22:57

Originally posted by Cloverstack Originally posted by zabegan трговски центар кој ќе пропадне за 5 години и нема да се користи со полн капацитет Да речеме дека си во право и трговскиот пропадне за 5 години. Нели е тоа проблем на инвеститорот, а не наш? Во меѓувреме, наместо огромен змијарник покрај главниот влез во градот, тој простор барем се средил. Исто така тој простор се здобил со инфраструктура, па таму во иднина лесно би можело да легне нешто друго, ако така диктираат потребите и времињата. Originally posted by zabegan околу него имаше огромен бришан простор за било какви содржини Какви содржини конкретно?

гарантирам дека ќе пропадне затоа што тоа е судбината на овие молови... не е само инвеститорот, истото се повторува со години, со изградбата на секој нов мол пропаѓа стариот, трае додека му е трендот и додека се прави фама околу него... а на крај завршуваме со еден куп хангари низ градот со неискористени површини, па и инвеститорот да е најпаметниот на цел свет, тешко се справува со тоа
и сам ви кажувам, буквално го правите истиов муабет за моловиве со секој нов мол, ваков или таков... дека ќе донеселе не знам какви брендови и дека тоа ќе развиело не знам што, не знам како не ви здосади
и на крај краева, да не се натегаме за судбината на трговскиов, проблемот е каква жртва се прави и за што... да срушиш сајмиште за да изградиш мол, е исто ко да срушиш болница, училиште, политичка институција, историски објект и т.н. за да изградиш мол

содржината и не ми е толку битна, зборам дека просторот беше доволно голем да се задржи сајмиште, или ако решеа дека објектот на сајмиште е стар, барем да надокнадеа со нов... и маркицата од претходниот проект за трговски е отприлика слична површина
ова само станбени објекти и мол е буквално нешто без кое што градов нема да пропадне, а од досегашно искуство нема ни да промени нешто... извини, ама во поглед на сите проекти веќе сум крајно песимистичен

Саемот го изгубивме, што е недозволиво и трагикомично. Сообраќајот веќе е оптеретен во тој дел, кога ќе се изгради комплексов можеби нема да колабира, но ќе биде Сити мол 2 и тоа на главниот источен влез во централно Скопје.

Да, повеќето ќе го посетуваме и ќе го подигне малку имиџот на градов. И тука завршуваат сите придобивки. Можеше попаметно, но зошто па тука би очекувале некое подобро планирање кога го имаме Дајмонд. Таму барем Јужен булевар е придобивка, а тука и саемот како општествен интерес се пушти низ вода.

Edited by <Fresno> - 23-Jan-2021 at 12:07

Остануваш нејасен, дали сакаш да ги споредуваме ДУП-овите за локацијава од разни периоди, или сакаш да го споредуваме сегашниов проект со проектот на ТриГранит.

Во било кој случај, може ли наместо само муабети, да видиме црно на бело и визуелно, која е референтната точка за споредување? Да видиме барем нешто од тие супер решенија што постоеле?



Со пласирање на куп неосновани критики кон SEG ме ставаш во ситуација да бранам проект што навистина не сакам да го бранам, а не сакам да го бранам пред се поради уривањето на саемот (за чие пропаѓање муебетот повторно не враќа кај ERA). А сигурно SEG има редица сериозни слабости, вклучувајќи урбанистички. Но ти викаш дека Скопје тотално ќе колабирало поради SEG и слични небулози.


Edited by Cloverstack - 23-Jan-2021 at 04:20

BTW ако ја разлисташ нишкава од почеток (2007 година) ќе забележиш дека форумашите уште тогаш веќе имале изградено негативно искуство со ЕРА како несериозен субјект што претходно се расфрлал со празни најави и постојано менување на приказните.

Што се однесува од 2007 натака, циркузот на ЕРА со менување на изјавите и плановите и партнерите е убаво евидентиран и во нишкава. „Партнерството“ на ЕRА со TriGranit е само една епизода во тој циркус. Така да ако го споредуваме SEG со планот ERA/TriGranit, клучната разлика се сведува на тоа дека првиов се гради, а вториот (на ничие изненадување) останал празен муабет.

Edited by Cloverstack - 23-Jan-2021 at 02:48

Многу очигледно е дека со проектот на ТриГранит и ЕРА трговскиот ќе беше доста помал. Ова што го објави за тој проект не е баш точно (имаше подоцна друг, конечен план), втората, помала маркица кон ресторан Дојрана не беше за втор трговски, туку за канцелариска зграда. Овие рендери исто така не беа конечните, на официјалната промоција на ТриГранит имаше одлични архитектонски решенија. И пак ќе кажам, клучно во тој проект објектите не висеа над самите улици како сега. Велиш, ул. Беласица ќе се проширува, што значи влезот во Молот уште повеќе ќе биде залепен до самата улица. Ниту еден редар или полицаец нема да ја спречи гужвата, исто како и со влезот во Сити Мол. Решение кое немаше сообраќајно да го загуши сообраќајот по ул. Беласица и бул. Александар Македонски е изградба на паралелна сервисна улица долж комплексот од страната на Автокоманда од каде ќе беше влезот во Молот и се останато, но некој паметен повторно умеша прсти со промена на маркица и овозможи изградба на новата бензиска на Окта/Пуцко а влезот во Молот е од страната на ул. Беласица. А за аргументот дека и со Саемот се правеше сообраќајна гужва не држи, па саемски манифестации се одржуваа максимум еднаш месечно и во траење од само неколку дена. И решение за тоа беше со планот на Три Гранит предвидената изградба на подземна/катна гаража до управната зграда на Скопски Саем и уште две други повнатре во комплексот. Крајно, изградбата на таму некогаш и ако, на бул. Крушевска република и на новиот мост кон Аеродром, можеби ќе го растеретија сообраќајот во овој дел на Скопје, но само без притисокот на огромен трговски комплекс кој ќе влече гужва скоро 24/7. Не заборавајте, околу Молов од сите страни предвидена е изградба на стотина нови станбени згради, во Крњево, околу УКИМ...уште едно самоубиство за Скопје...али џабе дебатава...ќе видиме многу наскоро какви ќе бидат ефектите од нашиов “урбанизам”...

Значи, вака, камо среќа да се реализираше претходниот проект. Разликата е огромна. Во првиот случај само ќе се доградеше далеку помал трговски центар и неколку деловни згради, а ќе се зачуваше саемот, кој беше одлично конципиран и во добра кондиција (првата хала беше скоро претходно адаптирана да функционира и како концертен простор - Метрополис Арена, додека во деловната зграда на Скопски Саем имаше целосно реновирани две сали за семинари/состаноци кои беа често користени). Додека пак Молов е барем три пати поголем во габарит, буквално е залепен до улица Беласица, кое не само што урбанистички и естетски е одвратно, туку ќе предизвикува огромни гужви не само поради големината на трговскиот, туку и тоа што влезот во истиот ќе биде залепен на само неколку метри од улица Беласица каде постојано ќе застануваат коли и таксија да истовараат посетители, а со тоа ќе се создава хаос сличен на оној пред Сити мол, а сигурно и многу поголем.

Првото решение, со задржување на саемот и изградба на далеку помал трговски (кој не ќе беше како сега Молов залепен до ул. Беласица) ќе значеше далеку помал сообраќаен притисок (а Саемот нема активности секој ден).   

Да не потсетувам дека зад претходниот проект стоеше гигантот, реномираната проектно-менаџерска компанија TriGranit, која има огромно портфолио на проектирање и изградба на слични комплекси низ цела Европа.

И на крај, не се ни потребни сите овие аргументи, кога е доволен само следниов: само во примитивна земја ко оваа нашава можеше да се смени намената на маркицата за саемот да прерасне во огромен Мол и со тоа да се овозможи негово рушење. Сега одма некој ќе реагира, демек инвеститорот е приватен, во тоа нашол интерес бла, бла... Не! Само кај нас се меша правото на сопственост (кое е неспорно) со намената на една градежна парцела/маркица, која треба да биде дефинирана од јавниот интерес, а во овој случај и веќе етаблирана дејност на просторот (саем)! Ова е слично како во случајот на Расадник во Кисела Вода. Таму просторот сега е приватен, вратен на поединци со денационализација, но таа земја не смееше да се пренамени од земјоделска/зелена површина во градежна, туку сопствениците на земјата мораше да бидат компензирани по тарифа за земјоделско земјиште и Расадник потоа да се уреди во јавен простор/парк.

И на крај, еве еден позитивен, ист случај како нашиов со Саемот, но со поинаков, здраво-разумен епилог: во 2020 во Србија државата го продаде Сава центар во Белград. Купецот, исто приватна фирма (Делта) е обврзан да ја задржи дејноста (конвециски-саемски простор)!

И најпоследно, сообраќајниот колапс со Ист Гејт е неизбежен бидејќи навидум широките сообраќајници околу овој Мол (кои и сега се преоптоварени) се влезни и транзитни артерии за градот (замислени како брзи сообраќајници), а не се наменети и димензионирани истовремено да служат и како сервисни улици на еден огромен, предимензиониран комерцијален, станбен и деловен комплекс. Со овој Мол и со комплексот на Лимак сред центар до Стара Железничка, Скопје неповратно ќе биде колабриран град, сообраќајно, урбано и крајно, еколошки.

Edited by antigona - 23-Jan-2021 at 01:06

мене повеќе ми одговараше претходното решение

непотребно огромен простор се искористи за нешто тотално бескорисно како трговски центар кој ќе пропадне за 5 години и нема да се користи со полн капацитет и беспотребно се лиши Скопје од сајмиште, кога околу него имаше огромен бришан простор за било какви содржини