Инфраструктура (општо)

Велес е прилично добро покриен со железничкиве коридори. Паралелни пруги / адаптирање и дуплирање на постоечките може да се искористи за воведување на некаков трам. Единствен прашалник е колку е тоа исплатливо кога ќе се земе во предвид големината на Велес, но има простор за размислување.

Инаку Вардар, не би се чудел премногу на железничкиот јазол во Велес. Со оглед на топографијата и со оглед на стандардите за пруги веројатно не ни има некакво многу поелегантно решение. Всушност пругите се вака слично извртени дури и низ градови со поедноставна топографија.

Велешани бараат железнички стојалишта низ градот Велешани бараат ЈП „Македонски железници“ на неколку локации во градот да постави постојки за патниците. Тие сметаат дека со ова ќе се зголеми бројот на патниците, а ним ќе им се намали времето за да стигнат до Железничката станица. Секојдневно повеќе од 1.000 велешани патуваат со воз. - Низ градот има три пруги во три правца, кон Гевгелија, Кочани и кон Битола, и убаво би било на еден дел од нив да се постават стојалишта. Така ќе ни биде поблиска услугата на железницата, а таа ќе има поголем број патници. Вака сме принудени да патуваме и по неколку километри додека стигнеме до станица, што ја зголемува цената, бидејќи користиме такси или градски превоз - велат велешани. Тие го посочуваат случајот со село Зелениково, каде што на мало растојание до станицата Јане Сандански има две стојалишта, кои се отворени по барање на патниците. Од МЖ - Транспорт знаат за проблемот и веќе ги извршиле потребните испитувања. - Во право се патниците што сакаат да бидеме поблиску со нашите услуги, преку отворање стојалишта во Велес. Но, технички не е можно, бидејќи градот има лоша конфигурација на теренот - велат од МЖ -Транспорт. Тие посочуваат дека во правецот кон Кочани пречка се Железниот мост и угорнината, во правец на Битола проблем е тунелот, кој не дозволува да се отвори стојалиште и во населба Превалец, а кон Гевгелија во реонот на Долни Дуќани проблемот се многуте рампи на железничките премини и можноста тие долго да бидат спуштени ако таму се лоцира стојалиште. http://www.dnevnik.com.mk/?ItemID=E5C1051B4238E94D9D320EDB7FE8CCF4

Поточно се мисли на физибилити студија која опфаќа многу сегменти, од кои најбитен за еден проект каков што е железница (се проектира за 20 год) е општествено-економска еклоатација. Актуелно-најново, а го слушнав на новогодишната седница на влада е дека изработката на физибилити студијата нема да биде 1 год туку 2 год, со најоптимистичко гледање на работите, 2011 да се отпочне со изградба на пругата.

Originally posted by lslcrew Nikola Добредојде! Добро што веќе почнува да се изработва проектот, само те молам кажи ми зашто мислиш дека тоа е краток рок?! Ја не се разбирам многу, ама тоа и изгледа долг рок.

Nikola Добредојде! Добро што веќе почнува да се изработва проектот, само те молам кажи ми зашто мислиш дека тоа е краток рок?! Ја не се разбирам многу, ама тоа и изгледа долг рок.

Возовите им запираат на автомобилите Наместо автомобилите, возовите стојат пред железничките премини. Оваа слика, која се' почесто се гледа, ги изненадува учесниците во сообраќајот, раскажуваат возачите што биле сведоци на премините на железничката пруга кон Кочани. - На магистралниот пат кон Штип, во близината на Лозово, има неколку необезбедени железнички премини. На истите во неколку наврати видовме: кога возот ќе наиде, застанува и ги почекува возилата да поминат, па го продолжува патувањето - тврдат возачи. Истиот случај бил и на излезот од Велес, кај Железен мост. Од ЈП Македонски железници - Транспорт го потврдуваат тоа и велат дека го прават во интерес на безбедноста. - Кога возачите не сакаат да застанат кога ќе наидат на знак што најавува дека има железнички премин и не го почитуваат, тогаш мораме ние. Според нашиот правилник, стар 50-ина години, ги потсетивме моторовозачите да запрат на необезбеден премин. За да не дојде до трагедија, подобро е возот да застане, кога колите не го прават тоа, иако ние имаме првенство на минување - велат од МЖ Транспорт. Тие побарале од моторовозачите да ги пуштаат сите возила да го минат преминот, по што тие го продолжуваат патувањето. http://www.dnevnik.com.mk/?ItemID=29803279E24D8D4CB6216BB164DF71A8

Инаку да апелирам до сите, сега кога ја поделивме железничката тематика, колку можете да ја држите дискусијата во рамките на темата. Неизбежно е дека понекогаш во инфраструктура ќе забегаме со муабетот накај возен парк или обратно или па некоја друга комбинација, но во рамките на можностите да се потрудиме да селектираме каде што ќе постираме.


Edited by pbanks - 17-Dec-2008 at 15:19

Бојан види за К8 нема проектна документација па владата со свои средства ќе го направи проектот, сетне со завршен проект ќе одиме пред EBRD, WB и IMF за кредитен аранжман. е сега дали откако К8 ќе се заврши целосно, ние ќе го дадеме под концесија или не, тоа е веќе работа на владата.

Edited by pbanks - 17-Dec-2008 at 15:23

27 јули 1981 Почна со работа новата Железничка станица во состав на Транспортниот центар во Скопје. Последниот воз од Старата железничка станица замина во 11 часот и 30 минути, а првиот воз на новата железничка станица стигна во 12 часот и 35 минути. [1]

ова со последниот и првиот воз има една доброчудна димензија, а тоа е дека кај нас само после невреме може сонце да не огрее. и денес не грее истото сонце, но доколку и понатаму трчаме по европските стандарди ќе треба две сонца за да стасаме на време или пак нормално со денешнава состојба да бараме(како и сите) екстра додатоци во форма на ММФ рефлектори и телескопи, како би ги наполниле батериите и исчистиле вирусите. но рефлекторите неретко имаат в себе темпиран вграден куршлуз, кој единствено се неутрализира преку покорност и коленичење пред монополистите(фабрикантите) на вештачката расвета, па од тука колку е ова најсречно решение незнам, но како велат запален бивол  нечини со вода да го смириш, најдобро е со токмак, како не би распалил се одоколу. значи најдобро е во нашиот случај да не чекаме на малку веројатното невреме и второ сонце, ниту пак на фабрикантите на долго жаречки сијалици, туку едноставно да го успиеме државниот капитал во МЖ и да се пушти да влезат  капиталистички чергари кои ќе ни ги врзат врките и исчистат кондурите на К8 и К10, нормално ќе има и нешто нови сандали и папучи, а малку подоцна може и спринтерки ќе видиме...    

дефакто сами да инвестираме милијарда до две за оправање на цела инфраструктура и возен парк ниту имаме капацитет ниту пак ќе се најде толку амбициозен јунак кој во вакви геополитички констелации ќе се одважи да се задолжи од сесрце. затоа и велам Бојан дека освен шминкање владата не прави ништо особено, освен што на тој начин се спрема да го продаде патничкиот транспорт и да  ја даде под концесија инфраструктурата. за К8 од долните два цитати ќе извлечам заклучок дека проектот ќе се доработува со буџетски средства, а за работите на терен(оперативниот дел) ќе се бараат кредити од банките.          

Тотал Анализа - Само приватен капитал може да ја модернизира Македонската железница - 18.10.2007 Стари и валкани вагони, непредвидлив возен ред и чекање на пероните. Атмосфера како од времето на легендарниот Ориент експрес. Ова е најчестиот впечаток на луѓето што често ги користат услугите на Македонските железници. Македонија и по скоро две децении самостојна држава не успеа старото претпријатие Македонски железници да го транформира во модерна и флексибилна компанија. Македонските граѓани, а и оние кои случајно транзитираат низ земјава ќе почекаат уште најмалку две години за било каква модернизација на возовите. Дури тогаш ќе ги почувствуваме ефектите од моменталната транзиција на компанијата која трае веќе неколку години. Целта на транзицијата е Македонски железници да стане модерна компанија. Од почетокот на месецот Македонски железници и официјално се трансформира на два дела - транспорт и инфраструктура. Овие две компании работат со две посебни жиро сметки. „Целта на ваквиот потег е да се добие почиста слика за работењето на компанијата. Преку овој модел ќе видиме точно кој делови како функционираат. На пример ќе се види приходот од транспорт на патници и на стоки и ќе може да се направи анализа на приходите„, вели министерот за транспорт и врски Миле Јанакиески. Се предвидува транспортот да се приватизира најрано за две години, откако ќе се добие детална слика за сите позитивни и негативини чинители во овој сектор. Подобрувањето на капацитети на Македонски железници е најзначајно прашање за металопреработувачкиот бизнис во земјава. Сите суровини и готови производи на овој бизнис се транспортира со железнички сообраќај. Рестартирањето на поранешна Железара или денешните Макстил, Митал стил и Ладна валалница во голема мерка ја зголеми работата на Македонски железници. Неофицијалите анализи од компанијата велат дека на транспортот на суровини и стоки на овие компании отпаѓа над 70% од работата на компанијата. Истовремено заради зголемената побарувачка на челик на светските пазари и зголемувањето на обемот на работата на овој бизниз во земјава, се јави недостиг на вагони кои ќе можат да ги превезат навремено стоките на крајната дестинација. Се бараше решение со закуп на нови вагони да се надмине проблемот. Ваквата состојба на терен доведува на заклучок дека транспортниот дел на Македонски железници има добра иднина, велат експертите. Според нив најдобро е во еден дел од сегашната компанија да влезе приватен капитал. За поголема профитабилност во иднина државата работи на изградба на железничката инфраструктура. Вкупната железничка инфраструктура во Македонија е во должина од 180 километри. Јанакиески најави изградба на железничка инфраструктура на Коридорот 8, преку што треба да се поврзе Македонската со Бугарската железница. За реализација на овој проект Влада ќе бара донации. Трансформацијата на Македонските железници ја помогна и Светска банка која ја изработи комплетната студија. Истовремено Светската банка даде и кредит од 15 милиони евра за поддршка на трансформацијата на Железницата. Тотал - Магдалена Михајлоска - 18.10.2007

... За вистински капитални инвестиции, односно за изградба на патишта и на железница се предвидени само 40 милиони евра. Со нив ќе се градат патни правци од Коридорот 8, магистрални и регионални патишта и железничка пруга кон Бугарија. ... Најмногу пари, како и секоја година, ќе отидат за плати на јавната администрација, пензии и за социјални надоместоци, дури 1,5 милијарди евра. ... Тотал - Спасијка Јованова - 14.11.2008

 

Во обновата на српската Железница годинава ќе бидат вложени една милијарда евра - Т - 03.04.2006

ЕИБ и ЕБОР ја кредитираат српската Железница со 140 милиони евра - Т - 19.04.2006

Словенија вложува девет милијарди евра во модернизирање на железницата - Т - 08.11.2006

Хрватска ќе вложи две милијарди евра во модернизирање на железницата - Т - 23.04.2007

Еве ја и европската стратегија и за МК

Sauth-East Europe Core Regional Transport Network Development Plan
Five Year Multi Annual Plan 2008 to 2012


Edited by Cloverstack - 09-Dec-2008 at 05:27