Спoменик нa плoштaд Maкедoнијa

јас имам предлог за венецот,а се надевам дека тоа било планот и на Валентина:

кога ќе го решиме спорот со нашиот мил и непрежален сосед,на тоа место со бронзени букви да се напише името на воинот на коњ,нешто во стилот

АЛЕКСАНДАР III ВЕЛИКИ-КРАЛОТ НА МАКЕДОНИЈА и во продолжение во латинична верзија истото,така да дојде на двете споротивни страни испишано.

естетски ќе биде ОК поради контарстот на бронзата со белиот мермер

Ок, средата вечер, патот (после подолго време) ме одведе на плоштад и имав прилика да ја видам фонтаната-споменик во целиот сјај па еве, конечно, да споделам впечатоци.

Настрана тоа што не ми се допаѓа од естетска и економска гледна точка, занатски ко што реков и порано е добро сработена. Но, во целото мегаломанско лудило со амбиции за грандиозност и монументалност е направена голема утка со тоа што споменикот е ставен толку високо. Имено, кога бев во близина на фонтаната во мојот видокруг доминираше столбот и чинијата додека самиот споменик едвај се наѕираше.
Тука мислам дека е изгубена хуманата димензија (за која толку многу се говори деновиве) на објектот бидејќи не постои можност во него како целина да се ужива непосредно.
ИМО, многу подобро ќе беше доколку „воинот на коњ“ се издигаше некаде над главите на фалангата наредена околу столбот, дури и можеше да се избегне класичен постамент како кај повеќето споменици туку да се спои коњаникот со војниците во некаква комплексна композиција од бронза, или мермер (мислам дека мермер е поздрава варијанта со оглед на влажноста).
Видливоста (од подалеку) ќе беше малтене иста со тоа што немаше во просторот да штрчи како некаква печурка. Водените ефекти што произлегуваат од чинијата ми се занемарливи и небитни, а светлата сеедно можат и од доле да го постигнат истиот ефект.

Што се однесува до музиката, ок, не ми смета, иако ми се чинеше дека треба уште да се поработи на синхронизација.

И на крај, сега кога знаеме (знаеме така? ) колку чинеше ова да се изгради, дали имаме некоја цифра за тоа колку ќе чини „програмата“ и тековното одржување?

едит: со оглед дека е завршена тука работата, може треба да се воведе оценување?


Edited by fichot - 16-Sep-2011 at 23:50

Фонтаната ќе пее и ќе свети навечер



Од Општината Центар не даваат конечни информации за тоа на кој начин ќе биде програмирана работата на фонтаната бидејќи во овој период таа работи промотивно и поинтензивно

Фонтаната на плоштадот Македонија ќе почнува со работа секој ден во 10 часот, кога ќе се пуштаат млазевите вода во разни комбинации, а светлосните и звучните ефекти граѓаните ќе можат да ги видат и слушнат секоја вечер од 20 часот. Последен пат светлото и музиката ќе се вклучува во 23 часот. Ова за „Дневник“ го најави авторката на скулптурата „Воин на коњ“ и на самата фонтана, Валентина Каранфилова-Стевановска.

- Фонтаната со сите ефекти ќе работи од 20 часот, со тоа што половина час ќе работи, а половина час ќе има пауза. Дали така ќе остане зависи од тоа како конечно ќе одлучи Општината Центар. Засега фонтаната е на тест-проба - изјави Каранфилова-Стевановска.



Парички за среќа

Таа не можеше да прецизира точно каква се музика ќе може да се слуша од фонтаната, упатувајќи на одговор во Општината Центар. Од Општината, пак, с` уште не даваат никакви информации за тоа на кој начин ќе биде програмирана работата.

- Сега фонтаната работи промотивно и поинтензивно. Во наредниот период, откако ќе се воведе посебен режим на работа, ќе бидете комплетно информирани - изјави вчера Јовица Ацковски, портпарол во Центар.

Најновиот симбол на Скопје, фонтаната и споменикот „Воин на коњ“, и на четвртиот ден од нејзиното официјално пуштање во употреба на Денот на независноста е голема атракција и тоа не само за скопјани туку и за посетители од странство. Околу неа масовно се собираат граѓани кои не можат да се изнагледаат на богатите детали на столбот и на бронзените војници, но и на водените игри и мозаикот под водата. И вчера фотоапаратите светкаа, а граѓаните со насмевки на лицата се фотографираа и фрлаа парички во водата за среќа.

- Со сопругот и двете синчиња фрливме железни десетденарки. За среќа. И не мора да има некаква симболика. Меракот е голем - вели една скопјанка.

Граѓаните сметаат дека оваа фонтана требало да се направи многу порано.

- Плоштадот досега беше пуст, сив, на него беа само сивите плочки. Ваква фонтана со звучни и светлосни ефекти постои во Барселона, а сега добивме и ние. Во летните месеци би требало водата постојано да прска, само така може да се доживее вистинскиот ефект - вели Душанка Чорбеска, пензионер.

Цело семејство од Вуковар дошло специјално во Скопје за прославата по повод 20-годишнината од независноста на Македонија. Тие со воодушевување стоеја до фонтаната и коментираа дека толку големо нешто нема во цела Хрватска.

- Јас сум роден во Македонија, но веќе 16 години живеам во Вуковар, од каде што е мојата сопруга. Овде во Скопје имам роднини, па дојдов да ги видам, но и специјално да присуствувам на прославата. Ова е нешто феноменално, просто се воодушевувам - рече Драган Димитров, кој исто така фрли паричка во фонтаната за среќа.



Мора добро да се чува

Дел од луѓето беа загрижени дали фонтаната ќе остане цела и како ќе се одржува.

- Кај нас с` што е убаво кратко трае. Затоа некој треба добро да се грижи за нејзиното одржување. Дали тоа би била чуварска служба или обезбедување, надлежните нека решат - смета Иванка Ивановска.

Забележливо беше дека белата платформа на која се качуваат посетителите беше валкана од кал, помешана со водата која прска од водоскокот. Околу фонтаната можеше да се забележи само еден полицаец, како и вработен од чуварската служба од Градот, кој во исто време е задолжен за безбедноста на Камениот мост и на целиот плоштад. Тој рече дека засега немал забележано оштетувања на фонтаната или обид некој го направи тоа.

Од Општината Центар вчера не одговорија на кој начин ќе ја одржуваат и обезбедуваат фонтаната.
http://www.dnevnik.com.mk/default.asp?ItemID=274F2A5220382B45B2B8EEBE1EA53AFE

e taka be sliki malce dajte

jas sega pominav fontanite vo vardar ne rabotea?

http://www.press24.mk/story/makedonija/fotoreportazha-fontanata-podgotvena-za-8-septemvri

 
Затоа што британците победија во Втората Светска војна борејќи се под слоганот "Никогаш нема да се предадеме".
 
Па така, колку повеќе дискутираме за преместување на некои од спомениците од плоштадот Македонија, толку поголема е веројатноста некој да не слушне и да превземе конкретни мерки за преместување на тие конкретни споменици.
 
Да се откажеме од сопствените ставови и да молчиме секогаш е полесното решение, но така не се гради држава, бидејќи и во војна секогаш полесното решение е да се предадеш, отколку да се бориш за победа.
 
Е сега, ова со споменициве не е војна, но сепак има спротивставени ставови, секогаш полесното решение е да се откажеме од сопствениот став, отколку да го браниме.
 
Е па јас не го преферирам полесното решение, па затоа се залагам и ќе се залагам за преместување на некои од спомениците од плоштадот Македонија.


Edited by Dexter26 - 09-Sep-2011 at 16:28

Resistance is futile

вчера кога се пушташе фонтаната снимав со апарат и многу се изненадив-во живо боите не изгледаат жарко,гледав на дисплејот боите беа многу јаки,а во живо друга слика.многу различен впечаток,да ми кажуваше некој друг немаше да верувам.камерите и апаратите многу ја менуваат сликата

Јас исто мислам дека поентата не е да се стават во школи. Подобро да се изведе нов плоштад, на пример во реонот на НЛБ тутунска банка, кајшто жителите на Водно, Црниче, Капиштец, би можеле да добијат едно централно збиралиште. Би му дошло некаде зад Рамстор.