Скопски сообраќај (општо)

За 2 години 500 метри не можат да асфалтираат – градоначалникот на Карпош повторно си најде изговор




Со калдрма крпена со асфалт.

Ова е улицата која води до детската болница во Козле. Веќе две години градоначалникот на Карпош ветува дека ќе ја санира. ТВ21 неколку пати известуваше за оваа улица, а од општина Карпош одговараа дека поради влажното време работите не се започнати. Што рече градоначалникот Стефан Богоев во 2019.

И во 2020 рече дека се неповолни временските услови.

Дојде пролет 2021, но промени на подобро нема.

„Денеска е 3 мај, 2021, температурата е 21 степен. Иако имаше ветувања за тоа кога ќе се стопли времето ќе се санира и улицата до детската болница во Козле,такво нешто не се случи“, вели репортерот на ТВ21.

Контактиравме и со градоначалникот на Карпош, Стефан Богоев, тој сега со друг одговор.

„За улицата постои договор за меѓуопштинска соработка меѓу општина Карпош и Град Скопје. Градот наскоро ќе започне да гради“, вели Стефан Богоев.

Инаку оваа улица е многу фреквентна, бидејќи околу 100 деца дневно одат на преглед во болницата за белодробни заболувања кај децата, во Козле. Оваа улица за која има ветувања веќе 3 години, е долга само 500 метри.


https://mk.tv21.tv/za-2-godini-500-metri-ne-mozhat-da-asfaltiraat-gradonachalnikot-na-karposh-povtorno-si-najde-izgovor/

Никако не можам да разберам со кој памет ги прават плановиве од аспект на број на возила?!?! Не размислуваат ли колку возила би се паркирале во околина доколку на приземје има деловен или комерцијален простор, дали има простор за паркирање итн.? Општината не го ли размислува тоа...
Од доволно простор прават на ништо да не личи...

СООБРАЌАЕН ХАОС ВО СКОПСКО ДЕБАР МААЛО ПО ОТВАРАЊЕТО НА КАФЕАНИТЕ, КОЛИТЕ ПАРКИРАНИ СРЕДЕ УЛИЦА



По пауза од три недели, повторно беа отворени угостителските објекти и скопско Дебар Маало беше затнато со коли паркирани пред кафеаните. Долж улицата Орце Николов кај Боемска улица уште од претпладне беа паркирани десетина коли, па тоа создаваше метеж во сообраќајот бидејќи возилата не можеа да се разминат. Во овој дел од градот поради реконструкција на првиот дел од улицата Орце Николов има посебен сообраќаен режим, па колите паркирани пред кафеаните дополнително создаваат хаос.

Полиција немаше, ниту пак пајак служба да интервенира.

Просториите на Општина Центар се на неколку метри од улицата која е целосно е блокирана.

Во Скопје, ниту полицијата ниту градските и општинските власти немаат решение за проблемот со паркираните возила пред кафеаните.

https://sdk.mk/index.php/dopisna-mrezha/soobrakaen-haos-vo-skopsko-debar-maalo-po-otvaraneto-na-kafeanite-kolite-parkirani-srede-ulitsa/

kako so gledam ima mesto izmegu dvete paralelni linii za ubavi stolbcinja i pajak obavezno

Новоизградената улица меѓу Импексел 2 и Гранд Престиж во Тафталиџе веќе станала паркинг,десно повторно несупешен обид за вело патека...(од твитер)

Патем во сиот тој список за преименување, ЗагреБска никако да стане Загрепска.

ПРЕДЛОГ ЗА РЕКОНСТРУКЦИЈА НА УЛИЦА ЛОНДОНСКА

РЕКОНСТРУКЦИЈА” НА УЛ. ЛОНДОНСКА
Оваа улица се “реконструираше” на крајот на 2017та година и до денешен ден се уште нема хоризонтална ниту вертикална сигнализација на улицата. Поради тоа што се уште нема никаква сигнализација на улицата, веруваме дека има реална можност, без многу средства вистински да се реконструира истата. Нашиот предлог успеавме да го внесеме во програмот StreetPlan и може да се види подолу на сликата. Однапред се извинуваме што мерките се во стапки бидејќи така наложува програмот, но има и детално објаснување на нашиот предлог.





На долниот дел од сликата може да ја видиме реалната состојба на улицата. Иако постојат 4 широки коловозни ленти, реално се користат само две, во два правци по средината на улицата. Крајните ленти се користат за паркинг на возила. На истата улица постојат и тесни тротоари од двете страни, на кои неретко се со паркирани возила на нив.

Според нашите груби мерки, ширината на улицата без тротоари е околу 14 метри и според тоа го направивме и нашиот предлог. Поради малата фреквентност на возила, сметаме дека на улицата треба да останат во функција само 2 коловозни ленти, коишто ќе бидат во два правци по средината на улицата. Тие би биле со ширина од 2,9 метри, сосема доволно за улица по која не би требало да се вози над 50 km/h. Веднаш до коловозните ленти, од двете страни треба да има организиран паралелен паркинг и тие паркинг-ленти би биле широки по 2,25 метри. Тука би ставиле рабници од двете страни и би завршила улицата. Делот којшто останува од двете страни на улицата, иако со ширина од по 1,5 метар, би се пренаменил во велосипедска патека.

Што добиваме:

модерна мултифинкционална улица,
физички одделен простор за велосипедисти и
добиваме ослободени тротоари за пешаците.
Брзината на движење на возилата би се ограничила на 30 или 40 km/h, со оглед на тоа што во близина се наоѓаат и училишта.

Искрено се надеваме дека овој предлог ќе наиде на одобрување пред се од жителите во тој дел на градот, но и од нашите читатели. Локалните власти се на потег.

https://zelenapozitiva.mk

Edited by stef4o - 24-Mar-2021 at 08:37

Одлична идеја.

Еве една интересна мини-идеја за подобра поврзаност меѓу населбите Бардовци и Волково. Не дека има што многу да комуницираат, но како опција треба да постои оваа врска.

Тамо е планиран некаков мост на Лепенец, кој мислам дека еднаш го имаме дикутирано лани, ама неможам да го најдам сега написот. Но затоа, успеав да најдам некои слики на гоогле мапс од железничкиот мост на Лепенец меѓу Бардовци и индустирскиот дел од населба Даме Груев (позната како Геге) (42.020860° 21.367921°). И на мостот уствари има две железнички ленти, но едната изгледа како никогаш да не е употребена и џабе да стои на мостот. Всушност од ова парче пруга нема никаква потреба и ако некогаш во иднина железничкото поврзување помеѓу станиците Скопје Север и Ѓорче Петров во иднина порасне на дупли профил, тогаш сигурно нема баш ова руинирано парче пруга на мостот да се користи.

Така да, мислам дека е паметно сега за сега да се демонтира тоа парче на мостот, и просторот од лентата да се отстапи на користење на возила како локален пат исто како што тоа се користи сега во Долно Лисиче каде што железничкиот мост е изграден до профил да некогаш наменски има тамо улица но ГУП-от сеуште не дошол со реализација до тамо. Е тука меѓу Бардовци и Даме Груев би било паметно да се искористи "привремено" на неколку децении мостот за патнички потреби.

Дури на памет ми иде еден уште поелегантен политички дупло-корисен метод. Пред избори, еве сега брзо ќе има, да им "се намигне" на локални собирачи на старо железо, да им се покаже што треба преку ноќ да соберат и да се остават да расчистат тоа ѓубре. И така тоа е ненаселен дел, без некоја голема галама може да се ослободи лентава. Ем гласови може да се соберат пошто тоа сепак тоа не е малку железо, ем ќе се избегнат нужните процедури кои висат како камен околу врат кога треба да се направи нешто овакво надвор од сите зацртани планови и нема системски поставена институција или функционер кој треба да спресече или да може да пренамени нешто овакво на привремен рок без да биде пикиран за политичка пресметување и наоѓање влакана во јајце кога ќе си замине од функцијата. Така да еве идеја, политички проект, за 0 денари! Па ако чита некој од партиите, не се зафркавам воопшто, нека го размислат како идеја. Ова зборам вака како брза и ефикасна метода што може до избори да се направи, после тоа секако би требало асфалтирање саглам пристапни патишта, а може и асфалтирање на коловоз на мостот ако се избоксуваат процедурите.









Од 7 километри пат, поврзувањето меѓу населбите се скратува на само 2,5м километри што е скоро три-кратно. Тоа секако може да има значајност за локална економија, дали луѓе побрзо до работа ќе стигнат или некој производ побрзо ќе се дистрибуира. Едно возило да се тргне од кружење преку загушената улица Скупи и пазарот во Ѓорче, тоа е успех.






Edited by user8642 - 16-Mar-2021 at 01:46

Originally posted by гитардемон До толку нема друга опција па преферираат да чекаат во гужвата, и авто-школи, дистрибутери, кипери, миксери, пајак служби и таксисти?

зависи каде одиш во Аеродром (Скопјанка) ако возиш од оваа страна, ако си на јужната страна на Јане Сандански, тогаш има многу опции, ако си на другата страна, тогаш оваа е единтвена, со оглед на тоа дека
ако одиш накај автокоманда ова е исто така единтвена опција... или тоа, или ќе поминеш 1000000 семафори по должината на Трета Македонска/ Јане сандански/ Булевар Србија за да стигнеш до Автокоманда, и тоа од околу

па и да има опции, сакаш да кажеш дека е здраво сообраќајот на градот да се пренасочува, само за да има велосипедска патека на коловоз, за вкупно два велосипедисти на ден, на место каде што има доволно простор за велосипедска патека на тротоарот? ...само не пуштај некој амстердамски филм