Јавна чистота

1.

2.

Подвожњакот кај Стоковна куќа Мост.

Originally posted by gjoko секоја елка треба да има лампиони. ќе ви изгледа чудно но на последните 50 метри од мојата улица(слеп сокак) јас редовно ги собирам најлоните и ги фрлам во канта,не сакам децата да играат во ѓубре

Ѓоко не е твоето чудно, чудно е како луѓето потценувачки те гледаат ако чистиш надвор нешто што сметаат дека не е нивна работа. Кај баба ми пред куќа еден ден земав ичистив улицата од кал, тротоарите ги изметив од разни хартии и кутии од цигари, а цело време комшиите и обичните поминувачи ме гледаа као малоумен. Очајна е свеста за чистота кај нас, особено кога видов што се фрлале во живата ограда.

Скопско секојдневие

Ваква е практиката во Амстердам. Там е направено поради липсата на простор и функционира перфектно. Интересно дали Скопие ке биде втори Амстердам  и втори Лондон (двукатни ретро автобуси)во Европа

Edited by Galileo - 20-Jul-2011 at 00:17

На смрдливите контејнери им помина времето



Ако проектот во Центар успее, и во другите општини ќе бидат поставени подземни контејнери

Центарот наесен ќе биде ослободен од контејнерите за комунален отпад, кои со својот изглед и миризба ја нагрдуваат која и да е локација каде што се поставени. Градот му додели субвенција на јавното претпријатие „Комунална хигиена“ во износ од 10 милиони денари (164.000 евра), со кои претпријатието треба да набави и да постави подземни контејнери на најмалку 30 места на територијата на општината Центар. Во пилот-проектот, кој вкупно чини 26 милиони денари (426.999 евра), со свои 10 милиони денари ќе учествува и самото претпријатие, а Центар ќе даде шест милиони.

Хигиената - приоритет

Во образложението на одлуката за субвенција, што ја усвои Советот на Град Скопје на последната седница, се вели дека еден од приоритетите на градските власти е одржување поголема хигиена во Скопје.

- Констатирано е дека со поставувањето на подземните контејнери естетски се подобрува околината. Со нив ќе се овозможи и селекција на отпадот. На секоја локација ќе бидат поставени по три подземни контејнери, а некаде и по четири при што во еден ќе се селектира хартија, во друг пластика, а третиот ќе биде за домашниот комунален отпад. Со поставување на подземните контејнери ѓубрето нема да биде пред очите на луѓето, нема да се расфрла, а со тоа ќе ја снема и непријатната миризба - се вели во образложението на одлуката.

И Советот на Општина Центар на последната седница даде зелено светло на одлуката за поставување подземни контејнери на нејзината територијата.

Штедат простор, време и пари

Контејнерите ќе бидат со зафатнина од три и од пет кубни метри и ќе бидат 1,5 метар вкопани во земја. Ќе се затвораат со капак, кој истовремено ќе штити од вода, оган, луѓе и животни. Во овие контејнери отпадот со силата на гравитацијата се компресира и до 30 отсто, а се празнат само кога се максимално исполнети.

Предностите на овие садови за отпад се повеќекратни. Една од нив е и што за собирање на ѓубрето од нив ќе биде потребен само еден човек, кој во исто време е и возач и манипулатор на опрема. За нивното празнење не е неопходно да се купат нови возила, односно доволно е постојните да се опремени со кран.

Сметот се собира така што кранот ќе ја крене вреќата што е во подземниот контејнер, работникот ќе ја испразни со одврзување на дното и ќе ја врати на местото. Подземните контејнери можат да се опремат со ГПС и со СМС-систем преку кои службата што е задолжена за нив ќе добива информации на која локација се, колку и со што се исполнети во моментот, а со едноставна апликација може да се изработи и рутата по која камионот треба да се движи.

Еден ваков контејнер заменува до 70 канти за ѓубре од 120 литри или пет контејнери со зафатнина од 1.100 литри. На тој начин се заштедува простор на улиците, односно останува повеќе за паркинг, игралишта и за зелени површини.

Доколку проектот успешно се спроведе, Градот планира да го прошири и во другите општини.

Анела Петрова

http://www.time.mk/read/NONE/879e0a3a49/index.html

Ајде да видиме како ќе функционира ова со подземните контејнери?

Originally posted by lslcrew Елена М. Вељановска Трева, гранки, тули, малтер, земја и стар мебел се само дел од отпадот што граѓаните вообичаено во овој период од годината, кога ги расчистуваат градините или, пак, ги реновираат домовите, го создаваат низ Скопје. По секое реновирање на домовите, градежниот отпад најчесто се фрла на локација која не е предвидена за таква намена, а, пак, во одредени делови од градот се прават огромни купишта од суви гранки и трева, кои при гниење шират неподнослива миризба. Местата каде што се создаваат диви депонии, особено таму каде што е исфрлен стар мебел, се вистинско прибежиште за бездомните животни. Покрај грдата слика, дополнителен проблем е и тоа што при скапувањето на тревата се шири непријатна миризба, која е особено интензивна во топлите денови. Надлежните институции велат дека ваквиот проблем тешко се решава и покрај многубројните казни и опомени до граѓаните затоа што ретко кој го почитува Законот за јавна чистота. Екипите на јавното претпријатие „Комунална хигиена“, кои се задолжени за расчистување на насобраниот отпад, велат дека едноставно не можат да стигнат да исчистат толку ѓубре колку што граѓаните може да создадат. - Постојано некој од зградата нешто реновира и речиси сите го фрлаат шутот во контејнерите. Колку што ми е познато, секој може да изнајми специјален контејнер од „Комунална хигиена“ за градежен отпад, ама никој не сака да плати. Кога веќе даваат толку пари за реновирање, илјадарка или две за контејнер не е ништо и ќе нема диви депонии низ населбата - вели жител од Карпош. Во акцијата за намалување на дивите депонии, на местата каде што тие и покрај расчистувањето редовно се создаваат, дел од општините почнаа да поставуваат табли на кои стои предупредување дека на таа локација е забрането фрлање шут. Сепак, несовесните граѓани продолжуваат со практиката на непочитување на поставените знаци. Од „Комунална хигиена“ потврдуваат дека постојано им се јавуваат граѓани кои пријавуваат дека на одредена локација има создадено нова дива депонија. Тие на граѓаните што реновираат, градат или имаат стар мебел за фрлање им изнајмуваат специјален контејнер со кој подоцна се транспортира отпадот во „Дрисла“. - За изнајмување стандарден контејнер, со капацитет од еден кубен метар, се наплаќа 700 денари, а за оние со зафатнина од пет или седум кубни метри 1.500 денари. Цената важи за еднократно полнење и празнење на контејнерот, а ако комуналниот сад се изнајми за подолго време, услугата чини 3.900 денари. Ако собирањето и транспортот на шутот до „Дрисла“, пак, граѓаните сами си го организираат, депонирањето е бесплатно - објаснуваат од ЈП „Комунална хигиена“. Според Законот за јавна чистота, казна за фрлање градежен отпад на недозволена локација, доколку прекршителот е правно лице ќе го чини од 3.000 до 4.000 евра во денарска противвредност, а физичко лице, пак, ќе мора да плати од 500 до 1.000 евра за направениот прекршок. http://vreme.com.mk/DesktopDefault.aspx?tabindex=2&tabid=1&EditionID=2009&ArticleID=139759

Денес од „Комунална хигиена“ се обидов да ја добијам услугата изнајмување контејнер  за градежен шут. По 10 минутно моткање од телефон на телефон, јави се ваму, јави се таму, на 02/2621-708 добив намргоден глас на постар господин кој очигледно немал добар викенд.
Го прашав за оваа услуга, но вели -„немаме ние такви контејнери“. На прашањето зошто во медиумите имаше ваква информација, вели -„тоа беше пред неколку години. Ние имаме контејнери само за „кабаст“ материјал“. Го прашав што е тоа? Неволно ми објасни -„за чистење подруми, каучи, душеци, гајби и такви работи“. Го прашав дали можеби знае каде можам да се обратам за ваков тип контејнери? Рече, -„незнам по приватњаци, по ваша желба“.

Неможам да се изначудам!

Има ли некој информација кој во градов може да изнајми контејнер за градежен отпад од куќа и колку чини?

УШТЕ ЕДЕН ПРОЕКТ ЗА ПОЧИСТА ОКОЛИНА

Ќе се поставувааат подземни контејнери за неопасен отпад

Ова е пилот-проект што ќе го реализира Општина Центар во соработка со ЈП Комунална хигиена" и чини 26 милиони денари. Во проектот општината ќе учествува со 6 милиони денари, а Комунална хигиена и Град Скопје со по 10 милиони денари

Во центарот на градот на најмалку 30 локации ќе се постават подземни контејнери за собирање комунален и друг вид неопасен отпад, со кои ќе се заменат добар дел од постоечките контејнери. Ова е пилот-проект што ќе го реализира Општина Центар во соработка со ЈП Комунална хигиена" и чини 26 милиони денари. Во проектот општината ќе учествува со 6 милиони денари, а Комунална хигиена и Град Скопје со по 10 милиони денари. За таа цел ќе се набават подземни контејнери со зафатнина од 3 и 5 метри кубни и друга опрема, како возила, дигалки, корпи. Според изготвувачите на проектот идејата за реализирање произлегува од големиот неискористен простор на територијата на општината кој може да послужи за складирање на комунален и друг вид неопасен отпад под земја. Предноста на овој систем е тоа што претставува нова технологија што подразбира вклучување на само еден работник во споредба со четирите работници, кои во моментов работат на отстранување на отпадот. Количината на отпад што еден вработен може да ја собере за три минути е иста со количината на отпад собрана од 70 класични канти, опслужено од шест работници. Исто така, проектот предвидува контејнерите да се празнат со дигалка и тоа кога ќе бидат исполнети 100 проценти. Еден подземен контејнер заменува седумдесет канти со зафатнина од 120 литри. Сепак, предноста за поставување на подземни контејнери е што отпадот е сокриен од погледот на граѓаните, и се вкопани во земја со длабочина од 1,5 метри каде што температурата е значително пониска, што го успорува распаѓањето на отпадот и развивањето на микроорганизми. Со проектот се предвидува дури и контејнерите да се опремат со ГПС и СМС систем, преку кој ќе може да се пријави на службата на која локација се наоѓаат контејнерите, колку во моментот се исполнети и со какви суровини се исполнети, што ќе им го олесни движењето на камионите. Со реализација на овој проект се очекува поголема хигиена во центарот на градот.

http://www.vecer.com.mk/?ItemID=D522364348B5544893EF045BD9102F79

Главниот проблем околу јавната чистота во градов се кучињата скитници. Многу голем дел од граѓаните ѓубрето го фрлаат во контејнер но потоа доаѓаат 2 3 џукели и го разнесуваат ѓубрето на 100м радиус. Јас верувам дека свеста на граѓаните околу фрлањето ѓубре е на многу повисоко ниво за разлика од пред 10 15 години...

Само едн мала реплика за ставот на дадениот Бојан Соколовски ис ите кои размислуваат како него. Сиромаштијата не е во никој случај причина зошто да не треба да се одржува чиста околината и да не се фрла ѓубре наокулу како и самиот чин на спротивно однесување дане биде казнив.