ФОТОВЕСТ

Проработеа и саатите во Скопје

Пре­ку ка­ме­ри ќе ги кон­тро­ли­ра­ат де­ца­та

Дет­ско­то иг­ра­лиш­те е еко­лош­ко, со гу­ме­на под­ло­га, со вгра­де­ни ви­де­о­ка­ме­ри и ро­ди­те­ли­те од до­ма, на Ин­тер­нет, ќе мо­жат да ги гле­да­ат де­ца­та до­де­ка иг­ра­ат

Светилки до куќата на Мајка Тереза

Општина Центар постави нови видови светилки во паркот непосредно до Спомен-куќата на Мајка Тереза. Се работи за пет пара светилки кои претставуваат стилизација на љубовен пар во пет различни форми. Од неодамна, овој парк со површина од околу 1.000 квадратни метри е хортикултурно уреден, засадена е нова трева, нови елки и борови, реконструирани се постојните патеки со нови гранитни плочи кои беа оштетени поради градежните работи. Исто така, поставена е и нова урбана опрема: 12 клупи, 10 кошници за отпадоци со пепелници, нови жардиниери и стојалишта за велосипеди и целосно е заменета старата и дотраена електрична инсталација.

Предлог-проектот за поставување паркинзи за велосипеди во центарот на градот чека одобрување средства од Регионалниот еколошки центар (РЕЦ). Поради тоа не може временски да се прецизира кога ќе почне реализацијата, иако Градот вети дека во соработка со РЕЦ, ќе ги постави до крајот на септември минатата година.

- Немам автомобил и кога временските услови дозволуваат, го возам велосипедот. Но, кога треба да застанам и да го оставам, мора да го потпрам на некое дрво или на ограда. Треба да се постават метални паркинзи, бидејќи граѓаните имаат голема потреба од нив. Нив ги нема ни пред пазарите, ни пред трговските центри ни пред јавните институции - вели Драган Петковски жител од Карпош 3.

Овие паркинзи беа планирани на булеварот Партизански одреди, кај Трговскиот центар „Буњаковец“ и кај истоимениот пазар, а два паркинга на спојот на плоштадот со кејот 13 Ноември, односно вкупно 160 паркинг-места за велосипеди на четирите локации.

Предлогот до РЕЦ го поднесе Градот, заедно со Општината Карпош и со невладината организација Коалиција за одржлив развој.

- Овој проект за поставување велосипедски паркинзи се спроведува во неколку држави. Прво треба да се изработат сите проекти поединечно и да се достават до главната канцеларија на РЕЦ. Се' уште чекаме одговор од донаторот РЕЦ, кој со поддршка од Шведската агенција за меѓународен развој и соработка - СИДА, ќе треба да донира пари за реализација на овој проект - Валентина Петрушевска, проект-менаџер во РЕЦ.

И покрај многуте акции и кампањи со кои се апелира повеќе да се користат велосипедите како едно од можните решенија за транспорт без при тоа да се загадува животната средина, сепак, се' уште тешко се обезбедува инфраструктура за нив. Велосипедските паркинзи требаше да бидат вклучени во рамките на проектот за обележување на велосипедската патека на скопските улици, што градот го реализираше со британската амбасада и со Републичкиот завод за безбедност во сообраќајот.

Градоначалникот на Град Скопје Трифун Костовски, министерот за животна средина и просторно планирање (МЖСПП), Неџати Јакупи, и претседателот на здружението на граѓани „Проактива“, Владимир Карчицки, неодамна отпишаа меморандум за спроведување на Основниот план за употреба на велосипеди во Скопје.

Главна активност на овој меморандум е реконструкција и сигнализација на велосипедските патеки во Општина Аеродром, по должина на булеварите Јане Сандански и Кузман Јосифоски-Питу, кој треба да заврши до 30 мај годинава.

Во минатата година, по повод Денот без автомобили - 22 септември, беше промовирана првата стандардизирана велосипедска патека во централното градско подрачје. Овој проект е поддржан од Амбасадата на Кралството Холандија и претставува втора фаза од проектот за обележување на велосипедските патеки на скопските улици.

Дневник - 03.02.2009