Објекти од културата (општо)

Originally posted by Galileo Барав в интернет стари архивни слики от преди войната как изгледа интериорно ,па никаде не намерих.Не може да нема барем една. Наверно има некаде по архивите во Битола .

Тука си во право, по нетов нема. Ама вака ко ќе размислам ни офлајн не сум видел никогаш. Во некоја архива мора да има, ама е дури и сомнително зошто ниедна не ми е позната.

А таа жолта боја на долниот спрат брше за некој филм што се снимаше таму. Пред реставрацијата, Офицерски беше апсолутен очај, отворена шупа - кој што и како сакаше правеше. Пример се сеќавам на АКТО за некој перформанс имаа заковано шајки директно во паркетот во главната сала.

Edited by hcitrS - 08-Nov-2021 at 23:29

Originally posted by stef4o САРАЈОТ НА НИЈАЗИ БЕГ ВО РЕСЕН СТАР ЕДЕН ВЕК, ПО 39 ГОДИНИ ДОБИ ДРЖАВНИ ПАРИ ЗА ЦЕЛОСНА САНАЦИЈА На хорор филм наликува поткровјето на Сарајот на Нијази бег, нарекуван и ресенскиот Версај, еден од највелелепните објекти на Балканот, граден во неокласичен стил, кој на на времето му пркоси 109 години. Оштетени ќерамиди, трули штици, откриени делови од покривот, прокапени тавани и неупотребливи простории од најгорниот кат на дворецот кои нудат прекрасен поглед на Преспа. За првпат по 39 години, државата обезбеди средства за комплетно да се реновира покривот на овој импозантен архитектонски објект со раскошна естетска убавина, некогашен дом на иницијаторот на Младотурската револуција Нијази бег, а денес Дом на културата „Драги Тозија“. Делумна санација имаше во 2005 година. Сега за покривот, преку Министерството за култура се обезбедени 2,4 милиони денари (околу 40 илјади евра) со што ќе се реши горливиот проблем. Во 1982 беше обновен покривот и освежено купето. Но, низ годините почна да прокапува и последниве години е прав хорор филм во поткровјето за кое годинава, за среќа, се обезбедени средства за реконструкција. Таваните горе почнаа да се ронат, протекуваше, имаше некои напори да се заштити. Но, не можеше. Неопходна е целосна реконструкција. Во делот каде што се сликите на Кераца Висулчева нема прокапено, туку во ходникот“, ни рече директорот на Домот на културата Васко Василевски. Министерката за култура Ирена Стефоска најави дека покривот годинава ќе биде реконструиран. Една од приоритетните градби од неокласичната архитектура во земјава, Сарајот на Нијази бег, по децениски проблеми, годинава ќе биде заштитен. За санација на покривот кој протекува , Министерството за култура одвои 2.4 милиони денари. Во некогашниот дворец, денеска заштитено културно наследство, се сместени Ресенската керамичка колонија, една од 10-те под закрила на УНЕСКО, како и постојаната поставка на доајенот на современото сликарство Кераца Висулчева“, објави министерката Стефоска на нејзиниот фејсбук профил. Сарајот е објект што го одзема здивот со естетскската градба со вградени мермерни плочи на влезот и столбовите, украсни елементи на фасадата, пространа тераса, оригинален облик на покривот, видиковец на покривот, со големината, историјата, градините. Бил граден како дом на бегот, но Нијази немал среќа да живее во дворецот зашто бил убиен само една година по доградувањето на сарајот во 1912. Мегаломанскиот изглед од надвор се совпаѓа и со внатрешноста. Таа изобилува со големи ходници и многу простории со високи тавани кои во зима е тешко да се згреат. Во зградата со внатрешност на касарна има простор да се сместат еден куп културни организации, институции. По ослободувањето тука беа сместени повеќе институции, потоа се одделија. Мое лично мислење е дека тоа беше погрешен чекор. Ако останеа заедно ќе беше понаку за животот на ова место. Денес сите сме расцепкани. Домот за култура на првиот кат и поткровјето, а спомен собата на Висулчева под Завод и музеј Битола и керамичката колонија на вториот кат“, вели директорот Василевски. Домот „Драги Тозија“ се занимава со библиотечна, музичко-сценска, драмска и визуелни уметности, архитектура и дизајн. Годишно организираа по 50 културни настани, но пандемијата ги проретчи активностите. Сепак, иако нема многу настани и постетеност поради актуелната состојба објектот бара одржување, а инстутуциите имаат недостиг на кадар. Немаме ни вработени кои би го одржувале објектот. Имавме своевремено договори со Министерството дека треба да се стават камери. Но, сега на моја добра волја е што го одржувме дворот, плаќаме еден работник кој е пред пензионирање. Огромен двор е, а и киното е под наша надлежност. Неопходно е да се вработат луѓе. Не е само проблем одржувањето, туку и делот на организирање на настани. Имаме четворица вработени, јас како раководител, еден во библиотеката, еден сметководител-книговодител и едно техничко лице“, вели Василевски. Во иднина ходниците, а и просториите на Сарајот би можеле да се оплеменат со многу експонати и други материјали кои ја раскажуваат историјата и сегашноста на Преспа. Засега има моноксил, керамички производи и уште неколку други експонати. Во посебен дел се сместени вредните ликовни дела на Кераца Висулчева, по потекло од Костурско, која иако дел од животот го поминала во Бугарија, јасно укажувала дека е Македонка. Последните години од животот емигрирала во Македонија и на државата ѝ ги оставила сите ликовни творби. Во Сарајот се изложени 38 нејзини дела, меѓу кои и нејзиниот портрет на претседателот Киро Глигоров. Во Сарајот за жал, нема спомен-соба за Нијази-бег, иако тоа низ минатото често провејувало како идеја. Познато е дека бил роден ресенчанец, па го носел прекарот Ресенли, со неговото одметнување во планина во 1908 започнала Младотурската револуција. Упатил прокламација до христијанското население за заедничка борба против султанот. Ресенчани раскажуваат дека благодарение на него го имаат не само Сарајот, туку и чаршијата. https://sdk.mk/index.php/magazin/sarajot-na-nijazi-beg-vo-resen-star-eden-vek-po-39-godini-dobi-drzhavni-pari-za-tselosna-sanatsija/

НОВИОТ ПОКРИВ E ЛЕК ЗА САРАЈОТ НА НИЈАЗИ-БЕГ ВО РЕСЕН



Се реставрира покривот од Сарајот на Нијази-бег, кој во јавноста е познат и како ресенски Версај. До пред некоја недела, покровјето од дворецот наликуваше на место за снимање на хорор филм со оштетени ќерамиди, трули штици, откорнати делови, прокапени тавани и неупотребливи простории од најгорниот кат. Со реставрацијата и конзервацијата, проект на Завод и музеј Битола финансиски поддржан од Министерството за култура, предвидено е објектот кој денес е Дом на културата „Драги Тозија“ да добие целосно нов покрив.

„Според предвиденото, реализацијата на овој проект треба да се одвива во две фази, односно дел од активностите ќе бидат реализирани до крајот на годинава додека временските услови тоа го дозволуваат, а втората фаза, до заокружување на предвидените активности, би требало да се реализира во текот на следната 2022. Согласно годишната програма на Министерството за култура за изготвувањето на проектот и реализација на првата фаза годинава беа доделени околу 2,4 милиони денари (околу 40 илјади евра)“, рече Мери Стојанова, директор на Завод и музеј Битола.

Со овој проект освен конзерваторски и реставраторски зафати на покривата конструкција, предвидени се и делумни интервенции во горните, подкровни простории на објектот. Порано невладини организации одржувале свои активности во овие простории, но со руинирањето на покривот тој дел стана неупотреблив. Низ откриените делови влегуваа гулаби и други птици, а од врнежите прокапи таванот на подолниот кат.

„Со рестраврацијата се прави голем чекор за поголема заштита за целиот објект“, рече директорот на Домот на култура Васко Василевски.

Градоначаникот на Ресен во заминување Живко Гошаревски, неодамна соопшти дека со ова трајно се решава еден долгогодишен проблем кој е од големо значење во целокуоната заштита на нашето културно богатство. Во исто време поднесена е апликација за добивање на средства за целосна внатрешна реконструкција.

Сарајот е еден од највелелепните објекти на Балканот, граден во неокласичен стил, кој на времето му пркоси 109 години. За првпат по 39 години, државата обезбеди средства за комплетно да се реновира покривот на овој импозантен архитектонски објект со раскошна естетска убавина, некогашен дом на иницијаторот на Младотурската револуција Нијази бег, а денес Дом на културата.

Делумна санација имаше во 2005, а во 1982 беше обновен покривот и освежено купето. Во некогашниот дворец, денеска заштитено културно наследство, се сместени Ресенската керамичка колонија, една од 10-те под закрила на УНЕСКО, како и постојаната поставка на доајенот на современото сликарство Кераца Висулчева.

https://sdk.mk/index.php/kultura/noviot-pokriv-e-lek-za-sarajot-na-nijazi-beg-vo-resen/

Пред реновирањето внатрешноста беше жолта и празна исто како што е сега.

Originally posted by stef4o СЕ ОТВОРИ РЕНОВИРАНИОТ ОФИЦЕРСКИ ДОМ ВО БИТОЛА

Само да прашам ,на офицерския дом вакви бели ли са стените в оригинал и така ли ке останат ,или има некаква декорация и орнаментика коя ке се праи допълнително?

Офицерскиот дом во Битола, од Твитер:







Edited by Џоле - 23-Oct-2021 at 10:35

Originally posted by stef4o (ВИДЕО+ФОТО) Руините во НУБ: Се бараат донации за спас на симболот на македонскиот идентитет https://360stepeni.mk/video-foto-ruinite-vo-nub-se-baraat-donatsii-za-spas-na-simbolot-na-makedonskiot-identitet/

почнале да ја потсредуваат Универзитетска библиотека, новата директорка е на позиција три месеци и веќе има видливи промени. Видов и дека на нивната фб страница побараа предлози од своите читатели за новитети што би се примениле и вовеле во работењето.

Реновирана една од читалните:

На местото на некогашниот руиниран Офицерски дом, денес во Битола беа отворен и вратите на реставрираниот објект со културно-историско значење, кој го врати својот архитектонски сјај и екстравагантна внатрешност. Заврши реставрацијата на Домот, а увид изврши и вицепремиерот за економски прашања Фатмир Битиќи, чиј кабинет исто така беше вклучен во спроведувањето на проектот.

https://sdk.mk/index.php/dopisna-mrezha/se-otvori-renoviraniot-ofitserski-dom-vo-bitola/

(ВИДЕО+ФОТО) Руините во НУБ: Се бараат донации за спас на симболот на македонскиот идентитет









https://360stepeni.mk/video-foto-ruinite-vo-nub-se-baraat-donatsii-za-spas-na-simbolot-na-makedonskiot-identitet/

Струга одамна е отидена по ѓаволите, а богами и Охрид е на пат да ја стигне.

Албанскиот театар отворен, се чекаат резултатите од истрагите за долгата реконструкција

Албанскиот народен театар во Скопје во саботата вечерта ги отвори вратите за јавноста во реновираната зграда, по реновирањата кои траеја седум години, и беа проследени со дебати, обвинувања и сомнежи во врска со тендерските постапки и трошењето на средствата за кои имаше истраги од релевантни институции. Директорот на албанскиот театар, Адем Карага, им се заблагодари на сите што помогнаа во реконструкцијата на објектот, вклучително и на оние кои критикуваа затоа што, како што рече, тие служеле како мотивација за подобрување.

Голема благодарност до институциите кои помогнаа во реализацијата на оваа иницијатива што сега е реалност. Им благодарам и на медиумите што ја следеа работата на нашата куќа, исто така им благодарам и за критиките што беа мотивација за подобрување -изјави Адем Карага, директор на „Албански театар“ – Скопје.

Реконструкцијата на албанскиот театар започна на 12 јануари 2014 година. Додека траеше реконструкцијата, театарската група играше во други објекти. Првично, реконструкцијата на објектот беше најавено дека ќе заврши есента 2015 година. Првата компанија што беше избрана за објектот „Ламоне Мореда“ банкротираше. Продолжи Шенција, компанија чија сопственост во Италија не може да се утврди. Роковите за реконструкција постојано се пролонгираа. Во меѓувреме, се отвори и истрага. Специјалното јавно обвинителство, отвори предистражна постапка, а паралелно истрагата отвори и Обвинителството. Беше извршена ревизија и од поранешната членка на корупција Слаѓана Таева, која потврди дека несоодветни лица ги воделе тендерските постапки за санација на објектот. Покрај тоа, истрага отвори и финансиската полиција но засега нема официјални информации до каде е постапката.

https://alsat.mk/mk/albanskiot-teatar-otvoren-se-chekaat-rezultatite-od-istragite-za-dolgata-rekonstruktsija/