Бул. Љубљанска (+ Мост од Карпош 4 кон Злокуќани)

Originally posted by fichot Се гледа крајот на мостов. Се работи ли на пристапната кон Скупи?

Не сум забележал при моите прошетки, но никогаш и не сум отишол на другата страна.

Што е со оние столбови внатре во реката, времени ли се? Пошто ги нема на оригиналниот дизајн а и колку гледам не одат до до самиот мост?

Распонот е толку мал (помал од 40 ако не и од 30 метри) што не знам дали стварно има некаква конструктивна улога.

Модернистички елементи кои блефираат конструктивна функционалност не можат да се споредуваат со барокна, чисто декоративна орнаментика од 18ти век.

Иначе ПВЦ го користам како синоним за мизерија во изведба, бидејќи и судници и цркви имаат пвц врати, демек се ефтини и лесни за одржување и слично.Ѓубре кое од старт изгледа прегрдо а и престанува да функционира во првиот месец откако е поставено, дали било излог, врата, полица, шалтер..

Originally posted by hcitrS ....Зарем треба од ПВЦ и мостот да биде, све унифицирано, исто и најефтино?

Да, аха! не викам минимализам по секоја цена, ама доволни се конструктивните елементи. Нема да го китиме сега као да е 18ти век. Е од кај сега измеша ПВЦ со нормален сообраќаен мост.

Знали дека очигледно тие сајлите немаат никаква конструктивна улога, туку само декоративна?! И зашто такви работи во 2023?

ОБЈЕКТ – ИЗГРАДБА НА МОСТ НА Р. ВАРДАР НА УЛ. ЉУБЉАНСКА

Проектот претставува дел од ново булеварско решение на ул. Љубљанска. Градежните работи активно се отпочнати со работа во текот на 2022 година. Мостот е од таканаречен тип “extradosed bridge” што претставува комбинација од мост со кутијасти носачи со надворешна кабловска конструкција. Како таков, овој мост ќе биде прв од ваков вид во Македонија и ќе биде најпретставителен објект долж новопланираниот булевар Љубљанска со кој ќе се спојуваат населбата Карпош со населбите Бардовци и Злокуќани.

https://www.granit.com.mk

Сликите се од пред едно 4 дена






free picture texting from computer

Мостот што ќе ги поврзе Карпош и Злокуќани ќе биде готов до крајот на годинава



Новиот мост што се гради на реката Вардар на улицата Љубљанска во Општина Карпош ќе биде готов до крајот на годинава. Станува збор за мост што ќе ги поврзе населбите Карпош 4 и Злокуќани, а ќе биде со широчина од 24 метри со четири коловозни ленти, со пешачки и велосипедски патеки од двете страни. Ова го најави вицепремиерот задолжен за економски прашања, координација на економските ресори и инвестиции, Фатмир Битиќи при увидот во градежните работи што го изврши денеска, заедно со генералниот директор на ТАВ Неџат Курт.

За изградбата на новиот мост се одвоени над 6,2 милиони евра и ќе поврзе два дела од градот, поточно фреквентните улици „Илинденска“ и „Скупи“. Овој мост ќе биде нова патна врска помеѓу општините Карпош, Ѓорче Петров, Чаир, Бутел и Шуто Оризари, информираат од владината прес-служба.

„Задоволен сум од динамиката со која се врши изградбата бидејќи долната конструкција на мостот е завршена и моментално се работи на горниот дел. Веќе е завршено и бетонирањето на главните носачи, попречните носачи и плочата помеѓу крајниот столб и средниот столб и во наредниот период ќе се поставуваат скелиња за поставување на плоча помеѓу столбовите“, изјави Битиќи.

Вицепремиерот Битиќи изрази задоволство за динамиката на започнатите проекти од ТАВ програмата.

„Имаме над 76% реализација на започнатите проекти од ТАВ програмата, и реализацијата на овие значајни проекти се одвива успешно според предвидената динамика. Од вкупно 82 започнати проекти во вредност од 49,7 милиони евра, до денес се завршени 60 инфраструктурни проекти во разни општини низ државата, а тековно се работи на 22 други. За останатите 10 проекти овие денови ќе почне реализацијата“, изјави Битиќи.

Генералниот директор на ТАВ, Неџат Курт во неговата изјава рече дека мостот ќе биде голема придобивка за локалните заедници и дека ТАВ како аеродромски оператор, покрај аеродромското работење како главна дејност, со задоволство придонесува за развојот на локалната инфраструктура во Северна Македонија.

„Како еден од 90-те специјални проекти чија вкупна вредност е 49,7 милиони евра, мостот „Љубљанска” е од огромно значење бидејќи ќе поврзе два динамични дела на град Скопје и во исто време ќе додаде вредност и придобивка за локалните заедници и особено за граѓаните на град Скопје“, рече Курт и додаде дека тука нема да биде крајот на соработката со Владата на Северна Македонија во делот на подобрување на инфраструктурата.

Инаку, преку ТАВ програмата, Владата и ТАВ градат водоводи, канализации, спортски сали, патишта и улици, градинки, домови за стари лица, младински центри, поточно инфраструктурни проекти кои се значајни за нашите сограѓани.

https://meta.mk/mostot-shto-kje-gi-povrze-karposh-i-zlokukjani-kje-bide-gotov-do-krajot-na-godinava/