АДИССДП - Комерцијални згради

Објектот-депонија на Јужен булевар ќе се урне и на негово место ќе се изгради нова зграда

Напуштениот објект на Јужен булевар во сопственост на поранешен ПУИГ, кој до неодамна беше преполн со ѓубре наскоро, како што беше најавено, ќе се урне и ќе стане градилиште каде за три години треба да изникне нов станбен објект.

Руинираниот напуштен објект лоциран на Јужен булевар веднаш по вкрстувањето со булеварот Кочо Рацин, во непосредна близина на основното училиште „Димитар Миладинов“, кој до неодамна беше преполн со ѓубре, шут и остатоци од мебел, конечно е заграден со метална ограда за да се спречи во него да влегуваат бездомници и да се пали ѓубрето.

Од Општина Центар деновиве информираа дека вршат засилени контроли по градилиштата за справување со аерозагадувањето и на објектите кои ја загадуваат животната средина и, меѓу другото, накусо објаснија што се случува моментално со напуштената зграда, која е во сопственост на АД за изградба и стопанисување со станбен и со деловен простор од значење за Републиката, односно поранешен ПУИГ .

Надзор е спроведен на локацијата на Јужен булевар во напуштен објект кој претставуваше црна точка каде што имаше пријави од граѓани за палење на отпад. Со наредба од надлежен инспектор објектот е заграден со метална ограда и спречено е понатамошно палење и загадување на воздухот – соопштија од Центар.

Слободен печат“ неколкупати пишуваше за руинираната и преполна со ѓубре зграда во изминатата година по реакции на скопјани кои живеат во околината или секојдневно поминуваат во близина. Граѓаните постојано укажуваа дека објектот е претворен во депонија, дека е извор на зарази и дека во него се засолнуваат бездомници кои палат ѓубре и дека може да се случи поголема катастрофа. Тие бараа просторот итно да се исчисти, потсетувајќи дека во близина се наоѓа основно училиште што значи дека тука поминуваат ученици и дека местото за нив е небезбедно и опасно по здравјето. Граѓаните кои се јавија во нашата редакција дури искажаа сомневање дека наместо да се чисти, местото се остава како депонија сѐ додека не дојде објектот до фаза за уривање за да не се прави дополнителен трошок.

Општинската инспекција уште минатата пролет со решение го задолжи сопственикот да го исчисти имотот од отпад и соодветно да го заштити за да спречи загадување на животната средина. Од Општина Центар тогаш се заканија дека доколку сопственикот не постапи според решението, тогаш ЈП „Комунална хигиена“ ќе биде задолжена да го исчисти отпадот, но трошокот ќе падне на сметка на сопственикот.

Од АДИССДП тврдеа дека во изминатиот период неколкупати се обиделе да го исчистат објектот, кој како што најавија треба да се урне и на негово место да се изгради нов, со што ќе биде отстранет хаосот што долг период владее на овој простор. Оттаму се пожалија дека во него влегуваат бездомници, но дека немаат надлежност, ниту сопствено обезбедување за да го решат проблемот со бездомниците коишто се вселени самоиницијативно, затоа што објектот е отворен.

Во изминатиот период службите на АДИССДП, во соработка со ЈП „Комунална хигиена“ и со поддршка на Општина Центар, реализираа неколку акции на чистење на просторот околу објектот лоциран на Јужен булевар, како и во дел од неговата внатрешност. Беше собрано големо количество смет, кој понатаму стручните служби го дистрибуираа на соодветни локации. Во оваа пригода напоменуваме дека во објектот се вселени бездомни лица, меѓу кои и одредени несовесни поединци, кои по секоја акција исчистениот простор го затрупуваат со нови отпадоци, поради што на интервенција на нашето Друштво во неколку наврати беа повикани надлежни институции – објаснија од Друштвото есенва.

Тие посочија дека имаат разбирање за забелешките на граѓаните што живеат во непосредна близина на овој објект и најавија дека е во завршна фаза јавната набавка за избор на изведувач за изградба на станбена зграда на овој простор.

Веднаш по изборот, избраниот изведувач ќе пристапи кон расчистување и оградување на парцелата, што во случајов подразбира и уривање на руинираниот објект – информираа од АДИССДП.

Сега, просторот е ограден, а поставена е и табла според која се гледа дека таму ќе се гради станбена зграда. Се очекува градежните активности да започнат наскоро затоа што краен рок на изведба е јануари 2027 година, а градежната дозвола е издадена во март 2023 година. Инвеститор на објектот е сопственикот, АД за изградба и стопанисување со станбен и со деловен простор од значење за Републиката, кој ќе го врши и надзорот, а изведувач е фирмата „Ак инвест“.

https://www.slobodenpecat.mk/objektot-deponija-na-juzhen-bulevar-kje-se-urne-i-na-negovo-mesto-kje-se-izgradi-nova-zgrada/

Затворен и ограден напуштениот објект на „Јужен булевар“



Надзор е извршен на градилиштата во Буњаковец, Центар, Кале и Пролет, а напуштениот објект на Јужен булевар во кој се палеше отпад е ограден и затворен – соопштија од локалната самоуправа.

Тие ги повикуваат граѓаните да ги пријавуваат ваквите несовесни активности и апелираат и до сите надлежни координирано да се работи на намалување на загадувањето за да има резултати.

https://www.vecer.press/%D0%B7%D0%B0%D1%82%D0%B2%D0%BE%D1%80%D0%B5%D0%BD-%D0%B8-%D0%BE%D0%B3%D1%80%D0%B0%D0%B4%D0%B5%D0%BD-%D0%BD%D0%B0%D0%BF%D1%83%D1%88%D1%82%D0%B5%D0%BD%D0%B8%D0%BE%D1%82-%D0%BE%D0%B1%D1%98%D0%B5%D0%BA/

Од Facebook
https://www.facebook.com/share/p/K26hzAchbDrY5V5L/?mibextid=K8Wfd2

Почитувани,
Акционерското друштво за изградба и стопанисување со станбен простор и со деловен простор од значење за Републиката – Скопје, објави Оглас за продажба на комерцијален станбен простор и гаражи (ВО ГРАДБА), по пат на усно позитивно јавно наддавање, со почетна цена од 1,450 евра/м2, во објект ГП 4.17 ДУП Градска Четврт И 04 Даре Џамбаз, Јужен Булевар, стара Воена Пекара, во општина Центар, Скопје, во траење од 02.01 2024 до 18.01 2024 година.
Повеќе информации на линковите подолу:
https://adsdp.com.mk/2024/01/02/%d0%be%d0%b3%d0%bb%d0%b0%d1%81-%d0%b1%d1%80-1-2024-%d1%81%d0%ba-%d0%b7%d0%b0-%d0%bf%d1%80%d0%be%d0%b4%d0%b0%d0%b6%d0%b1%d0%b0-%d0%bd%d0%b0-%d1%81%d1%82%d0%b0%d0%bdo%d0%b2%d0%b8-%d1%81%d0%be-%d0%b3/?fbclid=IwAR0DfGn_jf6yaCI2Wo2UxpE4BtK3vp4NHUUyGxIPIjW5ZrZYPRnXuoym974

https://maps.app.goo.gl/i1hwXuqj7Vxf2Qvg7

https://drive.google.com/file/d/19prwh7yWanq0TFyE3p5ynfLA6NsyWeC1/view?fbclid=IwAR2tMe5G-6c73x-OlWRJIeemmvsnllC23klk7VpZZUbXc4r7ugDFpAYX-Us

Originally posted by stef4o Денес Веќе се работи на демонтажа на лимот од кровот а поставена е и инфо табла.Рушењето ќе остане за догодина.

https://www.facebook.com/adsdp.makedonija

Супер репрезентативна архитектура

Па веројатно не си видел такви функционални примери во други градови. Луѓето во градов треба нешто и да прават сем да седат дома нели?

Штета што ваков објект не се реставрира и не се претвори во некоја друга намена, т.е место за дружба, креатива итн итн.

Нова државна зграда во строг Центар



Двете изградени дваесеткатници на Лимак, во центарот на Скопје, се полнат со новите станари. Уште две од вкупно четирите предвидени згради се градат на потегот од „Нова Македонија“ до катната гаража „Кирил и Методиј“. Високите градби со повеќе од 770 станови ќе бидат дом на илјадници нови жители.

А во нивна близина ќе никне уште една зграда на државно земјиште. Инвеститор е државна фирма, Акционерското друштво за изградба и стопанисување со станбен и деловен простор АДСДП. Тоа ќе значи и уште нови жители во срцето на главниот град, каде што до пред само една деценија имаше привремени бараки, во кои имаше институции, фирми и по некое семејство. Тогаш таму живееја или транзитираа стотици луѓе.

Сега сликата е сосема поинаква. Во објектите обиколени со улиците – Кирил и Методиј, Јужен булевар, Јордан Мијалков и Мајка Тереза, не само што живеат илјадници луѓе и уште толку ќе се населат, туку секојдневно доаѓаат голем број посетители на деловните објекти.

На овој простор, во последниве 15-тина години се изградија банка, два трговски центри, од кои едниот отворен пред два месеца, луксузен хотел, два хипермаркети…

Сета таа река луѓе сега се слева низ две еднонасочни улици – Кирил и Методиј и Јордан Мијалков. Долгите колони возила во сообраќајните шпицови покажуваат дека тие се тесно грло во градот. Но, така ќе остане уште долго време. Затоа што новоизградениот подземен булевар под зградите на Лимак не е никако поврзан со останатата инфраструктура. Не е ниту почната изградбата на трите кружни текови што треба да овозможат тој да профункционира. Нема најава, нема распишано тендер за изградба на клучките.

А булеварот што треба да ги реши сообраќајните проблеми стои нацртан во Генералниот урбанистички план повеќе од 30 години. Наместо тој инфраструктурен проект, кој во плановите поминал разни фази од надземен до подземен, никнуваат згради, чии жители постојните улици не може да ги апсорбираат.



Но, сообраќајниот хаос што веќе владее таму и решението што останува само на хартија, не е пречка за државното акционерско друштво да ја гради новата зграда. Спроти последната кула на Лимак, која уште е во градба, на Јужен булевар, до скопското основно училиште „Димитар Миладинов“, старите руинирани жолти магацини ќе ги снема. Ќе никне седумкатница.

Проектот бил планирал одамна и за него општина Центар веќе има издадено градежна дозвола. Тие нема да бидат социјални станови, какви што најчесто гради државното акционерско друштво. Објектот ќе биде комерцијален. На 14 ноември, државното претпријатие склучило договор вреден осум милиони евра, со конзорциум предводен од градежната фирма „Ак Инвест“, заедно со „Еуровиа“ и „Рапид Билд“.

Зградата, според проектот, ќе биде долга околу сто метри. Објект со толкава должина на седум ката, според познавачите, би имал од 100 до 120 станови. Според проектната документација, половина од становите се планира да бидат од 40 до 60 квадратни метри, 40 отсто 65 квадратни метри, а најмалку десет отсто еднособни. Ако се остане на тоа што е предвидено, 40 отсто од објектот би требало да бидат продавници и други деловни објекти.

„Ак Инвест“ и компаниите што го добија тендерот имаат рок од три години за изградба на објектот. Тоа значи дека по три години тука ќе се вселат уште околу 300 нови жители, кои ќе донесат уште стотина возила на истиот потег.

На прашањето зошто се гради зграда таму кога сообраќајно решение нема, од државното акционерско друштво се држат до нивната годишна програма и велат дека „локација не е ниту поврзана , ниту пак детерминирана од изведувањето на другите, соседни објекти со нашиот“.

Инаку маркичката за зградата е ставена одамна, во време кога на просторот околу Старата железничка станица не беа изградени висококатниците на Лимак. Така, во еден од најзагадените градови во светот, во неговиот најгусто изграден дел, државна фирма стана инвеститор на уште една зграда.

Од идеја до реализација



Додека светот живее во пандемија, во АДСДП ги поставуваат основите на седумкатницата во центарот на Скопје. Од огласот за идејно решение објавен на крајот на 2020 година, па сè до потпишувањето договор за градба, минуваат три години.

Процесот се одолжува бидејќи првиот тендер за изведувач пропаѓа. Има тројца понудувачи, а победува исто како и сега, „АК Инвест“, но во конзорциум со три други фирми. Останатите двајца понудувачи се жалат на нерегуларности, Комисијата ги отфрла нивните жалби, но, сепак, наместо склучување договор за градба, од АДСДП се повлекуваат од проектот поради „непредвидени промени во буџетот“.

Годинава распишуваат нов тендер, со безмалку исти услови. Сега работите течат побргу. Се јавува само еден понудувач и ја добива работата. „Ак Инвест“, во конзорциум со „Рапид Билд“ и „Еуровиа“, склучува договор за изградба на зградата за 8 милиони евра.

Кои се фирмите зад тендерот?

Ак Инвест“, заедно со „Еуровиа“ се градежни ѕвезди во подем, барем кога се работи за добивањето државни тендери. И двете можат да се поврзат со бизнис-елитата што орбитира околу владејачката ДУИ.

Сопственик на „Ак Инвест“ е Азби Ибрахими, чиј син Фитим беше основач на фирма за електрична енергија, заедно со синот на поранешниот функционер Муса Џафери. Подоцна Ибрахими помладиот се повлече од фирмата. „Ак Инвест“ беше сопственик и на зграда во Тетово, која подоцна стана партиски имот на ДУИ.

Формирана во 2006 година, првиот милионски државен тендер, компанијата го добива во 2011 година од Министерството за здравство, кога на негово чело е Бујар Османи од ДУИ. Истата година добива уште еден голем тендер за изградба на комплексот Македонско село по што продолжува освојувањето државни тендери. Договорот за изградба на седумкатницата во Центар е меѓу двата најголеми државни тендери што ги има добиено „АК Инвест“.

Дека оваа година беше добра за компанијата, кога се работи за проектите платени од државата, говори и тоа што „Ак Инвест“, заедно со „Еуровиа“ и „Стентон Градба“, почнаа да работат како подизведувачи на автопатиштата што ги гради „Бехтел и Енка“, за 1,3 милјарда евра.

„Еуровиа“, пак, е формирана во 2010 година. Првите државни тендери ги добива во 2017 година за реновирање училишта од Министерството за образование и наука. Тогаш министер е Пиштар Љутвиу од ДУИ, кој во 2016 година, оваа фотелја ја наследува од својот сопартиец Абдулаќим Адеми, чиј внук е Ељмедин Адеми, сопственикот на „Еуровиа“.

Компанијата веќе следната година добива тендер од над 2 милиони евра за изградба на канализација во Гостивар. Профитот од година во година им расте, а 2023 година им е рекордна кога се работи за добивањето државни тендери.

Сопственикот на „Еуровиа“ и самата фирма се едни од најголемите донатори на ДУИ во 2022 година поради што Антикорупциската комисија летово отвори и предмет, бидејќи, според законот за финансирање политички партии, тие не можат да се финансираат од „приватни претпријатија, кои во моментот на давање прилог за политичката партија вршат јавни услуги за државни органи или за јавни установи, претпријатија и фондови по пат на договор“.

Кумановската „Рапид Билд“ на Тони Каранфиловски, пак, третата компанија од конзорциумот, е најпозната по изградбата на гасоводот по сртот на Водно, преку кој гасот ќе се носи до Гостивар и Тетово, за 30-тина милиони евра. Изградбата на зградата во центарот на Скопје не е нивна прва соработка со „Ак Инвест“. Од 2018 година, тие, на заедничка потсметка, добиваат средства од Министерството за земјоделие, за изградба на капацитети за водоснабдување, но и субвеници од Агенцијата за финансиска поддршка на земјоделството и руралниот развој.

Сега трите фирми заедно ќе градат зграда во строгиот центар на Скопје, на државно земјиште.

https://prizma.mk/nova-drzhavna-zgrada-vo-strog-tsentar/

Штом на тендерот добива најниско понудената цена, не верувам дека ќе добиеме проект со изглед и фасада како оние што се вртат во нишкава.

Eve kako treba da izgleda. Google mi ja naogja nekade tuka na build.mk, ama na klikot posle ne vodi do nikakov post so taa slika: