Новогодишно украсување

Originally posted by <Fresno> Добар „аргумент“ плус за некое владино соопштение

Не, туку wakeup call за сите што уште веруваат дека сме имале „потенцијал“. Мала држава со сѐ помалку население, без излез на море, со тотално некадарна и функционално неписмена работна сила, опкружена со соседи без никаква куповна моќ — ништо не сме поразлични од Молдавија и Косово. Ниту ВМРО ниту СДССМ ќе ја оправи, а дефинитивно не ДУИ.

Оти соседи ни се Албанија и Косово, а не Германија и Финска.

Улиците ќе останат без украси и светилки, ќе заблеска ли елката на плоштад?

Речиси сите скопски општини нема да издвојат дополнителни средства за новогодишно украсување, а причината, како што наведуваат тие, е економската и енергетската криза, како и препораките да се штеди. Градските власти, пак, сè уште молчат околу ова прашање иако ноември речиси заврши. На прашањата дали и на кој начин Град Скопје ќе го украсува Градот и дали, како и вообичаено, ќе се организира традиционалниот настан „Винтерленд“, како и новогодишната програма, оттаму одговорија дека ќе има посебна тематска прес-конференција на која ќе бидат најавени сите активности поврзани за новогодишната прослава, со цел информирање на граѓаните

Скопјани нема да имаат можност да ја почувствуваат предновогодишната еуфорија, бидејќи овој пат ќе изостане украсувањето на општинските улици, и не се одвоени средства за таа цел од општинските буџети. Единствено што ќе ги обележи претстојните празници се предновогодишните пакетчиња, но и хуманитарните акции со пакети храна за социјално загрозените семејства.

Тоа се информациите од речиси сите скопски општини, а причината, како што наведуваат тие, е економската и енергетската криза, а и препораките на Владата да се штеди. Поради тоа, тие решија да не трошат средства за оваа намена.

Градските власти, пак, сè уште молчат околу ова прашање иако ноември речиси помина. На прашањата дали и на кој начин Град Скопје ќе го украсува градот и дали, како и вообичаено, ќе се организира традиционалниот настан „Винтерленд“, како и новогодишната програма, оттаму одговорија дека ќе има посебна тематска прес-конференција на која ќе бидат најавени сите активности поврзани за новогодишната прослава, со цел информирање на граѓаните.

Високите цени на електричната енергија и препораките на Владата за заштеда на струја се причина Општина Центар оваа година да не предвиди средства за новогодишно украсување и за новогодишна програма.

Со новогодишни светилки и украси нема да блесне ниту Општина Аеродром, но, како што велат оттаму, ќе се обидат да го кренат предновогодишното расположение кај жителите.

– Поради енергетската криза со која се соочува државата, Општина Аеродром оваа година нема да има новогодишно украсување. Изминатите месеци воведовме низа мерки со кои, како Општина, значително ја намаливме потрошувачката на електрична енергија, а во таа насока ќе продолжиме и во месеците што следуваат. Но, сепак, се потрудивме да внесеме предновогодишно расположение кај аеродромци и за таа цел, во декември ќе организираме три фестивали – „Дромфест“, „Винодром“ и „Базарфест“, на кои жителите ќе може да се дружат и претпразнично да се забавуваат во пријатна атмосфера – информираа од оваа локална самоуправа.

И во Карпош не се планира ништо да се украсува.

– Предвидена е традиционалната хуманитарна акција за помош со прехранбени производи и средства за хигиена за социјално загрозените семејства. Сè ќе биде сведено на минимум – е одговорот од Општината.

Во насока на мерките за штедење финансии и електрична енергија, годинава и Општина Ѓорче Петров нема да ги украсува јавните површини.

Но, затоа, како што најави градоначалникот Александар Стојкоски, имаат во план да организираат базар со учениците викендот пред Нова година и со сопствени сили да ги анимираат граѓаните.

Општината Гази Баба, исто така, нема да биде новогодишно украсена, поради економската и енергетската криза.

– Ќе се доделуваат новогодишни пакетчиња на деца од социјално загрозените семејства. Ќе има голема хуманитарна акција со пакети со храна за семејствата од социјален ризик – заклучија од Општина Гази Баба.

Општина Чаир, пак, годинава ќе ги пренамени средствата предвидени за украсување на јавните места по повод новогодишните празници за плаќање енергенси за греење во основните училишта и во градинките на нејзина територија.

https://www.vecer.press/улиците-ќе-останат-без-украси-и-светил/

Originally posted by Џоле Не е Струга, Улцињ е. https://telma.com.mk/2021/12/18/%D0%BD%D0%B0%D0%BC%D0%B5%D1%81%D1%82%D0%B8-2022-%D0%B2%D0%BE-%D1%83%D0%BB%D1%86%D0%B8%D1%9A-%D1%9C%D0%B5-%D1%81%D0%B5-%D1%81%D0%BB%D0%B0%D0%B2%D0%B8-2202-%D0%B3%D0%BE%D0%B4%D0%B8%D0%BD%D0%B0/ И внимателно со фотки од твитер, често се заебанции и лажни вести.

Мојот коментар и за таму важи

Тоа е бидејќи во Струга моментално е 1437 година после Хиџра. Никој не знае после Христа.

Originally posted by ehrlich Навистина не ја разбирам фамава со новогодишново осветлување во време кога од 1 јануари не очекува пораст на цените на електричната енергија. Патем, новинариве олку да се заинтересирани макар еднаш да напнуваат за битни теми како отпад, квалитет на воздух, инфраструктура.

Одвлекување внимание, ништо друго.

Бавно оди китењето на Скопје







Бавно оди китењето на центарот на Скопје, за разлика од претходните години, кога експресно беа поставувани украсите.

Иако градоначалничката на град Скопје, Данела Арсовска најави дека фирмата која во изминативе 10 години го добиваше тендерот за украсување на градот „Линк Медиа Плус“ треба да почне да украсува од 10 декември, тоа започна дури вчера.

Оваа година на нејзиното барање фирмата треба бесплатно да го заврши украсувањето, откако спогодбено беше раскинат договорот со неа, кој беше склучен од нејзиниот претходник Петре Шилегов. Како што рече Арсовска на денешниот брифинг со новинарите, во ред е сега и таа во состојба на енегретска, економска и здравствена криза да даде свој придонес за Скопје и за скопјани.

Инаку, во моментот се поставува зелената обвивка на костурот на елката кој беше наместен вчера на Градскиот плоштад. Поставен е и светлечки тунел кај фонтаната „Воин на коњ“.

https://www.vecer.press/бавно-оди-китењето-на-скопје/

Оф, мори мајко, Скопје се распаѓа, луѓево запнале за новогодишно украсување, ќе немаат каде да се сликаат за на инстаграм.

Плоштадите можеби нема да бидат во полн сјај, но сјајот ќе го донесат граѓаните

ЕНЕРГЕТСКАТА КРИЗА и организирањето на новогодишните прослави на јавни простори
Енергетската криза, за жал, успева да влијае на свечените „светлини на градот“ на плоштадите, булеварите, улиците, објектите во пресрет на еден од најубавите периоди од годината – Нова година. Новогодишното украсување во главниот град можеби нема да го достигне полниот сјај поради недостигот од електрична енергија, поради финансиската криза, како и поради пандемијата… Општините во градот Скопје донесоа одлука новогодишното украсување да го остават за подобри времиња. Освен Град Скопје, под чија надлежност се плоштадот „Македонија“ и главните сообраќајници и булевари, другите плоштади и улици ќе останат без китнестиот новогодишен декор.

ЗАПОЧНА УКРАСУВАЊЕТО НА ГРАДОТ

И покрај раскинувањето на тендерот за украсување на градот Скопје, градоначалничката Данела Арсовска сепак нема да ги остави скопјани без новогодишниот китнест декор. Плоштадот во централното градско подрачје ќе биде украсен, како и голем дел од другите сообраќајници што се под директна надлежност на градските власти. Како што истакна Арсовска, годинашното украсување на градот ќе биде со големо растоварување на градската каса, бидејќи истото тоа ќе биде направено со помош на општествено одговорни компании.
– На 10 декември започнува да се украсува градот Скопје за Нова година. На повикот на градоначалничката на Скопје, Данела Арсовска, до компаниите да покажат општествена одговорност за време на здравствено-економска и енергетска криза, се јавија компании заинтересирани да помогнат. Новогодишното украсување ќе се изврши без пари и без понатамошни финансиски импликации кон градскиот буџет – информираа градските власти.
Оттаму додадоа дека и оваа година ќе се организира „Винтерленд“.
– Во однос на целата постапка за организирање на „Винтерленд“ и буџетските средства се поминати на Советот во буџетот за изминатата 2020-2021 година. „Винтерленд“ е предвиден во програмата со буџет значително помал од 2019 година. Сега буџетот со ребалансот е намален за трипати и од првичните шест милиони е намален на два милиони денари за организација на целиот настан. На 8 декември завршува јавниот повик за одржување на овој настан, по што јавноста ќе биде информирана за сите детали поврзани со новогодишниот базар – велат од Градот.
За радост на децата на градскиот плоштад, како и секоја година така и оваа, во рамките на „Винтерленд“ ќе има ликови на Дедо Мраз со кои најмалите ќе се фотографираат и ќе добиваат новогодишни пакетчиња.
– И оваа година, како и изминатите неколку години дозволите за Дедо Мраз на скопскиот плоштад се регулирани во рамките на „Винтерленд“. Град Скопје отпочна постапка во согласност со која од следната година, базирано врз анализа, ќе се предвидат измени во постапката за доделување дозволи – велат оттаму.

ГРАЃАНИТЕ СЕПАК САКААТ ДА СЕ УКРАСУВА

И покрај големата фама што се крена во јавноста околу тоа дали треба или не треба градот да биде новогодишно украсен, сепак голем број од граѓаните, кои екипата на „Нова Македонија“ ги анкетира на оваа тема, сметаат дека иако можеби треба да биде поскромно, сепак новогодишното украсување му е потребно на Скопје. Анкетата покажа дека граѓаните сѐ уште носат во себе силен оптимизам, верба и надеж дека наредната година ќе ни донесе нови поубави моменти, на здравствен, финансиски, па и на внатрешен и надворешнополитички план.
– Да, сите сме свесни дека е голема енергетска и финансиска криза. Сите живееме во истите околност, како за сите така и за градот и општините. Но сепак, овој период од годината е еден од најрадосните за дечињата, па и за нас постарите, нивните родители, бабите и дедовците. Во ова сивило кога владее толку лоша енергија на информации, беспарица, а да не ја заборавиме ниту здравствената криза што на сите ни тропа на врата, убаво е да имаме мала можност да избегаме од реалноста и да поуживаме во новогодишното шаренило на детска безгрижност – вели Верче Трајановска.
Многумина од граѓаните исто така ја поздравуваат одлуката за давање на наменетите средства за новогодишно украсување за граѓаните од социјално ранливи категории.
– Треба да бидеме свесни дека сме сиромашна држава во која голем дел од населението едвај преживува и најновогодишно однесување од сите нас ќе биде да бидеме хумани и да им помогнеме на нашите сограѓани. Затоа и ја поздравувам одлуката да се заштеди и средства да се пренаменат за оние на кои им е најпотребно – вели Саше Стојковски.
Сепак, големо влијание има и енергетската криза, па токму затоа граѓаните велат дека не треба да се расфрламе со средствата за кои сите ние ќе плаќаме.
– Сосема е рационално и исправно да не се однесуваме со електричната енергија како да утре ќе нема. Ситуацијата е таква каква што е. Увезуваме скапа струја, а украсувањето ќе биде крајно недомаќинско однесување. И јас уживам во Нова година, но во вакви услови, најдобро е да штедиме колку што можеме – вели Благоја Милевски.

УКРАСУВАЊЕТО НА ОПШТИНИТЕ ЌЕ ЧЕКА ПОДОБРИ ВРЕМИЊА

Скопските општини оваа година нема да ги украсуваат сообраќајниците и плоштадите што се во нивна надлежност.
Многу од општините информираа дека поради енергетската криза, ќе го остават украсувањето за подобри времиња.
Жителите на Кисела Вода, наместо новогодишно украсување, со средствата наменети за тоа ќе добијат пренамена и истите тие ќе се трошат за голем број проекти, меѓу кои има и капитални проекти. Граѓаните силно ја поддржуваат и охрабруваат ваквата одлука.
– Со оглед на финансиската и енергетската криза во која се наоѓа државата, Кисела Вода, во координација со Град Скопје, донесе одлука да не троши финансиски средства од својот буџет за предновогодишно китење на јавните површини во општината. Во фаза на подготовка е новиот буџет за 2022 година, во кој во согласност со Програмата на градоначалникот Орце Ѓорѓиевски ќе бидат предвидени голем број проекти, некои од нив и капитални, па сите финансиски средства ќе бидат насочени кон нивна реализација – информираа од Општина Кисела Вода.
Оттаму додаваат дека во поглед на новогодишните празнувања, планиран е Новогодишен хуманитарен базар во паркот „Шопен“, на кој ќе се продаваат изработки од дечињата од општинските градинки.
– Средствата од продажбата се наменети за лицата со попреченост „Куќа на среќата“. За децата со посебни потреби ќе се организира и приредба, на која ќе учествуваат и учениците од ДУРМДОВ „Димитар Влахов“, а обезбедена е и донација за пакетчиња – велат оттаму.
Новогодишно нема да се украсува ниту Општина Карпош, од каде што велат дека има повеќе причини за таквата одлука. И во таа општина, градоначалникот Јакимовски има поразлични иновативни идеи во функција на карпошани.
– Новиот градоначалник Стевче Јакимовски, кој стапи на функција на четврти ноември, оцени дека нема потреба од распишување тендер од три причини. Прво, поради прекраткото време за распишување на тендерот, второ, поради најавите за енергетска криза во државата и трето, поради заштеда на средства од буџетот на Општината – велат од Општина Карпош.
И од Општина Ѓорче Петров информираа дека енергетската криза е најголемата причина за неукрасувањето на општината. Но градоначалникот вели дека никако нема да ги заборави да ги развесели најмладите ѓорчепетровци за празниците.
– Имајќи ги предвид енергетската криза што е во тек и повисоките цени за набавка на електрична енергија, како и во согласност со одлуката на Владата за прогласена кризна состојба во енергетскиот сектор, годинава нема да склучиме договор за новогодишно украсување. Со оглед на состојбата со буџетот и задолжувањата со кои се соочуваме, овие средства, кои претходно се трошеле за вакви намени, ќе останат во буџетот за поприоритетни потреби на граѓаните на Ѓорче Петров – велат оттаму.
Од Ѓорче Петров додаваат дека ќе бидат поделени пакетчиња за првоодделенците, а за социјално-ранливите групи, ученици и жители, општината обезбедила спонзори, односно општествено одговорни фирми преку кои биле обезбедени прехранбени пакети за лица со тешкотии во развојот и за социјално-загрозените жители.
– За децата со посебни потреби од спонзорства обезбедивме прехранбени и хигиенски артикли и новогодишни пакетчиња. Нема да бидат заборавени ниту семејствата на бранителите.
По повод претстојните празници, Општината ќе организира и настани на кои ќе учествуваат родителите и месното население. Во план е да се соберат финансии што ќе бидат наменети за деца на самохрани родители. Училиштата на територија на Општина Ѓорче Перов ќе бидат украсени – информираа од Ѓорче Петров.

https://www.novamakedonija.com.mk/makedonija/skopje/плоштадите-можеби-нема-да-бидат-во-пол/

СТРУМИЦА ГИ СКРАТИ ПАРИТЕ ЗА НОВОГОДИШНО УКРАСУВАЊЕ, ЌЕ СЕ КИТИ САМО ПЛОШТАДОТ

За Нова година и Божиќ во Струмица ќе биде украсен само плоштадот, а не и целиот град како досега. Ваква одлука донесоа струмичките советници прифаќајќи го предлогот на градоначалникот Костадин Костадинов да се скратат парите за ова намена за речиси 75 отсто, заради енергетската криза. Во буџетот за новогодишно украсување беа планирани 1,5 милиони денари или околу 22 илјади евра, а со новата одлука за ребаланс за таа намена ќе се потрошат максимум 400 илјади денари или неполни 7.000 евра.

Зад ваквиот предлог застанаа сите советници кои сметаат дека за празниците треба да има колку-толку позитивна атмосфера во Струмица, но од друга страна мора да има заштеди на енергијата во услови кога се заканува енергетска криза. Од таа причина беа дадени и сугестии препораки до физичките и правните лица да прават заштеди при користење на енергијата, но и да не се осветлува еко паркот изграден годинава.

„Јас како граѓанин би сакал да ја видам општината украсена, но од друга страна имаме европска енергетска криза заради која Владата има донесено и кризна состојба, затоа сметам и предлагам до Советот да биде донесена одлука да биде украсен само плоштадот“, кажа Костадинов.

Средствата што беа планирани за новогодишно украсување на Струмица, Советот ги пренасочи за проектите од Програмата за уредување на градежното земјиште.

https://sdk.mk/index.php/dopisna-mrezha/strumitsa-gi-skrati-parite-za-novogodishno-ukrasuvane-ke-se-kiti-samo-ploshtadot/