Урбана мафија и дивоградби (општо)

„Пиреј“ – дивоградбата на Пластичарска останува бауч за Општина Центар

Станува збор за нелегална градба на непознат инвеститор на булеварот „Никола Карев“, која на почетокот на месецов градежните инспектори на Општина Центар ја „маркираа“ за уривање. Оттогаш градбата не само што не е отстранета туку, напротив, расте во својот габарит и се опремува со фасадни материјали. Инаку, се работи за истата дивоградба која во 2017 година беше урната кога со Општината раководеше Андреј Жерновски. По неколкугодишно затишје, објектот повторно почнува да „никнува“ на Пластичарска
Ова беше доволен повод да испратиме прашања со Општина Центар за тоа дали се запознаени со ваквиот заплет на ситуацијата, што преземаат и воопшто да добиеме повеќе информации за случајот. Две недели подоцна единствениот одговор што го добивме, телефонски, гласеше: „Општина Центар нема одговор“
Нема земјоделец кому пирејот (во дел од говорните подрачја во земјава познат и како пир) не му задавал главоболки. Станува збор за мошне застапено повеќегодишно растение од семејството треви, автохтоно во Европа, Азија, на Арктикот и во Северна Африка. Пирејот во целиот свет се смета за инвазивно растение и е многу тешко за отстранување бидејќи ризомите (видоизменети стебла со дополнителни корења) се преплетуваат со корените на другите растенија. Дополнителна тешкотија задава тоа што секој откинат ризом потоа се развива во посебно растение.

Овој феномен изминативе години во земјава се пресели од руралните во урбаните средини добивајќи, во симболична смисла, своја неорганска форма преточена во дивоградби од бетон и челик. Разликата со органскиот, односно вистинскиот пиреј, е во интензитетот на главоболката, кој по сè изгледа е помал кај надлежните за одржување на редот во урбаното поле отколку кај земјоделците.

Карактеристичен пример е дивоградбата на булеварот „Никола Карев“, познат и како Пластичарска улица, што ја гради непознат инвеститор, која еднаш беше „откорната“, но изминатиот месец почна повторно да „никнува“.

Кога точно почнале градежните активности на оваа локација, не може да се утврди, но објектот што се гради нелегално Општина Центар го врати во радарот на јавноста.

Имено, на 7 декември годинава оттаму соопштија дека Градежниот инспекторат на Општина Центар дента затворил нелегално градилиште на булеварот „Никола Карев“, а истиот ден бил извршен вонреден инспекциски надзор во кој е констатирано дека станува збор за непознат инвеститор и се гради објект за кој нема издадено одобрение за градба од страна на Општината.

Со информацијата за утврденото на терен и преземените активности, Општината упати и апел до инвеститорите и сопствениците да си ја обезбедуваат документацијата пред да почнат да градат, а во случаи како овој да постапат според решението за отстранување на нелегалните објекти.

Општина Центар соопштението го поткрепи и со фотографии од активностите на нејзините градежни инспектори. На нив можат да се забележат жолтите ленти поставени околу градбата од инспекторите со ознака „Затворено од Градежна инспекција на Општина Центар“.

Градбата, како што можеше да се види од фотографиите, е со кренато приземје со дрвена граѓа и челична арматура за кревање кат.

Фотографија на „360 степени“ од неделата, кога инспекторите на Општина Центар излегоа го затворија градилиштето, сведочеше дека на локацијата не само што не се урива туку работата на објектот оди нагоре.

Точно една недела подоцна „360 степени“ ја посети локацијата со цел да видиме дали интервенцијата на Градежниот инспекторат дала резултат или во најмала рака дали „непознатиот инвеститор“ постапил по наредбата на надлежните. Наидовме на и не толку зачудувачка глетка.

Не само што дивоградбата сè уште стоеше нечепната туку имаше и кат, кој никнал за една недела откако градежните инспектори го пломбираа градилиштето и најавија негово уривање доколку инвеститорот не го стои тоа сам. Дополнително, на карабината беше извлечена арматура за нов кат или, во најмал случај, поставување корвна конструкција.



На градбата може да се забележат и работници, а од жолтите ленти немаше ни траг. Не може да се видат ниту меѓу градежниот шут.

Ова беше доволен повод да испратиме прашања со Општина Центар за тоа дали се запознаени со ваквиот заплет на ситуацијата и воопшто да добиеме повеќе информации за случајот.

Прашањата што ги испративме до Општината беа следни:

Дали Општина Центар и надлежните служби, односно Градежниот инспекторат при Општината се запознаени со ваквата состојба и доколку се, дали и какви мерки се преземаат за нејзино решавање?
Во чија сопственост е земјиштето на кое се гради нелегалниот објект?
Бидејќи не станува збор за нов случај, туку за него досега имаше повеќе интервенции од Општината, ве молиме да ни одговорите колку предупредувања и решенија за уривање, како и постапки за уривање на нелегалниот објект се извршени од Општината изминатите години?
Зошто Општина Центар не може да утврди кој е инвеститорот што ја гради нелегалната градба?
Кој е временскиот рок во кој надлежните служби на Општина Центар треба да постапат за отстранување на објектот доколку инвеститорот не го стори тоа?
На одговори од надлежните чекавме две недели. Откако ги испративме прашања, од Секторот за односи со јавност ни беше кажано дека тие се препратени до Градежниот инспекторат при Општина Центар и дека штом испратат одговори оттаму веднаш ќе ги добиеме.

Две недели подоцна единствениот одговор што го добивме, телефонски, гласеше:

„Општина Центар нема одговор“.

Во меѓувреме градежните активности на „непознатиот инвеститор“ продолжија, иако не се со оној интензитет што го очекувавме.

Дивоградбата нема уште еден кат. Првичниот впечаток беше дека е речиси во истата состојба како од пред две недели, да не беа металните рамки на приземјето за поставување изложни прозорци, од кои речиси половина веќе и беа на своето место.



Ако може да се суди според претходното искуство со оваа дивоградба, тогаш претстои нова одисеја со овој „пиреј“ на Пластичарската улица.

Вниманието на јавноста со оваа дивоградба, според она што може да се пронајде во архивите на интернет, прво беше свртено кон средината на декември 2016 година. Редот на настаните е како пресликан со индиго.

Тогаш медиумите известиле дека Општина Центар, со која тогаш како градоначалник раководеше Андреј Жерновски, спречила да никне дивоградба на аголот на улиците „Самоилова“ и булеварот „Никола Карев“, односно овластен градежен инспектор го затворил градилиштето, со што се стопира градбата.

Претходно пишувал порталот „Порта 3“, кога објектот беше во фаза на ископ, инспекторот донесе решение за враќање во првобитна состојба. Решението никој не го примил, а инвеститорот, кој е непознат, продолжил со градбата, иако нема соодветно одобрение.

Неколкупати на објектот била оставана покана инвеститорот да дојде во Општина Центар, но на ова тогаш не се одзвал никој.

Во меѓувреме динамиката со дивоградбата била идентична со сегашната. Дивоградбата на аголот на булеварот „Никола Карев“ и улицата „Самоилова“, која Општина Центар пред два месеца ја стопира, сега е веќе зграда, пишувал на 13 февруари 2017 година порталот „Сакам да кажам“. Во текстот се посочува дека инспекторите од Центар утврдиле дека објектот е дивоградба во период кога тој сѐ уште бил издигнат над земја. На терен тогаш излегле и инспектори од Државниот инспекторат за градежништво и урбанизам и заеднички констатирале дека се работи за дивоградба на непознат сторител. Општината изготви решение за стопирање на градбата и му наложи на непознатиот сторител да ја отстрани, но два месеца подоцна градбата не само што не е отстранета туку е и порасната, посочува СДК.

Тогаш дошла и најавата од Центар дека се подготвува да ја урне дивоградбата.

На акцијата за уривање се чека речиси два месеци. Рано утрото на 4 април 2017 година во 3:30 часот Општина Центар, со асистенција на екипи на Министерството за внатрешни работи, ја урна дивоградбата помеѓу улиците „Самоилова“ и „Никола Карев“. При уривањето искршени биле делови од столбовите и последната плоча на објектот.

Ниту утрото на 4 април 2017 година на местото на дивоградбата не се појавил инвеститорот на објектот кој, како што пишува СДК, и тогаш останал непознат и покрај претходната најава од Жерновски дека покрај тоа што ќе го урнат дивоизградениот објект од инвеститорот ќе бараат одговорност и за тоа што не го почитувал решението за стопирање на градбата.

https://360stepeni.mk/pirej-divogradbata-na-plasticharska-ostanuva-bauch-za-opshtina-tsentar/

од твитер

ОПШТИНА ЦЕНТАР НЕ ЗНАЕ КОЈ ЈА УРИВА ДИВОГРАДБАТА НА ПЛАСТИЧАРСКА, ЖИТЕЛИТЕ ВЕЛАТ ПАК ЌЕ СЕ ГРАДИ НА ДИВО НА ДРЖАВНО ЗЕМЈИШТЕ



Со градежни машини и работници се урива дивоградбата на Пластичарска улица на државно земјиште, но никој не знае кој и зошто ја урива. Станува збор за дивоградба помеѓу улиците Никола Карев и Самоилова, која пред 6 години, односно во април 2017 ја уриваше Општина Центар затоа што за објектот немаше издадено градежна дозвола и се градеше на диво. Ни тогаш не се дозна кој е сопственик на дивоградбата.

Граѓани од околните куќи на улицата Самоилова стравуваат дека објектот кој беше разрушен пред 6 години се урива за да се почне повторно да се гради на диво.

„Станува збор за државно земјиште и наместо Општината да го реши проблемот и на тој потег да се изгради катна гаража бидејќи на Пластичарска нема паркинзи па секој паркира кај ќе стаса, се дозволува самоволие. Убедени сме дека објектот се урива за повторно да се дигне дивоградба. Ниту негде има табла, ниту некој кажува зошто токму сега се урива објектот. Се повторува истата слика од пред 6 години“, велат граѓани од соседството кои се јавија во нашата редакција.

Од Општина Центар во 2017 не дознаа која го гради објектот, ниту пак сега знаат кој и зошто го урива. Трошоците за уривање што ги направи Општината останаа непокриени бидејќи немаше кому да му се достави фактура.

„Надлежен испектор излезе на терен и констатирано е дека објектот за кој постои решение за уривање уште од 2017, се урива. Не знаеме кој го урива. За тоа локација нема издадено никаква градежна дозвола“, велат од Општина Центар.

Дивоградбата на Пластичарска во 2017 се уриваше со асистенција на полиција во 3 часот наутро од страна на фирма која на тендер беше избрана од Општина Центар. Решението за уривање беше издадено уште кога објектот беше во фаза на ископ, но никој не го примаше и објектот си продолжи да се гради, беа кренати столбови и поставена плоча за првиот кат. Општината тогаш не го сруши целосно објектот туку само го разурна и го остави така да стои. Не беше ниту откриено кој го градеше објектот.

https://sdk.mk/index.php/dopisna-mrezha/opshtina-tsentar-ne-znae-koj-ja-uriva-divogradbata-na-plasticharska-zhitelite-velat-pak-ke-se-gradi-na-divo/

https://skopje1.mk/archives/177286

Затворивме градилиште на улица „Христо Чернопеев“ бб на Водно.

Постапувајќи по службена должност, овластен градежен инспектор на Општина Центар на инвеститорот на објектот му издаде решение за итен прекин на градежните активности и отстранување на градбата.
Доколку инвеститорот во предвидениот рок не ја отстрани градбата, истото ќе го стори општината, со што трошоците за извршувањето ќе паднат на товар на инвеститорот.
Апелирам до сите инвеститори и сопственици на нелегални објекти, да ги почитуваат издадените решенија за отстранување на објекти, затоа што во спротивно, општината присилно ќе ги отстрани, а трошоците за отстранувањето ќе паднат на товар на инвеститорите, односно сопствениците.





https://www.facebook.com/photo?fbid=367479788725803&set=pcb.367479922059123

инаку кровот виси така полураспаднат со години, не е од сега... имаше случај каде покривот скроз беше откорнат од ветер па го крпеа нешто, па сега виси вака

Не е во Скопје ова, ама не е тешко да се најде вакво нешто

Силен ветер во Скопје откорна дел од покрив од зграда во Аеродром



https://kanal5.com.mk/silen-veter-vo-skopje-otkorna-del-od-pokriv-od-zgrada-vo-aerodrom/a523849

Зградата е со нерегулирани правни односи, можда и дивоградба да е сеуште нелегализирана, и никој нејќе да вложи денар.

Кондово, дивоградба на сред шума- Општина Сарај бара уривање на објектот



Ова е најновиот пат кој води до шумата во село Кондово. Патот е отворен неодамна, но не се знае од кого. Сечени се и дрвја, а жителите од оваа област до редакцијата на ТВ21 пријавија дека над нивните куќи има многу прашина од копањата направени во последно време.

Жителите на с. Кондово се жалаат дека се копа патот за камења во нивната шума, но состојбата на терен е поинаква. Како што видовме и ние, почнало да се гради викендичка.

Поставено е железна арматура и е подготвено местото за поставување на бетонска основа, но таму денеска не се работеше. Градежните работи се во прекин а во близина имаше истоварени тули. Жителите се пожалиле и до општина Сарај, од каде велат дека Градежниот инспекторат на општината веднаш излегол на терен и констатирал дека се работи за дивоградба и узурпација на државно земјиште.

„На 16.02.2022 Инспекторатот за градежништвово излезе на терен и констатираше дека е узурпирано државно земјиште, оштетена е шумата и има дивоградба. Подготвен е записник и донесена е одлука за уривање на објектот. Во постојан контакт сме со МВР, Државниот инспекторат на шумарство и другите институции“, велат од општина Сарај.

Од општина Сарај велат дека го следат случајот одблиску и делуваат според законските надлежности и обврски, а додаваат дека жителите се жалеле дека се плашат од можните поплави од дожд.
Од снимките на ТВ21 се гледа дека во шумата се изградени и неколку други куќи.

https://mk.tv21.tv/kondovo-divogradba-na-sred-shuma-opshtina-saraj-bara-urivane-na-objektot/