Безбедност во македонските градови (општо)

Се намалува бројот на убиства, во Скопје лани регистрирани се 8

Бројот на убиствата веќе неколку години по ред се намалување, а толку мал број на убиства не се регистрирани ниту еднаш во последниве 25 години, соопшти денека Министерството за внатрешни работи.

Во 2012 година биле регистрирани 28 дела, а лани намалувањето изнесува за 29 проценти или 20 кривични дела убиство, а убиени биле 22 лица. Најголем број убиства досега е регистриран во 2003 година – 75.

Лани најмногу убиства се извршени на подрачјето на Скопје - осум, потоа по две во Штип, Тетово и Куманово и по едно во Радовиш, Кратово, Велес, Демир Хисар, Гостивар и Кавадарци. Досега се расветлени 15 убиства, а се уште останаа нерасветлени пет убиства, сите извршени на подрачје на Скопје.

Жртви на овие кривични дела биле 22 лица, од кои 15 од машки и седум од женски пол. Во два случаи се работи за двојни убиства, односно лишени се од живот по две лица. Најмладата жртва годинава било осумгодишно дете, кое е убиено од страна на неговиот татко, додека најстарата жртва е 71-годишна старица усмртена од нејзиниот син.

По извршување на четири убиства, сторителите си го одзеле животот (три од овие убиства се извршени во кругот на семејството од блиски роднини на жртвата).

Што се однесува до мотивите за извршување на убиствата, најголем број од нив, односно седум се извршени во кругот на семејството, поради нарушени меѓусемејни односи (тројца татковци лишиле од живот два сина и една ќерка, син-мајка, сопруг-сопруга, едно братоубиство, а едно лице, кое било психички растроено си ги убило својата мајка и сестра). Две убиства се извршени поради претходно настанати расправии, по едно поради нерасчистени имотно-правни односи помеѓу соседи, при извршување на разбојништво и на кражба, соопшти МВР.

http://www.mkd.mk/crna-hronika/se-namaluva-brojot-na-ubistva-vo-skopje-lani-registrirani-se-8

Чинам дека ваква нишка е повеќе од потребна...

БЕЗБЕДНОСТ ВО ГРАДОВИТЕ: Скопје со најмногу, а Велес со најмалку криминал

Педесет проценти од целокупниот криминал се случува во Скопје. Во текот на првите девет месеци на 2013 година на територијата на Република Македонија се регистрирани вкупно 21.444 кривични дела, говорат податоците на Министерството за внатрешни работи.

Главниот град убедливо води по стапката на криминалитет во државата. Според податоците на МВР, на подрачјето на СВР-Скопје во првите девет месеци од минатата 2013 година регистрирани се 11. 466 кривични дела. Кражби, тепачки, нарушувања на јавниот ред и мир, сите можни кривични дела што биле извршени се опфатени во ова бројка, појаснуваат од МВР.

Вкупниот број кривични дела очекувано е најголем на подрачјето на Скопје бидејќи е најголем град, но и бидејќи најголем број од граѓаните живеат или поголем дел од времето го поминуваат го главниот град – велат од МВР.

Центар со најмногу, Драчево со најмалку криминал. Секое трето кривично дело е извршено на територијата на Општина Центар. Таму евидентирани се 2.896 кривични дела до крајот на ноември минатата година.

Тешки кражби и разбојништва се најчестите кривични дела, а станови, куќи, продавници, но и граѓани се најчестата мета на сторителите на овие дела. До крајот на ноември 2013 година пријавени се 2.658 имотни деликти што претставува намалување во споредба со 2012 година, кога се регистрирани вкупно 3.397 кривични дела. Мало намалување постои и во однос на прекршоците за нарушување на јавниот ред и мир, при што до крајот на ноември регистрирани се 690 прекршоци, а за цела 2012 година таа бројка изнесувала 743.

Гледано по податоците од полициски станици во Скопје, по Центар, втора по „развој“ на криминалот е Гази Баба каде што за првите девет месеци од минатата година биле направени 1.754 кривични дела. Потоа следи Аеродром со 1.477, Карпош каде што се пријавени 1.424 дела. Во Чаир и во Бит Пазар полициските станици регистрирале 1.152, односно 1.126 кривични дела. На територијата на Скопје, најмалку кривични дела биле направени во Драчево каде што во полициска станица пријавени се 395 кривични дела.

Велес со најмалку кривични дела

На ниво на Македонија, пак, најмалку криминал има на подрачјето на СВР-Велес. Во текот на првите девет месеци од минатата година во овој дел од земјава регистрирани се 788 кривични дела. Од СВР-Велес велат дека и во иднина ќе ја промовираат превентивната функција на полицијата.

Безбедносната проценка што ја имавме за 2013 година се покажа како точна, односно, поставеноста на службите по време и по место согласно проблематиката на теренот даде позитивни резултати во смисла на успешно справување со сите безбедносни предизвици на кои наидовме – вели Анита Стојковска, портпарол на СВР-Велес.

Воспоставениот систем на интерресорната комуникација, координацијата и соработката во борбата против сите облици на криминалитет, прекршоците и асоцијалните однесувања доведе до висок степен на откривање, расветлување и документирање на кривичните дела, со што се постигнаа позитивни резултати во остварување на безбедносната функција од страна на Секторот, додаваат оттаму.

Втор регион по присуство на криминалот во Македонија, по Скопје е Битола, но со десетпати помалку регистрирани кривични дела. Според статистиката на МВР во Секторот за внатрешни работи на Битола пријавени се 1.733 кривични дела. На трето место е СВР-Куманово каде што се регистрирани единаесет кривични дела помалку отколку во СВР-Битола или за девет месеци бројката изнесува 1.722.

Иако полициските билтени се преполни со кражби во куќи и станови од кои голем дел се случуваат во западна Македонија според пријавените кривични дела во СВР-Тетово регистрирани се 1.598 кривични дела, во СВР-Охрид 1507. Од источниот дел најмногу криминал има на подрачјето што го опфаќа Секторот за внатрешни работи во Штип, каде што се заведени 1.411 дела, а во СВР-Струмица 1075.

http://www.telegraf.mk/aktuelno/87410-bezbednost-vo-gradovite-skopje-so-najmnogu-a-veles-so-najmalku-kriminal