Бучава

Луѓе, што правиме со агресивните кафе барови никнати на приземје на станбени згради, посебно сега здивени за заработка поради ковид кризата? Мора да почнеме граѓанска иницијатива да се сменат законите за да се заштитат луѓето што живеат во околина, како прво (нафрлам работи) да не може сопственикот на локалот (кој може си живее на друго место и му е битна само киријата што ќе му ја плаќаат) да го издаде на угостители ако нема согласност од Куќниот совет, потоа ако веќе има кафе бар на приземје, да мора според закон да ја почитува станбената зона во која се наоѓа, на пример да нема звучници надвор, или после 21ч да не смее да пушта музика а гостите на отворениот дел да мора да бидат или тивки или да си заминат, или да влезат внатре за да не вознемируваат. Зошто, има кафе барови и кафе барови: некаде има културни гости, некаде се собираат дечишта, пијаници и сл., што урлаат. Друго, да се бара мерењето на ниво на бучава да биде бесплатно а не ако не е над дозволеното ниво тој што пријавил уште и да плаќа. Мерењето во станбените простории да не биде со затворени прозори - тоа е глупост - јас во својот дом сакам да имам слобода да отворам прозор, посебно во лето, без да ме измачуваат звуци од кафе бар. За да се забављаат 30тина души и газдата да заработи паричка плус, сите што живеат во околина мора да затвараат прозори, да плаќаат за заградување на терасите, итн итн..А, да, создаваат и додатен сообраќај од гостите кој исто прави бучава и додатна гужва... - некако закониве и прописите а и постапувањето на институциите, се повеќе во корист на угостителите. Па уште кога ќе прочитам по коментари под некоја пријавена ковид - журка, тоа трешти музика, пијани луѓе викаат, и некој „интелигентен“ ќе пише - остајте ги луѓето да се забавуваат
Кај многу од угостителите свеста за околината е таа, ниска, и плус се штитат едни со други, имаат здруженија за заштита на правата на угостителите па мислам дека и ние како граѓани треба да дигнеме повеќе прашина околу проблемов, да пишуваме, притискаме по институции, да бидеме упорни!

Бучавата непријател број два за скопјани

Патниот сообраќај е најдоминантен извор на загадување со бучава, а во урбаните центри на бучава се изложени повеќето од луѓето. Транспортниот сектор во и надвор од урбаните средини во Европа е главна причина за ваков вид загадување. Според Светската здравствена организација, бучавата од сообраќајот е втор најголем проблем во животната средина во Европската Унија, по загадувањето на воздухот. Процената е дека 100 милиони Европејци се погодени од штетните нивоа на бучава од патниот сообраќај, односно дека се изложени над европскиот праг од 55 децибели во текот на денот и 50 децибели во текот на ноќта. Од овие 100 милиони, 32 милиони се изложени на многу високи нивоа на бучава од над 65 децибели. Како резултат на ваквата изложеност на бучава, секоја година во Европа има најмалку 10.000 случаи на предвремена смртност.

Сообраќајната бучава станува и дел од секојдневието на поголемите градови во Македонија, особено во Скопје. Сообраќајните експерти веќе советуваат како може да се намали интензитетот на сообраќајната бучава врз граѓаните и препорачуваат примена на одредени мерки. Неодамна вакви мерки беа презентирани во Скопје и во Битола, а презентациите беа организирани како дел од кампањата за подобра животна средина „Не игнорирај! Реагирај!“, која ја реализираше Институтот за комуникациски студии. Кампањата беше финансирана од британската амбасада во Скопје.
За утврдување на нивоата на бучава од патниот сообраќај, беа извршени мерења на две селектирани локации во Скопје. Опфатени беа локации со интензивен сообраќај во центарот на градот, но пред сè оние видови објекти што се чувствителни на бучавата, како што се болници, училишта и станбени зони. Мерењето беше направено кај Градската болница, потоа на улицата Дрезденска пред основното училиште „Војдан Чернодрински“ и кај Педагошкиот факултет. Мерењето го изведоа студенти од Отсекот за сообраќај и транспорт од Техничкиот факултет од Битола.

– Мерењето на бучавата беше изведено во претпладневниот и попладневниот шпиц на секоја од локациите. Треба да се истакне дека во самиот тек на мерењата се забележа дека во бучавата доминантни се патничките возила, поради нивната многубројност во однос на другите категории возила. Појавата на товарните возила, автобусите и мотоциклите во сообраќајните текови придонесуваше за краткотрајни, но интензивни осцилации во висината на измерената бучава. Исто така, повисоки нивоа на бучава беа измерени и од самите патнички возила во фаза на забрзување или движење со повисока брзина. Добиените резултати од сите мерни места беа обработени и беше изведена споредба со ограничувањата според постојниот Правилник за гранични вредности за нивото на бучава во животната средина. Резултатите покажаа дека на секоја од мерните локации, максималните вредности се далеку поголеми од дозволените, а на одредени локации, беа измерени максимални вредности од 111 децибели, односно двапати поголеми вредности од дозволените граници. Ваквите резултати потврдија дека проблемот со бучавата од патниот сообраќај е присутен и во нашите урбани области и дека е неопходно да се селектираат, препорачаат и спроведуваат соодветни мерки за намалување и контрола на бучавата – објасни д-р Бети Анѓелеска, доцентка на Техничкиот факултет во Битола.

За намалување на бучавата кај Градската болница се предложени комбинација од мерки како замена на сигнализираната крстосница на улиците 11Октомври, Даме Груев и Филип Втори Македонски со кружна крстосница, потоа смирување на сообраќајот со поставување лежечки полицајци со пневматско перниче или со заоблен горен дел на улицата Филип Втори Македонски. Експертите сметаат дека сообраќајната бучава ќе се намали и на улицата Дрезденска, ако се смири сообраќајот со ограничување на брзината на 30 километри на час или ако тоа се направи со поставување издигнати пешачки премини пред ОУ „Војдан Чернодрински“, Педагошкиот факултет и објектот на Катастарот за недвижности. За истата цел може да се ограничи сообраќањето на товарните возила во текот на денот и за нив да се забрани сообраќајот во вечерниот/ноќен период. Некои од економски прифатливите мерки, како што се редукциите на брзината или забраната за товарните возила, може да се применат многу брзо. Според сообраќајните познавачи на состојбите, плановите за реконструкција на патиштата треба да бидат тесно координирани со плановите за развој на сообраќајната мрежа и со плановите за одржување на сообраќајниците. Инвестирањето во проекти исто така е клучно за намалување на сообраќајната бучава.

Бучавата претставува мешавина на разни звуци со различен број треперења во одредено време. Загадувањето со бучава негативно влијае врз квалитетот на урбаниот живот. Сообраќајната бучава го опфаќа секој звук што влијае врз психичката и врз физичката состојба, така што ја попречува и ја смалува продуктивноста на работа, предизвикува вознемиреност и стресни реакции, го оневозможува одморот и им штети на здравјето и на расположението. Изложеноста на повисоки нивоа на бучава доведува до предвремена смртност, кардиоваскуларни болести, когнитивни нарушувања, нарушувања на спиењето, хипертензија и на крајот вознемиреност и сериозни психички нарушувања.

https://www.novamakedonija.com.mk/makedonija/skopje/бучавата-непријател-број-два-за-скопј/?fbclid=IwAR3AdHOhEvO2zNNcg_wwUKuymOs3Jr1MeAXyAMThom7iHebEe3WrE4w41XQ

Градежната бучава им го одзема мирот на граѓаните

Скопје е град што изминативе години е зафатен од градежна експанзија. Постојано се градат нови станбени објекти, a сите тие градежни активности секојдневно создаваат бучава. Ова урбана врева веќе почна да им пречи на локалните жители во тие градежни зони. Поголем е проблемот на оние што живеат со бучава повеќе години во низа, каде што се градат згради една по друга.

Во градовите има многу извори на бучава, а тука веројатно најпрвин ќе се вброи онаа од сообраќајот и од индустријата. Истражувањата покажуваат дека изложеност на урбаната бучава може да предизвика сериозни нарушувања на здравјето на луѓето. Некои скопјани веќе се жалат на урбаната бучава од градежните активности, а други имаат на ум своите поплаки да ги достават усно или писмено и до своите општини за да побараат некаква контрола и мерење на бучавата, колку е таа и до каде законски е дозволена. Таков е примерот со дел од жителите на Кисела Вода, во делот на средното економско училиште „Васил Антевски-Дрен“, кои се жалат на бучава предизвикана од градежни активности во поголемиот дел од денот. Велат дека периодов немаат мир и од соседските градежни активности за реновирање и градење. Не е поинаку ниту во другите населби каде што градежниците воопшто не водат сметка за бучавата или за зачувување на околината од загадување, прашина и од други отпадни материјали.

– Скоро секој ден слушам од зградите во околината некакво чукање, брмчење, разни звуци допираат до нас. Три години едноподруго нема мир, завршија една зграда, почнаа друга, па трета и така секој ден живееме со бучава. Ако случајно не работат работниците, тогаш соседите прават нешто со бормашина. Не е прегласно секогаш, но е постојано и во поголемиот дел од денот. Ова е особено лошо во овие топли денови и летово кога не можеме да бидеме со затворени прозорци преку ден – се пожали жителка од Кисела Вода.

Од општината Кисела Вода, пак, велат дека во изминатиов период до општината нема доставено пријави од граѓани за бучава предизвикана од градежни активности, но тврдат дека има законски утврдени гранични вредности до каде може да оди таа.
– Граничните вредности на основните индикатори се утврдени со правилник за граничните вредности на нивото на бучава во животната средина, донесен во 2008 година. Истите тие се дефинирани според степенот на подрачјето во кое се мери бучавата. Граничните вредности се движат: за подрачје од втор степен од 45 до 55 децибели, во зависност од периодот во денот. За подрачја од трет степен од 55 до 60 децибели исто така во зависност од периодот во денот. Граѓаните можат да пријават бучава во општината или во текот на 24 часа во Министерството за внатрешни работи – информираат од општината Кисела Вода.

Од општината Карпош, пак, појаснија дека според Законот за заштита од бучава во животната средина, проектот за изградба на зграда треба да предвидува како да се контролира бучавата, дали се исполнети посебните услови и мерки во врска со стандардите за заштита од бучава. Тие стандарди и ограничувања мора да се содржани во самиот проект.

– Ние не можеме да ја мериме бучавата на отворен простор. Но граничните вредности за станбен простор се 35 децибели. Досега имаме добиено четири-пет поплаки од граѓани за бучава при изградба на два-три градежни објекта во Тафталиџе и во Козле. Од општината Карпош се направени контроли, инвеститорите се предупредени дека мораат да ги почитуваат ограничувањата во согласност со добиеното одобрение за градба – тврдат од општината Карпош. Оттаму дополнуваат дека граѓаните, во секое време, може да пријават во општината Карпош и да поднесат барање за увид во бучава од градежни активности. Според Законот за заштита од бучава во животната средина за правните лица што не преземаат мерки за заштита од бучава, предвидена е глоба од 3.000 евра, додека за физичко лице глобата изнесува 500 евра.

Хроничното изложување на прекумерна бучава го оштетува слухот
Бучавата создадена од градежните активности може да влијае на квалитетот на здравјето. Хронично или повторено изложување на звуци до или над 85 децибели може да предизвика губење на слухот, се наведува во „Ерт џурналисм нетворк“. Додека градската бучава може да изгледа неизбежна, дури и најгустите и најактивни места можат да преземат чекори за ограничување на бучавата. Многу градови и држави имаат закони со кои се ограничува бучавата во станбени области, сепак, овие закони некогаш тешко се спроведуваат. На пример, кај нас се вршат неколку мерења со кои се утврдува дали има бучава што ги надминува вредностите.
– Нашите инспектори излегуваат на самото место и во разговор со инвеститорот му изрекуваат усна опомена, да го почитува дозволеното ниво на бучава. Доколку бучавата и натаму продолжи, се ангажира фирма што врши две до три мерења на бучавата, и доколку тие покажат надминување, поточно, бучавата е надвор од границите на дозволеното, следува парична казна во согласност со Законот за прекршоци – нагласуваат од општината Карпош.

https://www.novamakedonija.com.mk/makedonija/skopje/градежната-бучава-им-го-одзема-мирот-н/

Originally posted by phenomenon Originally posted by Jelena Здраво на сите Во моментов се борам да се фокусирам да истипкам еден факен пост, затоа што сум под тортура на брусалицата и швајц-апаратот на комшијата. Звукот не остава без спиење и мене и сопругот, особено затоа што работиме само 2ра смена до доцна во ноќта, а наутро почнуваат механичариве. Буквално се претворивме во зомбија. Имено, живеам на 4ти спрат, во реновиран стан (стиропор 5ка одвнатре, надворешни зидови со полна тула од старите згради и Salamander дограма, 5коморно стакло). Во дворот на зградата, некој од соседната зграда (мислам дека се татко и двајца синови, плус пајташи шо се берат на ракија) си има направено квази-механичарска гаража (не знам дали е дозволено) и по цел ден (празник-делник-викенд) работи и тропа. Инсталирав фонометар на мојот телефон, на 4ти спрат со прозорец на кипање мери врева од 69 децибели. Лаик сум и не знам, ама 69 децибели ми се многу. Исто така, не знам како да постапам и каде да пријавам. Ве молам за помош. Што да правам? Пробај да ставиш дебели теписи на подот, тешки завеси на прозорците и таписерии по ѕидовите.

Здраво, пред се дебелите теписи и завеси нема на никаков начин да помогнат за бучавата од надвор, само ќе фрлате пари.
Ако навистина сте измериле 69 децибиле внатре (иако со телефон е доста непрецизно) со конкретен акустичен третман на зидот може да се спуштите до кај најмногу 50децибели, што е огромна разлика, но сепак не знам дали тоа ќе ве задоволи.
Ако сте заинтересирани за поконкретни информации слободно пишете, тоа би подразбирало вадење на стиропорот од внатре (кој нема никакви фонозолациски својства, туку само термички) и правење на акустичен контраѕид од внатрешна страна.
Исто така профилот саламандер е со 5 комори, прозорот е сигурно дупли, со една комора, но не верувам со добри фоноизолациски својства.
Во секој случај најдобро би било да се обратите прво директно кај комшијата и да најдете разбирање, ако не потоа во општина и полиција евентуално да направат пријава за нарушување на ред и мир, плус човекот сигурно работити на диво, може и финансова полиција да му викнете ќе се вразуми...

69 децибели се страшно многу, не ѕнам дали можеш да пријавиш, најдобро самите да го решите проблемо со добра изолација. Бидејќи вревата доаѓа однадвор може да се спречи со добри прозорци (1 ). Е сега, знаме дека е лето, нема смисла да бидете во затворени простории кога е мн топло, но што да се праљви. Поголем проблем е вравата која доаѓа преку ѕидовите, таа потешко се спречува. Со теписи може малку да се намали, но не премногу. Ако не е добро избедена уште во изградба звучната изолација тешко се поправа накнадно

Здраво на сите
Во моментов се борам да се фокусирам да истипкам еден факен пост, затоа што сум под тортура на брусалицата и швајц-апаратот на комшијата. Звукот не остава без спиење и мене и сопругот, особено затоа што работиме само 2ра смена до доцна во ноќта, а наутро почнуваат механичариве. Буквално се претворивме во зомбија.

Имено, живеам на 4ти спрат, во реновиран стан (стиропор 5ка одвнатре, надворешни зидови со полна тула од старите згради и Salamander дограма, 5коморно стакло).

Во дворот на зградата, некој од соседната зграда (мислам дека се татко и двајца синови, плус пајташи шо се берат на ракија) си има направено квази-механичарска гаража (не знам дали е дозволено) и по цел ден (празник-делник-викенд) работи и тропа.
Инсталирав фонометар на мојот телефон, на 4ти спрат со прозорец на кипање мери врева од 69 децибели.
Лаик сум и не знам, ама 69 децибели ми се многу.
Исто така, не знам како да постапам и каде да пријавам.

Ве молам за помош. Што да правам?

Originally posted by edikojsi Supervisor, бидејки имаш искуство, доколку знаеш да ми одговориш - дали мислиш дека држи да се жалам кај инвеститорот зошто голем дел е и негова кривица? од купатилото ненормално се слуша во спална, а младичот кога ќе се прибере нели мора да се истушира пред спиење. зградата е пуштена пред 3-4 години, не е во гаранција, ама дефинитивно звучната изолација не задоволува. постои ли задолжителна документација и мерења дека се задоволени критериуми за бучава пред да се пушти една станбена зграда?

Нема да ти помине тоа. За жал кај нас во однос на тој дел не се води никаква евиденција односно нема правен субјект преку кој ќе може да си направиш повраток на средставата. Половина Скопје а 90% од новите згради се изградени за евтини пари и не обезбедуваат квалитетни услови. Квалитетен станбен објект не е по тоа какви плочки и прозорци има. Туку токму звучната и топлинска изолација пред се. Секако и статиката. Па потоа вратите, прозорите и плочките. Сите што живееме во станови ги слушаме комшиите и тие нас, ти кажав ако ти е слаба изолацијата немаш многу избор ама па во стан не очекувај голема приватност и кај мене не е најидеално практично така е во стан. Со полиција гледај да завршиш работа околу музика и поголема секојдневна бучава другото мора да го трпиш ако веќе немаш алтернатива за живеење.

Да ви кажам како да се справите бидејќи и јас лично се имам справувано со вакви слични работи.
Прво и основно полиција. Значи се обраќате во полиција за нарушување на јавен ред и мир. Неколку пати по ред ќе пријавувате и ќе ги викате и кај вас дома не само кај комшијата на врата, да слушнат бучава. Ќе побарате во станица да пишете записник и да испратат инспектор кој ќе мери со апарат и после тоа ќе следуваат прекршочни пријави значи со пари директно на сметка кај комшијата.
Една работа однапред да ви кажам, бидете упорни и дрски со ваквите несовесни граѓани и тоа по секоја цена. Ако полицијата не реагира вие нема што да се замерувате со полицијата или па ако имал тој некој пријател, само телефонот во МВР во секторот за внатрешна контрола. Или па директно таму. Значи пак ви велам, бидете упорни и одете до крај.
Ако мислите дека ќе се замерите знајте и дека е тоа најглупата помисла која ќе ве спречи да одите до крај и затоа нема да завшите. Со ваквите копуци извинете на збор веќе сте замерени уште од првиот момент кога сте го сретнале. Такада само дрско.
Јас ваков проблем решив многу едноставно, директно на врата кај комшијата на премногу дрзок начин му се појавив и човекот од тогаш си е мирен како бубица. Не се замарав со полиција ама и не сум прекршил закон па да се пресметувам физички. Меѓутоа доволно дрско за да види со кој си има работа. Се работеше за постар фамилијален човек, несовесен и безобразен ама среќа се сретна со побезобразен и спремен на се за разлика од него. Запамтете една работа а тоа е дека само посилниот оди до крај, многумина кај нас не се замараат поради тие причини да не се замереле и не знам што значи ќе ви повторам само дрско прво по закон видете што можете да направите и бидете упорни.

Edited by Supervisor - 15-Mar-2013 at 15:15

Jas bi se priklucil kon ovaa diskusija
ziveam vo stan na prvi sptat a pod mojor stan se otvori kafe bar koj kontinuirano preci prvenstveno na moeto semejstvo no i na site stanari vo zgradata. Znaci ne stanuva zbor samo za glasna muzika tuku i na kontinuirano extremno pusenje pod mojte prozori ( bidejki vnatre vo kaficot e zabranetopo zakon), a vo mojot stan kontinuirano mirisa ( smrdi ) na chad koi moite deca sekojdnevno go cuvstvivaat.
Iako donekade se pocituva rabotnoto vreme so sopiranje na muzikata vo 12 casot no sepak gostite mene mi galamat i se derat podprozor do 2-3 casot bidejki nikoj ne im zabranuva da sedat i bez muzika.
Probavav da se spravam so gazdata no toj mi vika jas imam dozvola mene toa mi e biznis i tolku.Dali jas imam problem ili dali nekoj trpi steta dodeka toj pravi pari toa voopsto ne go zanima. Da nezboram deka stanot go kupiv pred 7 godini vo nova zgrada i plativ mnogu pari i krediti za istiot a sega nemozam niti da go prodadam i da se iselam od tuka bidejki nikoj nema da go kupi so kafic pod nego.
Ocekuvam da mi kaze nekoj dokolku znae ima li nacin da se spravam so ova, kad da se obratam i koi moze da mi pomogne, ili da stavam kluc na vrata i da se iselam od tuka i da odam pod kirija i pokraj toa sto imam stan so cel da go zacuvam mirot i zdravjeto na moite dve malometni deca.
Blagodaram

bali975, доколку не ја расчистиш ситуацијата легалистички, секогаш можеш проблемот да го решиш со подобра звучна изолација. Разгледај ја оваа тема на форумот, можеби ќе најдеш корисни информации применливи во твојот случај:

http://www.build.mk/forum/forum_posts.asp?TID=747