Тагови: Архитектонско студио Платформа, Грант Торнтон, Драмски театар, ЗИМ, Културни, Монтимпекс Инженеринг, Скопје, Театри, Тендери и лицитации

Доколку се тече според планираното, изградбата на театарот би требала да почне за 9 месеци, а парите за проектот треба да се обезбедат од независен инвеститор.

Министерството за култура ќе учествува со земјиштето на сегашниот театар.

„На надворешниот инвеститор обврската е да го изгради она што е драмскиот дел и делот за Драмскиот театар, и она што е останато, да го најде и сопствениот интерес“, рече Бранко Ѓорчев, директор на Драмски театар.

Модерно идејно решение за новата зграда на Драмскиот театар креирале четворица архитекти од фирмата „Платформа“, кои ќе добијат награда од 400.000 денари. Емил Јегени, Елена Икономов, Јасна Милојковиќ и Билјана Стојменовска се авторите чиј проект вчера го промовираа дел од членовите на комисијата за избор на идејно архитектонско решение - Мартин Пановски и Мишко Ралев. Други два проекта се откупени, а Министерството за култура ги награди со по 100.000 денари. Во следната фаза, ќе се избере основен, па главен проект, според кој ќе се гради театарот. Избраниот проект предвидува 350 седишта и 150 во галерија.

http://www.dnevnik.com.mk/?ItemID=3B2E7CDC1B9E924C8180BC46A2F5533C

Идејното решение за новата зграда нуди модерен, софистициран изглед

Избрано најдоброто идејно решение

Идејното решение предвидува зграда, висока 30 метри (шесткатница), од кои приземјето и првите два ката се наменети за Драмски театар

Вчера во просториите на Драмскиот театар во Скопје во стариот објект кој и по долги најави се уште е на ниво на привремен, беше промовирано идејното решение на новата зграда на Драмскиот театар која, конечно, ќе го реши прашањето за сместување на најпосетениот скопски театар.

Комисијата во состав архитектите: Мартин Пановски и Мишко Ралев, како и членовите Билјана Ќулавковска од Министерството за култура и Искра Казиева и Бранко Ѓорчев во својство на директор на Драмскиот театар се одлучија за идејното решение под шифра 006 на "Платформа ДОО", предложено од архитектите Емил Јегени, Елена Икономов, Јасна Милојковиќ и Билјана Стојменовска.

Идејното решение предвидува зграда, висока 30 метри (шесткатница), од кои приземјето и првите два ката се наменети за Драмски или како што ни рече Ѓорчев, приближно 3000м2 над површината и уште 1000м2 под површината на зградата. Тоа во сооднос со сегашната зграда е речиси за сто отсто повеќе.
- Првонаградениот труд се издвојува заради рационалната организација на функционалните групи во рамките на комплексната програма и впечатливото надворешно обликување. Театарските содржини се функционално распоредени, со јасна комуникација на деловите за публика, со деловите за актери и персонал, се вели меѓу другото во образложението на Комисијата за избор на најдобро идејно решение. Првонаградените за своето решение ќе добијат награда од 400.000 денари во нето износ.

Од понудените девет колку што се пријавија на конкурсот уште две решенија добија по 100.000 денари и тоа на авторите Јован Ивановски, Владимир Десков, Горан Мицковски, Елена Пазарџиевска и Ивана Топаловска и на авторот Лилјана Кик.