Градоначалникот на Град Скопје, денеска, на дел од жителите од улицата „Првомајска“ во Општина Кисела Вода, симболично, им ги додели првите од вкупно 60 илјади пластични канти за отпад наменети за индивидуалните домаќинства во Скопје.

- Овие 60.000 пластични канти за отпад со капацитет од 120 литри, Градот Скопје, ќе им ги подари на индивидуалните домаќинства, со што уште еднаш ќе ги покаже своите заложби за почист град, за почисто Скопје. Вредноста на овој проект е околу 900 илјади евра, пари обезбедени како кредит од Светска банка, со помош на Владата на Република Македонија, истакна Градоначалникот Трајановски.

Градоначалникот Трајановски додаде и дека со бесплатната распределба на овие канти за отпад до индивидуалните домаќинства во нашиот град значително ќе се подобри комуналната хигиена, ќе се зголеми опфатот на собирањето на отпад на подрачјето на градот Скопје и ќе се подобри системот на собирање и транспортирање на отпадот.

Кантите за отпад се со капацитет од 120 литри, со тежина од околку 9 килограми и висина од околу 1 метар и се опремени со две висококвалитетни тркала со компактни ребрасти гуми. Кантите се во согласност со пропишаните меѓународни стандарди (EN 840 - 1,5,6) и се изработени од висококвалитетен полиетиленски материјал отпорен на температурни промени, UV радијација и хемиски влијанија.Бојата на кантите за отпад е темнозелена, а на предната страна е изгравиран Грбот на Град Скопје.

На денешниот настан присуствуваше и Министерот за финансии, Зоран Ставревски, којшто ја објасни процедурата за набавка на кантите.

- Финансиските средства за набавка на 60.000 пластични канти во износ од 883.584 евра се обезбедни со кредитното задолжување од „Светската банка“ кон Република Македонија во рамките на „Проектот за подобрување на општинските услуги“, а како Подзаем преку Владата на Република Македонија односно Министерството за финансии кон Град Скопје. Временскиот рок за отплата на кредитот изнесува 9 години со грејс период од 3 години, рече Ставревски.

Пластичните канти за отпад преку Јавното претпријатие „Комунална хигиена“-Скопје ќе бидат бесплатно поделени и дистрибуирани на членовите на индвидидуални домаќинства. Кантите за отпад се набавени од грчката компанија „Хелеси“, која победи на спроведениот меѓународен тендер под покровителство на „Светската банка

Градот Скопје Ве поканува на промоција на новите жичани контејнери за ЈП „Комуналана хигиена“ којашто е закажана за утре /15.04.2011 година, петок/ во 11:00 часот во Рециклажниот двор на ЈП „Комуналана хигиена“, кај бензинската пумпа на Макпетрол на булаевар Илинден.

На промоцијата ќе присуствува градоначалникот на Град Скопје, Коце Трајановски.